هذا الموضوع مرتبط بـ U5

بدون عنوان

waleedsunny

2013-08-29 (02:15:47PM)

الموبايل ده معايا من أول مانزل مصر
أنا شارى اللون اسود من حوالى 3 شهور وشارى واحد لون ابيض من شهر
موبايلات ملهاش حل انضف من سامسونج وعن تجربه كبيرررررررررررره
ناقصه فلاش وكاميرا اماميه فقط لاغير
عايز ابيع واحد منهم ( اللون الابيض ) لو حد عايزه يراسلنى على الخاص ومعاه جراب سامسونج 9260

maggidforever

2013-11-02 (12:17:51PM)

ده رقم تليفونى لو عايز تبيع التليفون كلمنى ونتفاوض وانا كمان معايا الكاتيل وان تاتش تحفة ممكن نعمل ديل مع بعض 01140111571

kidguy26

2013-09-27 (05:43:46AM)

أنا بقي حصل معايا زي ما حصل معاك وأكتر وكلمت بنفسي المدير الإقليمي للشرق الأوسط كله ( صيني الجنسيه ) ومدير الصيانه في القاهره وكل ده وأنا قاعد في مركز الصيانه إللي في اسكندرية وبهدلت الدنيا وهددتهم إني هاعمل محضر شرطه وهافضحهم علي الفيس بوك ومواقع الموبايلات العربية والأجنبيه ، أفضي بس وأحكيلكم القصه كلها .

AliAfify

2013-09-17 (08:31:29AM)

أنا مش عايز أقول وأنا ببيعه اللى يقول 300 أو 400 وكلام يجيب شلل .. قبل ما أبيعه الشاشه إسودت وإتصلت بفرع النيل الهندسية اللى فى منطقتى قاللى ان ده فى الغالب محتاج سوفت وير فقط وقاللى لو هبعته القاهرة ممكن ياخد حوالى من اسبوع لـ 10 أيام ولو انتا مستعجل عليه انزل فرعنا اللى فى اسكندرية وعلى ايدك هتاخده فى نفس اليوم ( أنا من مدينة قريبة من إسكندرية تقريبا 85 كم ) المهم رحت التوكيل فى شارع سوريا فى اسكندرية والموظف اللى هناك استقبلنى بكل برود ورخامه وقاللى لا حضرتك هتسيبه وهنبعته لك او تبقى تيجى تاخد ( كل ده وهوه مفتحهوش ولا شاف فيه ايه ) , قلت له لأ انا مينفعش اسيبه وانا جاى مخصوص علشان كده وقلت له ان الموظف بتاع فرع النيل الهندسية ومدير المنطقة قاللى روح وهتاخده فى نفس اليوم وان مليش دعوه بتنظيم علاقتكم مع بعض أو تنظيم العمل بينكم ( ملحوظه بعد ما مسك الجهاز وكان معاه فى ايده قاللى انا مستلمتش منك حاجه ومليش دعوه بيك , وقبل كده قاللى افرض الجهاز محتاج قطع غيار ولا حاجه , والموظف اللى معاه مفتاح المخزن مش موجود .. يعنى كده كده لازم تستنى لبكره ) , واحتدينا على بعض فى الكلام ودخلنا مع بعض فى عند لدرجة انه كان عايز يقفل عليا الشركة ويسيبنى جوه ويمشى هوه وأنا قلت اقفل وانا برضه مش ماشى الا بجهاز خلصان انا مش تحت أمركم فى شركتكم دى ! كل ده وانا قاعد ساعه ونصف فى المناهده دى لغاية لما جه وقاللى خلاص هبص لك عليه .. بعد شوية قاللى اننا غيرنا الشاشه وإحتمال كبير البورده يكون فيها حاجه وشال الاسكرين برتكتور على كانت على الشاشه القديمة بشكل غبى وحطها على الجديده والجهاز كان شكل قذر جدا ( شغل إستفزاز محصلش ) الخلاصة : لا زلت على رأيى إن هاى سينس شركة فاشله والنيل الهندسية أفشل طبعا , وده كان درس ليا إنى قبل ما أشترى أى منتج لازم أكون متأكد إنى هتعامل مع كيان محترم الأول .

kidguy26

2013-09-14 (05:00:00PM)

أنضف من السامسونج ؟ إنت بتهزر ؟ انا بعد شهرين بعت اليو 5 ب 1000 جنيه يعني خسرت 400 جنيه واشتريت جلاكسي جراند ومفيش أي وجه مقارنه

أصلا الهايسنس فيه عيب خطير جدااااااااااا وهو إنك لما تشغل باقة النت علي خط تلاقي الخط التاني بيدي مغلق ، ده غير إن النت كمان هايكون ميت بمعني الكلمه ويدي إرور في الآخر ، يعني الموبايل ده خطين منظر بس ، ومالهوش أي اكسسوارات ، هو هايكون ممتاز للناس إللي بتنقل من موبايل زراير لموبايل تاتش ، دول بس إللي هايتوهموا بيه .

waleedsunny

2013-08-31 (03:43:18PM)

أخبارك إيه يا أستاذ على
لو تفتكر أنا قولتلك ساعتها إن حظك مع الماركة دى مش تمام
أنا مديه للاولاد بيلعبوا عليه ألعاب تقيله جدا يوميا لايقل عن حوالى من 3 ل 4 ساعات فى اليوم وبيشحنوه يوميا من كتر الاستخدام ومكالمات يوميا مش أقل من 3 ساعات
وماشاء الله عمره ما هنج أول عمل الحركات النص كم بتاعات سامسونج
ذى ما أنت قولت قبل كده عامل ذى العربيه اللادا ونقاء الشاشة بتاعه عالى جدا 254 بيكسل - والواى فاى وال 3 جى بتاعه ماشاء الله
ولو تفتكر أنا قولتلك إنى إشتريت قبل كده أكتر من 25 موبايل أندرويد وخسرت ألوف قبل كده
وانا معاك فى إنه فى بيعه مش قوى وبتخسر كتير - بس على فكره الموضوع ده بقى فى جميع الماركات للاسف - الفارق بس فى سرعة البيع لكن بالنسبة للخسارة الماديه بقى كله واحد

AliAfify

2013-08-30 (03:04:21PM)

فعلا يا دكتور مهاب .. العلام بفلوس مش ببلاش :)

drmohab

2013-08-30 (01:36:35AM)

اخيرا خلصت منه يا ا/على
انا شفت شكوتك منه فى كل حتة
الحمد لله ربنا خلصك منه زيى.انا كنت شارى جى تايد e7 و بعته بالعافية و خسرت نص تمنه و حرمت الصينى المجهول الهوية و دلوقت معايا الكاتل 997d فوق الممتاز
فعلا الواحد مابيتعلمش ببلاش و فعلا الغالى تمنه فيه

AliAfify

2013-08-29 (08:48:41PM)

يا أستاذ وليد أنضف من السامسونج إيه بس !! ؟
أنا بعت اليو 5 بطلوع روح بـ 700 جنيه بس يعنى خسرت نص تمنه تقريبا فى شهرين بس !
واستخدمت بعد منه سامسونج جلاكسى كور ومعايا دلوقتى جلاكسى إس ثرى وبصراحة مفيش أى وجه مقارنة بينه وبينهم !

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Hisense U5

مقارنة

Android
4.0″

4.0 بوصة
3G

2G / 3G
5 MP

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Hisense U5

Android

4.0″

3G

5 MP