بدور علي ايه؟ اكتب رقم موديل الموبايل الابدور عليه
Mando123
احدث المشاراكات
-
2015-04-08 (09:37:22PM) Lenovo A536
lg l90
huawie honor 3c
lenovo a859
دول افضل بكتير وبفرق بسيط جدا ف السعر -
2015-04-05 (07:12:18PM) Lenovo A536
اسف ع التاخير ف الرد عشان مش كنت بفتح هما بيبقو جوه الكرتونه واى مكان هتشتريه منه هتلاقيهم جوه الكرتونه بس حاليا فيه حاجات تانيه افضل ف نفس السعر
-
2015-01-12 (11:30:37PM) LG L90 D405
خاصية ال HD voice قديمه مش جديده ولا حاجه وموجوده ف موبايلات كتير اوي
-
2015-01-04 (10:40:33AM) Nokia Lumia 730 Dual SIM
بالنسبه لضبط إعدادات النت بتتعمل يدوي عادي مش لازم يبعتوهالك كلم خدمة العملاء ويقولك الخطوات
-
2014-11-29 (10:24:51PM) Nokia Lumia 730 Dual SIM
الجهاز موجود بسعر ممتاز 825
-
2014-11-29 (10:23:09PM) Nokia Lumia 630 Dual Sim
الجهاز موجود ع صفحة سوق 825 السعر ده ممتاز للى حابب الجهاز
-
2014-11-10 (10:24:22PM) Lenovo A536
مش موضوع مسيطره ولا حاجه وانا عن نفسى لا افضل سامسونج
وحاليا معايا هواوى ولينوفو وقبلهم كان الكاتل
وسونى واتش تى سى وسامسونج
انا اساسا بتاع صيانه يعنى كل يوم معايا جهاز
وفعلا هواوى والكاتل ولينوفو ماركات محترمه جدا وعن تجربه -
2014-11-10 (10:17:37PM) Lenovo A536
السلام عليكم ورحمة الله وبركاته
النهاره هعمل لجهاز لينوفو A536
محتويات الكرتونه
شاحن+يو اس بى+سماعه+جراب ضهر ممتاز+اسكرينه غير الاسكرينه طبعا اللى بتبقى عليه
وطبعا الجهاز والضمان والكتالوجات
طبعا كواليتى الجهاز ممتاز ووزنه خفيف بالنسبه لحجمه
اولا الشاشه
شاشه 5 انش 196 بيكسل طبعا الشاشه كويسه جدا وواضحه جدا والوانها كويسه لكن زوايا الرؤيه مش حلوه اوى لكن مقبوله ومفيهاش خاصية الاضاءه الاوتو لازم تظبطها انت مش مهمه اوى
ثانيا الاداء
الجهاز طبعا رام 1 جيجا وبروسيسور 1.3 رباعى طبعا مديا تك اداء الجهاز فعلا ممتاز الجهاز سريع جدا جدا ومبيسخنش طبعا مقارنتا ب اس3 واس3 نيو وكانو معايا ويتفوق عليهم ف الاداء
وطبعا الجهاز عليه اندرويد خام وده طبعا سبب من اسباب سرعته
اداؤه ف الالعاب طبعا شغال عليه اسفلت 8 وهو نازل معاه اسفلت7 ده غير طبعا سب واى تمبل رن بيتش بجى وغيرهم كتير وبيشغل لعبة جاتا سان اندروس اللى اس3 نيو بيهنج فيها بصراحه انا انبهرت
الجهاز جاب 19 الف بنشمارك وده طبعا ممتاز لجهاز بالسعر ده
ثالثا البطاريه
البطاريه طبعا من افضل الحاجات اللى موجوده ف الجهاز بطاريه ممتازه جدا شغل متواصل فحت
العاب ونت تقعد من8 ل10 ساعات وده طبعا مقارنتا ب اس3 حاجه ممتازه اس3 مش بيكمل 5ساعات,ف المتوسط يقعد طبعا اكتر من كده بكتير وطبعا بتشحن من 2 الى 3 ساعات لو فاضيه
رابعا النسخه
نسخة كتكات 4.4.2
خامسا تاتش
طبعا تاتش ممتاز جدا وسلس
سادساالصوت
صوت الجهاز مش عالى اوى ولا واطى اوى متوسط مفيهوش خروشه ولا حاجه و لكنه مش نقىى اوى
صوت الاتصال ممتاز وواضح
سابعا الكاميرا
الكاميرا الخلفيه كويسه يعنى مقبوله والفديو بتاعها كويس 30 لقطه ف الثانيه الفلاش مش ضعيف لكنه متوسط التصوير الليلى تبع الاضاءه لكنه مقبول
الكاميرا الاماميه مش عاليه اوى لكن تقضى الغرض
الجهاز طبعا فيه الاضاءه ليد ف الشاشه فيها 3 الوان
نيجى للعيوب
كاميرا اماميه ضعيفه الى حد ما
الدزاين بتاع الجهاز مش شيك اوى يعنى
الخلاصه
لو معاك المبلغ ده ومحتار احب اقولك الجهاز رائع ويستاهل فعلا كل مليم هتدفعه عشان عمرك ماهتلاقى حاليا جهاز زيه بالسعر ده
واتمنى اكون افدتكم وشكرا -
2014-11-10 (09:25:18PM) Lenovo A536
لا فيه بقى هو فعلا شركات كتير بتصنع سمارت فون فيه ماركات مشهوره جدا زى سامسونج ابل اتش تى سى سونى ال جى هواوى الكاتل لينوفو
هما اخر 3 دول مش منتشرين اوى زى الماركات اللى ف الاول
لكن بردو مينفعش نقارنهم بحاجه مجهوله زى انجو
ده جى تايد معروف عنه ياراجل
مافى شركه تانيه صينى اسمها يكستل وبتصنع سمارت فون
انت ترضى تشترى انجو او يكستل او حتى جى تايد مع انهم اندرويد وسمارت فونز
يبقى فيه ماركات بقى ولا لا
ولما اقول ماركه مش ع اساس اندرويد او سيستم او امكانيات ده ع اساس كواليتى -
2014-11-10 (09:05:45PM) Lenovo A536
مش موضوع اسم الماركه ميهمش
ادخل ع جى اس ام ارينا وشوف الاراء ع الجهاز ده
وطبعا لينوفو اسم معروف ومنتشر مش زى انجو -
2014-11-10 (08:57:08PM) Samsung GALAXY SIII Neo+ I9300I
اه نسيت سعر هواوى اونر 3 اكس 2200 جنيه
واسمه ايضا جى 750 -
2014-11-10 (08:52:52PM) Samsung GALAXY SIII Neo+ I9300I
السلام عليكم
انا شايف حضرتك محتاره بين كذا جهاز وكلهم بينهم فروقات كتير سواء ف السعر او الامكانيات
فحضرتك لازم تشوفى انتى عايزه ايه ف الفون ايه احتياجاتك وع الاساس ده تقدرى تختارى بسهوله
وع العموم
سونى سى3 جهاز ممتاز جدا وشغال كويس لكن نيجى للسعر سعره عالى اوى ع امكانياته يعنى ممكن نجيب الامكانيات دى بسعر اقل وبسهوله
مثلا زى اس3 نيو ممتاز جدا وافضل من سى3 ف السعر وامكانياته اعلى 1.5 رام بدل 1 و 1.4 بروسيسور بدل1.2 لكن حجم الشاشه ف صالح السونى وده هو الفرق الوحيد
فاعتقد اس3 نيو افضل
وعن تجربه موبايلات سونى سوفتها مش كويس
وفيه ف الرنج ده بردو هواوى اونر 3اكس وده اعلاهم كلهم وافضلهم سواء سعر او امكانيات من شركه محترمه
رام 2 جيجا بروسيسور 1.7 ثمانى النواه وده طبعا اداؤه عالى جدا جدا وشاشه 5.5 اتش دى
وكاميرا 13 ميجا ممتازه وده يتفوق ع النوت2 بسهوله جدا وانا كان معايا نوت2
وهواوى شركه كبيره ومحترمه جدا واجهزتها كواليتى بتاعها ممتازه
ودى افضل اختارات ع الاطلاق ف الرنج ده
نيجى بقى ل اتش تى سى 816 طبعا الفون ممتاز جدا اداء مميز وكاميرا جميله وشاشه جميله ايضا
لكن هى مشكلته الوحيده التحديثات هى اللى فيها مشكله ودى مشكله مؤقته وان شاء الله ينزل تحديث قريب يصلح كل العيوب
وفيه ايضا ف الرنج ده
نوت3 نيو وده منافس قوى جدا لل816 سواء ابو شريحه او اتنين
ومن رايى الشخصى افضل النوت ثرى نيو وفرق ف السعر حوالى 150 جنيه بس
ف الاخر احب انصحك بهواوى اونر 3 اكس جهاز ممتاز جدا جدا من شركه محترمه
ولكن لو مش حابه هواوى يبقى نوت3 نيو افضل من ال816 سواء الشريحه او الاتنين
وف النهايه ده رأيى الشخصى ولحضرتك حرية الاختيار
واتمنى انى اكون افدت حضرتك -
2014-11-10 (07:56:52PM) Lenovo A536
وع فكره مفيش مقارنه اساسا مع اس دوس نهائيا
-
2014-11-10 (07:52:46PM) Lenovo A536
السلام عليكم
الجهاز ده رائع بمعنى الكلمه ودى كمان كلمه قليله ع فون ف السعر ده
شاشه كويسه جدا وزوايا رؤيا جيده
بطاريه ممتازه جدا جدا جدا افضل بطاريه شفتها ف الاندرويد
كاميرا كويسه مقبوله الاماميه ضعيفه شويه بس مقبوله بردو
نيجى للاداء اداء الجهاز ده مبهر فعلا الجهاز يتفوق ع اجهزه كتير اعلى منه زى جراند واس3 وعن تجربه والله بيشغل لعبة جاتا سان اندروس اللى اس3 واس3 نيو بيهنج فيها جايب بنش مارك 19000 وده طبعا ممتازه بالنسبه لجهاز ف السعرده
طبعا نسخة كتكات
الفون معاه جراب كويس وشاحن وسماعه واسكرينه
صوت اتصال كويس
صوت الجهاز متوسط
ومتصدقش اى حد يقولك اى حاجه عن الجهاز ده لانه بجد فون ممتاز وانصح اي حد معاه المبلغ ده انه يشتريه وعمره ما هيندم ابدا عشان عمره ماهيجيب اى جهاز تانى غيره ف امكانياته بالسعر ده -
2014-11-05 (02:05:32AM) Samsung GALAXY SIII Neo+ I9300I
isa elmo4kla htt7l bs 2odamha 4oya fe ta7dis hy7l kol da w hinzl fe shahr 1
fe markat tanya koissa zy
LG
Huawei
اعلانات المستعمل
سامسونج ستار بكل مشتملاته كسر الزيرو