بدور علي ايه؟ اكتب رقم موديل الموبايل الابدور عليه
osso333
احدث المشاراكات
-
2013-10-17 (09:09:25AM) LG Nexus 4 E960
نكسوس ٥ يوم ٢٨ اكتوبر .. تفتكروا لو نزل مصر بسعر ٣٧٧٧ جنيه مثلا في فودافون ممكن حد يشتريه ويبيع نكسوس ٤؟
-
2013-08-01 (07:54:03AM) LG Nexus 4 E960
آخر تعليق ليا في الصفحة..
الجهاز ده بعتبره احسن جهاز اندرويد لغاية 2012
لو اي حد عاوز اسرع جهاز اندرويد يشغل كل البرامج وكل الالعاب من غير تقل ولا تهنيجات ويستقبل كل تحديثات الاندرويد يجيب نكسوس 4 .. وهيفضل احسن جهاز في كل ده لكذا سنة قدام .. كل ده علشان دي نسخة اندرويد بدون اي واجهات مخصصة ولا مزايا مضافة تتقل الجهاز وتحمل على الذاكرة والرامات
لكن اللي عاوز جهاز فيه اي ميزة برمجية زي انه يراقب حركة عينك وتتحكم فيه بالاشارة وتهزه يصقف لك ويلاعبك لما تبقى زهقان يبقى بلاش يجيب نكسوس .. بس يصدقني لما اقول له ان كل ده هيبتدي واحدة واحدة ميستخدموش ومش هيتبقى في الجهاز بيستخدمه غير برامج اندرويد اللي في الماركت وساعتها هيتضايق من تقل الجهاز بسبب المزايا الكتير الغير مستخدمة ومضافة اجباريا للجهاز
واللي عاوز جهاز عملي فالجهاز ده من ورا زجاج
واللي بيفكر في كاميرا يبقى بلاش يجيب نكسوس علشان اي كاميرا 8 ميجا بكسل تانية احسن منه
واللي عاوز قلم يستخدمه مع الجهاز يبقى يجيب النوت
اللي بيفكر في سماعات خارجية قوية يبقى يجيب اتش تي سي ون
اللي بيفكر في اي حاجة تانية اكيد الناس هتجاوب له عليها هنا ومش محتاجة واحد مجرب الجهاز
شكرا للناس اللي ساعدوني لغاية ما جبت الجهاز ده .. واديني كمان قعدت معاكم شوية علشان لو حد تاني عاوز يجيب جهاز ميندمش عليه -
2013-08-01 (06:32:41AM) LG Nexus 4 E960
ايه هو اللي لازم نجربوه؟ مش تشرح لنا باختصار ده عبارة عن ايه؟
المفروض ده لانشر؟
وكمان ايه الصفحة اللي دخلت عليها دي؟ انا هقرا كل ده؟
:D -
2013-07-31 (05:55:09AM) LG Nexus 4 E960
مش عارف ليه انا مش شايف الفرق في الالوان والتاتش .. انا مش شايف اي فرق في الجهاز غير انه بقى اخف حاجة بسيطة
-
2013-07-30 (12:15:42PM) LG Nexus 4 E960
المشكلة التانية ان pie و glovebox وحتى control center وكل البرامج اللي بتدي ميزة اضافية للجهاز بتقلل من بساطة الاستخدام لانها ببساطة مش بيتعمل حسابها في التطبيقات التانية .. يعني مثلا انا متعود اني اتنقل بين الصفحات بالسحب في جوجل كروم بس لو فيه برنامج تخصيص وبيستخدم السحب برضه هيسبب لي ازعاج علشان جوجل كروم اساسا معمول على اساس ان اندرويد مفيهوش الميزة ده .. وغير كده انا بحب البساطة في الاستخدام علشان كده في سيانوجين مود قبل النكسوس كنت بستخدم الاعدادات السريعة بتاعة جوجل بالتعديلات اللي عملتها سيانوجين مود ومكنتش ستخدم الtoggles بتاعة السيانوجين مود حتى
-
2013-07-30 (12:02:13PM) LG Nexus 4 E960
لا .. انا دايما بنزل Power Toggles .. بس مش بنزل اي حاجة تانية غير كده .. مش محتاج برنامج يلغي جوجل ناو الا لو كان ينفع يلغي السحب اصلا .. ده غير اني لما لغيت جوجل ناو اكتشفت فجاة اني بستخدمه لما اكةن عاةز ادور على برنامج ومكسل .. ومش محتاج اغير الكيبورد علشان انا اتعودت على مكان الحروف في الكيبورد ده من قبل ما اجيب النكسوس اساسا على السيانوجين مود .. مش محتاج اغير اللانشر علشان كل فترة بغيره ارفه عن نفسي وفي الآخر ارجع تاني علشان حاجة مش عاجباني ومش عارف اغيرها مثلا .. ده غير ان اللانشر الاساسي مفيهوش مشكلة غير انه مينفعش تخصصه .. ودي بالنسبة لي بتخليني كل يوم بشكل وخلفية ولانشر غير التاني لغاية ما احس اني عاوز ارجع للانشر الاساسي البسيط تاني .. الرومات بقى ليها قصة طويلة معايا خليتني اجيب النكسوس علشان ينزل لي آخر تحديث ومنزلش اي رومات تاني ولا اعمل روت للجهاز حتى .. في الآخر بتكتشف ان كل الرومات دي حتى النسخة النهائية منها فيها اخطاء مش هتتصلح ببساطة علشان المطور بتاع الرم دي آخر امكانياته ، والراجل يشكر جدا على كل ده ، بس علشان اوصل للنسخة النهائية من الروم بتاخد شهور بعد اصدار نسخة الاندرويد رسميا .. طب ما انا كنت جبت جلاكسي او اتش تي سي ون اسهل
-
2013-07-30 (07:28:45AM) LG Nexus 4 E960
انا مش من الرأي ده .. انا بحب جدا اني استخدم التجربة الاصلية لاندرويد .. بس مقدرش اغير للآيفون .. لازم يبقى عندي الامكانية لتخصيص الجهاز بتاعي زي ما انا عاوز .. بستخدمها كتير وبلغيها اكتر .. وحتى لو مستخدمتهاش خالص علشان انا حابب الجهاز زي ما هو .. ما انا جبت نكسوس ٤ مش اي جهاز تاني ، يعني نسخة اندرويد بلا اي مميزات اضافية
-
2013-07-30 (07:23:12AM) LG Nexus 4 E960
مبروووووك
جرب الجهاز بعد التحديث وقول لنا رأيك في سرعة الجهاز ومحاذاة اللغة العربية والتاتش والوان الشاشة .. حسيت بفرق بعد الابديت؟ -
2013-07-29 (06:31:45AM) LG Nexus 4 E960
المفروض ان التحديث اللي حصل
1- دعم النسخة الاخيرة من اوبن جي ال .. يعني هنشوف في المستقبل العاب مش شغالة غير على انرويد 4.3 علشان فيها امكانيات عالية
2-دعم بلوتوث سمارت اللي موجود في آخر جيل من ملحقات الجهاز اللي بتتصل بيه بالبلوتوث .. وده بيوفر في الطاقة لما تكون موصل الجهاز باوتوث بواحد من الملحقات دي
3-خلوا الواي فاي ممكن يعرف الشبكات اللي حواليه من غير ما يشتغل .. ودي مهمة في امريكا علشان هم بيحددوا الموقع عن طريق شبكات الواي فاي غير الجي بس اس والثري جي .. بس ممكن تكون بتستخدم بشكل ما في دول تانية
4-عملوا للمطورين امكانية الوصول للتنبيهات .. يعني ممكن في المستقبل نشوف تطبيق بيتحكم في الاشعارات اللي بتظهر للمستخدم
5-تحسين في عرض النوافذ الشفافة اللي بتظهر فوق التطبيقات التانية زي الالة الحاسبة
aircalc
6-ممكن دلوقتي من الاشعارات او شاشة القفل تتحكم في الاغنية اللي شغالة انك تجريها شوية او ترجعها شوية .. بس لازم البرنامج اللي مشغل بيه الاغنية يعمل ابديت يحط الميزة دي فيه
ده غير تحسينات في الاداء والاستجابة للمس والوان الشاشة وانا ولا شايف ولا حاجة من كل ده
الا بس لما تعمل التليغون عربي تلاقي المحاذاة في التليفون كله من اليمين للشمال .. ويا ريتهم عملوها صح -
2013-07-29 (06:13:24AM) LG Nexus 4 E960
الجهاز ده احلى في الامكانيات الداخلية وسرعة الجهاز .. بس الاس 3 احلى في الكاميرا والبطارية قابلة للازالة والميموري ومميزات برمجية تانية في الجهاز
-
2013-07-29 (03:59:06AM) LG Nexus 4 E960
انا مش حاسس باي فرق رغم انهم بيقولوا ان الجهاز بقى اسرع والالوان وسطوع الشاشة بقوا اقوى والشاشة بقت اكثر حساسية للمس .. طبعا انا مش شايف اي حاجة من دول رغم اني ساعات بحس ان الالوان فعلا احسن شوية قليلين .. بس التاتش ساعات مش بيستجيب معايا بدل ما يبقى احسن .. انا نفسي بس في جهاز تاني نكسوس 4 لسه متحدثش علشان اجرب الفرق عالطبيعة
-
2013-07-28 (05:12:48PM) LG Nexus 4 E960
انا نزلت التحديث وحصل معايا مشكلة واحدة اني كان لازم اعمل اعادة ضبط المصنع علشان شوية تهنيجات صغيرة كدة حصلت وشوية اخطاء .. بس بالنسبة للمحاذاة من اليمين لليسار علشان دعم اللغة العربية صحيح جوجل مش عاملاها مظبوطة وفيها ملاحظات كتيرة بس اكيد هتتعود عليها .. وهتحس في النهاية ان ده دعم حقيقي للغة العربية بس لسه مكتملش .. بس لو عاوز تستني ومتعملش تحديث مش هتخسر كتير .. استني لغاية ما تحتاج التحديث لاي سبب واعمل نسخة احتياطية لتطبيقاتك وملفاتك وحدث
-
2013-07-28 (05:07:52PM) LG Nexus 4 E960
اه فعلا .. بيقول لي اصدار الاندرويد غير مدعوم
-
2013-07-28 (09:22:49AM) LG Nexus 4 E960
فعلا .. فيه اجهزة موصلهاش التحديث لغاية دلوقتي وناس بتسأل على جوجل بلس .. غريبة دي .. مش بتتحدد على اساس ايه
-
2013-07-28 (04:02:02AM) LG Nexus 4 E960
التحديث جميل يا جماعة .. بس عاوز شوية تعود
الواحد بعد ما فاق من الصدمة وبعد ما عملت الجهاز اعادة ضبط المصنع وفقت من الزعل على التطبيقات اللي اتمسحت حسيت ان التحديث مش وحش ولا حاجة
بس المشكلة ان انا لسه مش شايف الامكانيات اللي ضافوها علشان كلها تعتبر مخفية عن المستخدم ومش هتفرق غير في التجربة النهائية