بدور علي ايه؟ اكتب رقم موديل الموبايل الابدور عليه
احدث المشاراكات
-
2014-10-26 (12:01:08PM) LG G2
ياباشا حدث ومتقلقش والله .... وكده كده التحديث لأندرويد لوليبوب قريب جدا جدا ومش معقول انت هتفضل على جيلى بين ... انا مش شايف اى حاجه وحشه فى الكيتكات اصلا
اتكل على الله وحدث متخافش -
2014-10-23 (05:21:46PM) LG G2
يا جماعه التليفون ده من اجمد التليفونات اللى استخدمتها فى حياتى
تليفون رائع بمعنى الكلمه
لا يعيبه غير قله الاكسسورات بتاعته
غير كده يبقى التليفون ده من التليفونات اللى تستحق يتقال عليها فلته من الفلتات
ممكن تقارنه بأى تليفون مهما كان وهتلاقيه سادد معاك عادى
بس لما تقارن تمنه بقى بتمن التليفونات التانيه هتلاقى الفرق الهيب اللى يرجح الكفه بتاعته -
2014-10-23 (05:15:55PM) LG G2
يا جماعه التليفون ده من اجمد التليفونات اللى استخدمتها فى حياتى
تليفون رائع بمعنى الكلمه
لا يعيبه غير قله الاكسسورات بتاعته
غير كده يبقى التليفون ده من التليفونات اللى تستحق يتقال عليها فلته من الفلتات
ممكن تقارنه بأى تليفون مهما كان وهتلاقيه سادد معاك عادى
بس لما تقارن تمنه بقى بتمن التليفونات التانيه هتلاقى الفرق الهيب اللى يرجح الكفه بتاعته -
2014-09-24 (06:40:52PM) LG G2
حاول تبقي واصل على واى فاى ثابت وسرعته كويسه وميكونش بيقطع كتير
-
2014-09-24 (10:42:37AM) LG G2
هات من سوق دوت كوم أفضل .... هتلاقى منه الابيض والاسود وكمان النسخه الـــ 32 جيجا وكمان LTE وهتلاقيه بسعر احسن من سعر المحلات اللى بتبيعه ده اذا لقيته اصلا ... انا جايبه من سوق دوت كوم وبقولك انهم افضل من غيرهم
ده الاسود
و ده الابيض
ومتوجعش راسك مع محلات كل شويه يقولك هايجيلى الاسبوع الجى وبعد كده يقولك خلص ومفيش غير كذا ولو عاوز كذا يبقى استنى مش عارف كمان اسبوعين ... سوق دوت كوم انجاز ومضمون اكتر -
2014-09-24 (10:32:48AM) LG G2
يعنى حضرتك انا منزل اخر ابديت للسوفت وير ومع ذلك مفيش حاجه من اللى بسمعه هنا عن البطاريه ده
على سبيل المثال مثلا يعنى امبارح ... التليفون اتكلمت فيه كتير جدا ولعبت عليه كاندى كراش و فيفا 2014 وهارى الموبايل فيسبوك وواتس اب واقسم بالله التليفون انا راجع بيه البيت امبارح كان 54% البطاريه الكلام ده من 8 الصبح لغايه 9 بليل .. مش عارف انا اصدقك ولا اصدق التليفون اللى معايا :) -
2014-09-17 (10:21:09AM) LG G2
يا جماعه بجد الله يكرمكم انا زهقت من كل شويه حد يقول انا مش هنزل تحديث الكيت كات عشان البطاريه .... ايوة حضرتك نعم ؟
مالها البطاريه وماله الكيت كات ... فى ايه بالظبط ؟
انا التليفون معايا بقاله تقريبا اسبوعين واستخدمته بالجيلى بين وبالكيت كات وعادى جدا
الفرق بالظبط ممكن يوصل لـــ 0% او اقل كمان :)
والله العظيم عادى خالص التليفون بيتغير للأفضل مع الكيت كات مع ثبات معدل البطاريه ومفيش اى مشكله خالص ... على الاقل معايا انا على وجه الخصوص
انا الساعه 8 الصبح ببدأ رحلتى مع التليفون وبتنتهى الساعه 12 بليل وبرجع البيت الشحن لسه 30% او 25% استخدام متوازن بين مكالمات ونت والعاب بس على خفيف خفيف كاندى كرش و فيفا 2014 بس مش طحن طول الوقت طبعا ... من الاخر التليفون ده تحفه ويستاهل انه ينافس تليفونات المفروض انها اقوى واغلى منه..... برافو LG بجد والله -
2014-09-09 (02:48:02PM) LG G2
مبروك عليكم Android L هايجلكم فى التحديثات قريب جدا :) -
2014-09-08 (11:52:54AM) LG G2
بعد معاناه من المقارنة بين كذا تليفون ... جبت التليفون ده الحمدلله
كانت مشكلته الوحيده معايا انه من غير مكان لكارت الميمورى .. لكن مع نسخه الـــ 32 جيجا المشكله اتحلت والحمدلله
لسه مستلمه حالا بالا من نص ساعه بس ... تقريبا كده والله اعلم ان الجهاز ده برنس ^_^ -
2014-09-02 (10:10:34PM) Samsung Galaxy Note 3 Neo
بردو يعنى ايه ضمان الوكيل ؟ :)
ممكن تشرحلى اكتر الله يكرمك ؟
يعنى ضمان ولا مش ضمان ؟
عاوز افهم اكتر ... معلش هتعبك معايا
جزاك الله كل خير -
2014-09-02 (08:15:20PM) Samsung Galaxy Note 3 Neo
مكتوب من تحت Official Warranty .... حد يعرف يعنى ايه ؟
معلش الواحد بعافيه شويه ومش فاهم الناس دى تقصد ايه ^_^ -
2014-09-02 (08:11:53PM) Samsung Galaxy Note 3 Neo
استاذ احمد انا بالفعل دخلت على سوق دوت كوم وعامل للجهاز اضافه للعربه ... بس مش عارف التليفون ده بضمان ولا لا .. ولو بضمان هيبقى ضمان ايه ؟
بصراحه انا مش مرتاح للشراء من سوق دوت كوم ... انا محتاج واحد قدامى اتكلم معاه مش كومبيوتر :) -
2014-09-02 (11:31:35AM) Samsung Galaxy Note 3 Neo
اولا شكرا ليكم جدا انكم بتحاولوا فعلا تساعدوا الواحد انه يختار الحاجه الافضل والانسب ... ربنا يجعله فى ميزان حسنات كل واحد بيساعد برأيه
ثانيا يا استاذ يوسف انا مع كل المقارنات والاراء اللى على المواقع العربي والاجنبي بتقول ان G2 جهاز جبار ومحدش قال غير كده "مشكلته فى مصر انه نادر ومسافه ما بينزل مسافه ما بيخلص وانا طبعا بتكلم عن النسخه الــ 32 جيجا لانه لو مفيش غير الــ 16 مش هجيبه لعدم وجود مكان لذاكرة خارجيه ولأنى بحتاج الذاكرة تكون كبيرة ضرورى
اما بالنسبه للأستاذ محمد أنس ... انا فعلا خلاص حصرت الموضوع فى تليفونين الـــ G2 و الــ Z1 مش مضايقنى فى السونى غير موضوع ان الشاشه TFT وانا الشاشه دى مبحبهاش ... لكن فى ظل عدم وجود الـــ G2 النسخه الــ 32 جيجا كتير مضطر استحمل وافكر جديا ان بكرة انزل اجيب الــ Z1 .. بس محتاج منك تانى تقولى انه تليفون حلو والشاشه هيبقى العرض بتاعه والدقه كويسين عشان بس قلبي يرتاح :) :) -
2014-08-31 (10:15:24AM) LG G2
التليفون ده دوخنى وراة ... مش لاقى حد بيبيع منه النسخه الــ 32 جيجا .... ومش فاهم ليه الرخامه دى , مفيش مكان لكارت ميمورى ومع ذلك منزلين فى مصر النسخه الــ 16 جيجا بالهبل والنسخه الــ32 جيجا حاجه نادرة او مستحيله كمان
مع انك لو دخلت اى منتدى اجنبي او حتى على فيديو على يوتيوب هتلاقى ان محدش بيتكلم عن ان فى نسخه اصلا 16 جيجا :(
بالله عليكم يا جماعه اللى يعرف مكان او محل او حد بيبيع النسخه الــ 32 جيجا فى القاهرة يدلنى عليه -
2014-08-27 (01:08:21PM) Huawei Ascend P7
الف شكر ليك يا باشا وتسلملى على المعلومات الجميله والمهمه ... جزاك الله كل خير