بدور علي ايه؟ اكتب رقم موديل الموبايل الابدور عليه
pureman1
احدث المشاراكات
-
2013-11-18 (09:46:22AM) Samsung Galaxy Note 3
انا بعت الموبايل خلاص ومش هقدر أجيب اى صور منه.
وعشان الناس اللى واخدة الموضوع بحساسية وجاى على كرامتها تستريح.
انا مقولتش حاجة والموبايل جبار وبيعد 36 ساعة شغل شاق وبطاريته بتتشحن مرة فى الاسبوع ولا عمره بيسخن ومفيش قبله ولا بعده.
لما ده حالنا واحنا مجرد مستهليكن للتكنولوجيا اومال لو كنا بننتجها بايدنا كنا عملنا ايه !!
حقيقى احنا لسه بدرى علينا فى طريق الديمقراطية وعمرنا ما هنتقدم لأدام بالفكر ده!.
كلامى انتهى على الموبايل ده تماما ومش هكلم فيه تانى.
استودعكم الله -
2013-11-17 (05:57:56PM) Samsung Galaxy Note 3
بصراحة يا اخي انا مش عايز اظن سوﺀ في حد بس اللي بيتعمل هنا كتير اوي.
في كل المنتديان زي gsmarena وغيره تلاقي كل واحد يقول رأيه ايجابذ او سلبي وماوش دعوة بحد لكن هنا تلاقي الرأي السلبي تاعب بعض الناس بطريقة غريبة جدا وزي ميكون جي علي كرامته !!!
كل واحد ليه رأيه بناﺀ علي تجربة شخصية ومتسخرش من اي حد صاحب رأي لمجرد انه خالفك لانك متعرفش صاحب الرأي ده ممكن يكون حد اكبر منك سنا او فاهم عنك ومش انت اللي تحكم عليه بدون ما تعرفه.
انا مثلا واحد استفزني قال انه تلاقيه نوت 1 وهو مش فاهم والشخص اللي زي ده لا يستحق عناﺀ الرد عليه اصلا.
وحد تاني يقولك معنديش الا رد واحد هههههههه وده يدل انه عقله صغير وميعرفش يعني ايه حوار راقي بين مجموعة.
هنقول ايه غير ربنا يهدي الجميع وانا اولهم. -
2013-11-17 (05:43:28PM) Samsung Galaxy Note 3
ولا معاها ولا ضدها انا يهمني الموديل الكويس منا حاليا معايا اس 4 وممتاز والنوت 2 برضه ممتاز لكن النوت 3 هو اللي خيب املي للاسف.
-
2013-11-17 (05:24:11PM) Samsung Galaxy Note 3
فخ ايه يا عم بس !!
متقولوا كلام عدل وبلاش اسلوب السخافة ده.
ده رأي شخصي وانت شايف انه افضل موبايل في الدنيا لمجرد انك جايبه فملكش دعوة برأيي.
وانا عايز اعرف هيا الناس لو اشتروا نوت 3 بناﺀ علي كلامك انت هتستفيذ ايه يعني !!
قول رأيك الايجابي واو حد ليه رأي سلبي ملكش دعوة ببه.
اتعلموا بقي من اراﺀ الناس في صفحة المنتج في gsmardna
ويا ريت تكبروا شوية عشان حاسس ان بعض العقول هنا اخرها 18 سنة للاسف.
-
2013-11-17 (05:17:46PM) Samsung Galaxy Note 3
ردك السخيف ده بيدل علي عقليتك المحدودة!!
قال نوت 1 قال.
ربنا يهديك ويصلح حالنا وحالك. -
2013-11-17 (02:57:23PM) Samsung Galaxy Note 3
اخى returnoo
انا مش عارف ليه بعض الاخوه مصممة على انها تدافع باستماتو عن الموبايل زى ميكون فرد من عيلتها!!
يا جماعة انا قولت وبكرر اعملوا بحث على note 3 over heating وبرضه الناس مصممة ان النوت 3 مفيش قبله ولا بعده واللى يقولك الموبايل قعد يوم و15 ساعة ازاى يعنى اكيد انه عامله ستاند باى طول الفترة كلها لكن انا بكلم على شغل شاق وانا جايب موبايل ب6 الاف جنيه عشان اشتغل عليه شغل شاق مش اقعده جمبى.
خلاصة الكلام : اللى معاه الموبايل ومريحه يحمد ربنا ويحافظ عليه واللى مجابوش راجع نفسك واقرا كويس اوى عالنت وشوف اراء الناس عالمواقع العالمية عشان دول بيقولوا بحيادية دون التعصب للموبايل اللى شايله زينا كدا.
وبالتوفيق للجميع :) -
2013-11-17 (02:35:00PM) Samsung Galaxy Note 3
مبرروك عليك الموبايل رائع وأداء ممتاز وتتهنى بيه ان شاء الله :)
-
2013-11-17 (01:49:50PM) Samsung Galaxy Note 3
احييك أخى الكريم على تعليقك.
انا بس نفسى الناس تبطل الدفاع عن الموبايلات زى ما تكون عيالها ، فى الاول والاخر دى موبايلات للمتعة الشخصية ولكل واحد حق تقييم الموبايل بناءً على تجربته الشخصية.
قد تكون تجربتى سلبية مع الموبايل وقد تكون تجربة غيرى ايجابية يعنى عوامل كتير ممكن تفرق من تجربة شخص للتانى ومن اهمها كيفية استخدامه للموبايل.
لكل رأيه وأرجو ان يكون الخلاف من أجل الفائدة العامة دون تجاوز من أحد فى حق أحد وفى النهاية الخلاف فى الرأى لا يفسد للود قضية ونبقى كلنا اخوة :) -
2013-11-17 (01:19:55PM) Samsung Galaxy Note 3
وانت ليه زعلان اوى كدا !!!
انا قولت اللى عندى عايز تصدقه انت حر مش عايز تصدقه برضه انت حر وانا مش هخسر حوالى 700ج فى شهر الا لما تكون عيوب قاتلة زى مكلمت عنها.
وزى ما قلت وبكرر تانى اكتب فى جوجل note 3 overheating او note 3 battery performance وهتشوف كلام الناس بره فى امريكا واوروبا ومعاهم النسخ الفور جى والثرى جى.
وانا كان معايا النوت 2 لمدة سنة وعمرى ما اشتكيت منه وكان موبايل رائع.
اللى عايز يصدق يصدق واللى مش عايز وشايف انه جهازه النوت 3 مفيش زيه ولا قبله ولا بعده ومريحه ربنا يباركله فيه.
بس هو اسوأ تجربة عدت عليا للنوت وانا استخدمت النوت 2 ومن قبله نوت 1 وبستخدم الاندرويد من حوالى 4 سنين واستخدمت فوق ال 15 موديل من موبايلات الاندرويد سشواء سامسونج او ال جى او سونى وحتى نيكسس 4.
اللى هيجيب الجهاز يكون عامل حسابه انه مش للشغل التقيل لكن انا يوزر بستخدم الموبايل بكثرة خاصة فى الطريق من بيتى لشغلى حوالى ساعتين رايح وساعتين جاى فعارف انا بكلمك عن ايه.
تحياتى للجميع. -
2013-11-17 (12:21:51PM) Samsung Galaxy Note 3
الاخ AliAfify : اكيد الجهاز ليه ايجابيات بس صدقنى مع عيبين زى دول بتتلاشى اى ميزات لأن الجهاز بيتحول من مصدر متعة الى مصدر عذاب.
وعلى فكرة الجهاز فيه عيوب أخرى انا مكلمتش عنها لأنه يمكن التغاضى عنها لكن العيبين دول قاتلين. -
2013-11-17 (12:13:12PM) Samsung Galaxy Note 3
الاخ سوميز : لما الموبايل بيفضى على الساعة 2 الضهر بيبقى الشحن من 20-30% وبشحنه وقبل ما امشى من الشغل على 4 بيكون كامل تقريبا لأن البطارية بتتشحن من الصفر ل 100% فى ساعتين وربع وبالتالى شحن 80% بياخد حوالى ساعة ونص .
وبالتالى على الساعة 4 موعد انصرافى من العمل وانا فى الطريق مروح بستخدمه فى الباص وانا راجع وعلى الساعة 8 كدا بيكون 30% تانى اشحنه ل9 مثلا وكمل بيه لحد قبل ما انام وقبل ما انام شاحنه واصحى الصبح يكون كامل.
ده اللى بيحصل بالظبط.
وعموما اكتب بس فى جوجل note 3 battery performance وشوف شكاوى الناس وكذا الحرارة.
وانا مليش استفادة غير نفع الاعضاء ليس أكثر. -
2013-11-17 (09:59:33AM) Samsung Galaxy Note 3
السلام عليكم ورحمة الله وبركاته
بعد تجربة شهر كامل للنوت 3 بعته ولله الحمد وخسرت فيه مبلغ كبير والحمد لله على كل حال.
المهم خلاصة التجربة شهر للنسخة الثرى جى بضمان محلى N900
حقيقى ندمت انى غيرت من النوت 2 اللى بكل المقاييس كان أفضل من النوت 3 واهم عيبين للنوت 3 هم :
1- سوء البطارية الشديد حيث كنت اقوم بشحنها 3 مرات يوميا عكس النوت 2 اللى كنت بشحنه مرة فى اليوم قبل النوم وبصحى قبل ما اروح الشغل يكون مليان وبيكمل معايا اليوم ل11 بالليل وبطاريته 10% تقريبا اما النوت 3 فبطاريته بتخلص على 2 او 3 العصر بالكتير واشحنه وعلى 8 بالليل تفضى واشحنه وقبل ما انام على 12 اشحنه وبقيت مضطر امشى بالشاحن رايح جاى للأسف.
2- الحرارة الزائدة والمبالغ فيها لاسيما فى الألعاب واللى عايز يلعب على الجهاز ده يبقى مش ههيبقى اختيار مناسب اطلاقا لأن الحرارة بتوصل لدرجة انك متستحملش تفضل حاطط صوابعك عالشاشة من السخونية وجربوا لعبة dead trigger 2 وانتوا تعرفوا بنفسكوا.
وأخيرا العيوب دى هيا هيا فى الفور جى برضه عشان الموبايل لسه مع صديقى وبيعانى زى ما كنت بعانى برضه عشان محدش يقول الفور جى مبيسخنتش والكلام الفاضى ده واكتبوا بس فى جوجل note 3 over heating وهتشوفوا معاناة الناس مع الموبايل ده لكل الموديلات ثرى او فور جى وبأكد تانى نزلوا لعبة dead trigger 2 وجربوا تلعبوها نص ساعة بس وشوفوا النتيجة.
ونصيحة لوجه الله يا جماعة اللى معاه نوت 2 ميفكرش يغيره لأن حتى بغض النظر عن البطارية والسخونة ففرق 2000ج حرام مقابل ميزات لا تستحق هذا الفارق اطلاقاً فما فائدة رام 3 جيجا الفارغ منها 200 - 300 ميجا فقط !!!
واللى مجابش يجيب النوت 2 افضل او اس 4 وعن نفسى معايا الاس 4 الثرى جى حاليا وهو رائع ومحدثه بالسوفت 4.3 والبطارية تدوم يوم كامل والسخونة فى حدها المعقول.
ده رأيى بأمانة عن تجربة شخصية مع احترام كل الآراء.
-
2013-11-11 (07:14:30PM) Samsung Galaxy Note 3
انا عارض موبايلي للبيع كسر زيرو ضمان محلي معاه جراب وسكرين بروتكتور ولون اسود ب 5000ج.
-
2013-11-09 (10:40:36PM) Samsung Galaxy Note 3
اها .. شكرا جزيلا يا هانم. :)
-
2013-11-09 (04:35:26PM) Samsung Galaxy Note 3
سؤال الي الاخوة المشرفين :
انا عملت اعلان هنا لبيع نوت 3 الي الان لم ينشر!
لعل المانع خير ؟
اعلانات المستعمل
للبيع سامسونج جالاكسى S4 ضمان محلى
الموديل / S4 I9500
اللون / اسود
الحالة / ممتازة ع...