بدور علي ايه؟ اكتب رقم موديل الموبايل الابدور عليه
Sanguinius
احدث المشاراكات
-
2012-07-08 (04:14:20AM) Sony Ericsson Xperia mini
حجم الشاشه 3 إنشات يعنى 7.62 سم
-
2012-04-28 (03:49:44AM) Sony Ericsson Xperia ray
مشوفتش غير عينه واحده للفيفاز و كانت قريبه جدا من الراى بفارق بسيط لصالح الراى و ده بخصوص الكاميرا اما فى باقى الحاجات فالراى طبعا احسن
-
2012-04-24 (01:30:01AM) Sony Ericsson Xperia ray
hassan2012
الفلاش بيشتغل ككشاف فمش تلقائى يعنى لازم تفتحه بل ما تصور -
2012-04-21 (04:47:23AM) Sony Ericsson Xperia pro
راجع الردود فوق بخصوص اماكن البيع
اما عن عيوبه فلحد كبير مفيش (من المراجعات) غير
زوايا الشاشه مش اوى فى الرؤيه
صعوبه فتح غطاء البطاريه (صعوبه فى الفتح و البطاريه مفيهاش عيب بالعكس ديه قوى عن موبايلات كتير)
المنزلق مفوت ثنه
مفيش اتصال ذكى
كارت الميمورى لازم تقفل الجهاز علشان تركبه او تطلعه
اللون الاسود بتبان فيه البصمات
لكن فى مراجعات بتكدب الكلام ده كله و اصلا العيوب الحقيقه من دول مفيش غير انه المنزلق ضعيف شويه و مفيش اجماع و على حسب الاستخدام طبعا -
2012-04-21 (04:39:50AM) Sony Ericsson Xperia pro
عندك ال Xperia mini قريب جدا من الراى و بيعمل بتاع 1200 و ادى صفحته
و بالنسبه للاندريود فيمكن المينى ارخص واحد موجود و لو بتفكر فى حاجه غير الاندويد ففى خيارات كتير لكن نصيحه من الى سمعته من الناس و شوفت مراجعات الراى جامد جدا -
2012-04-17 (09:53:35AM) Nokia N8
الفروق ما بين الموبايلين
الان8 شاشه AMOLED ام الراى فLED-backlit LCD
الان8 شاشته حجمها 3.5 inches اما الراى 3.3 inches
الان8 (~210 ppi pixel density) اما الراى ف(~297 ppi pixel density)
الان8 رامات 256MB اما الراى فراماته 512 MB
كاميرا الان8 12 MP, 4000x3000 pixels اما الراى ف 8 MP, 3264x2448 pixels
الان8 نظام تشغيله Symbian^3 اما الراى ف Android OS, v2.3 (Gingerbread)
الان8 بورسيسور 680 MHz ARM 11 اما الراى ف 1 GHz Scorpion
الان8 فيه وصله HDMI و بيدعم صيغ اكتر للفيديو من الراى لكن الراى برضه عنده بعض الخدمات الاضافيه
الان8 بطاريه 1200 mAh اما الراى ف1500 mAh
اما بالنسبه للصور فأدى بعض المقارنات و زى ما هتشوف الفرق مش كبير و كمان كاميرا الراى بتدعم امكانيات اكتر
و للفيديو
و بالنسبه لبطاريات الموبايلات ففى قاعده عامه بتقول على حسب الاستخدام يعنى لو انتا مشغل عشرين برنامج و واي فاى و شغال لعب و فيديوهات و تعلى السطوع ...الخ طبيعى هتخلص بسرعه و و تهلك .الموبايلات الذكيه زى الكمبيوترات لحد كبير لازم تقفل فيها حاجات و تظبطها على مزاجك و استخدامك علشان تطلع بأكبر فايده منه
و الخيار ليك فى الاخر على حسب -
2012-03-02 (01:17:04PM) HTC Sensation XE
بص يا jimmy83 اتكل على الله و اشتريه و ان شاء الله يكون كويس و سيبك من الكلام بتاع البطاريه و انا قريت اكتر من مراجعه ليه على اكتر من موقع و مفيش واحد فيهم قال انه البطاريه سيئه كده و اسوء مراجعه قالت انه البطاريه اقل شويه من بقيه الموبايلات الى فى فئته و الباقى بيقول عادى جدا و معتقدش انه كل الناس ديه هتبقى غلط اما الى بيقول على البطاريه هنا فانتا عارف كويس جدا انه عمر البطاريه بيترتب على حاجات كتير فيمكن معرفوش يظبطوا الامور كويس على جهازهم زى مثلا الوندوز بيجيى اوقات فيه الهيبرايشن و السليب و الحاجات ديه شغاله و ديه بتاخد مساحه كتيره و الناس تشكى و مهماش عارفين انهم ممكن يقفلوها و كذلك مع برامج startup و كده
-
2012-02-29 (10:12:55PM) HTC Sensation XE
و بخصوص البطاريه الواحد اتخنق من الموضوع ده لانه كل شويه واحد برأى و بكلام و شويه اجمد بطاريه فى الدنيا و شويه سيئه جدا و صراحتا اعتقد انه الواحد هيخاطر و يجيب و يجرب اصله مفيش كلام ثابت لا هنا و لا فى النت و اما التجار فعندهم الاتش تى سى و السونى و بالمره المتورولا فوبيا
كل ما تجيب سيرتهم يطلع لك فيهم كل عيوب و مشاكل الدنيا و يقعد يغريك بعده سامسونج و يقولك الشاشه مش عارف ايه و نظام التشغيل انرويد -حتى لو كانت العده الى بتسأل عنها بالانرويد برضه و هينزل لها السندوتش - و طبعا المقوله الاشهر هى انه انتا لما هتيجى تبيع هتخسر جامد كانه الواحد بيجيب العده علشان يبعها بعدها بيومين و لا هما شايفين الغيب و عارفين انى هتزنق بعدها و هتضطر ابيع ,الخلاصه مش هتلاقى كلمه عدله منهم عن العدد ديه و النت فوضوى كبيره و اختلاف فعلى الله بقى و كمان تقريبا فى بطاريه تانيه ممكن تشتريها بتكون اقوى -
2012-02-29 (10:06:45PM) HTC Sensation XE
الف شكر للكل . Zomy اهم حاجه متكونش بتاخد من وضوح الشاشه او شكلها على الاطلاق غير كده مش مهم و لو كانت ب300 جنيه (مش هبوظ الموبايل على حاجه تافهه) و طبعا مناش هجرب مقاومتها بمسمار و شاكوش .kemo31 بخصوص البطاريه ممكن الشرح اكتر ؟ يعنى مثلا هل البطاريه تعتبر اقل من البطاريات المماثله ليها و ده عيب فيه او انه مثلا اسرع فى انها تفضى اقل من الموبايلات التانيه ؟ و اعتقد انه على حسب البرامج و الاستخدام و كمان سطوع الشاشه و الحاجات ديه و لا عموما البطاريات ضعيفه ؟ و لو كانت عموما لانهى حد ؟ يعنى كام ساعه استخدام متوسط ؟.
jimmy83 التلاته فى سعر بعض لحد ما يعنى الفرق 200 او 300 جنيه بالكتير علشان كده بسأل و الاعتقد انه مش الgsmarena بس لا ده الدنيا كلها مبهوره بالسامسونج و الشاشات الاكتيف ماتريكيس اوليد بتاعتهم الى مهياش داخله دماغى خالص و اعتقد انه فى موبايلات احسن من السامسونج -المستويات المتوسطه بالذات- و بسعر ارخص بس اعتقد انه السوق عندنا عشوائى على حسب المنتشر و الى بيشترى مهواش عارف هو عايز ايه بالظبط و لا بيجيب ايه -
2012-02-28 (12:33:30PM) HTC Sensation XE
معلش حاجه اخيره ,ايه مقاومه شاشه الHTC SENSATION XE للخدش ؟
-
2012-02-28 (12:02:05PM) HTC Sensation XE
عندى سؤال بالذات
ال HTC SENSATION XE و لا HTC SENSATION (الى بيتقال عليه اوقات Pyramid )
انا قارنت ما بين عينات الصوره الثابته لقيت مفيش فرق كبير اما فى الفيديو فلقيت ال XE احسن و كمان ال XE معالج اعلى سنه و كمان امكانيات اكتر شويه بس gsmarena.com فى مراجعتهم بيقولوا انه الXE اداء الكاميرا بتاعته غير مذهل و كمان ادائ الشاشه فى الخارج سئ فأنهى الاحسن و مبدأيا ال XE احسن فهل اقدر قارنه بالmotorola ATRIX ? و انهى هيبقى الاحسن فى المقارنتين و انا بقارن على اساس انه السعر قريب و الامكانيات قريبه برضه فياريت تفيدونى
و سؤال اخير الLG Optimus 2X اقدر اقارنه بيهم و لا انسى علشان سمعت انه مش موجود فى السوق و شكرا مقدما -
2012-02-15 (09:22:41AM) Sony Ericsson Xperia neo V
dana خشى على صفحه السونى اكسبيريا برو -برو بس مش مينى و لا حاجه- و شوفى المواصفات و متأكد انه هيعجبك لانه جهاز اسطورى فيه كل حاجه ممكن تخطر على بالك و كمان كيبورد كويرتى و مواصفاته خطيره, كاميرا 8 الصوره واضحه و الفيديو رهيب و مميزات مقولكيش و الاو اس Gingerbread و المعالج 1 ,المفروض يكون اعلى شويه لكن كل الى جربه بيقول سريع و الرام 512 ,فيه فلاش و الشاشه حجمها 3.7 انش و الكثافه 265 و ممكن اتكلم عنه لسنه فالخلاصه الجهاز اسطورى و ب2880 بس فصراحتا يستحق و كل مليم بتدفعيه فيه -و الامر راجع ليكى- و بسهوله يتفوق على اجهزه باغلى من كده لكن السونى مهواش ماشى اوى فى مصر و عندنا هطل الاى فون و هبل الجلاكسيات و تخلف النوكيا -الى مش لاقى عده سمارت فون ليه مفيش منافس احسن ليها و بسعر ارخص- و انا مبقولش الشركات ديه وحشه انا بقول احنا مش دقيقين فى الاختيار و فى العاده بنجيب على حسب الاسم و اما مقارنه المميزات و عينات الصوره و الفيديو و كده فصعب حد يعمل كده. فنصيحه اشترى البرو و الاول اسألى و قارنى و هتشوفى الفرق
-
2012-02-15 (09:01:25AM) Sony Ericsson Xperia neo V
فعلا كاميره الراى احسن و كلامى على اساس مقارنتى للعينات الفيديو و الثابته من الاتنين و صراحتا كاميره النيو فى مهياش حلوه اوى لكن طبيعى انه الراى يكون اعلى لانه فى فرق السعر و الفلوس هى الى بتحكم و طول ما هتقارد بموبايل اغلى -فى فئه الدرويدز المتوسطه- هتلاقى الفرق احسن لغايه ما تلاقى نفسك بتقول الموبايل ده تحفه بجد لكن تبص على السعر تلاقيه 4000 الاف فلازم موبايلات الوسط ديه نيجى على حاجه شويه و اصلا الراى انتا بتيجى على نفسك و بتضحى بمساحه شاشه -بالنسبه لى و لناس كتير مهمه - و برضه فى الراى المفروض يكون فى DivX/XviD فعلى حسب السعر اما اذا كتت تقدر و محتار فيبقى الراى افضل و عده جامده اذا مكنش صغر الشاشه مضايقك
-
2012-02-12 (11:17:01PM) Sony Ericsson Live with Walkman
طبعا الGalaxy W I8150 لانه احسن فى الصوره و امكانياته قويه مثلا تردد المعالج 1.4 و امكانياته من ناحيه مميزات الاخرى زى دعم DivX/XviD و الشاشه احسن شويه عموما الفرق فى الفلوس تقريبا 600 جنيه فلو ميأزروش يبقى الW
-
2012-02-12 (11:05:01PM) Sony Ericsson Live with Walkman
فعلا دايما بنسمع الحكايه ديه و صراحتا اعتقد انها كذبه و مش هتأثر غير على الى بيغير الموبايل كل يوم و السبب انهم عايزين يورطوك فى موبايل اغلى لانه لو تلاحظ امكانيات الموبايل تلاقيه بالنسبه للسعر المفروض ياخد 10 من 10 لانه تقريبا فيه كل شئ فى فئه السعر ديه و اى حاجه تاينه من اى شركه تانيه هتكون اغلى و ديه اصلا ميزه فى شركه سونى معظم موبايلاتها ارخص بكتير و احسن لكن العيب -بالنسبه للبعض- انه شاشات الاموليد قليله عندهم لكن طبعا اذواق ففى ناس مبتحبهاش و عموما سيبك من كلام الناس و الدارج طب اقولك على حاجه مش هتصدقها , الاى فون ال4 و 4 اس مفيهوش فلاش و لا بيسمح بكارت ذاكره خارجى و لا فيه جافا و الصوره مهياش احسن صوره و ال4 احادى النواه و مع ذلك غالى جدا و الناس بتتهافت عليه مع انه الجالاكسى نوت يمسح بيه الارض و الاس 2 كذلك و الموتورولا اتريكس ارخص و ممتاز و كتير عموما سيبك من الكلام ده و ركز على المميزات الى عايزها فى الموبايل و لو فيه اسأل على ادائه من ناس كان معاها و لو تمام يبقى على بركه الله و بالنسبه للبيع على حسب هتغير امتى يعنى لوب عد سنتين مش هيجيب تمن ولاعه لانه هيكون قدم و الموبايل ده جامد جدا جدا و فيه مميزات خرافيه و انصك تيجيبه و السعر مناسب لو مثلا اتكسر او اتسرق متكونش الخساره كبيره مش زى الى جايب نوت و لا اى فون و بخصوص الحراره بتاعه الدوله بص يا سيدى ده على حسب الموقع الى انتا بتتعامل معاه و على حسب طريقه شغله مثلا فى مواقع بتحسب الحراره بالمتوسط و تعرضها ليك و بكده بيكون فى فرق درجات بسيط بين الاوقات و فى مواقع دقيقه و بتجيب لك كل شويه يعنى مثلا فى اول الليل فى الشتا درجه الحراره ممكن تكون 15 و عبال الساعه 3 الصبح مثلا ممكن تكون 10 فالموقع بيعرض لك الدرجه متغيره على حسب التغير فى الجو و فى العاده الحكايه ديه بتحتاج اتصال مع النت و مبيكونش مكلف و اصلا معظم الموبايلات بتيجى ببرامج قياس درجات الحراره