بدون عنوان

للرجوع الي صفحة سامسونج Galaxy Fit S5670 الرئيسية اضغط هنا

mr_mash2010

2011-12-25 (07:54:09PM)

انا نزلت التحديث بتاع الجينجر بريد 2.3.4 بس انا حاسس ان الجهاز مش سريع ولا حاجة زي ما الاس بتقول كمان شايف ان شكل الموبايل الأول كان افضل ( يعني مثلا نافذة مشغل الموسيقى فى الاصدار الاقدم كان شكلها احسن من الوقتي ) كمان لقيت ان مساحة الهاتف الداخلية قلت عن الأول مازادتش ولاحاجة يعنى المساحة عندي حالياً 144 ميجا وانا مش منزل اي برامج على الهاتف غير برنامج واحد حجمه 2.5 ميجا في حين ان ذاكرة الهاتف في الاصدار الاقدم كانت بتبقى 160 ميجا ياريت حد من الناس اللي عملو التحديث لموبايلهم يساعدوني ولو كان في رووم معين ممكن انزله ويكون بيدعم العربي ياريت الرابط بتاعه

mostafa_googo

2011-12-25 (10:41:13PM)

اولا الجهاز مش هيكون اسرع على فكرة .. بس الروم الجديد بيحل مشكلة البطارية الى بتخلص بسرعة اوى + انها برضه بتخفف من سخونية الجهاز لما تشحنه او تلعب عليه .. ملحوظة مساحة الجهاز 180 ميجا .. بالنسبة للرومات التانية هو فيه رومات كتيرة اجنبية وتقدر تعربها .. بس غير مرخصة + فيها عيوب كتير .. وبتشيل ضمان الجهاز ... يعنى لازم تنزل الروم الاصلى .. لو حصل حاجة فى الفون وحبيت توديه الضمان ..

mr_mash2010

2011-12-25 (11:37:27PM)

طب يا مصطفى مافيش رووم تاني مرخص ويكون بيدعم العربي وفي نفس الوقت يعطيني مساحة داخلية اكبر للهاتف وياريت كمان لو حضرتك تعرف برنامج غير Go Launcher ممكن يغير شكل النوافذ من جوه لان الـ Go Launcher بيغير شكل الخلفية والأيقونات فقط

mostafa_googo

2011-12-25 (11:47:20PM)

صراحة مفيش بس اصبر شوية يمكن ينزلنا روم الايس كريم هيقى جامد اوى لو نزلنا ..
تانى حاجة انا جربت كل الانشرات بصراحة مفيش احسن من لانشر برو ... بيصغر حجم الايكونات تقدر تغير ايكوناته وتغير حاجات كتيرة اوى فيه ... خبقى انزلك صور من موبايلى .. للتوضيح

asdfglkjhg

2011-12-27 (06:41:24PM)

جينجر بريد فعلاً ابطأ شوية من فرويو عشان بيستهلك رامات اكتر لكن المفروض ان الانتقالية بتاعته تحس انها طبيعية وسلسة أكتر وتقدر تشوف ده على أى تليفون راماته أكبر شوية كمان جينجر بريد أحسن لأن فيه ميزات للتطوير أفضل زى مثلاً تقدر تعمل من الكمبيوتر tether وتخش من جينجر بريد عالنت من خلال واى فاى كمبيوتر لكن فرويو مابيسمحش بكده وعن تجربة كمان جينجربريد بيشغل برامج أكتر وأحدث لأن فرويو مع الوقت هينتهى دعمه سواء للرومات المطبوخة أو البرامج

asdfglkjhg

2011-12-28 (07:33:34PM)

لو عاوز تعمل شبكة واى فاى وانت معندكش راوتر لازمك:-
1- لابتوب أو جهاز كمبيوتر فيه خاصية الوايرلس ويكون داخله نت طبعاً
2-حمل برنامج Connectify من هنا

3-هتسطب البرنامج عادى وتشغله هتكتب باسوورد الشبكة اللى انت عاوزه وتتك Start.
4-هتفتح الوايرلس فى الموبايل هيكشف الشبكة اتصل بيها هيطلب منك الباسوورد بتاع الشبكة دخله وعيش يا معلم .

تلك الخدمة مخصصة للأعضاء فقط