هذا الموضوع مرتبط بـ Nexus 4 E960

بدون عنوان

osso333

2013-05-12 (06:31:25PM)

انا جبت الموبايل ده امبارح يا جماعة
الجهاز ممتاز في كل حاجة لغاية دلوقتي
بس المشكلة انه بيسخن شوية وانا شغال عليه
ولو في الشاحن وانا شغال عليه بيسخن اكتر
الموضوع ده طبيعي مع اللي اشتروا الجهاز وللا اروح استبدله بالضمان واخد جهاز تاني؟

ahmed795

2013-05-15 (10:21:00AM)

ما انا قصدى على ملفات apk ---- و حتة المربعات اللى فى الشاشة دا لنك عن الموضوع ده

المربعات دى عشان تشوفها لازم الموبايل الشاشة تكون مقفولة و تبصله من اكتر من زاوية ---- و على وقت الظهر كده فى الشمس بص برضه فى الموبايل من اكتر من زاوية - عندى بيظهر نقط لونها سلفر ---- وا نا اصلا وديت الموبايل لموبايل شوب امبارح و هم هيعرضوه على الضمان و هعرف النتيجة يوم الاحد ان شاء الله

osso333

2013-05-15 (05:51:07AM)

ازاي يستقبل برامج والعاب عن طريق البلوتوث .. البرامج والالعاب مش بتتبعت بلوتوث الا لو كانت ملف apk .. هو ده قصدك؟
وياريت توضح حكاية المربعات اللي في الشاشة دي علشان مش موجودة معايا

ahmed795

2013-05-15 (12:05:14AM)

انا عندى مشكلتين برضه مش عارف اذا كانوا فى كل النيكسوس 4 ولا لا ---- اول مشكلة انه مبيرضاش يستقبل برامج او العاب عن طريق البلوتوث ---- تانى مشكلة انى فى الضوء العادى لما ببص للموبايل من زاوية و الشاشة مقفولة بشوف مربعات فى الشاشة شبه اللى فى الموضوع ده و لو بكون قى الشارع فى الشمس بشوف بقى نقط فضى اللى هى بتكون المربعات دى اصلا : S فيه ناس بتقول ان الموضوع ده عادى و فى كل النيكسوس مش عارف بقى اللى عندى ده تبع العادى و لا ممكن يكون عيب

osso333

2013-05-13 (11:57:39PM)

لا من غير الداي دريم مش بيسخن في الشاحن خالص .. الا بقى لو بعمل عليه حاجة
بس هم عاملين ازاي خاصية داي دريم وهي بتسخن الجهاز بالشكل ده؟
انا خايف يكون فيه عيب صناعة في الجهاز اللي معايا بس علشان كده بسأل لو فيه حد بتحصل معاه الحكاية دي

ahmed795

2013-05-13 (10:30:24PM)

ممممم مش عارف ---- انا كده كده عامله على الدوك عشان ميشتغلش عشان اكيد بيسحب من البطارية فكده هبقى بشحن و فى نفس الوقت بفضى : ) الغيه برضه و خليه على الدوك و جرب اشحن عادى و شوف هل بيسخن برضه ولا لا

osso333

2013-05-13 (09:48:00PM)

هو بيسخن تدريجي .. بس انا ماخدتش بالي غير بعد ربع ساعة تقريبا وهو داي دريم وهو في الشاحن .. بس لو جربت داي دريم وهو مش في الشاحن مش بيسخن ولا حاجة

ahmed795

2013-05-13 (09:27:15PM)

هو بتلاقيه سخن كده بعد قد ايه من بداية الداى دريم ؟؟؟؟ لان انا لاغيها بس جربتها خمس دقايق عشان اتأكدلك بس مسخنش ؟؟؟؟!!!!!

osso333

2013-05-13 (08:52:24PM)

Daydream شبه السكرين سيفر screen saver في الويندوز .. بس في الاندرويد بتظهر لما تحط الجهاز في الشاحن .. هتلاقيها في الاعدادات-الشاشة

NEXUS4lg

2013-05-13 (07:27:17PM)

هي ايه حلم اليقظة دي

osso333

2013-05-13 (05:52:45PM)

ان شاء الله هجيب له كفر
بس فيه حاجة حصلت معايا النهارده
حطيته في الشاحن وانا مشغل خاصية حلم اليقظة daydream لقيته بعد شوية سخن لدرجة غريبة
حد جرب الموضوع ده يا جماعة؟
انا عاوز اعرف ده عيب صناعة وللا النكسوس 4 كله كده؟

wala2yassin

2013-05-13 (04:43:12PM)

انا جبتله كفر من عبد العزيز موجود هناك عند كذا حد جيبه عشان تبقى مطمن

osso333

2013-05-13 (04:29:03AM)

بس يا ريت يا جماعة اللي عاوز يجيب الجهاز يفكر في موضوع الزجاج الخلفي والذاكرة الستاشر جيجا علشان اكيد اللي قلقان منهم هيعملوا له مشكلة فعلا

osso333

2013-05-13 (04:26:08AM)

والله انا فكرت كتير وشوفت فيديوهات كتير قبل ما اجيبه
بصراحة انا اول ما جبت الجهاز لقيته احسن من الفيديوهات دي كلها في شكله وحجمه
رغم اني وانا ماسكه وهو مسطح كده حاسس اني ماسك حتة بلاط :D
بالنسبة لاداء الجهاز مش هقدر اقول فيه اقل من ممتاز واكيد الناس كلها عارفين
بس بصراحة انا جايبه اكتر علشان التحديثات وعلشان الرام 2 جيجا وده هيفرق كتير في الاستخدام
اما البروسييسور فمهما عملوا معالجات اعلى هيعرف اشغل كل البرامج والالعاب من غير مشاكل لفترات طويلة ان شاء الله .. انا مش قلقان من النقطة دي
انا عاوز الخص الموضوع كله في كلمتين .. انا لما جبت الجهاز حاسس وانا بستخدمه اني مبسوط جدا ومفيش اي مشكلة مضايقاني ولا اي نوع من انواع الحباط

temoooo

2013-05-12 (11:04:16PM)

الللف مبروك وقولنا رايك فيه
و الاجهزه كلها بتسخن و بلاش تستخدمه و هو في الشاحن
وربنا يباركلك فيه :)

NEXUS4lg

2013-05-12 (08:34:36PM)

المفروض كل الاجهزة بتسخن بس سخونه خفيفه اما لو المعالجة كبيرة وعاليو الجهاز هيسخن وعشان الجهاز ده من الازاز فبيضهر انو سخن والمفروض متستخدمهوش وهو في الشاحن

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن LG Nexus 4 E960

مقارنة

Android
768 x 1280 pixels, 4.7 inches (~318 ppi pixel density)
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن LG Nexus 4 E960

Android

768 x 1280 pixels, 4.7 inches (~318 ppi pixel density)

3G

8 MP, 32...