haythm

احدث المشاراكات

• 2014-09-22 (03:10:14PM) Samsung Galaxy Note 8.0 N5100

  لو سمحتوا ممكن حد يساعدني من الي معاهم الجهاز ده
  اما باجي اعمل الاختبارات للجهاز *#0*# واختار gripsensor شاشه سوده فيها كلمه relase
  المفروض يحصل اي تاني لاني جربت الحكايهه دي علي تاب 10 بوصه ومع تحريك وتميل الجهاز عمل فيبريشن والشاشه تحولت للون الاخضر بس عندي علي النوت مافيش حاجه حصلت
  ممكن من الناس الي عندها الجهاز ده يجربوا الحكايه دي ويقولولي حصل اي في الجهاز ؟وشكرا

---

• 2014-02-27 (10:15:33PM) Samsung Galaxy Note 8.0 N5100

  اوك بعت لحضرتك رساله علي الواتس اب

---

• 2014-02-26 (08:53:26PM) Samsung Galaxy Note 8.0 N5100

  وياريت كمان تقولى اي الي بيقي فى الجهه الشمال للجهاز وبيبقي حجمه كبير وواخد مساحه طوليه هل هو البروسيسور ولا ic او حاجه تانيه زى الرامات . والحاجه دى لو انا غيرتها على حسابى متعرفشى تكون فى حدود كام ؟
  ومعلشى اذا كان تعبتك معايا

---

• 2014-02-26 (08:15:12PM) Samsung Galaxy Note 8.0 N5100

  معتقدكش انهم هيوافقوا على تغيره لانهم اصلا بيقولولى ان السخونيه دى عاديه وكل مره يعملوا سوفت وخلاص حتى تانى مره مادوتهلهم واما جيت استلم الجهاز منهم لقيتهم عملوا سوفت بس زى المره الاولى قولتلهم انا هجرب الجهاز قدامكم وقعدت وشغلت الفيس لمده 10 دقائق فالجانب الشمال سخن وقولتله شوفت اهو سخن قالى ماانت شغال بايدك اليمين وماسكه بايدك اليمين وايدك دافيه قولته حاضر همسكه باليمين وشغلته نص ساعه وكان الجهاز سخن وقولتله اهو سخن وانا ماسكه من ايدى اليمين فلقيته خده وحطه على خده وقالى ده عادى ده انت بقالك ساعه شغال . المهم انهم بيماطلوا مع الواحد فاما زهقت منهم وقولتلهم انا سالت كزا حد معاه الجهاز والجهاز مش بيسخن معاه فقالى هاتلى جهاز زيه مش بيسخن .
  فالحل انى اجبلهم جهاز زيه ويشتغل لمده 10 دقائق علشان يقتنعوا انه بيسخن سخونيه مش طبيعيه .
  فانت archiedeacom متعرفش حد من القاهره معاه نفس الجهاز يجى معايا ويشغل الجهاز ادامهم علشان يقتنعوا ويغيروا البروسيور وانا تحت امر الى يوافق يجى معايا فرع الصيانه i2_storse فرع 10 عمارت العبور صلاح سالم . بدل ماالجهاز يبوظ منى

---

• 2014-02-26 (06:53:55PM) Samsung Galaxy Note 8.0 N5100

  معلشى اى حكايه ان يغيرولى الجهاز بواحد تانى وادفع فرق بيسط انا الى اعرفه انى ممكن اغير الجهاز بواحد تانى بعد شرائه ب 14 يوم بدون مقابل بس لازم يكون فيه فاتوره ضريبيه وعيب صناعى اما انا جهازى دلوقتى عدى عليه اكتر من شهرين . لو عندك معلومات عن الحكايه الى بتقولها دى انى ادفع فرق واغير الجهاز قولهالى .

---

• 2014-02-26 (04:33:14PM) Samsung Galaxy Note 8.0 N5100

  وياريت تقولى بيسخن معاك من انهى جانب ؟ وبعد اد اى شغل ؟ واد اى السخونيه ؟

---

• 2014-02-26 (04:27:38PM) Samsung Galaxy Note 8.0 N5100

  انا عندى برنامج DU BATTARY بيقيس درجه حراره البطاريه وبتكون 37 او 38 بعد حوالى ربع ساعه استحدام الفيس بوك ب 3G . وانا وديت الجهاز مرتين لصيانه الضمان وكل مره يعملولى سوفت وير وانا سالتهم اى الموجود فى الجزء الشمال قالولى ده البروسيسور والبطاريه موجوده فى اليمين . يعنى كده السخونيه من البروسيسور مش من البطاريه لان الجزء الشمال بس هو الى بيسحن اما اليمين بيفضل بارد .
  والصيانه بيقولولى ان ده عادى مع ان الموضوع السخونيه ماكنش بيحصل معايا فى اول شهر ونصر بعد الشراء .
  وقولتلم انى سالت كزا شخص معاهم الجهاز وقالولى ان الجهاز مش بيسخن مع الاستخدام البيسط وبيسخن فقط مع الاستخدام القوى المستمر لفتره طويله فردوا عليا بان اجيبلهم اى جهاز تانى علشان يقارنوا السخونيه ببعض
  
  بجد مش عارف اعمل اى فى بتوع الصيانه دوم ....

---

• 2014-02-26 (01:53:58AM) Samsung Galaxy Note 8.0 N5100

  السلام عليكم
  الجهاز عندى بيسخن من الجانب الشمال حتى لو كان الاستخدام بيسط زى الفيس مثلا لمده 10 دقائق ولو المده زادت الاقى النص الشمال للجهاز كله سخن ولو بلعب لعبه كبيره فى الحجم زى asphalt8 الاقي النص الشمال بيسخن اكتر ؟
  حد عنده المشكله دى ولا انا لوحدى ؟
  ارجو الرد

---

• 2013-12-09 (07:28:58PM) Samsung Galaxy Note 8.0 N5100

  ياجماعه هو الى انتم بتقولوا عليه لونه بنى قصدكم لون بنى فاتح ولا بنى غامق
  وهل فى مصر منه لون اسود غامق ولا مافيش

---

• 2013-11-03 (03:42:35PM) Samsung Galaxy Note 8.0 N5100

  ياجماعه انا جبت وصله ال otg ب 10 ج
  وركبتها فى الجهاز وركبت فيها فلاشه فبيقولى ان ال usb متوصل يس الفلاشه مش بتظهر عندى
  اعمل اى علشان اجيبها وهل ليها برامج علشان تظهر ولا اى
  ياريت الناس الخبره ترد عليا

---

• 2013-10-26 (07:41:50AM) Samsung Galaxy Note 8.0 N5100

  بس مكتوب عليه انه بيدعم الراديو fm

---

• 2013-10-25 (04:37:24PM) Samsung Galaxy Note 8.0 N5100

  ياجماعه هو مش المفروض انه فيه راديو
  انا مالقتش فيه راديو خالص او يمكن انا مش عارف اجيبه
  الى عنده الجهاز يرد عليا فى النقطه دى لانى محتاج الراديو

---

• 2013-10-24 (06:35:23AM) Samsung Galaxy Note 8.0 N5100

  طب الى شوفته على اليوتيوب كان الفيس مفتوح من برنامج اى اصل لو مفتوح من برنامج الفيس بوك فده عادى
  اما انا بسال لو انا فتحته من برنامج تانيه زى chrome او firefoxe هل برده هيظهرلى زى مابفتح من الفون ولا هيظهرلى زى صفحه الاب توب ؟
  ياريت اهل الخبره والى معاهم الجهاز ده وجربوه يقولولنا

---

• 2013-10-23 (08:39:25PM) Samsung Galaxy Note 8.0 N5100

  السلام عليكم
  انا نويت اجيب الجهاز ده بس فى شويه اساله
  هل انا لما اجى افتح صفحه الفيس منه هل هتظهرلى صفحه الفيس زى مابتظهر فى الفون ولا هتظهرلى زى مابتظهر اما افتح من الابتوب ؟
  ده هتفرق معايا جدا
  ثانى سؤال هل اجيبه بضمان ولا لا ؟
  وهل تفرق الفاتوره الضريبيه فى الضمان اما اجى اودى الجهاز التوكيل لو حصله حاجه ولا مش مهم الفاتوره الضريبيه ؟
  مستنى ردكم

---