موضوع الكيت كات والبطاريه

للرجوع الي صفحة ال جي G2 الرئيسية اضغط هنا

ossamasawy

2014-09-17 (10:21:09AM)

يا جماعه بجد الله يكرمكم انا زهقت من كل شويه حد يقول انا مش هنزل تحديث الكيت كات عشان البطاريه .... ايوة حضرتك نعم ؟
مالها البطاريه وماله الكيت كات ... فى ايه بالظبط ؟
انا التليفون معايا بقاله تقريبا اسبوعين واستخدمته بالجيلى بين وبالكيت كات وعادى جدا
الفرق بالظبط ممكن يوصل لـــ 0% او اقل كمان :)
والله العظيم عادى خالص التليفون بيتغير للأفضل مع الكيت كات مع ثبات معدل البطاريه ومفيش اى مشكله خالص ... على الاقل معايا انا على وجه الخصوص
انا الساعه 8 الصبح ببدأ رحلتى مع التليفون وبتنتهى الساعه 12 بليل وبرجع البيت الشحن لسه 30% او 25% استخدام متوازن بين مكالمات ونت والعاب بس على خفيف خفيف كاندى كرش و فيفا 2014 بس مش طحن طول الوقت طبعا ... من الاخر التليفون ده تحفه ويستاهل انه ينافس تليفونات المفروض انها اقوى واغلى منه..... برافو LG بجد والله

AhmedmohamedAhmed

2014-09-18 (06:06:16AM)

حضرتك انا من بعد الكيتكات الشحن بيخلص في 6 ساعات علي اقل برايتنيس وكمان مش بستخدم غير فيسبوك ماسنجر بس

hima87

2014-09-18 (10:00:59AM)

معلش هو النسخة اللى معاك سريال k03 - والا k02
اصل سمعت انها بتفرق لان k03 انتاج ٢٠١٤ جاهز اكتر لاستقبال الكيت كات وعالج
المشاكل اللي فى النسخة القديمة k02
لاكن k02 انتاج ٢٠١٣
مع ذلك انا معايا النسخة ٣٢ جيجا k03 بس خايف فعلا من التحديث جدا
لان الجهاز بيقعد معايا مستريح يومين لو ضغط يوم ونصف بصراحة مسكت اجهزة تانية
فيها كيت كات محستش بفرق خالص بالعكس g2 جيلى بين رائع وسريع
وفى انتظار ANDROID L يمكن يكون فى جديد

AhmedmohamedAhmed

2014-09-18 (12:20:34PM)

اعرف منين حكاية السيريال دي ؟ انا بفكر ابيع الموبايل بسبب البطاريه اصلا

hima87

2014-09-18 (02:57:48PM)

من على العلبة من الجنب SERIAL
لا البطارية جبارة فعلا بس السبب هو فرجن التليفون
وعلى فكرة علشان متخسرش التليفون تقدر تنزل الروم الرسمى جيلى بين
استاذ عمرو هنا كان عارض الموضوع من غير ما تخسر الضمان ويرجع تانى جيلى بين
او انتظر ANDROID L وساعتها مشكلتك هتحل

AhmedmohamedAhmed

2014-09-18 (07:33:13PM)

طب الحقني بالموضوع بتاع الجيلي بين ده بسرعه

hima87

2014-09-18 (08:42:22PM)

دور هنا فى الصفحة هتلاقى استاذ عمرو عامل موضوع شرح فيه الطريقة

AhmedmohamedAhmed

2014-09-18 (08:58:35PM)

طب اندرويد L هينزل امتي ؟

hima87

2014-09-20 (10:52:26AM)

android L مش قبل شهر ١٢

petro37

2014-09-21 (01:04:57AM)

ازاي يعني مفيش فرق انا قارنت كل حاجه والبطاريه فعلا زفت وسامسونج نوت 3 بعد الكيتكات بقت بطاريته زفت بس نوت 3 نزله ابديت مساحته 203 ميجا رجع البطاريه زي الاول لكن لسا جي 2 منزلوش حاجه مش عارف ليه.

ossamasawy

2014-09-24 (10:32:48AM)

يعنى حضرتك انا منزل اخر ابديت للسوفت وير ومع ذلك مفيش حاجه من اللى بسمعه هنا عن البطاريه ده
على سبيل المثال مثلا يعنى امبارح ... التليفون اتكلمت فيه كتير جدا ولعبت عليه كاندى كراش و فيفا 2014 وهارى الموبايل فيسبوك وواتس اب واقسم بالله التليفون انا راجع بيه البيت امبارح كان 54% البطاريه الكلام ده من 8 الصبح لغايه 9 بليل .. مش عارف انا اصدقك ولا اصدق التليفون اللى معايا :)

تلك الخدمة مخصصة للأعضاء فقط