هذا الموضوع مرتبط بـ Galaxy Note 8.0 N5100

بدون عنوان

haythm

2014-02-26 (01:53:58AM)

السلام عليكم
الجهاز عندى بيسخن من الجانب الشمال حتى لو كان الاستخدام بيسط زى الفيس مثلا لمده 10 دقائق ولو المده زادت الاقى النص الشمال للجهاز كله سخن ولو بلعب لعبه كبيره فى الحجم زى asphalt8 الاقي النص الشمال بيسخن اكتر ؟
حد عنده المشكله دى ولا انا لوحدى ؟
ارجو الرد

haythm

2014-02-27 (10:15:33PM)

اوك بعت لحضرتك رساله علي الواتس اب

ArchieDeacon

2014-02-27 (01:43:21PM)

بص يا هيثم كلمنى فايبر أو واتس أحسن من هنا ، ورقمى على البروفايل بتاعى

haythm

2014-02-26 (08:53:26PM)

وياريت كمان تقولى اي الي بيقي فى الجهه الشمال للجهاز وبيبقي حجمه كبير وواخد مساحه طوليه هل هو البروسيسور ولا ic او حاجه تانيه زى الرامات . والحاجه دى لو انا غيرتها على حسابى متعرفشى تكون فى حدود كام ؟
ومعلشى اذا كان تعبتك معايا

haythm

2014-02-26 (08:15:12PM)

معتقدكش انهم هيوافقوا على تغيره لانهم اصلا بيقولولى ان السخونيه دى عاديه وكل مره يعملوا سوفت وخلاص حتى تانى مره مادوتهلهم واما جيت استلم الجهاز منهم لقيتهم عملوا سوفت بس زى المره الاولى قولتلهم انا هجرب الجهاز قدامكم وقعدت وشغلت الفيس لمده 10 دقائق فالجانب الشمال سخن وقولتله شوفت اهو سخن قالى ماانت شغال بايدك اليمين وماسكه بايدك اليمين وايدك دافيه قولته حاضر همسكه باليمين وشغلته نص ساعه وكان الجهاز سخن وقولتله اهو سخن وانا ماسكه من ايدى اليمين فلقيته خده وحطه على خده وقالى ده عادى ده انت بقالك ساعه شغال . المهم انهم بيماطلوا مع الواحد فاما زهقت منهم وقولتلهم انا سالت كزا حد معاه الجهاز والجهاز مش بيسخن معاه فقالى هاتلى جهاز زيه مش بيسخن .
فالحل انى اجبلهم جهاز زيه ويشتغل لمده 10 دقائق علشان يقتنعوا انه بيسخن سخونيه مش طبيعيه .
فانت archiedeacom متعرفش حد من القاهره معاه نفس الجهاز يجى معايا ويشغل الجهاز ادامهم علشان يقتنعوا ويغيروا البروسيور وانا تحت امر الى يوافق يجى معايا فرع الصيانه i2_storse فرع 10 عمارت العبور صلاح سالم . بدل ماالجهاز يبوظ منى

ArchieDeacon

2014-02-26 (07:50:22PM)

إنت هاتسألهم فى الضمان لأنه كدة عيب صناعى فى الجهاز السخونة دى غلط عليه مستقبلا .، وممكن بعد إنتهاء مدة الضمان يضرب ic أو حاجة تتحرق لقدر الله بسبب الشخونة المرتفعة دى .، وده كدة يبقى عيب تصنيع وإنت من حقك تستبدله بواحد تانى من التوكيل جديد .، والفرق ده اللى هاتدفعه هايبقى فرق إستخدامك شهرين للجهاز زى مابتقول .. وممكن ماتدفعش حاجة خالص . أنا بقول جايز ياعنى لو طلبوا فلوس 200 جنيه أو 300 جنيه مثلا كحد أقصى وللا حاجة بس تبقى إنت فى المضمون والسليم ، وربنا معاك وتنحل إنشاء الله

haythm

2014-02-26 (06:53:55PM)

معلشى اى حكايه ان يغيرولى الجهاز بواحد تانى وادفع فرق بيسط انا الى اعرفه انى ممكن اغير الجهاز بواحد تانى بعد شرائه ب 14 يوم بدون مقابل بس لازم يكون فيه فاتوره ضريبيه وعيب صناعى اما انا جهازى دلوقتى عدى عليه اكتر من شهرين . لو عندك معلومات عن الحكايه الى بتقولها دى انى ادفع فرق واغير الجهاز قولهالى .

ArchieDeacon

2014-02-26 (05:57:42PM)

لا لا لا ده كدة جهازك فيه مشكلة يا معلم ، ولازم تخرب عليهم فى التوكيل عشان بتوع الصيانة دووول بيستعبطوا جدا .. أنا عندى مع الشغل المتواصل على الألعاب زى أسفلت 8 والنت والفديوهات وكل ده ساعات بقعد ب 4 ساعات متواصل شغل ، والجهاز كبيره خالص 28° ، 29° ده كدة فى الأيام دى ياعنى ، لما يبقى مولع وحاسس بسخونيته آلاقى درجة الحرارة وصلت كدة .. لكن عمرها فى الأيام دى ماعدت ال 30 ، ممكن فى الصيف فى الحر توصل ل 37 أو 38 درجة ، بس ده عشان الحر وكدة ، ودرجة الحرارة عندى فى الوقت العادى والإستخدام الخفيف 22 و 25درجة بس كدة ، وخلى بالك درجة حرارةالجهاز لو وصلت ل 40 هى دى بس اللى لازم تسيبه ساعتها يرتاح شوية .. ولحد 40 مش ضارة على الجهاز ، لكن لو على كلامك كدة .. هاتعمل إيه فى أيام الحر اللى جاية الجو بيبقى صهد أصلا حتى لو قاعد فى تكييف ، وماينفعش الحرارة تفضل عالية على طول ، وهو فعلا البطارية فى الجنب اليمين من الشاشة وإنت شغال كدة ، والبروسيسور والرام و الأيسهات كلها على شمال الشاشة بالطول ، كدة ممكن تكون مشكلة فى البروسيسور وللا حاجة عشان السخونية دى ، لو ينفع حاول معاهم لو إستمرت المشكلة ، خليهم يغيروا ليك الجهاز بواحد تانى وممكن تدفع فرق بسيط .

haythm

2014-02-26 (04:33:14PM)

وياريت تقولى بيسخن معاك من انهى جانب ؟ وبعد اد اى شغل ؟ واد اى السخونيه ؟

haythm

2014-02-26 (04:27:38PM)

انا عندى برنامج DU BATTARY بيقيس درجه حراره البطاريه وبتكون 37 او 38 بعد حوالى ربع ساعه استحدام الفيس بوك ب 3G . وانا وديت الجهاز مرتين لصيانه الضمان وكل مره يعملولى سوفت وير وانا سالتهم اى الموجود فى الجزء الشمال قالولى ده البروسيسور والبطاريه موجوده فى اليمين . يعنى كده السخونيه من البروسيسور مش من البطاريه لان الجزء الشمال بس هو الى بيسحن اما اليمين بيفضل بارد .
والصيانه بيقولولى ان ده عادى مع ان الموضوع السخونيه ماكنش بيحصل معايا فى اول شهر ونصر بعد الشراء .
وقولتلم انى سالت كزا شخص معاهم الجهاز وقالولى ان الجهاز مش بيسخن مع الاستخدام البيسط وبيسخن فقط مع الاستخدام القوى المستمر لفتره طويله فردوا عليا بان اجيبلهم اى جهاز تانى علشان يقارنوا السخونيه ببعض

بجد مش عارف اعمل اى فى بتوع الصيانه دوم ....

ArchieDeacon

2014-02-26 (08:34:46AM)

بص يا هيثم ، ياريت حضرتك تنزل برنامج Cpu_Z أو برنامج Battry HD ,، وتقولى درجة حرارة الجهاز بتوصل معاك لكام .. أنا عندى بالشغل التقيل قوى المتواصل بيسخن بس مش بالدرجة دى .. النوت 8 تقيمى له أروع جهاز أندرويد مش بيسخن إطلاقا مع الشغل الجامد ،

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 8.0 N5100

مقارنة

Android
8.0″

8.0 بوصة
3G

2G / 3G
5 MP, 25...
4600mAh

Li-Ion 4600 mAh, غير قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy Note 8.0 N5100

Android

8.0″

3G

5 MP, 25...

4600mAh