تعرف الموبايل اصلي ولا لا منين

للرجوع الي صفحة ال جي G Pro Lite Dual الرئيسية اضغط هنا

saber127

2014-07-06 (12:25:24PM)

عشان اتسالت اكتر مره في الموضوع ده
الموبايل اعرف منين انه اصلي ولا لا و مكتوب عليه صنع في الصين يبقي تقليد ولا ايه
متقلقش احب اقولك ان كل الانواع سامسونج و ابل و ال جي و اتش تي سي حتي البلاك بيري اللي في مصر صنع في الصين و هنا في فرق وهقولك عليه
كل الشركات العالمية عندها مصانع في الصين بتستغل الاعفاء الجمركي في الصين و رخص الايدي العامله و المواد الخام و بتنتج من هناك عشان المنتج يبقي ارخص لكن المصنع بيطبق نفس المواصفات للمنتج الاصلي و ميفرقش اي حاجه عن المنتج اللي بيتعمل في اي مصنع في اي حته زي مثلا البي ام ماهي عندها مصنع في مصر بينتج البي ام بنفس المواصفات لانها بتبقي تجميع فقط و مش معناه ان البي ام دي مش اصليه
الموبايلات الصيني اللي يتخاف منها اللي بتبقي كوبي لان في الصين مفيش قانون يمنع التقليد و دي منتاجات مبتبقاش اتعملت في المصانع الاصليه دي بتبقي شركات بتجيب المنتج و تقلده و الموبايلات دي بتتعرف من انك هتلاقي الماتيريال شكله رخيص او العلامة شكلها متغير و اكيد لو هتشتري من مكان موثوق فيه مش هتتغش
تعرف انت بقي الموبايل مغشوش ولا لا اي موبايل بيبقي فيه رقم اسمه imei و ده كل موبايل ليه رقم مبيتكررش و لو الموبايل خطين بيبقي ليه رقمين imei المهم الرقمين دول ميكونوش زي بعض و ميكونش الموبايل خطين و ليه رقم واحد و الرقمين يبقوا مكتوبين علي العلبه بوضوح و يكونوا مكتوبين علي ضهر الموبايل و تتاكد منهم انك تدخل علي موقع imei.net و تدخل كل رقم هتلاقيه بيقولك اسم الموديل و كل حاجه عن الموبايل ولو قالك ان الرقم مش صحيح او نوع الموبايل مش هوه يبقي الموبايل مش اصلي

تلك الخدمة مخصصة للأعضاء فقط