moamantalaat

احدث المشاراكات

• 2015-04-23 (11:33:13PM) HTC Desire 816

  تم تنزيل التحديث اجمالا جيد بس الملاحظة ان وقت شحن الموبيل زاد جدا بقى حوالي 5 ساعات عشان يشحن بالكامل بالاضافة الى ان وقت فتح الموبيل زاد وتم الغاء خاصية اعادة التشغيل السريع او fast boot متهيقلي في تحديثات لازم تيجي تعالج المواضيع دي في المستقبل

---

• 2014-08-22 (06:40:06PM) HTC Desire 816

  التحديث الي قبل الاخير خلى البطاريه اكتر من سيئه بمقدار النص تقريبا بعدين نزلت التحديث الاخير قولت يمكن يعالج العيب ده فحصلت المصيبه الاكبر والبطاريه بعد ما تشحن بالكامل واشيل الشاحن الاقيها بقيت 2% اقفل الجهاز وافتحه برضو 2% وبتفضل شغاله فتره طويله جدا بال 2% دي يعني دي نسبه وهميه مش عارف ايه الحل في الموضوع ده

---

• 2014-08-22 (06:37:34PM) HTC Desire 816

  التحديث الي قبل ده خلى البطاريه اكتر من سيئه بمقدار النص تقريبا بعدين نزلت ده قولت يمكن يعالج العيب ده فحصلت المصيبه الاكبر والبطاريه بعد ما تشحن بالكامل واشيل الشاحن الاقيها بقيت 2% اقفل الجهاز وافتحه برضو 2% وبتفضل شغاله فتره طويله جدا بال 2% دي يعني دي نسبه وهميه مش عارف ايه الحل في الموضوع ده

---

• 2014-06-08 (02:27:53PM) HTC Desire 816

  العناوين يا استاذه ايه
  1-جوفى ترونكس
  ميدان جهينة
  السادس من اكتوبر, الجيزة
  علامة مميزة: داخل مول العرب - بوابة 21 - محل رقم 252
  
  2- 17 ش المتحف الزراعى
  العجوزة , العجوزة, الجيزة
  علامة مميزة: امام مجموعة عز العرب للسيارات
  
  3- 12 عمارات حدائق رامو - ش عمر بن الخطاب
  مدينة نصر, القاهرة
  علامة مميزة: امام ستارز سنتر

---

• 2014-05-25 (01:59:52PM) HTC Desire 816

  اه تمام يا ztiger66 الموبيل Dual active sim

---

• 2014-05-22 (10:12:10AM) HTC Desire 816

  بسم الله الرحمن الرحيم
  بعد صولات وجولات ومباحاثات واستشارات عشان اجيب موبيل جديد خلفا للجراند 1 الي كان مطلع عيني تهنيج كان في حيره كبيره في الاول ما بين ال
  1-alcatel hero
  2- sony t2 ultra daul
  3- note 3 new daul
  طبعا لان اوليواتي موبيل بخطين لاني كنت خدت قرار مشيلش اكتر من موبيل واحد تاني ابدا وبدات رحله البحث وبعد العيوب الكتير الي ظهرت في ال hero تم صرف النظر عنه بالرغم من انه كان المرشح رقم واحد وبعد السعر المبالغ فيه لل note 3 new daul تم صرف النظر عنه هو كمان كده اتبقى ال t2 وهو موبيل جميل بامكانيات معقوله جدا وسعر جميل بس كان بينه وبينه حاجز نفسي متمثل في الحجم الكبير زياده عن اللزوم بالنسبالي لحد ما في يوم كنت على موقع وقريت عن ال htc 816 وعجبتني المواصفات والتصميم بس للامانه قولت مش هينزل باقل من 4000 جنيه لاننا كلنا عارفين اسعار htc كماركه محترمه بتهتم بالجوده جدااا ولما نزل الجهاز اشتريته في نفس يوم نزوله لاني كنت منبهر بسعره وهو بقاله معايا اسبوع بالضبط دلوقتي وه تقييم مبداي ليه
  اولا : الشاشه
  ممتازه جدا مش هتحتاج ابدا اكتر من كده جوده الوان وتباين حاجه محترمه فعلا وعيبها الوحيد موضوع الحمايه الي مش موجود عليها اكتر من كده مفيش 8/10
  
  الاداء :
  سريع جدااا جدااااا ولحد ما انا بكتب دلوقتي مقبلتنيش مشكله تهنيج او تقل في اي تطبيق او لعبه والمالتي تاسكنج بتاعه رائع 9/10
  
  البطاريه : مع اني كنت متخوف من موضوع البطاريه ال 2600 ma بس بصراحه انجاز ل htc انها قدرت بالحجم الصغير للبطاره دي تحقق النتايج دي بامانه يومين كاملين مع الاستخدام العادي كل حاجه ويوم او اكتر بشويه مع الاستخدلم المكثف للنت والالعاب العاليه بصراحه انجاز يحسب للشركه 9/10
  
  الصوت :
  صوت رائع وجميل ومجسم جدا عن اي موبيل تاني وصوت المكالمات واضح جدا ومسموع العيب الوحيد في الموضوع ده ان ال earphone الي جايه مع الموبيل من النوع المتوسط على احسن تقدير فمش بتديلك امكانيات الموبيل الحقيقيه سواء في الاغاني او المكالمات جرب هاند فري تاني احسن وشوف الفرق 9/10
  
  التصميم :
  htc معروفه بالشياكه والجوده مش محتاج كلام كتير في الموضوع ده العيب الوحيد الضهر البلاستك بيبصم وبيتخربش بسهوله جدااااا 8/10
  
  الكاميرا :
  ممتازه جدا سواء الاماميه او الخلفيه مش هتحتاج اكتر من كده من اي موبيل والاوبشن كتير واكتر حاجه لفتت نظري في الكاميرا سرعه التقاط الصور سريع جدا بجد حاجه محترمه مقارنه بالسامسونج في نقطه لازم تاخد بالك منها ان الكاميرا بتبقى مظبوطه في الوضع الاصلي على reolution 4224 x 2368 ودي 10 ميجا بكسل بس وده وضع اجباري عشان 16:9 الي هو الصورة تملى كامل الشاشه بتاع الموبيل عشان تحصل على ال 13 ميجا بيكسل كامله اختار وضع 4:3 ساعتها الكاميرا هتديك ال 13 ميجا كامله وشوف الفرق 9/10
  
  نظام التشغيل :
  4.4.2 kitkat نظام سريع وخفيف مفيش مشاكل تماما شكل واجهه الاتصال شيك وسهله وعمليه بس متقدرش تثبت خلفيه على التطبيقات من جوا اخرك الشاشه الرئيسيه ومفيش file manager هتحتاج تنزله 9/10
  
  العيوب :
  * الزراير تحسها مش بنفس كواليتي الموبيل واماكنها كان ممكن تكون احسن بالذات الباور
  * مفيش equalizer في مشغل الاغاني
  * حمايه الشاشه
  * بلاستك الخلفيه بيبصم ويتجرح بسهوله
  * نوعيه الهاند فري (earphone) الي بتيجي معاه دون المستوى
  
  اجمالا موبيل ممتاز ( 8الى 9 / 10 ) وانا شايف ان شركه htc بدات تاخد الطريق الصح واتمننى اني اكون قمت فايده للجميع وشكرا

---