بدون عنوان

للرجوع الي صفحة سامسونج Galaxy Note 3 الرئيسية اضغط هنا

HishamElmasry

2013-12-02 (08:04:21AM)

زي ما انتو عارفين انا جيب الجهاز مافيش اسبوع وكنت قايلكو على السخونية بتاعت الجهاز..
دلوقتى انا ماكملتش اسبوع مشترية.. وهنج معايا كذا مرة ..هنج هنج يعنى لدرجة انى بفك البط ارية واركيها تانى....ده غير انى اول ما بشغل اي لعبة 5دقايق درجة الحرارة بتوصل على طول 36

حد يقولى اعمل ايه؟؟؟؟؟؟ اروح ارجعو ولا اعمل ايه

AliAfify

2013-12-02 (08:19:22AM)

جهازى هنج إمبارح برضه , وبطاريته سيئة من يوم ما جبته من أسبوع وفى شوية مشاكل كمان , وهدخله النهارده بإذن الله حماية مستهلك ( ضمان 14 يوم ) وبصراحة قفلت منه خالص , لدرجة إنى بفكر أبيعه علطول أو ما أغيره !!

ZWINKY

2013-12-02 (09:35:06AM)

لا حد يرد عليهم بقة عشان انا كدة قلقت

أحمد محمد

2013-12-02 (11:53:55AM)

أولا : الجهاز لو هنج و وقف متشيلش البطارية !
إعمل force restart ...... إضغط على زرار الباور لمدة 15 ثانية هتلاقي الجهاز عمل ريستارت لوحدة

ثانيا : في برامج بتخلي الجهاز يهنج أحيانا ... زي memory status و دي ملهاش علاقة بالجهاز اللي إنت شايله
و لو إنت منزل برامج كتير يبقى ممكن يكون فيهم برنامج عامل المشكلة دي
غالبا بيبقى برنامج فيه أخطاء كتير
يعني تلاقي السيستم كل شوية يطلعلك رسالة بإن البرنامج توقف فجأة أو إنه لا يستجيب .. إلخ
لو في برنامج بيعمل كده إمسحه و شوف الجهاز هيهنج تاني ولا لأ

لو الجهاز لسة بيهنج أو مفيش برنامج عندك عامل المشكلة دي .. يبقى ده غالبا عيب سوفت وير
ف إتاكد إن مفيش تحديث برامج للسيستم إنت منزلتوش
إفتح نت و إدخل ال settings > more > about phone > system updates
و لو مفيش تحديثات متوفرة ... أو في و محلتش المشكلة

يبقى ممكن سامسونج تحلها مستقبلا لو دي عند ناس كتير
أما لو إنت بس يبقى تودي جهازك الضمان أو تعمله سوفت وير

ثالثا :
بالنسبة للسخونة ال 36 دي متعتبرش سخونة
أنا كان معايا جهاز HTC sensation xe زمان .... و كانت حرارته بتوصل ل 45 درجة
و كان معايا ال xperia pro كان بيوصل ل 42 درجة
و ال s3 مرة وصل معايا ل 43 درجة .... بس هو في العادة مبيعديش ال 38
و ال optimus 4X وصل معايا ل 41 درجة

بس ال 4x ده ليه حوار تاني .... و ممكن يكون هو نفس اللي عندك
كان الجزء المعدن بتاع ال sim card بيسخن جامد جدا
و المستشعر بيقيس حرارة البطارية !
ف كان بيظهرلي حرارته 40 أو 41 بالكتير
لكن هو بيبقى سخن جداااا و تمسكه تقول دي مش أقل من 50 درجة !

ف إتأكد عندك فين الجزء اللي بيسخن ...... البطارية ولا حاجة تانية
و لو طلعت البطارية هي اللي بتسخن يبقى ال 36 دي رقم عادي جداااا مش سخونة خالص

hardtime

2013-12-02 (12:36:13PM)

بص ياباشا ممكن تجاوب لى على كام سؤال وربنا يسهل واقدر اسعدك

1-الرمات عندك كام على كام
2-مسطب كام برنامج
3-اكيد منزل اللعاب كتير بس هل فى اللعاب الجيرافك فيها عالى
4-لما الجهاز بيهنج هل فى حاجة معينة بتجى تعملها بيهنج معاك
يعنى هل بتكون مشغل فبديو ويهنج او شغال على النت ويهنج
وﻻ بتكون بتلعب اى جيمز ويهنج

موضوع السخونية مش تقلق نهائى 36 دى اى كلام
انا كان معاى s3 والله كانت بتوصل معاى 52 والموبيل عادى

ياريت ترد بسرعة علشان نقدر نسعدك
وياريت مفيش اى حد يقلق الموضوع بسيط ان شاء الله

أحمد محمد

2013-12-02 (01:27:51PM)

hardtime
الجرافيك العالي في الألعاب مستحيل يخلي الجهاز يهنج و يوقف خالص
و الرام صعب أوي إنها توقف الجهاز ..... ده أحيانا بيحصل لما الرام المتاحة تبقى أقل من 100 ميجا
و أعتقد ده مستحيل في النوت 3

HishamElmasry
نسيت أقولك إن من أساسيات التعامل مع الأندرويد إنك ترستر الجهاز مرة على الأقل كل 100 ساعة
و لو الجهاز عدى ال 100 تبقى مسألة وقت مش أكتر و يهنج و يقف

عشان تعرف الجهاز شغال بقاله كام ساعة
settings > more > about phone > status