بدون عنوان

للرجوع الي صفحة سامسونج Galaxy Fit S5670 الرئيسية اضغط هنا

SOOOMY

2011-11-03 (11:57:35AM)

ياجماعه انا جاهله تمامااااااااااااااااا بنظام الاندرويد ده
وجالى الموبايل ده من اسبوعين وولا فاهمه فيه حاجه بس تعليقاتكوا بتقول انه كويس بس انا اخد عليه وهيبقى تمام ان شاء الله
بس اكتر حاجه قفلانى منه قصة الرسايل اللى برا ع الديسكتوب دى
بجد محتاجه حد يقولى حل ليها

hitman1990

2011-11-03 (12:19:14PM)

والله الاندرويد نظام سهل جدا جدا وانت فزتى بموبايل روعه الف مبروك عليك والنطام استعمالة سهل بس محتاج تعود اكيد اول ما لمستى نوكيا مكنتيش عارفة تعملى بية حاجة بس الاندرويد اسهل من كدة
هذا شرح شامل للاندرويد

وعلى فكرة انا لسة شارية من 5 شهور وكل يوم اكتشف حاجات جديدة فى هذا النظام المذهل للغاية لو عايزة اى برامج ادخلى على النت من الواى فاى لو فية شبكة قريبة منك وادخلى الماركت بيكون شكلة على كيسة خضراء وعليها روبوت اخضر وهناك هتلاقى الملايين والملايين من الالعاب والبرامج اللى عايزاها وهناك مواقع كثيرة على النت تهتم بالاندرويد وتقدم برامج مثل موقع اردرويد والكمبيوتر الكفى للاندرويد و غيرها من المواقع المختلفة

hitman1990

2011-11-03 (12:22:36PM)

نسيت اذكرلك ان الويندوز بتاع الكمبيوتر الذى تتصفحينة الان يشبة بشكل كبيييييير جدا نظام اندرويد

SOOOMY

2011-11-03 (01:42:42PM)

ربنا يعزك يااستاذ hitman على اهتمامك وردك وانا عارفه طبعا ان اى نظام جديد هتعامل معاه هستغربه شويه لحد مااخد عليه بس معلش هتعبكوا معايا شويه
انا دخلت على الماركت ونزلت البرنامج اللى حضرتك نصحت بيه hide it pro لكن هو عمل hide للصور والميديا بس مش للرسايل
وكمان اتسحب رصيدى كله
فياريت لو حضرتك تعرف حاجه اغير بيها واجهة التليفون بحيث ان ماتبقاش الرسايل ع الديسكتوب وان كان ممكن اعمل باسوورد
وكمان فى اوبشن بتتعرف بالممارسه فياريت لو حضرتك تقولى بعضها معلش والله انا عارفه ان طلباتى واسالتى كتير فربنا يجازيك خير يارب

hitman1990

2011-11-03 (04:57:13PM)

اولا hide it pro بيكون للملفات وبس لا اعتقد انة هناك برنامج لاخفاء الرسائل بس هبقا اشوف اولا حكاية الرصيد دى موجودة عند كل واحد بيجرب اول مرة وانا قلت ميت مرة انا النت عالى جدا لانة بيستعمل الجيل التالت لهذا الرصيد بيخلص بسرعة الاحسن تشتركى بباقة من 3 اتصالات او موبينيل او فودافون
موبينيل وحشة اوى اوى والنت ضعيف اتصالات افضلها وفودافون الافضل جدا بس غالية شوفى الاسعار هنا
اتصالات

انا بستعمل هنا اللى ب 20 فى الشهر ومش بيسحب من الرصيد تانى

فودافون

الشهرية ب 50 غال جدا بس احسن واحد

موبينيل مش لازم اجيبة لانة اسوا قرار هتختارية بس اعرفى انك لو دفعتى 20 فى اتصالات واشتركتى هتستمعى بنت سريع بلا حدود لمدة شهر بس شرط تكون فى منطقة توفر شبكة الجيل الثالث لانة اسرع من الجيل التانى

بصى روحى جوة الموبايل على واجهة البرامج يعنى واضغطى على الزر الايمن هتلاقى خيار تعديل فى الاسفل اضغطى علية بعدين اضغطى ضغطة طويلة على الرسائل واسحبيها الى قائمة البرامج هكذا هتشيلها من الديسكتوب بس مش عارف الباسسورد بقا

مش فاهم قصدك بالاوبشن طلباتك صراحة مش كتيرة خاصة للى عندة خبرة (*

hitman1990

2011-11-03 (05:52:12PM)

العرض جميل والله بس 40 جنية كبيرة اوى عليا الاحسن استعمالة 20 من اتصالات بس صراحة السرعه اللى موجودة فى فودافون اسرع كثيرا واكتر تغطية من اتصالات بس الحمد لله عندنا تغطية لاتصالات لهذا اخترتة

SOOOMY

2011-11-03 (10:23:01PM)

واخيراااااااااا شيلت الرسايل
شكرا بجد جدااااااااااااا ياhitman
اما حكاية الرصيد فانا مش فاهمه ليه سحب الرصيد كله مع ان حتى لو داخله ثرى جى المفروض بيسحب جنيه فى اليوم فمش عارفه ليه
اما بالنسبه للنت موبايل فانا عندى روتر وايرليس فمش هحتاج عروض النت غير قليل لو برا البيت مثلا
عايزه اعرف بقى ايه اهمية الروت اللى بتتكلموا عليه
معلش والله تاعبه حضرتك باستفساراتى

hitman1990

2011-11-03 (10:36:46PM)

اولا انت نسيتى ان المفروض تستعملى فى اليوم 5 ميغا صح وكل زيادة بياخدو فيها 1 جنية زيادة ل 2 ميغا فهمتى الثرى جى بيخلص الرصيد لانك اول ما تفتحية وتشغلى النت بلاحدود بيخلص ال5 ميغا لان سرعتة سريعة جدا اكيد 7 ميغا فى الثانية اعملى الحساب بقا وشوفى لية خلصت انا 20 جنية فى 5 دقائق فقط

الاحسن الوايرلس زى ما قولتى
الروت يعنى يعطيك صلاحيات اكتر يعنى ممكن مثلا تشيلى البرامج اللى فى الرئيسية او تغيرى البوت اللى بيجى فى الاول تبع شركة سامسونج او ممكن تشغلى بعض الالعاب اللى محتاجة رووت عشان بس تظبط فى الجرافيك تبع الجهاز او حتى تغيرى نوع الخط او تفتحى الماركت الامريكى اصل الماركت بتاعنا عربى ولاتوجد فية نسخ مدفوعة وفية برامج والعاب اخرى محجوبة لانة ليست تبعة للدولة بل خاصة بامريكا بس
لا والله متعبتنيش ولا ثانية واحدة دة انا بحب اجاوب اسالى اكتر احسن والا هزعل منك

SOOOMY

2011-11-03 (10:47:23PM)

يعنى انا مش محتاجه الروت ده دلوقتى ع الاقل لحد مااتعمق فى الجهاز وافهمه وبعدين ازود صح؟؟
تانى حاجه هو له ثيمات ولا لا؟
ومحتاجه حضرتك تقولى على جيم بسيط مش قتال وكده
معلش بقى بجملة الرخامه لو فى مواقع انزل منها الحجات دى وبعدين انزلهم ع الميمورى يبقى كتر خيرك اوى
وربنا يخلى حضرتك لكل مستخدم اندرويد جديد

hitman1990

2011-11-03 (11:02:25PM)

اها مش محتاجة الرووت اصلا دلوقتى ههههههههههههه
لالا ملهوش ثيمات بس لية صور جمال فى احسن واروع صور شفتها فى حياتى انصحك ببرنامج اسمة zedge وهو من احسن برنامج يجبلك كل يوم صور جديدة وجميلة جدا ممكن تخليها فى شاشة البداية فى برنامج اسمة go launcher بيخلى الجهاز يبدو شكل الايفون او الهيرو او اى من الاجهزة الاخرى بس صراحة مش بحبة رغم انة بيجبلك ثيمات
احسن الالعاب للفيت ممكن تلاقيها على الموقع دة

فصاحبة لحسن الحظ عندة فيت زينا هتلاقى هناك العاب جامدة واحسن لعبة يمكن تحمليها من الماركت انصحك بيها وبقوة كبيرة جدا لانها افضل لعبة فى عالم اندرويد بلا منازع وهى angry birdrs
بجزيئها season والاول وهما على طول بيحدثوا باضافت جديدة

يمكن على فكرة تدخلى على الموقع دة من تلفونك عر متصفح قوى اسمة dolphine hd وهو متصفح كويس وحلو وممكن تحملية من هناك او توصلى الusp وتحطية على الممورك وكدة بس لازم يتعرف على الكمبيوتر بواسطة الكيز بس انا بشيل الميمورك بس ما تنساشى تدخلى الظبط عشان تلغى قراءة المومرك ولا هيبوظ وبعدين طلعبة ووصلية ب usp memory ودة اللى انا بستعملة احسن من وصلة التعقيد

تلك الخدمة مخصصة للأعضاء فقط