بدور علي ايه؟ اكتب رقم موديل الموبايل الابدور عليه
هذا الموضوع مرتبط بـ Xperia Z Ultra
للرجوع الي صفحة الرئيسية اضغط
هنا
z ultra
تلك الخدمة مخصصة لاعضاء الموقع
معلومات سريعة عن Sony Xperia Z Ultra
-
Android
-
1080 x 1920 pixels, 6.4 inches (~344 ppi pixel density)
-
3G
2G / 3G -
8 MP, 32...
انا لسه جايب التليفون ده من تلات ايام وكان فى عيب فى الشاشه لما تيجى تقفلها وتفتحها تانى او لما تقفل لوحدها وتفتحها من زرار البور بتعمل خطوط عريضه فوق بعض كأنها بتجمع زى التليفزونات القديمه ورحت رجعتها لانها كانت ملحوظه ومتكرره واخدت عده تانيه وبعد تجربه يومين لقيت نفس العيب بيظهر بس على فترات متباعده يعنى تقريبا ظهرت خلال يومين استخدام تلات او اربع مرات بس لكن مش عارف هو ده عادى فى العده دى وعايز تحديث مثلا او علشان انا على كيتكات 4.4.4 فممكن يكون من عيوب السيستم ولا دى ده عيب والمفروض ارجعها انا مش عارف اعمل ايه بالذات انى مبدل واحده والراجل ماكلمش فى حاجه لما لقى العيب ظاهر جدا وبدلها عالطول لكن فى العده الجديده العيب بيظهر على فترات متباعده وصعب انى اثبته قدامه فياريت الى استخدم الجهاز ده بعد أذنكوا يفيدنى فى الموضوع ده لانى اول مره امسك موب سونى
وفى حاجه تانيه ارجوا توضيحها من مستخدمى الجهاز :
1- الكاميرا الاماميه لما بتفتحها بيبقى فيها نغبشه واضحه لكن لما بتصور الصوره بتطلع كويسه الى حد ما والنغبشه بتقل جدا ولكن بيبقى فى نغبشه بس قليله مش زى ما بتبقى مشغل الكاميرا قبل التقاط الصوره هل ده عيب ولا ده عادى علشان هى 2 ميجا ارجوا التوضيح
2- الكاميرا الخلفيه برده لما بتفتحها بيبقى فيها نغبشه بسيطه جدا لكن بعد التقاط الصوره بتطلع حلوه وتقريبا النغبشه دى بتتلاشلى خالص بس طبعا ده فى ظروف الاضاءه الكويسه هل ده عيب ولا ده العادى
3- هل الزراير الرئيسيه الهوم والباك وكده ممكن تبقى تقيله شويه مع الاستخدام السريع يعنى لو شغال على النت او بتتنقل مابين الابلكيشين ممكن ادوس على زرار الباك ساعات مابيستجيبش وممكن مايستجيبش معايا مرتين او تلاته كمان بس ده بيحصل قليل بصراحه ولكنه بيبان جدا لما اشتغل عليه بسرعه او لما ادخل على حاجه غلط واكون عايز حاجه تانيه فاخرج بسرعه هل ده عادى ولا المفروض الموب ده التاتش بتاعه سلس وسريع .
انا اسف على الاطاله وارجو الرد سريعا من مستخدمى هذا الفابلت قبل نفاذ مدة العشر ايام المتبقيه من ضمان المحل علشان مادخلش فى حسبة برمه مع التوكيل ان اسف على الاطاله مره تانيه بس انا اول مره اجرب جهاز سونى وشكرا مقدما .