سعر و مواصفات HTC Sensation XE

مقارنة

Android

Android OS, v2.3.4 (Gingerbread)
4.3″

4.3 بوصة
3G

2G / 3G
8 MP, 32...
GB RAM

4 GB (1 GB user available), 768 MB RAM
1730mAh

Li-Po 1730 mAh, قابلة للازالة

غير متاح

(653 تقيمات)

موصفات HTC Sensation XE

الموصفات الاساسية

[?]	الحجم	126.1 x 65.4 x 11.3 mm
[?]	الوزن	151 جرام
[?]	الألوان بالأسواق	اسود

الشاشة

[?]	نوع الشاشة	S-LCD capacitive touchscreen, 16M colors
[?]	مساحة الشاشة	4.3 بوصة
[?]	دقة الشاشة	540 x 960 pixels, 16:9 ratio (~256 ppi density)
	دعم اللمس المتعدد	لا

الشبكة

	دعم 2G	نعم
[?]	دعم 3G	نعم
[?]	دعم 4G-LTE	لا
[?]	دعم 5G	لا
[?]	دعم HSCSD	لا
	دعم EDGE	نعم
[?]	دعم GPRS	Up to 80 kbps

الاتصال

[?]	دعم WLAN	Wi-Fi 802.11 b/g/n, DLNA, Wi-Fi hotspot
[?]	دعم بلوتوث	v3.0 with A2DP
[?]	GPS دعم	نعم
[?]	NFC دعم	لا
	دعم راديو Fm	نعم
	دعم USB	نعم

معلومات عن الكاميرا

	دعم الكاميرا	8 MP, 3264x2448 pixels, autofocus, dual-LED flash
	دعم فلاش	نعم
	كاميرا امامية	نعم

مساحة الذاكرة

	الذاكرة الخارجية	حتي 32GB / microSD
	الذاكرة الداخلية	4 GB (1 GB user available), 768 MB RAM

نظام التشغيل

	نظام التشغيل	Android OS, v2.3.4 (Gingerbread)
	نوع نظام التشغيل	Android
[?]	CPU	1.5 GHz dual-core processor, Adreno 220 GPU, Qualcomm MSM 8260 Snapdragon

معلومات أخري

	الرسائل	SMS (threaded view), MMS, Email, Push Email
	المتصفح	WAP 2.0/xHTML, HTML
	معلومات عن البطارية	Li-Po 1730 mAh, قابلة للازالة
	قدرة البطارية في التحدث	حتي 7:20 ساعات
	قردة البطارية في الوضع العادي	حتي 540 ساعة

الخصائص

[?]	دعم شرحتين	لا
	الشريحة	لا
	نوع النغمات	MP3, WAV
	مخرج صوت 3.5mm jack	نعم
	الاهتزاز	نعم
	دعم انفراريد	لا
[?]	حماية بالبصمة Fingerprint	لا
	مكان البصمة	لا يوجد

ملحوظة : لا يمكننا ان نضمن ان تكون المعلومات في هذه الصفحه صحيحة 100%

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع مميزة عن موبايل HTC Sensation XE

بدون عنوان 2012-03-08 (07:24:24PM)	MetaEb

مواضيع و اراء عن HTC Sensation XE

بدون عنوان

بواسطة: shehab

الموبايل مش راضى يكتب عربى

2012-03-12 (01:36:02PM) / ردود 0

اضف رد

بدون عنوان

بواسطة: MetaEb

ده موضوع للجماعة اللى بيدوروا على جرابات للموبايل او لازقات شاشة

2012-03-10 (08:12:20PM) / ردود 1

اضف رد

THUNDER

2012-04-29 (01:58:17AM)

لو سمحتوا انا عايز اعرف اذا كانت الشاشة بتاعة الموبيل واضحة زى sensation xl ولا لا بس يكون حد شاف الشاشة بنفسة

بدون عنوان

بواسطة: MetaEb

اسم البرنامج هو
Volume+ audio Boost ده البرنامج اللى بيعلى الصوت لو ادارة الموقع تسمح احط الموضوع اللى جبت منه البرنامج عشان الناس تعرف بيشتغل ازاى ومدى خطورته

2012-03-08 (07:24:24PM) / ردود 2

اضف رد

MetaEb

2012-03-09 (11:39:13PM)

ده لينك لتحميل اخر فيرجن من البرنامج

ده واحد شارح طريقة عمل البرنامج بالعربى

انا عن نفسي جربته والفرق بان بس اساسا انا فعلا مش محتاج الصوت العالى انا كفاية عندى انى بحس بيه لما بيرن فى جيبي

Mahmoud Samir

2012-03-09 (12:34:05PM)

ممكن تحطه عادي بس لو مافهوش اي اعلان لمواقع اخــــري .....وتحياتي

بدون عنوان

بواسطة: shehab

اخيرا النت اشتغل .
الماركت عندى اتغير بقى اسمة google play store . دة من اية اصل انا رحت التوكيل واعاد ضبطة للمصنع زى ميكون لسة جاى الماركت اتغيرت

2012-03-08 (01:09:26PM) / ردود 1

اضف رد

Mahmoud Samir

2012-03-08 (05:10:05PM)

الماركت اتجدد ياصاحبي وبقي كدا

بدون عنوان

بواسطة: Zomy

MetaEb

اية برنامج ال
TSF launcher
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

2012-03-06 (08:48:04PM) / ردود 1

اضف رد

MetaEb

2012-03-06 (09:45:56PM)

ده يا سيدى لو ليك خبرة فى برامج ال launcher ف هو احلى لانشر انا شوفته لحد دلوقتى انا جربت go launcher وجربت كذا واحد بصراحة ده احلاهم هو الفروقات مش كبير بس حاسس انه منظم اكتر

لو متعرفش ايه هو الانشر هو يا سيدى حاجة كده زى الثيمثات ايام نوكيا والكلام ده بس مش بيغير ايكونات لا بيغير طريقة العرض فى الجهاز العرض والتنظيم بيحسسك انك غيرت نظام التشغيل بتاع الموبايل مثلا

بدون عنوان

بواسطة: احمد الاسكندر

استفسار بس في الموبايل دة

استاذي اشتراة و بيقولي يا حمادة صوتة واطي XD

قالي حاول تشوفلي برنامج يعلي صوتة شوية ... قولتلة هشوف X:D

فا انا اعرف ان HTC صوتها مش عالي اوي بس منخفض X:DDD

فا كنت عاوز اعرف رد الاعضاء و مساعدتهم ليا في الموضوع دة

اي برنامج من الماركت اي حاجة او طريقة تخلي الجهاز صوتة يعلي ...

اكون شاكر جدا .. في انتظار الرد

تحياتي .. :)

2012-03-05 (09:32:48AM) / ردود 7

اضف رد

MetaEb

2012-03-06 (07:37:52PM)

دخلنا فى شهر مارس اهو

والمفروووووض ان تحديث الايس كريم ساندوتش فى اخر الشهر

اتمنى نكون فى حساباتهم :(

MetaEb

2012-03-06 (07:32:21PM)

بخره بقى ليتحسد D:

واهو بالمرة قول بتشحن الموبايل ازاى يمكن الناس بتشحنه غلط انا عن نفسى بسيبه لحد ما يعيط من قلت الشحن واجى قفله وحطه فى الشاحن قبل ما انام

حد جرب برنامج TSF launcher؟؟؟ ...انصحكم تجربوه :)

jimmy83

2012-03-06 (04:46:56PM)

320 !!!
دنا كل الي عندي 224 و 192 ... فاكيد 320 كويسة.
---------
انا بس عايز افهم انتو بتقولو عن صوتو واطي مقارنة بايه !!
و للعلم اشتريت واحد مستعمل ب2850 و اليوم الساعة 9 حيكمل يومين بشحن مرة واحدة منغير نت..بس اغاني و استكشاف

MetaEb

2012-03-06 (04:21:03PM)

bitrate عالية
اممممم يعنى لو 320 ستريو متبقاش كويسة؟

jimmy83

2012-03-06 (03:51:57PM)

جرب خلي يفوت على sound
وايشيل اختيار عن او يوقف..
* Quiet ring on pickup
*Pocket mode
و حيرجع صوت الرنة طبيعي زي صوتها و هو بيسمعها كانها اغنية من على السماعة الخارجية.
..بس قولو يجيب اغاني bitrate عالي و الصوت حيكون زي اي جهاز كويس + نوعية صوت اجمل.
الmp3 العادية فعلا صوتها اقل من الطبيعي.
معرفش حتفهمو ازاي عن البيتريتس !!ِ

MetaEb

2012-03-06 (10:12:14AM)

انسى يا حمادة :)

Zomy

2012-03-05 (04:04:44PM)

دورلو علي اي اغنية صوتها عالي تمشي معاة رنة
مشوفتش برنامج انة يعلي صوت رنات الموبايل لو حد يعرف يقولينا

بدون عنوان

بواسطة: dadodahab

اخيرااااا الحمد لله اشتريت الhtc sensation xe وفعلا انا شايف انه جهاز ممتع جدا وبحاول اكتشف فيه كل شويه وربنا يكرم

واحب اشكر كل من ساعدني بمعلومه عن الجهاز وخصوصا اخي Metaeb اللي غلبته بالأسأله

واي حد حابب يستفسر عن حاجه في الجهاز يتفضل....

2012-03-02 (03:37:20AM) / ردود 3

اضف رد

dadodahab

2012-03-05 (02:05:57AM)

الله يبارك فيكم وفعلا موبايل تحفه في كل حاجه واديني كل يوم بكتشف حاجه جديده وربنا يباركلي فيه

اشكركم جميعااااااااااا

MetaEb

2012-03-02 (02:13:18PM)

مبروك يا عم ولا تعب ولا حاجة عادى عادى كلها تسالى :)

ibrahimsh3t

2012-03-02 (11:16:39AM)

mabrooouk

بدون عنوان

بواسطة: shehab

.انا عاوزك ضرورى يا محمد انا مش لاقيك خالصصصصصصصصصصصصصصصصصص . اكتبى الفيس بوك بتاعك

2012-03-01 (06:19:27PM) / ردود 2

اضف رد

shehab

2012-03-02 (02:06:14PM)

وانا كمان مفيش شات خالص مش عارف لية الموقع هنج . طيب لو عرفت انتهاردة الساعة 5

MetaEb

2012-03-01 (09:53:16PM)

يتهيالى لو كتبته هنا هيتشال...والشات معرفش ماله والله انا ما مسحتك ولا مسحت اى حد بس مفيش عندى ولا واحد

بدون عنوان

بواسطة: Sanguinius

عندى سؤال بالذات
ال HTC SENSATION XE و لا HTC SENSATION (الى بيتقال عليه اوقات Pyramid )
انا قارنت ما بين عينات الصوره الثابته لقيت مفيش فرق كبير اما فى الفيديو فلقيت ال XE احسن و كمان ال XE معالج اعلى سنه و كمان امكانيات اكتر شويه بس gsmarena.com فى مراجعتهم بيقولوا انه الXE اداء الكاميرا بتاعته غير مذهل و كمان ادائ الشاشه فى الخارج سئ فأنهى الاحسن و مبدأيا ال XE احسن فهل اقدر قارنه بالmotorola ATRIX ? و انهى هيبقى الاحسن فى المقارنتين و انا بقارن على اساس انه السعر قريب و الامكانيات قريبه برضه فياريت تفيدونى
و سؤال اخير الLG Optimus 2X اقدر اقارنه بيهم و لا انسى علشان سمعت انه مش موجود فى السوق و شكرا مقدما

2012-02-28 (12:02:05PM) / ردود 14

اضف رد

Zomy

2012-03-04 (05:29:16PM)

لزقة الشاشة مش هتزيد عن 200 جنية

في منها انواع روح لمحل موبايلات نظيف هيقولك الانواع و الفروق
الفرق ان واحدة نوعها و حامة مثلا كويسة
نوع تاني وسط

طبعا مش هتاثر معاك في وضوح لون الشاشة غير لو جيبها المرايا الي هيا بتعكس

اما اي لزقة محترمة المفروض متبقاش باينة انك حاطيط حاجة علي شاشة
و تحمي الشاشة
و كل شهرين او كل ما تحس انها قدمت ارميها و ركب واحدة جديدة
بس روح لمحل موبايلات نظيف عشان يبقا في انواع و هوا يلزقهالك لانها غلسة شوية في اللزق

kemo31

2012-03-03 (06:54:44PM)

ياجدعان والله البطاريه وحشه احنا مش بنشتغلكو انا معايا الevo 3d اللي هو شغال بنفس البطاريه وبشتغل بيه games وانترنت ,face وtwit ومش كتير كمان زي ماكنت بشتغل علي الاس2 والبطاريه مش عايز اقول بتقعد ايه عشان متزعلوش مني
يعني ده استخدام ياجماعه واستخدام عن استخدام يفرق ولازم كل واحد يقول رايو والعيوب اللي قابلته عشان كله يستفيد

jimmy83

2012-03-02 (06:18:21PM)

MetaEb ..
هي المصيبة فالي بيستعملو الاجهزة مش من الاجهزة نفسها.
مجرب htc Titan وشاشتو اكبر من شاشة دا بكتير + ان بطاريتو اصغر ومكنش في اي نوع من المشاكل.بس طبيعي انو مش اندرويد فحتكون البطارية عمرها اطول شوية.
دا بشاشة اصغر و بطارية اكبر يعني اكيد كويس..بس هو كل واحد واستعمالو و شطارتو..
Sanguinius
شكرا على التشجيع..انا اصلا متهور فالاجهزة ..ولولاها هي وكام حاجة كدا كان زماني تجوزت بدل منا حفضل خاطب 30 سنة.
وزي مبتقول ..كلو عايز يشغل كل حاجة و الشاشة على العالي و هات يا لعب طول النهار و صوابعنا لازقة على الشاشة 24 ساعة و بعدين كلو بيشتكي.
وبالنهاية الي مش عاجبو اعمار البطاريات دي يجبلو ويندوز موبايل ولا بلاكبيري ولا anna و bella وايريح دماغو.

Sanguinius

2012-03-02 (01:17:04PM)

بص يا jimmy83 اتكل على الله و اشتريه و ان شاء الله يكون كويس و سيبك من الكلام بتاع البطاريه و انا قريت اكتر من مراجعه ليه على اكتر من موقع و مفيش واحد فيهم قال انه البطاريه سيئه كده و اسوء مراجعه قالت انه البطاريه اقل شويه من بقيه الموبايلات الى فى فئته و الباقى بيقول عادى جدا و معتقدش انه كل الناس ديه هتبقى غلط اما الى بيقول على البطاريه هنا فانتا عارف كويس جدا انه عمر البطاريه بيترتب على حاجات كتير فيمكن معرفوش يظبطوا الامور كويس على جهازهم زى مثلا الوندوز بيجيى اوقات فيه الهيبرايشن و السليب و الحاجات ديه شغاله و ديه بتاخد مساحه كتيره و الناس تشكى و مهماش عارفين انهم ممكن يقفلوها و كذلك مع برامج startup و كده

MetaEb

2012-03-01 (04:41:50PM)

جيمى هقولك حاجة انا معرفش الجماعة هنا شاغلين دماغهم بالبطارية ليه وعينهم تبقى على البطارية لو نقصت شرطة يحسوا انها بايظة اصلا

انا بقولهم يا اخوانا حاولوا تستمتعوا بالموبايل بجد الموبايل جميل اوى انتم دافعين فيه مبالغ قد كده حاولوا تتبسطوا بيه شوية

بخصوص اللزقة يا شهاب انا هجيب clear coat هى نوع من انواع اللزقات لقتها على موقع سوق دوت كوم هى عاملة 140 جنيه غالية شوية بس كويس ولو حد يقدر يفيدنا فى موضوع للزقة ده يقول

وارجوكككككككككم كفاياكم كلام عن البطارية

shehab

2012-03-01 (04:24:47PM)

انا مش عارف اشترى لزقة الشاشة منين مش لاقيها خالص
البطارية مش بتكمل يوم اعمل اية

jimmy83

2012-03-01 (03:10:51PM)

انا الجهاز دا حجيبو يعني حجيبو لو حفضل لازقو بالشاحن..هي شوية اخد نفس لان كل مشيل تمنو على جمب تطلعلي مصيبة و اضطر اصرف منهم.
و في حاجة موتورولا متخلفة بيها قوي حسب رايي و هي الMOTOBLUR UI لانها متوصلش لعشر الHTC Sense UI
و بخصوص البطارية لو فعلا الكلام دا صحيح..الجهاز دا مستحيل يتباع في اي بلد اوروبي او اميركا و البلاد الي زيها لان في مواصفات و مقاييس معينة و منها عمر البطارية و كفائتها + ان في عدد شكاوي معين لو اي جهاز وصلو بيقومو بوقف بيع الجهاز و اجبار الشركة على تعويض الناس.
يعني htc مش حتستثمر 300 مليون دولار على BEATS و تسيب البطاريات (الي هي طبق الاصل واحدة فاغلب الاجهزة)
ودا بيوصلني لان كل الكلام تشويه سمعة زي الحاصل مع سوني اريكسون..هو هو الي بيحصل مع htc ....نوكيا برة الاندرويد كلو... و موتورولا و lg مش بيبيعو اجهزة كتير فمفيش لازمة ليلفقولهم تهم وشائعات.
وربنا يكفينا شر الجهلة من بياعين و غيرهم.

Sanguinius

2012-02-29 (10:12:55PM)

و بخصوص البطاريه الواحد اتخنق من الموضوع ده لانه كل شويه واحد برأى و بكلام و شويه اجمد بطاريه فى الدنيا و شويه سيئه جدا و صراحتا اعتقد انه الواحد هيخاطر و يجيب و يجرب اصله مفيش كلام ثابت لا هنا و لا فى النت و اما التجار فعندهم الاتش تى سى و السونى و بالمره المتورولا فوبيا
كل ما تجيب سيرتهم يطلع لك فيهم كل عيوب و مشاكل الدنيا و يقعد يغريك بعده سامسونج و يقولك الشاشه مش عارف ايه و نظام التشغيل انرويد -حتى لو كانت العده الى بتسأل عنها بالانرويد برضه و هينزل لها السندوتش - و طبعا المقوله الاشهر هى انه انتا لما هتيجى تبيع هتخسر جامد كانه الواحد بيجيب العده علشان يبعها بعدها بيومين و لا هما شايفين الغيب و عارفين انى هتزنق بعدها و هتضطر ابيع ,الخلاصه مش هتلاقى كلمه عدله منهم عن العدد ديه و النت فوضوى كبيره و اختلاف فعلى الله بقى و كمان تقريبا فى بطاريه تانيه ممكن تشتريها بتكون اقوى

Sanguinius

2012-02-29 (10:06:45PM)

الف شكر للكل . Zomy اهم حاجه متكونش بتاخد من وضوح الشاشه او شكلها على الاطلاق غير كده مش مهم و لو كانت ب300 جنيه (مش هبوظ الموبايل على حاجه تافهه) و طبعا مناش هجرب مقاومتها بمسمار و شاكوش .kemo31 بخصوص البطاريه ممكن الشرح اكتر ؟ يعنى مثلا هل البطاريه تعتبر اقل من البطاريات المماثله ليها و ده عيب فيه او انه مثلا اسرع فى انها تفضى اقل من الموبايلات التانيه ؟ و اعتقد انه على حسب البرامج و الاستخدام و كمان سطوع الشاشه و الحاجات ديه و لا عموما البطاريات ضعيفه ؟ و لو كانت عموما لانهى حد ؟ يعنى كام ساعه استخدام متوسط ؟.
jimmy83 التلاته فى سعر بعض لحد ما يعنى الفرق 200 او 300 جنيه بالكتير علشان كده بسأل و الاعتقد انه مش الgsmarena بس لا ده الدنيا كلها مبهوره بالسامسونج و الشاشات الاكتيف ماتريكيس اوليد بتاعتهم الى مهياش داخله دماغى خالص و اعتقد انه فى موبايلات احسن من السامسونج -المستويات المتوسطه بالذات- و بسعر ارخص بس اعتقد انه السوق عندنا عشوائى على حسب المنتشر و الى بيشترى مهواش عارف هو عايز ايه بالظبط و لا بيجيب ايه

Zomy

2012-02-29 (12:14:55PM)

Sanguinius

في لزقة بتشتريها و علي حسب نوعها و خامتها بتكون ضدد الخدش
و في منها الي تحس انك مش مركب اسكرين بروتيكت و انواع كتير
الي ضدد الخدش دي عشان صوابعك متعلمش عليها و عشان متتجرحش من ظوافرك مثلا او كدة
بس مش ضدجد الخدش مش تجيب مسمار و تجرب
:D

Zomy

2012-02-29 (06:29:16AM)

HTC Sensation XE
احلة و احلة ف الصوت و بيحي معاة سمعات ال
beatsaudio
و صوتة احلة ف الاغاني ال
mp3

السمعات دي بالظبط اللي بتيجي مع
Sensation XL
و تقريبا السمعات عاملة في حدود 800 جنية

ارشحلك ال
HTC Sensation XE

kemo31

2012-02-29 (12:49:23AM)

اولا احب اوضحلك حاجه الhtc sensation هوا اللي بيقولي عليه البيراميد وهوا غير ال sensation 4g والxe الxe احسن طبعا ولو انتا بتهتم بالكاميرا هات الxl لان الكاميرا بتاعته مميزه جدا لان العدسه بتاعهتا مالهاش حل والسنسور بتاعها جامد
مع ان الكوالكوم اللي شغالين بيه بطيء وابطا من معالجات تانيه وبتبقي اقل منه في الرقم يعني انتا لو لاقيت optimus 2x هاتو لانو اسرع من الxe رغم فرق المعالج بس مش هتلاقيه في السوق للاسف
وللعلم بطاريات الhtc ضعيفه جدااااااا

jimmy83

2012-02-28 (03:09:02PM)

ممكن تقارن الPyramid بال atrix
atrix دلوقت ب 3000 جنيه.
انا مش عارف سعر الpyramid بس لو قريب ال 3000 يبق الاحسن ولو زي ماهو سعرو فموبايل شوب و المحلات الي زيها ب 3999 يبق اكيد 1000 جنيه فرق عشان فرق الكاميرا وفرق بسيط بالمعالج مبينهم متستاهلش.
كل اجهزة htc العالية عليها gorilla glass
و gsmarena بتوع سامسونج فعادي يخبو معلومات عن اجهزة تانية

Sanguinius

2012-02-28 (12:33:30PM)

معلش حاجه اخيره ,ايه مقاومه شاشه الHTC SENSATION XE للخدش ؟

بدون عنوان

بواسطة: Msoliman

البطارية الجديدة هاتقعد اكتر من يومين لو استعملتها مكالمات و صور علي خفيف انما انا طول الوقت اونلاين سواء 3 جى او لان و كمان الايميلات بتعمل سنكرونيز و بدخل علي النت كتير و بتفرج علي فيديو البطارية الاصلية كانت بتقعد 6 ساعات بالطريقة دي و دلوقتي انا بشحن في اليوم مرة و بستعمله فترة اطول مع البطارية الجديدة علي العموم ده اول تليفون اندرويد معايا و يمكن انا مش متعود علي الاسمارت فون و ان البطارية مش زي الموبيلات العادية

2012-02-27 (06:24:36PM) / ردود 13

اضف رد

shehab

2012-02-27 (07:51:56PM)

محمد انا عاوزك ضرورى انت مش اون لاين لية فى الدردشة

Msoliman

2012-02-27 (07:31:27PM)

Anker 1900mAh Li-ion Battery for HTC Sensation, Z710E, Sensation XE, Z715E, EVO 3D, Mytouch 4G Slide - White

MetaEb

2012-02-27 (07:26:49PM)

قولى اسم البطارية ايه كده بالكامل عشان اجرب اسال عنها فى راديو شاك وموبايل شوب

shehab

2012-02-27 (07:17:58PM)

ممكن نلاقيها فى راديو شاك

Msoliman

2012-02-27 (07:13:11PM)

ده فيديو لنفس البطارية مع جلاكسي اس 2 عشان تشوف شكلها

و ده فيديو مع اتش تسي سينسيشن بعد تغيرها و بيقول رأيه فيها

Msoliman

2012-02-27 (06:55:01PM)

لا مش غلط ناس كتير برة بتستخدمها و كمان انا معايا البطارية الاصلية و ببدل بينهم عشان ما تبوظش و انا مستني لآخر شهر مارس لما نشوف الابجريد هايعمل ايه لو حل مشكلة البطارية يبقي خير محلهاش يبقي البطارية الجديدة هيا الحل

MetaEb

2012-02-27 (06:48:27PM)

طب ده مش غلط على الموبايل؟؟؟

يعنى دى تعتبر بطارية مش اصلية ولا ايه؟

وبعدين يتهيالى قالوا فى الايس كريم ساندوتش هيكون فى حل لموضوع البطارية دى

Msoliman

2012-02-27 (06:35:07PM)

انا كلفتني 145 جنيه بالشحن و كل حاجة انا ما عرفش عن موبيلات تانية عشان كنت بدور علي حل لمشكلة البطارية في جهازي ممكن تتصل ب دي اتش ال و تسألهم لو عايز تشتري حاجة من علي امازون تعمل ايه و هايوصلوهالك ازاي

Msoliman

2012-02-27 (06:32:33PM)

البطارية الاصلية كانت الكابستي كدة Li-Ion 1730 mAh
اما انكر الكابستي بتاعتها 1900mAh Li-ion

MetaEb

2012-02-27 (06:31:54PM)

يعنى تفتكر ممكن تيجى شحن دى اتش ال لوحدها ؟؟؟

واتكلف كام الموضوع ده؟

وياترى فى بطاريات لانواع موبايلات تانية ولا متعرفش؟

Msoliman

2012-02-27 (06:27:32PM)

انا مشتريها من برة مصر ، ناس اصحابي كانوا بيشتروا حاجات من علي النت و انا طلبتها معاهم و جت شحن دي اتش ال

Msoliman

2012-02-27 (06:26:27PM)

التليفون بشكل عام كويس و انا مستمتع بيه جدا يمكن احسن من الايفون مع اني ما جربتوش

MetaEb

2012-02-27 (06:26:25PM)

طيب تمام كلامك ده...انت قولت انك جايبها من الموقع ده اوك

تعرف البطارية دى فين فى مصر؟

الموبايلات

سعر و مواصفات HTC Sensation XE

Android

4.3″

3G

8 MP, 32...

GB RAM

1730mAh

موصفات HTC Sensation XE

التسجيل بالموقع

دخول الاعضاء

مواضيع مميزة عن موبايل HTC Sensation XE

مواضيع و اراء عن HTC Sensation XE