لو سمحت ارجو الافادة

mohamedanas0122

2014-08-13 (12:34:38AM)

ما الفرق بين Note 3 neo و Note 3 neo Dous ؟؟

وما الافضل

mohamedanas0122

2014-08-14 (03:20:51PM)

تمام

يعنى حضرتك كدة بتنصحنى بالنوت 3 نيو !! وده الانسب للاستخدامات اللى وضحتها لحضرتك ؟؟

عموما انا بشكر حضرتك جدا

وارجو منك ان حضرتك تدورلى على حد بيقسط من المنوفية وجزاك الله خيرا

youssefshabana

2014-08-14 (01:42:14PM)

من وجهة نظري انا النوت 3 نيو افضل عشان انا بحب الشاشات الكبيرة وعشان القلم والبطارية تكون قوية وتكمل معايا اليوم مستريح استخدام تقيل وبردو استخدامي بيكون شوية العاب تقيلة زي asphalt 8 . Gt racing 2 . Spider man 2 :)

وطبعا استخدامي whats app_viber_bbm_facebook

ده بيكون استخدامي بس انا جهازي S4 مش Note 3 Neo

فلو انتا عاوز جهاز يستحمل ويعيش معاك انصحك بالنوت 3 نيو

يهمك الكاميرا اوي ويكون جهاز حجمه معقول وخفيف هات الاس 4

ولو عاوز جهاز احسن وقريب منه في السعر ويكون شكله مميز ومختلف عن باقي التليفونات وافضل منه في الكاميرا والخامات والبروسيسور ويكون سريع جدا ومش بيهنج انصحك بال LG G2 جهاز جبااااااار

mohamedanas0122

2014-08-14 (12:30:43PM)

طيب حضرتك ترشح ليا ايه من وجهه نظرك ؟؟ وطبعا هتقولى على حسب استعمالك انا هقولك بقى استعمالى هيكون ايه

انا مبدئيا كدة داخل جامعه كمان شهر لان انا خريج 3ث 2014
وعايز موبايل شيك وكدة يعنى فى اول سنة

1- عايز موبايل العب عليه جيمز برحتى
2- انا بقعد على الانترنت والفيس كتير
3- موبايل يكون شيك وملفت للنظر
4- عايز موبايل يقعد معايا على الاقل سنتين او 3 ويستحمل
5- كاميرة معقولة بتطلع صور جيدة جدا
6- افتح عليه اكثر من تطبيق والموبايل يفضل سريع وميكونش مهنج او بطىء

تقريبا ده كدة استعمالى

youssefshabana

2014-08-14 (10:20:55AM)

ﻷ يا باشا انا قلت بعض الناس بيشتكوا انه بيسخن مش كلهم وحتي اللي بيشتكوا من السخونية بتبقي عندهم طبيعية جدا يعني بتوصل 36:38 درجة ودي طبيعية جدا ومش بتأثر علي الجهاز

وفعلا كلامك مظبوط بس ده يا باشا لو السخونية عالية يعني لما بتوصل 45:50 درجة وكمان لو ده بإستمرار يعني لو مش بتقل ساعتها يبقي غلط علي الجهاز ومفيش حد معاه الجهاز اشتكي انه بيوصل للحرارة دي

وعلي فكرة يا باشا مشكلة السخونية اتحلت في الاس 4 من زمان بعد نزول اندرويد 4.3 والجهاز معايا علي فكرة وبيسخن بس سخونية عادية بردو يعني يوم لما يكون الجو حر اوي وفيه شمس بيوصل ل 40 درجة لكن مع الاستخدام العادي والجيمز وكده ويكون مش معرض للشمس بيوصل 36:37 درجة بالكتير ومن غير استخدام بيوصل 29:30 درجة وفي الشتاء طبعا بتكون اقل من كده :)

ينفع تحمل راديو من Google Play عادي بس مش بيشتغل غير بالنت

والله يا باشا انا معرفش مكان فيه تقسيط في المنوفية للأسف :(

هدورلك ولو لقيت هارد عليك علطول ان شاء الله :)

mohamedanas0122

2014-08-14 (04:37:04AM)

لو سمحت انا عارف ان انا تعبتك معايا :D بس معلش استحملنى

دلوقتى حضرتك بتقول ان الجهاز بيسخن بسرعه ده انا سبت ال S4 علشان من ضمن عيوبه انه بيسخن بسرعه
وبيتهيالى السخونة بسرعه دى بتاثر ع الجهاز لان فى لحمات دقيقة جوا البورده والجهاز نفسه

وبالنسبة للراديو مفيش اى حاجة اقدر اشغل عليها الراديو برنامج مثلا لان انا بحب اتابع احمد يونس من ع الموبايل راديو وكدة يعنى :D

وهل حضرتك تعرف حد بيقسط انا من المنوفية ومعايا 2500ج وبيتهيالى الموبيل ب 3250 انا هكون كملت المبلغ خلاص نص شهر بس انا مستعجل وكدة يعنى موبايل جديد بقى :D فهل في حد بيقسط ؟؟

youssefshabana

2014-08-13 (06:16:53PM)

والله لغاية دلوقتي مشوفتش حد بيشتكي منه بس بعض الناس بتشتكي انه بيسخن شوية مع الاستخدام وده طبيعي واداء الكاميرا متوسط بالليل ومفهوش راديو بس اغلب الناس اللي معاهم الجهاز مش بتشتكي منه خالص الحقيقة

شوف يا باشا

الاس 4 افضل في ان فيه حساسات اكتر والكاميرا بتاعته افضل واخف وانحف ومعالج الرسومات افضل شوية وشاشته افضل

لكن النوت 3 نيو بيتفوق في البروسيسور وصافي الذاكرة الداخلية وشاشته اكبر والقلم ومميزاته الكتير وبطاريته اقوي بفرق مش قليل

وانا رأيي الشخصي ان النوت 3 نيو افضل بس اللي بشريحة واحدة

mohamedanas0122

2014-08-13 (01:17:10PM)

طيب لو سمحت ما هى عيوب النوت 3 نيو ؟؟

وما الافضل نووت 3 نيو ام S4 ؟؟

وجزاك الله خيرا

youssefshabana

2014-08-13 (12:38:09AM)

الفرق ان البروسيسور ومعالج الرسومات افضل في النسخة اللي بشريحة واحدة

فطبعا الأفضل اللي بشريحة واحدة

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy Note 3 Neo

مقارنة

Android
720 x 1280 pixels, 5.5 inches (~267 ppi pixel density
3G

2G / 3G
8 MP, 32...

مزيد من المعلومات

الموبايلات

لو سمحت ارجو الافادة

التسجيل بالموقع

دخول الاعضاء

معلومات سريعة عن Samsung Galaxy Note 3 Neo

Android

720 x 1280 pixels, 5.5 inches (~267 ppi pixel density

3G

8 MP, 32...