بدون عنوان

للرجوع الي صفحة سامسونج Galaxy Note 3 الرئيسية اضغط هنا

pureman1

2013-11-17 (09:59:33AM)

السلام عليكم ورحمة الله وبركاته
بعد تجربة شهر كامل للنوت 3 بعته ولله الحمد وخسرت فيه مبلغ كبير والحمد لله على كل حال.
المهم خلاصة التجربة شهر للنسخة الثرى جى بضمان محلى N900
حقيقى ندمت انى غيرت من النوت 2 اللى بكل المقاييس كان أفضل من النوت 3 واهم عيبين للنوت 3 هم :
1- سوء البطارية الشديد حيث كنت اقوم بشحنها 3 مرات يوميا عكس النوت 2 اللى كنت بشحنه مرة فى اليوم قبل النوم وبصحى قبل ما اروح الشغل يكون مليان وبيكمل معايا اليوم ل11 بالليل وبطاريته 10% تقريبا اما النوت 3 فبطاريته بتخلص على 2 او 3 العصر بالكتير واشحنه وعلى 8 بالليل تفضى واشحنه وقبل ما انام على 12 اشحنه وبقيت مضطر امشى بالشاحن رايح جاى للأسف.
2- الحرارة الزائدة والمبالغ فيها لاسيما فى الألعاب واللى عايز يلعب على الجهاز ده يبقى مش ههيبقى اختيار مناسب اطلاقا لأن الحرارة بتوصل لدرجة انك متستحملش تفضل حاطط صوابعك عالشاشة من السخونية وجربوا لعبة dead trigger 2 وانتوا تعرفوا بنفسكوا.
وأخيرا العيوب دى هيا هيا فى الفور جى برضه عشان الموبايل لسه مع صديقى وبيعانى زى ما كنت بعانى برضه عشان محدش يقول الفور جى مبيسخنتش والكلام الفاضى ده واكتبوا بس فى جوجل note 3 over heating وهتشوفوا معاناة الناس مع الموبايل ده لكل الموديلات ثرى او فور جى وبأكد تانى نزلوا لعبة dead trigger 2 وجربوا تلعبوها نص ساعة بس وشوفوا النتيجة.
ونصيحة لوجه الله يا جماعة اللى معاه نوت 2 ميفكرش يغيره لأن حتى بغض النظر عن البطارية والسخونة ففرق 2000ج حرام مقابل ميزات لا تستحق هذا الفارق اطلاقاً فما فائدة رام 3 جيجا الفارغ منها 200 - 300 ميجا فقط !!!
واللى مجابش يجيب النوت 2 افضل او اس 4 وعن نفسى معايا الاس 4 الثرى جى حاليا وهو رائع ومحدثه بالسوفت 4.3 والبطارية تدوم يوم كامل والسخونة فى حدها المعقول.
ده رأيى بأمانة عن تجربة شخصية مع احترام كل الآراء.

returnoo

2013-11-17 (10:25:02AM)

كلام ممتاز

Sonmez

2013-11-17 (11:05:41AM)

ممكن اعرف حاجة انت بتقول ان النوت 3 بتفضي بطاريتة علي 2 او 3 الصر ويفضي شحنة وتشحنة تاني علي 8 بليل

عاوز وتقولى انك شحنتة من 3 الصر لغاية 5 مثلا عشان البطارية تفضي ف 3 ساعات

بصراحة مش مصدق وكلام مش منطقي

returnoo

2013-11-17 (11:16:36AM)

pureman1
غلبت ااقول الكلام ده والله
لوجه الله عشان ما حدش ينغش وينخدع
فعلا مكنش حيفهمنى غير حد زيك جرب الاتنين
اتمنى من كل واحد مر بنفس التجربة زينا يتكلم يا ريت
عشان زميلنا ما يتخدعوش فى المبالغات
شكرا للزميل الفاضل الى اتكلم عن تجربة مش جايب كلام وقراءات مواقع

blackangel

2013-11-17 (12:05:24PM)

احساس كل واحد نفسه يتشرى الفون لما يدخل هنا افكاره كلها تبوظ وتتشتت
مع احترامى لكل الناس وكل الاراء الى مع النوت 3 والى ضده
بس المشكله ان الى مش اشترى النوت ونفسه يشتريه دلوقتى بقة قلقان ومش عارف يصدق مين
واكيد مش هصدق حد واكدب التانى وبجد انا محتار فى ناس تقول انه وحش وناس تقول انه جهاز جبار
طب المفروض ان انا اعمل ايه لو عاوز اشتريه
انا عن نفسى قررت انى استنى الاس 5 على شهر يناير وأمرى لله الوقت كدة كدة بيجرى بسرعه بدل ما اجيبه واندم وفى نفس الوقت لو فى شهر يناير لقيت ان النوت فعلا حلو واحلى من الاس 5 هشتريه واهو يبقة ارخص من كدة بكتير انا مش شايف حل تانى غير دة وياريت الناس الى مشترتش النوت تقول هى حاسه بايه وهتعمل ايه ّ!!!

AliAfify

2013-11-17 (12:09:59PM)

Pureman1
دي السلبيات وفي الغالب بتكون نسبية ( بالنسبة لموضوع السخونة والبطارية)
بس للحيادية لازم تقول علي الايجابيات ، ولا الجهاز ده ملهوش ايجابيات !!؟

pureman1

2013-11-17 (12:13:12PM)

الاخ سوميز : لما الموبايل بيفضى على الساعة 2 الضهر بيبقى الشحن من 20-30% وبشحنه وقبل ما امشى من الشغل على 4 بيكون كامل تقريبا لأن البطارية بتتشحن من الصفر ل 100% فى ساعتين وربع وبالتالى شحن 80% بياخد حوالى ساعة ونص .
وبالتالى على الساعة 4 موعد انصرافى من العمل وانا فى الطريق مروح بستخدمه فى الباص وانا راجع وعلى الساعة 8 كدا بيكون 30% تانى اشحنه ل9 مثلا وكمل بيه لحد قبل ما انام وقبل ما انام شاحنه واصحى الصبح يكون كامل.
ده اللى بيحصل بالظبط.
وعموما اكتب بس فى جوجل note 3 battery performance وشوف شكاوى الناس وكذا الحرارة.
وانا مليش استفادة غير نفع الاعضاء ليس أكثر.

pureman1

2013-11-17 (12:21:51PM)

الاخ AliAfify : اكيد الجهاز ليه ايجابيات بس صدقنى مع عيبين زى دول بتتلاشى اى ميزات لأن الجهاز بيتحول من مصدر متعة الى مصدر عذاب.
وعلى فكرة الجهاز فيه عيوب أخرى انا مكلمتش عنها لأنه يمكن التغاضى عنها لكن العيبين دول قاتلين.