بدون عنوان

للرجوع الي صفحة سامسونج Galaxy Ace 3 الرئيسية اضغط هنا

poetMuhammad

2013-09-17 (04:32:06PM)

السلام عليكم ورحمه الله وبركاته

انا جبت الموبايل دة وبجد موبايل جامد جدا
اولا هتكلم عن البطاريه عشان ناس كتير اشتكت منها هى كويسه جدا معايا فى الشغل العادى اتصال وشويه واى فاى وميوزك بس مش كتير بتقعد معايا يومين.ملحوظه انا شحنته باليو اس بى من الكمبيوتر لحد دلوقتى مجربتش الشاحن الكهربا فمش عارف فى اختلاف بينهم ولا لا.

ثانيا الصوت. واطى شويه بس يتسمع يعنى والافضل تشغل الفايبريشن عشان لو ماشى فى مكان دوشه مش هتسمعه هو اوطى من الجراند حاجه بسيطه بس كويس نوعا ما.

ثالثا الشريحه. لازم تتقص عشان الشريحه العاديه مش هتركب ودى حاجه بسيطه.

رابعا الكاميرا. ممتازة جدا كأداء و ابشن والفلاش كويس.

خامسا. اداء الجهاز بشكل عام كويس جدا ومحدش اشتكى منه زى موبايلات تانيه تاتشه سريع جدا وصوت سماعه المكالمات عاليه اوى لدرجه انك هتوطى صوتها عشان اللى جنبك ميسمعش اللى بيكلمك ونسخه الجيلى بين اللى عليه تحفه وسلس وسريع كمان بالنسبه للهاند فرى صوته جامد اوى بردة مش هتقدر تعليه على الاخر ونقى جدا.

المشكله اللى ممكن تقابل اللى هيشترى الجهاز فعلا ان مساحته صغيرة جدا بس هما معوضين دة بأنك ممكن تنقل التطبيقات على الميمورى والشاشه معليهاش طبقه حمايه فلازم اسكرين وجراب.

الجهاز الى معايا لونه ابيض ودة مقصود عشان السخونيه الجهاز باسم الله ما شاء الله مش بيسخن خالص حتى مع الشغل فدى نصيحه منى خليكوا فى اللون الابيض افضل وبالنسبه للتهنيج محصلتش معايا خالص لحد دلوقتى حتى لو سايب ابلكيشنز مفتوح.
ومن وجه نظرى دة افضل من الكور لان فى ناس جربته واشتكت منه فى موضوع التهنيج

واللى شايف اى عيوب فى الموبايل فمفيش موبايل كامل لحد دلوقتى واللى متردد انه يشتريه يتوكل على الله ويجيبه.
وسورى للاطاله

princesssara

2013-09-17 (05:52:08PM)

مبروووووك عليك الجهااز
كنت عايزه اسال لقيت اللون الابيض بسهوله ولا دورت عليه كتير ؟؟

Mahmoud Samir

2013-09-17 (07:28:45PM)

مافيش فرق بين انك تشحن من يو اس بي او شاحت الا ف التوقيت بس لكن مده البقاء واحده وطبعا الشاحن اسرع من اليو اس بي ياصاحبي بس دا الفرق والف مبروك علي الجهاز الرائع

ArchieDeacon

2013-09-17 (07:55:36PM)

فعلا زى ماقولت هو جهاز رائع جدا .، وأنا أشتريته من كام يوم كدة قبلك .. وألف مبروك على الجهاز وربنا يحافظلك عليه .. princessara : على فكرة الجهاز فيه منه اللون الأبيض ومتوفر بسهولة ( أنا اللى معايا أبيض )

poetMuhammad

2013-09-17 (08:16:22PM)

الله يبارك فيكوا يا جماعه اللون الابيض موجود ومتوفر جدا بس الاختيار بيرجع لزوق كل واحد فى اللون

ktkooot

2013-09-18 (12:09:14AM)

اولا مبروك طيب سؤال بسيط انا عرفت ان الاندرويد مش حتنزل بالفلاش بلاير من النسخ جيلى بين وطالع والموبايل دة من ضمنهم طيب نعمل اية علشان نتفرج على فيديهات فى المتصفح او ماتشات فى المتصفح ياريت حل للموضوع دة تحياتى

تلك الخدمة مخصصة للأعضاء فقط