سعر و مواصفات LG G2

مقارنة

Android

Android OS, v4.2.2 (Jelly Bean)
1080 x 1920 pixels, 5.2 inches (~424 ppi pixel density)
4G

2G / 3G / 4G
13 MP, a...
2GB RAM

16/32 GB

غير متاح

(1062 تقيمات)

موصفات LG G2

الموصفات الاساسية

الحجم	138.5 x 70.9 x 8.9 mm (5.45 x 2.79 x 0.35 in)
الوزن	143 جرام
الألوان بالأسواق	اسود,ابيض

الشاشة

نوع الشاشة	True HD-IPS + LCD capacitive touchscreen, 16M colors
مساحة الشاشة	1080 x 1920 pixels, 5.2 inches (~424 ppi pixel density)
دعم اللمس المتعدد	لا

الشبكة

دعم 2G	نعم
دعم 3G	نعم
دعم 4G-LTE	نعم
دعم 5G	لا
دعم HSCSD	لا
دعم EDGE	نعم
دعم GPRS	Class 12 (4+1/3+2/2+3/1+4 slots), 32 - 48 kbps

الاتصال

دعم WLAN	Wi-Fi 802.11 a/b/g/n/ac, dual-band, Wi-Fi Direct, DLNA, Wi-Fi hotspot
دعم بلوتوث	v4.0 with A2DP, LE
GPS دعم	نعم
NFC دعم	نعم
دعم راديو Fm	نعم
دعم USB	نعم

معلومات عن الكاميرا

دعم الكاميرا	13 MP, autofocus, LED flash
دعم فلاش	نعم
كاميرا امامية	نعم

مساحة الذاكرة

الذاكرة الخارجية	لا يدعم
الذاكرة الداخلية	16/32 GB
الرامات	2 GB

نظام التشغيل

نظام التشغيل	Android OS, v4.2.2 (Jelly Bean)
نوع نظام التشغيل	Android
CPU	Quad-core 2.26 GHz Krait 400

معلومات أخري

الرسائل	SMS(threaded view), MMS, Email, Push Mail, IM, RSS
المتصفح	HTML5

الخصائص

دعم شرحتين	لا
الشريحة	Micro-SIM
نوع النغمات	MP3, WAV
مخرج صوت 3.5mm jack	نعم
الاهتزاز	نعم
دعم انفراريد	نعم
حماية بالبصمة Fingerprint	لا

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع مميزة عن موبايل LG G2

[عام] دراسة كاملة وتق... 2014-03-06 (01:12:34AM)	mamdouh1978
[spy] بدون عنوان 2013-12-17 (04:32:09PM)	Mahmoud Samir

مواضيع و اراء عن LG G2

بدون عنوان

بواسطة: DrGeorge

الموبايل رقم 1 فى العالم لسنة 2013

2013-10-14 (04:30:09AM) / ردود 4

اضف رد

DJTaL

2013-10-14 (11:43:04AM)

mahawa الجهاز معايا والحمد لله مافيش تهنيج أبدا .. سريع جدا .

mahawa

2013-10-14 (11:32:20AM)

النوت 3 بكل امكانياته دى و بيهنج تقريبا كل الفيديوهات اللى شفتها للجهاز بيشتكوا من ان فيه تهنيج خفيف و ده بسبب ان واجهة المستخدم بتاع سامسونج تقيله و فيها حاجات كتير أوى لكن واجهة المستخدم ل ال جى خفيفه فيكون فرق السرعه لصالح ال جى بالرغم ان النوت 3 تفوق على تقريبا جميع موبايلات السنه فى ال benchmark tests لكن الاختبارات دى مش بتبين الأداء الحقيقى للجهاز مجرد قياسات معيارية و خلاص.

zazukie

2013-10-14 (06:21:14AM)

التليفون فشخ ال s4 & htc one & note 3 بصراحه ال جي اكتسحت و بالزات النسخه الكوريه مش عارف ازاي 2 جيجا زام غلبت 3 هههههههه

temoooo

2013-10-14 (05:36:12AM)

ده علي كد النيكسس 5 هيبقي فاجر

بدون عنوان

بواسطة: zazukie

انا عارف ان الناس هنا عايزه الموبيل فانا قولت اساعدهم انا لقيت الموب علي موقع

ب 4250

2013-10-12 (10:44:01PM) / ردود 7

اضف رد

DrGeorge

2013-10-19 (08:52:53PM)

انا فعلا جربت و دوست شراء الان و زى ماقولتلك بالتفصيل يوجد مصاريف شحن + مصاريف من 60 ل 80 دولار مقابل تخليص اوراق المنتج الجمركية + الرسوم الجمركية نفسها وهى 10%

يعنى الخلاصة الموبايل هايعمل بالضبط 5300 جنية ودى طبعا حسابتهم مش حساباتى يعنى لنا الله :)

zazukie

2013-10-13 (03:17:48PM)

انا الي ارفه ان الشركه من بريطانيا و هيا بتعتلك الحاجه شحن يعني انت لو جربت تدوس شراء هتلاقي وجود 3 شركات شحن بيتعاملو معاها aramex & fedex & express القصد هما بيجيبولك الموبيل من بريطانيا يعني مش بيستني لما ينزل عندك او وكيل الشركه عندك بينزلو هما بينزلوه اول ما ينزل بريطانيا انت جرب دوس اشتري الان كده

DrGeorge

2013-10-13 (11:04:44AM)

الموبايل لحد مايوصل ايدك هايبقى تمنه 5300 انا بعتلهم رسالة على صفحتهم على الفيس وحسبناها مع بعض بالتفصيل..

دا لينك صفحتهم على الفيس للى عايز يستفسر منهم عن اى حاجة

zazukie

2013-10-13 (05:49:04AM)

ممكن تستفسر عن الـ انت عيزو من علي الموقع هناك

mktns

2013-10-13 (05:16:38AM)

وبعدين اسعارهم مش منطقيه خالص
يعني الاوبتمس جي ب 2221 جنيه !!!!
ازاي ده على الاقل 3200 جنيه
وكمان ازاي موبايل زي ال جي جي 2 يوصل مصر بالسرعه دي في خلال شهر

يوجد المزيد من الردود, شاهد جميع الردود

بدون عنوان

بواسطة: Memoty

مشكلته الذاكرة الخارجية دى

2013-10-10 (05:46:51PM) / ردود 2

اضف رد

sherif2090

2013-10-11 (06:54:51AM)

يوجد اصدارين من الجهاز
الاول مساحتة 16 جيجا
والثانية 32 جيجا ...
ولا يوجد كارت خارجى الا فى النسخة الكورية فقط

DrGeorge

2013-10-10 (06:52:14PM)

مساحته الداخلية 32 جيجا والصافى للمستخدم 25 جيجا على ما اعتقد هذا كافى جدا

بدون عنوان

بواسطة: za55az55

مش هايقل عن ال4000

2013-10-10 (01:12:41AM) / ردود 2

اضف رد

hemabody

2013-10-12 (02:03:59PM)

فى السعوديه ب 2200 ريال

jecko

2013-10-10 (01:36:14AM)

هو لو بــ 4000 جنية ده يبقى سعر جامد بس معتقدش لأن الاوبتيماس جي بــ 3600 حاليا فمش هيبقى الفرق بينهم 400 جنية بس . هو التليفون ده لو زاد عن 4500 يبقى كتير

بدون عنوان

بواسطة: mohamedseka

LG دخلت جامد السوق

2013-10-09 (09:51:07PM) / ردود 0

اضف رد

بدون عنوان

بواسطة: jecko

الموبايل ده لو نزل قريب وتمنه عدى ال 4500 انا من وجهة نظري يبقى النوت 3 افضل بكتير . هو يعتبر منافس شرس جدا للأس 4 بل انه اقوى منه . لكن النوت 3 اقوى من الجي 2 بكتير ، من حيث الذاكرة ، الرام ، مميزات القلم المتعدده والممتعة في الاستخدام ، شاشة اموليد قويه جداااا وتتحدى بها سامسونج جميع الهواتف الذكية ، حجم الشاشة اكبر 5.7 بوصه ومستغله بالكامل مقابل 5.2 بوصه للجي 2 وهناك حوالي نصف بوصة لأزرار التحكم ، الحركات التي تتميز بها سامسونج واهمها الــ air view ، البطارية وقت تحملها في الاستخدام العادي 75 ساعة مقابل 62 ساعة للجي 2 ، بطارية قابله للتبديل ، شكل وخامات النوت 3 افضل بكثير من الجي 2 ، سرعه التحديثات ( ال جي بطيئة جدا في التحديثات دا اذا اتحدثت اصلا الاوبتيماس جي موبايل العام اللي فات من ال جي وقف تحديثة عند النسخة 4.1.2 ) ، سعر اعادة البيع . انتشار الأكسسوارات وقطع الغيار للسامسونج ، سهوله التصليح وانتشار مراكز الخدمة .

خلاصة الكلام وده من وجهة نظري ان الموبايل ده ( لو نزل قريب ) تمنه عدى ال 4500 يبقى الواحد يكمل ويجيب النوت 3 افضل بكتير .

2013-10-09 (03:25:45PM) / ردود 11

اضف رد

madooo12

2013-10-15 (08:28:52PM)

DJtail

LCD أقدم مليون مرة من الأموليد

ahmedalyyoussef

ده اللي أقصده, و من المزايا الأخرى للpentile انها بتزود عمر الشاشة, لأن ممكن نخلي البيكسلات الخضراء أكبر, و لأن عمرها أقل, فده يخليها تعيش أكتر

DJTaL

2013-10-14 (11:49:13AM)

madooo12 كل شيء وله مميزاته وله عيوبه .. السوبر اموليد منتشرة اكتر لانها من مدة .. ولذلك اتعرف جدا مميزاتها وعيوبها .. لكن الانواع الاخرى مازالت حديثة مش كتير استعملها .. لما تاخد نفس المدة هيبان العيوب والمميزات .. والحوار ده بيفكرني بالحوار الدائر ايهم أفضل ويندوز مايكروسوفت ولا نظام آبل ماك من حيث الثغرات والاختراق . نظام ما يكروسوفت منتشر على الصعيد العالمي كله اكثر انتشارا والكل عرف مميزاته وعيوبه .. اما الماك محدش استخدمه كتير ولذلك لم تظهر عيوبه كثيرا .. اعتقد ده شبيه بموضوع الشاشات اللي كثر فيها الكلام والاختلاف في الرأي .

ahmedaliyossef2010

2013-10-12 (05:56:05PM)

هو ايه ده اللي غير واقعي ؟؟

معروف ان الأموليد علشان تكلفة صناعتها العالية بتلجأ في أحيان كتيرة لأن تكون البكسلات بترتيب pentile matrix يعني البكسل بيتكون من 2 بكسل صغير " مصطلح لتسهيل الفهم " فبكدة الوضوح لما ييجي يتقارن مع شاشة بنفس كثافة البكسلات من نوع تاني و ليكن lcd الوضوح هيكون لصالح ال سي دي أكيد

الناس عندها معلومات ان السوبر أموليد دي أحسن شاشة في أي حاجة و خلاص

لكن الصح ان كل شاشة ليها مميزاتها و عيوبها
هتقولي ألوان الأموليد جميلة جدا و مش عارف ايه بس بالنسبة ليك ممكن تبقى زاهية و لغيرك تبقى فاقعة و برضه الألوان مش هتبقى طبيعية

تاني حاجة في حين ان اللون الأسود فيها بيبقى الأفضل
اللون الأبيض فيها بيبقى سئ نسبيا

و برضه سطوع الشاشة بيبقى أقل من الشاشات ال سي دي " بمقارنة اس 3 بآيفون 5 مثلا "

madooo12

2013-10-12 (05:48:47PM)

و اللي مش عاوز يصدقني, براحته, أنا مغصبتش حد على رأيي, أنا بس كنت بقوللكم على واقع

madooo12

2013-10-12 (05:47:53PM)

jecko

أيوه, بتحصل في كل الشاشات, بس الLCD ممكن تقعد سنين كتير جدا شغالة قبل ما تبوظ, الأموليد بيقعد فترة أقل بكتير, و كل الreviewers و حتى سامسونج قالو انها كده

semsem

طبعا انتو حتقولو فيديوهات متفبركة و كلام من ده...

"هات اى تليفون بشاشة Super amoled مش هقولك hd واتفرج على الوانها وصورها عاملة زااى "
الألوان مش دقيقة خالص, و زي ما قلت, دي حاجة بتحصل بعد فترة

يوجد المزيد من الردود, شاهد جميع الردود

بدون عنوان

بواسطة: DrGeorge

كلها ايام ويأتينا هذا الابداااااااااااااااع

2013-10-09 (02:14:31PM) / ردود 0

اضف رد

بدون عنوان

بواسطة: shin545

بس مفهوش ذاكره خارجيه وكمان ال جي من عيوبها الاكسسوارات قليله جدا وصعب تلاقيها في مصر وكمان التحديثات بطيئه جدا جدا في ال جي

2013-10-09 (03:10:25AM) / ردود 6

اضف رد

mrmaxmaz

2013-10-14 (05:15:27AM)

ده الترتيب العالمى لافضل 10 هواتف اندوريد و G2 هو المتصدر المركز الاول فيما يأتى النوت 3 فى المركز السابع

DrGeorge

2013-10-12 (07:51:23PM)

انا مع كلامك فى ان محدش فعلا جرب اى تليفون تجربة فعلية بس برضة دة مايمنعش ان المواقع المختصة وخصوصا الفيديوهات بتدينا فكرة كبيرة جدا عن كل تليفون مميزاته وعيوبه والا ماكنش حد عرف اى حاجة عن اى موبايل جديد,,,صح ولا اية؟؟؟ ويمكن احنا اصلا بنختار وساعات بنقرر موبايل معين على اساس المواقع والفيديوهات اللى بنشوفها لية وطبعا دة مش مع كل الناس لكن الاغلبية..

حكاية ان سوفت وير سامسونج متفوق جدا دى حقيقة لا يمكن انكارها اطلاقا (برغم ان معظمها تقريبا عديم الفائدة للاغلبية بس ماعلينا مش موضعنا) بس برضة مايمنعش ان في شركات تانية كتير ابتدت تطور وتحسن السوفت وير بتاعها بشكل ملحوظ جدا وعلى رأسها ال جى بخصائص ومميزات فريدة وجديدة ومش موجودة فى السامسونجوممكن تتفرج على مقارنة شاملة بين النوت3 والجى2 هتلاقى كل واحد منفرد عن التانى بخصائص و اوبشنز جديدة خالص..

بالنسبة للرام بتاع النوت3 هو 3جيجا فعلا بس الفعلى اللى شغال بيه التليفون هو 1.6 وممكن تزور اى توكيل لسامسونج وتمسك التليفون وتتأكد من كلامى بنفسك,,لكن رامات الجى2 هى 2جيجا بس الفعلى اللى شغال فى الموبايل هو 1.83 بالضبط زى الاوبتيمس جى و النيكسس4...يعنى من حيث السرعة والاداء التفوق الفعلى للجى2..

واولا واخيرا هى راحة نفسية ومتطلبات شخصية لكل واحد فينا واختلاف اذواق..

ArchieDeacon

2013-10-12 (09:27:06AM)

صدقنى يا دكتور جورج مش بالفديوهات وللا بالمقارنات على المواقع .، المقارنة الحقيقية بالتجربة لكل من الجهازين .. ومحدش فينا جرب لسة الجهازين ( تجربته الشخصية الفعلية ) بس أنا كواحد من الناس عارف أن النوت 3 متفوق جدا لأنى كان معايا النوت 2 قبله .، وكان عاطينى أداء مبهر جدا ب رام 2 وبروسيسور 1.6 وكاميرا 8 .. مبالك بقى مع النوت 3 يبقى أيه ( المواصفات أتضاعفت )

وده كمان غير أن السوفت وير بتاع سامسونج للأندرويد متفوق جدا .. ويعتبر أحلى سوفت وير للأندرويد على الأطلاق من واجهة ومميزات وخصائص ( مش موجودة غير فى سامسونج )
كل ده غير LG راماته 2 .. يبنما النوت راماته 3
مفيهوش ذاكرة خارجية وده عيب قاتل .. والنوت بيجى ب 32 و 64 ده غير الذاكرة الخارجية

فى النهاية ده رأى الشخصى
( أنا فى نظرى أنه لاااا شئ بعد النوت 3 .. والأيفون 5S )
G2 ممكن ينافس الأس فور .. لكن مش النوت 3 .، تحياتى

DrGeorge

2013-10-09 (01:02:00PM)

عزيزى ارشيدياكون لو كان النوت3 هو البوب وهايفضل البوب كمان :) ماكنتش كل المواقع الاجنبية تقريبا بدون استثناء فضلت ال G2 عنه وممكن تتفضل بزيارة كذا موقع وتشوف بنفسك ومنهم دول

ودى نتيجة اختبارات الكاميرا بينهم

ArchieDeacon

2013-10-09 (10:34:58AM)

لااااااا شئ بعد النوت 3 ... هو البوب .، وهايفضل البوب

فئة النوت دى *** محصالتش ولا هاتحصل

يوجد المزيد من الردود, شاهد جميع الردود

بدون عنوان

بواسطة: BlackCrow

جهاز خارق من العملاق الكوري LG منافس شرس Galaxy S4 برافو LG .

2013-10-09 (01:04:20AM) / ردود 0

اضف رد

بدون عنوان

بواسطة: dedatodo

الجهاز فعلا امكانياته عاليه بس انا افضل نوت3 بس هو جهاز يستحق الاقتناء

2013-10-08 (11:33:18PM) / ردود 2

اضف رد

DrGeorge

2013-10-09 (01:32:39AM)

وعلى فكرة رأى المواقع دى كلها بعد نزول النوت 3 رسميا وعمل مقارنات كتير بينهم ودى اخر مقارنة لسة من ساعات فقط خاصة بالكاميرا والفيديو من موقع phonearena الغنى عن التعريف طبعا وكانت النتيجة بالكامل فى كل تفاصيل التصوير الثابت والفيديو محسومة للجى 2 ودى النتيجة النهائية

DrGeorge

2013-10-09 (01:24:27AM)

انا شايف ان مفيش حاجة بتميز النوت 3 عن الجى 2 غير موضوع القلم وشوية الحركات الخيبة اللى بيعملها لكن بأستنثناء كدة الجى 2 متفوق عليه تقريبا فى كل حاجة وبشهادة اكبر المواقع الاجنبية ودة مثال يوضح كلامى وفيه امثلة كتير تانى

ودة موقع تانى

الموبايلات

سعر و مواصفات LG G2

Android

1080 x 1920 pixels, 5.2 inches (~424 ppi pixel density)

4G

13 MP, a...

2GB RAM

موصفات LG G2

التسجيل بالموقع

دخول الاعضاء

مواضيع مميزة عن موبايل LG G2

مواضيع و اراء عن LG G2