بدور علي ايه؟ اكتب رقم موديل الموبايل الابدور عليه
sayedmohamed
احدث المشاراكات
-
2015-02-19 (09:49:27AM) Sony Xperia Z Ultra
شكرا ياشباب على الرد السريع بس موضوع انى ارجعه للمحل ده مش عارف هايبقى نظامه ايه لان عيب الشاشه بيظهر على فترات متباعده زى ماقلت قبل كده وصعب انى اثبته قدام حد لانه بقى بيظهر معاى دلوقتى مره واحده فى اليوم او فى يومين كمان فازاى هاثبته قدام حد بيشوف الجهاز وكمان خايف يأثر بعد كده على حاجات تانيه او يزيد مع الوقت , الجهاز الاول الى رجعته كان نفس العيب فيه بس كان ظاهر جدا وشبه دائم فكان سهل انه يرجع لكن على العموم انا هاروح الضمان النهارده ان شاء الله وهاشوف الرد هيبقى ايه , لكن ماحدش فادنى فى موضوع الكاميرا الى قلت عليه ده معناه ان ده الطبيعى بتاع الكاميرا خصوصا الاماميه ارجو التوضيح.
وفى حاجه تانيه بخصوص الشبكه او بالاخص النت من على شبكة فودافون كتير بتبقى تقيله جدا حتى لو H او +H والسيجنل مابتسبتش وبتفضل تقل وتزيد وبصراحه طهقتنى بس كشبكه عموما مابتسقطش فى المكالمات ارسال او استقبال حتى لو السيجنل شرطه واحده او مافيش شرط خالص مع العلم ان نفس الشريحه على موبايلات تانيه بيبقى شغال نت كويس يبقى ده شبكه ولا ايه ؟
محمد فؤاد : بخصوص الشاشه الى بتضلم اثناء المكالمات ده سينسور علشان يقلل من استهلاك البطاريه ولما بتنهى المكالمه او بتبعده عن وجهك اثناء المكالمه بتشتغل تانى وتقريبا ممكن تلغى الخاصيه دى لكن لو قصدك انها بتضلم عموما لما بتبقى شغال عليه من غير مكالمات يبقى مش عارف ده ايه .
شكرا محمد فؤاد
شكرا محمد 20 -
2015-02-11 (10:52:25PM) Sony Xperia Z Ultra
.... بعد اذن مستخدمى الفابلت ارجو سرعة الرد:
انا لسه جايب التليفون ده من تلات ايام وكان فى عيب فى الشاشه لما تيجى تقفلها وتفتحها تانى او لما تقفل لوحدها وتفتحها من زرار البور بتعمل خطوط عريضه فوق بعض كأنها بتجمع زى التليفزونات القديمه ورحت رجعتها لانها كانت ملحوظه ومتكرره واخدت عده تانيه وبعد تجربه يومين لقيت نفس العيب بيظهر بس على فترات متباعده يعنى تقريبا ظهرت خلال يومين استخدام تلات او اربع مرات بس لكن مش عارف هو ده عادى فى العده دى وعايز تحديث مثلا او علشان انا على كيتكات 4.4.4 فممكن يكون من عيوب السيستم ولا دى ده عيب والمفروض ارجعها انا مش عارف اعمل ايه بالذات انى مبدل واحده والراجل ماكلمش فى حاجه لما لقى العيب ظاهر جدا وبدلها عالطول لكن فى العده الجديده العيب بيظهر على فترات متباعده وصعب انى اثبته قدامه فياريت الى استخدم الجهاز ده بعد أذنكوا يفيدنى فى الموضوع ده لانى اول مره امسك موب سونى
وفى حاجه تانيه ارجوا توضيحها من مستخدمى الجهاز :
1- الكاميرا الاماميه لما بتفتحها بيبقى فيها نغبشه واضحه لكن لما بتصور الصوره بتطلع كويسه الى حد ما والنغبشه بتقل جدا ولكن بيبقى فى نغبشه بس قليله مش زى ما بتبقى مشغل الكاميرا قبل التقاط الصوره هل ده عيب ولا ده عادى علشان هى 2 ميجا ارجوا التوضيح
2- الكاميرا الخلفيه برده لما بتفتحها بيبقى فيها نغبشه بسيطه جدا لكن بعد التقاط الصوره بتطلع حلوه وتقريبا النغبشه دى بتتلاشلى خالص بس طبعا ده فى ظروف الاضاءه الكويسه هل ده عيب ولا ده العادى
3- هل الزراير الرئيسيه الهوم والباك وكده ممكن تبقى تقيله شويه مع الاستخدام السريع يعنى لو شغال على النت او بتتنقل مابين الابلكيشين ممكن ادوس على زرار الباك ساعات مابيستجيبش وممكن مايستجيبش معايا مرتين او تلاته كمان بس ده بيحصل قليل بصراحه ولكنه بيبان جدا لما اشتغل عليه بسرعه او لما ادخل على حاجه غلط واكون عايز حاجه تانيه فاخرج بسرعه هل ده عادى ولا المفروض الموب ده التاتش بتاعه سلس وسريع .
انا اسف على الاطاله وارجو الرد سريعا من مستخدمى هذا الفابلت قبل نفاذ مدة العشر ايام المتبقيه من ضمان المحل علشان مادخلش فى حسبة برمه مع التوكيل ان اسف على الاطاله مره تانيه بس انا اول مره اجرب جهاز سونى وشكرا مقدما . -
2015-01-13 (06:01:35PM) Nokia Lumia 630 Dual Sim
انا لسه جايب الموب ده جديد من 10 ايام وفى حاجات عايز اسأل عليها مش عارف هي عاديه ولا لا يعنى مثلا لما بشحن الموب ويكون 100 فى 100 لو سبته بدون استخدام لمدة 12 ساعه بيقل فى حدود من 5 الى 10 فى الميه من الشحن هل ده عادى ؟
وفى حاجه تانيه ساعات التاتش بيكون تقيل شويه فى بعض الاستخدامات الى بيكون النقر فيها فى مساحه صغيره زى مثلا لما تيجى تعرف مزيد من المعلومات عن الابليكيشن قبل ما تحمله من المتجر الى هى (اقرأ المزيد) او مثلا فى بعض امور النظام زى ( اعرف المزيد عن سياسة الخصوصيه ) والكلام ده .
وفى بعض الاحيان ممكن ابقى فى ابليكيشن ما او لعبه ويطلع لوحده للشاشه الرئيسيه هل ده برده عادى فى التليفون ده ولا ده عيب عندى انا بس
وشكرا على الرد مقدما وارجو سرعة الرد لمعرفة ما يتعلق على ذلك من ارجاع االموب او استبداله قبل نهاية فترة ال 14 يوم