بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ G Flex
للرجوع الي صفحة الرئيسية اضغط
هنا
lg g flex
تلك الخدمة مخصصة لاعضاء الموقع
معلومات سريعة عن LG G Flex
-
Android
-
720 x 1280 pixels, 6.0 inches (~245 ppi pixel density)
-
3G
2G / 3G -
13 MP, 4...
1- الصوت نقى وعالى بس كان ممكن السماعة تبقى قدام او جنب كابل usb بس الصوت جميل وصوت السماعة ممتاز وكذلك صوت الاسبيكر والتقيم 9/10
2-التاتش سلس وتحس انك بتلمس مياة خفيف جدا
3- الكاميرا حلوة 13 ميجا والفلاش قوى والكاميرا الامامية 2.1 بيكسل حلوة مش وحشة والتقيم 9/10
4-الموبيل فى النت سريع جدا وكذلك فى فتج التطبيقات
5-الموبيل عليه نسخة اندرويد 4.4.2 جيلى بين وتحديث كيت كات نزل من فترة وانا نزلته الموبيل اداءه اتحسن فى الكاميرا والبطارية
6-فيه خاصية نقل البيانات بفلاشة الكمبيوتر وبسم الله ماشاء الله سريع جدا النقل
7-صحيح الشاشة 720 فى 1280 بيكسل بس الالوان الشاشة واقعية وفى وضوح رائع بس كان ممكن يبقى اعلى من كدا فى البيكسل 245 بس الوضوح كويس جدا وجربت سطوع الشاشة على كل الحالات والتقيم 8/10
8- البطارية مش بتتشال بس ممتازة جدا وانا شايف انها من اقوى البطاريات فى عالم السمارت فون
مميزات الموبيل
خاصية الشفاء الذاتى الموجودة فى ظهر الموبيل لمنع الخدوش وانا جربتها فعلا والميزة ديه كويسة جدا
قوة تحمل الموبيل للصدمات ولظغط يصل 40 كيلو جرام تخيل انك لو قعدت على الموبيل مش هيحصل ليه حاجة
المساحة الداخلية بتاعته 32 جيجا وديه مش قليلة والمساحة الفاضية 24 جيجا
الموبيل فيه اوبشن كتير اوى وانا جربت منهم كام حاجة كدا
الجهاز بسم الله ماشاء الله مش بيسخن واقصى درجة 38 وفى الالعاب 39 او 40 بالكتير اوى انا مكنتش مصدق الصراحة وقعدت افتح برنامج وابص على الحرارة
الموبيل بيركبله شريحة ميكرو ومعه قفل عشان تفتح بيت الخط
طبعا الموبيل فيه فور جى بس احنا عندنا فى مصر مفيش فور جى للاسف
الموبيل عليه طبقة حماية كورينج جلاس 2 كويسة بالنسبة للموبيل لان هو نزل السنة اللى فاتت فى شهر 11
والجهاز اللى انا اشتريته النسخة الكورية والتحديثات بتوصل اول باول
عيوب الجهاز
عدم دعم ذاكرة خارجية
البيكسل متوسط 720 فى 1280 كان ممكن يبقى اعلى من كدا
السماعة فى الخلف وده بيكتم الصوت لو الموبيل مقلوب بس الصوت قوى فتقدر تسمعه
الموبيل الصراحة رائع جدا والتقيم لحد دلوقتى 93% اداء مذهل الصراحة وشركة ال جى محترمة وانا بشكر اعضاء كتير لانهم نصحونى بالموبيل ده شكرا
للاستاذ وليد
الاستاذ يوسف شعبان
والاستاذ بلاك كرو
والاستاذ هارد تايم
والاستاذ زمان ياحب
وانا والله بنصح اقتناء الموبيل ده الموبيل بينافس النوت 3 هو صحيح النوت اقوى بس الموبيل فيه مميزات بردك هو بس غالى شوية واى شخص لما بيحب يشترى موبيل فوق 4000 جنيه بيفكر فى السامسونج علطول ومش بيبص على الماركات التانية واى حد بيفكر يجيب الموبيل ده يتوكل على الله وانا تحت امركم