poetMuhammad

احدث المشاراكات

• 2015-05-17 (03:01:00PM) Huawei Honor 6

  الموبايل اللى معايا بخطين و جاى من ماليزيا و الخطين اكتيف يعني ممكن تستقبل مكالمه على سيم 2 و انت معاك مكالمه على سيم 1

---

• 2015-05-10 (02:46:05PM) Huawei Honor 6

  ممكن حد يقولى طريقة تشغل الانفراريد فى الموبايل ده؟

---

• 2015-04-26 (01:04:51AM) Sony Xperia Z3 Dual

  يا جماعة محدش عارف تحديث اللولي بوب هينزل للزد 3 بخطين امتى

---

• 2014-11-10 (02:37:55PM) Nokia Lumia 730 Dual SIM

  بعد اذن الادمن و الاعضاء ممكن حد يقولى يعني ايه معنى الخاصيه دي usb host

---

• 2014-10-25 (12:00:52AM) Lenovo Vibe Z2

  يا جماعه فى فرق بين Vibe Z2 و بين Vibe Z2 pro ياريت توضحوا انهى واحد اللى موجود هنا و سعره بالظبط وانتوا ليه مش بتكتبوا فى المواصفات حجم الكاميرا الاماميه و البطاريه ياريت تضيفوا باقى المواصفات دي على الموقع.

---

• 2014-07-08 (10:32:17PM) Samsung Galaxy Tab 7.0 Plus P6200

  إزيك يا سيسي..عامل ايه وإيه اخبارك
  
  إزيك يا سيسي..وإزاي الوعود والدعم وشهدائك
  
  إزاي الشعب؟ مش دول برده احبابك
  
  فاكر التفويض اللي طلبته علشان تخلصنا من ارهابك
  
  جايبين واحد مستهدف يحكمنا يا شعب ايه اللي صابك
  
  إزاي هيرجع الامن وهو بيتحامى بحراسات قدامك
  
  ازاي هيطلع بالبلد لقدام و هو اللي ضحك عليك وخانك
  
  ازاي هينهض بينا وهو معندوش اصلا برنامج
  
  فين وعدك مش هترفع الدعم غير لما تريح الغلبان
  
  بنزين و سولار وغاز وكهربا كمان
  
  ارحم الناس ده الشعب كله تعبان
  
  ظبطها انت كده علشان لو حد طلع اتظاهر تقول ده اخوان
  
  ارهابي عميل وكلب ودمه طبعا بالمجان
  
  بالنسبه للاكل والشرب اللي بقوا غاليين
  
  هياكلوا منين الناس الجعانين
  
  ده حتى الشارع و الزبالة بقوا فاضيين
  
  واللي كان بيروح مشوار بجنيه هيروحه بإتنين
  
  وانت عمال تصرف على مراقبة النت وحفلة تنصيب
  
  ونسيت حتى تتكلم فى فلوس ابوك مبارك اللي متهربين
  
  ومشروع قناة السويس اللي مش هيتم علشان الامارات دفعت ملايين
  
  طب منجم السكرى وغيره اللي بيتسرق من سنين
  
  وشقق الاسكان اللي إتبنت ومقفوله على الفاضي
  
  ورجال الاعمال اللي من الضرايب هربانين
  
  في كذا حاجه تخليك تجيب فلوس بعيد عن الدعم
  
  بس هو اقرب حد لايديكوا دايما الناس المطحونين
  
  كلامي خلص وأكتر من كده مش هقدر أديك
  
  مش علشان انا مش عايز لا لاني فعلا مش قادر أديك
  
  
  (Muse Muhammad)

---

• 2014-06-30 (03:20:14AM) HTC Desire 816

  amr2014 اه اعرف ناس بدلت الجهاز في نفس اليوم وفي بيسيب الجهاز ويكلموه بعد يوم او يومين بالكتير ويروح يستلم جهاز جديد وعموما ربنا معاكي ومشكلتك تتحل ان شاء الله وكل سنه وانت طيب

---

• 2014-06-27 (02:15:31AM) HTC Desire 816

  خلي بالك علشان اوقات بيفضلوا يماطلوا لحد ما ال14 يوم يعدوا وبعدين يقولك مينفعش الموبايل يرجع او يتغير هو هيتصلح فلو عملوا معاكي كدة قوللهم هتصل بجهاز حماية المستهلك و خوفيهم انك مش هتسكتي يعني لو لا قدر الله عملوا كدة وموضوع التكه دة ملوش اى علاقه بالشبكه خالص اصلا الناس اللى هناك اوقات كتير بيبقوا مش فاهمين اى حاجه خالص و المفروض طالما الجهاز فيه شكوى خلال ال14 يوم يستبدلوه على طول مفيش موضوع الرد خلال 10 ايام والكلام دة

---

• 2014-06-25 (01:00:56PM) Sony Xperia M2 dual

  لا معنى كدة ان البطاريه لو باظت مش بتتغير لكن بتفضى وتتشحن عادي جدا

---

• 2014-06-17 (01:31:48PM) HTC Desire 816

  حضرتك لو كنت قريت التعليقات السابقه كنت هتلاقي اكتر من رد لموضوعك ده دريم 2000 فى اعضاء كتير بيشكروا فيه بس خليك فى المضمون احسن يعني هاته من فودافون او موبايل شوب او كارفور علشان هايدوك فاتورة ضريبيه ودى بتضمنلك حقك لو لا قدر الله الجهاز حصله حاجه

---

• 2014-06-17 (03:29:24AM) HTC Desire 816

  يا جماعه شركه htc عامله خدمة ما بعد البيع لو اى عميل اشترى اى موبايل من توكيل htc ولا قدر الله الشاشه اتكسرت التوكيل بيغير الشاشه مجانا وموتورولا لسه واخدة الخطوة دي بردة اليومين دول والخبر دة من موقع تقنيه بلا حدود ياريت اللى يعرف اى حاجه عن الموضوع دة يقولنا علشان لو الموضوع فعلا حقيقى ومفعل فى مصر يبقى نشترى من التوكيل احسن طبعا

---

• 2014-06-15 (03:23:17PM) HTC Desire 816

  المشكله كلها بتبقى فى المقص بتاع الشريحه اوقات بيبقى مش بيقص كويس فبيعمل زيادات مكان القص ودى فعلا تضايق فى تركيب او نزع الشريحه فلازم الكل ياخد باله من الموضوع ده كويس

---

• 2014-06-15 (01:22:17PM) HTC Desire 816

  الموبايل مناسب جدا للبنات وفيه كل اللى حضرتك عايزاه وممكن تشتريه من دريم 2000 او من فودافون فى اعضاء كتير بيشكروا فى الاماكن دي وانصحك بالجهاز دة ومبروك مقدما.
  
  اما بالنسبه للنوكيا اللي قالك عليه استاذ هاشم فهو فعلا موبايل ممتاز جدا بس هو اولا مش خطين ثانيا مش اندوريد.

---

• 2014-06-15 (12:59:50AM) HTC Desire 816

  اتش تي سي على ما اعتقد افضل علشان فى منتديات اجنبيه ناس بتشتكي من النوت 3 دوس

---

• 2014-06-15 (12:39:40AM) HTC Desire 816

  بصي السامسونج من اوحش الموبايلات فى الخامات وكمان السوفت وير بتاعها تقيل علشان كدة تلاقي الجهاز بيهنج وبيعمل حاجات غريبة ولو وقع منك لازم يحصله حاجه.
  
  بالنسبه لشركه htc فهى شركه محترمه جدا افضل من سوني والكاتيل و ال جي دة بالنسبه للخامات وطبعا نوكيا خاماتها ممتازة هى كمان بس هى مش اندوريد للاسف هى ويندوز فون بس الجهاز دة بالتحديد شركه اتش تي سي مقلله فى خاماته شويه علشان سعرة.
  
  اما موضوه الاندوريد فكله واحد الاختلاف بيبقى فى ان الشركه بتاخدة خام من جوجل وبتعدل فيه حاجات تبقى تبع الشركه نفسها بيزودو حاجات يعني وكدة وطبعا هو اصدارات واحدثهم الكيت كات

---