بدور علي ايه؟ اكتب رقم موديل الموبايل الابدور عليه
saber127
احدث المشاراكات
-
2015-05-22 (08:43:51AM) LG G3 Stylus D690N
علفكره اللوليبوب نزل مساحته 530 ميجا و نزلتو بس شكلو سفاح بطاريه و جاري التجربه و عامتا مفيش اي تغيير في الموبايل غير شكل شريط المهام اللي بيتسحب من فوق
-
2015-05-12 (12:09:32PM) LG G3 Stylus D690N
واضح يا استاذ وليد انك بعد ما حببتني في البرولايت و كنت سبب اني جبتو و عملت صفحه الفيس بوك كنت بردو السبب اني احب الجي 3 ستايلس و قررت اجيبو و فعلا امبارح وصل و من ساعتها بدعيلك الموبايل فاق توقعاتي و امكانياتو اكتر من المواصفات المكتوبه و يستاهل سعره
كفايه برنامج الريموت بتاعو ولا شكلو التحفه و شاشتو جامده جدا -
2015-04-22 (06:36:49PM) LG G Pro Lite Dual
ال g3 stylus موجود في رايه ب 1890 حاليا و بالنسبه لسهوله الاستخدام ال جي اسهل و اسرع و اقل تهنيج من سامسونج و انزل سوف الجهاز بنفسك و امسك الاتنين في ايدك و اختار احسن اللي ترتاحلو عشان انت لو حابب موبايل هتبلعلو الزلط ولو كارهو مهما كان كويس هتحس انو وحش
-
2015-04-22 (06:33:47PM) LG G Pro Lite Dual
يا جماعه احنا بعد ما عملنا جروب علي الفيسبوك كمان عملنا جروب علي الواتس اب و بنساعد بعض اللي حابب يقول نضيفو علي الجروب
-
2015-04-22 (06:31:40PM) LG G Pro Lite Dual
يا اشا انا بجد بشكرك و بحييك علي الامانه في ذكر مصدر الكلام
و علفكره انا صاحب الكلام ده و قلتو عشان لحد دلوقتي في ناس كتير بتسالني عاوزه تشتريه
و شكرا علي انك بتقول علي كلامي انو نصيحه عقلانيه -
2015-04-22 (06:28:13PM) LG G Pro Lite Dual
ياباشا ال جي فعلا فسخت التعاقد مع توكيل دلتا و الصافي و قررت تشتغل بنفسها و بقت توكيل lg
الشركه اصلا كانت شغاله في الاجهزه الكهربائيه و الموبايلاتك انت مدياها لدلتا و الصافي ولما حصل مشاكل فسخوا التعاقد و بقو هما وكيل نفسهم
اللي معاه ضمان دلتا او الصافي الضمان مكمل عادي بس مع ال جي
لحد دلوقتي مفيش مركز صيانه ليهم غير واحد في التجمع الخامس
الموبايل سعره غلي رغم انه مش موجود في اي حته لانه بطل ينزل و التحديث بتاعو lg g3 stylus -
2014-12-06 (11:19:11PM) LG G Pro Lite Dual
يا باشا ولا عمرها ما تنور عشان مفيش تحتها لمض اصلا و فيه تليفونات كتير كده و انت بعد فتره هتتعود علي اماكنهم و كش هتبص عليهم اصلا
-
2014-12-04 (07:54:20PM) LG G Pro Lite Dual
انا جمعتلكوا اهم الموضوعات من صفحتنا علي الفيسبوك عشان الكل يستفاد و سهوله القراءه علي الصفحه دي
وللاستفسارات و مزيد من المعلومات زوروا الصفحه علي الفيس بوك
-
2014-11-28 (08:58:15PM) Samsung Galaxy Star 2 Plus
ازاي انت بتقول انه مفيهوش 3جي و مكتوب انه بيدعم 3جي في المواصفات
-
2014-10-26 (04:30:28PM) LG G Pro Lite Dual
يا جماعه احنا عملنا موضوع عن السوفتوير و الابجريد من جيليبين للكيتكاتو حصري الداونجريد من كيتكات للجيليبين باللينكات ليكم علي الصفحه علي الفيسبوك
-
2014-10-10 (10:18:43PM) LG G Pro Lite Dual
الطريقه التانيه
تدخلي settings و تختاري tethering & networks و بعدين ندخل علي portable wi fi hot spot و بعدين تعلمي صح جنب portable wi fi hotspot و تظبطها من تاني حاجه اللي هيا setup wi fi hotspot ممكن تغيري اسم شبكة الوايرلس اللي انت هتعمليها و تلقطيها من اي جهاز تاني و تعملي password للشبكة بتاعتك و يفضل انها تبقي في security تختاري wpa2 عشان دي مستحيلة الاختراق و تحطي password من 8 حروف او ارقام و عيشي -
2014-10-10 (10:13:37PM) LG G Pro Lite Dual
هتلاقيها في الشريط اللي بيتسحب لتحت جنب الموبايل داتا و الواي فاي و البلوتوث ولما تشغليها هتلاقي في النوتيفيكيشن انها شغاله و بيقولك دوسي هنا عشان تغيري السيتنج بتاعتها ممكن تدخلي تعملي باس وورد و كده
-
2014-10-10 (10:09:57PM) LG G Pro Lite Dual
لا مش طبيعي انا عندي و شغاله عادي جرب شيلها و حطها تاني
-
2014-09-28 (01:29:59PM) LG G Pro Lite Dual
خلي بالك عشان بعد الابديت الجي بي اس بقي فيه اوبشن انه يشتغل و في نفس الوقت يوفر بطاريه بس مبيبقاش دقيق و ممكن تزود الدقه بس يسحب بطاريه اكتر فاكيد عندك مظبوط علي اقل دقه انا بستخدمه علطول و مفيهوش مشاكل معايا
-
2014-09-14 (09:25:56AM) LG G Pro Lite Dual
لاحظت ان كتير من الاعضاء بتقول الموبايل مش جايب شبكه علي الاخر او الشبكه ضعيفه او الموبايل عيبه بيسقط شبكه او بيسقط النت
حبيت اشرحلكم شويه حاجات لازم تبقوا عارفينها
-اولا ايه انواع الشبكات و الفرق بينهم
1جي دي قديمه فحت بتستخدم موجات الراديو الانالوج و دي كانت بتستخدم ايام تليفون العربيه و بدايات الموبايل و مبقتش بتستخدم دلوقتي
2جي تستخدم موجات ديجيتال و تسمح بالاتصال و الرسائل و نت بطئ جدا بسرعه لاتزيد عن 512 و تسمي gsm و النت gprs و edge و دي الاكثر انتشار حتي الان لانها بتوفر في استخدام البطاريات و مداها كبير و ابراجها موجوده كتير لحد دلوقتي في مصر
3جي زي ال2جي بس زودوا شويه حاجات تخلي النت سرعته 2 ميجا و في حاجه سموها 3ونص جي بقت سرعه النت حتي 7 ميجا و دي العالم كله شغال بيها و عندنا في مصر بيحدثوا الابراج و بيضيفوا عليها ال3جي بس مداها اقل من ال2جي و لحد دلوقتي مش مغطيا كل حته في مصر و تسمي wcdma
يعني مش كل حته فيها الشبكه 3جي و حتي لو البرج فيه 3جي بتبقي مداها اقل من 2جي
4جي زي ال3جي بس تمت اضافه العديد من الخواص زي مشاهده التليفزيون hd وحاجات تانيه بس لسه اصلا مشتغلتش في مصر
طيب الرغي ده كله لزمتو ايه
الموبايل بتاعنا مش صحيح ان الخط الاول بس اللي فيه 3جي بالعكس انت بتغيروا بمزاجك تخليه الخط الاول او التاني من
Settings-tethering &networks-mobile networks
و بعدين تختار الخط اللي انت عاوز تشغل عليه النت و تختار network mode
هيطلعلك 3 اختيارات
1 auto
و الاختيار ده معناه ان الموبايل لو لاقت شبكه 3جي ايا كانت قوتها هيشتغل عليها و لو الشبكه ال3جي وقعت هيشتغل علي شبكه 2جي وده الاختيار الافضل للخط اللي انت عاوز عليه نت
2 wcdma only
وده معناه انه هيشغل الخط علي الشبكه ال3جي بس و لو مفيش 3جي حتي لو في 2جي هيجبلك ان مفيش شبكه
3 gsm only
وده معناه انه هيلقط 2جي بس حتي لو في 3جي مش هيدخل عليها وده مناسب للخط اللي معليهوش نت و في حاله انك مش بتستخدم النت موبايل و بتستخدم الواي فاي بس خلي الخطين علي الاختيار ده لان شبكه الgsm اقل في استخدام البطاريه
برده استفادنا ايه من الهري ده
-انك بمذاجك تشغل ال3جي علي اي خط من الاتنين
-الخط ال3جي ممكن يجيبلك ان الشبكه ضعيفه لانه بيشير لقوه الشبكه ال3جي بس مش قوه الشبكه ككل يعني لو حد تاني معاه موبايل تاني ممكن تلاقيه لاقت شبكه كامله في حاله انه شغال 2جي
-الخط اللي عليه نت اختار auto
-الخط التاني خليه gsm only
-لو مبتستخدمش الموبايل نت خليهم الاتنين gsm only
-فوق علامه الشبكه لما تشغل النت هتلاقي حرف لو e يبقي النت شغال علي ال2جي بس وده يرجع لان مفيش تغطيه 3جي في المكان او انت عامل الخط علي gsm only والنت هتلاقيه بطئ جدا
-لو فيه رمز الh يبقي النت شغال علي ال3جي و كله تمام
ملحوظات
الشبكه ال3جي النت فيها بيتاثر بسرعه الحركه يعني لو راكب عربيه و لقيت النت مش كويس ده مش عيب الموبايل ده عيب التكنولوجيا نفسها
لو النت فيه مشاكل كلم خدمه العملا و خليهم يبعتولك رساله ضبط النت عشان النت يشتغل كويس وده مهم مش لما تجيب الموبايل و تفتح الداتا تلاقي نت يبقي تشتغل وخلاص
قطع الكهربا دلوقتي ساعات بياثر علي الشبكات عشان البرج ممكن يكون الكهربا قطعت فيه