forzaredz

احدث المشاراكات

• 2012-06-14 (04:09:54PM) Sony Ericsson Xperia Arc S

  انا شاري الموبايل من السعودية جه معاه الشاحن والسماعات بس
  حافظة الشاشة بتتباع في مصر - invisible shield
  اعتقد اكسسواراته موجودة عادي
  جرب الشاحن والمكالمات والصوت والكاميرا والواي فاي
  بالنسبة للاستحمال فهو جسمه قوي وابن حلال :D
  البطارية مش حلوة قوي وده عيب عام

---

• 2012-06-14 (04:02:10PM) Sony Ericsson Xperia Arc S

  عشان انت بتنزل اصدارات غير متوافقة مع الموبايل يا باشا
  ملفات ال apk بتبقي اصدارات .. كل اصدار بيكون متوافق مع مجموعة من الموبايلات
  فانت ابقي اتاكد قبل ماتحمل ان الاصدار ده متوافق مع تليفونك

---

• 2012-06-14 (03:58:26PM) Sony Ericsson Xperia Arc S

  البطارية مش كويسة بصراحة بس ده عيب عام في اغلب الموبايلات الحديثة
  بالنسبة للبرامج فهي بتنزل في الذاكرة الداخلية وتقدر تنقلها للذاكرة الخارجية وفيه برامج بتعمل كدة

---

• 2012-03-02 (03:14:26PM) Sony Ericsson Xperia Arc S

  اسف المشاركة الاولب جات بالخطأ :)
  بالنسبة للموبايل فهو معايا وموبايل محترم وامكانياته محترمة .. بس انا ماعرفش حاجة عن ray بصراحة فمش هقدر افيدك

---

• 2012-03-02 (03:12:21PM) Sony Ericsson Xperia Arc S

  تمام يا باشا والف شكر ليك
  

---

• 2012-03-01 (11:21:52PM) Sony Ericsson Xperia Arc S

  تمام يا باشا والف شكر ليك

---

• 2012-03-01 (05:33:08PM) Sony Ericsson Xperia Arc S

  طب معلش بس ايه المقصود بنقطة "مفيش حاجة بتبوظ جهاز الا في انك عامل روت و بتحاول تشغل حاجات مش المفروض جهازك يشغلها." ؟
  هعرف منين الحاجات اللي مش المفروض الجهاز يشغلها ؟
  انا سبب سؤالي هو التحذير اللي قريته لما حبيت اسطب برنامج apk لاني لقيته كاتب damage your phone .. يعني مش بس بيأثر علي السوفتوير .. لو علي السوفتوير فهي سهلة .. اما بالنسبة للهاردوير فدي هي المشكلة ..
  اخاف احمل ملف apk يعمل مشكلة للهاردوير بتاع الموبايل خاصة وانه ضمان دولي
  و ياريت لو حضرتك مواقع apk موثوقة 100% تقوللي عليها
  انا بحمل من apktops و downloadapkapps و freewarelovers
  فهل المواقع دي موثوقة ولا اي كلام؟

---

• 2012-03-01 (09:40:34AM) Sony Ericsson Xperia Arc S

  الف الف شكر لحضرتك
  بالنسبة للبرامج فانا دوست جامد قوي في جوجل وبالفعل عرفت افضل البرامج في اكتر من كاتيجوري و اعتمدت علي جوجل وعلي ال Rating بتاع زوار الموقع
  بس معلش هقرفك باخر 3 اسئلة وسامحني بقي :)
  
  1- احيانا بلاقي مشكلة في موقع Android Market وهي ان فيه كذا برنامج ولعبة مش بيرضي يحملهم علي الموبايل وبيقول انهم مش متوافقين مع البلد اللي انا فيها! فعايز اعرف ايه حل المشكلة دي
  
  2- انا بفكر انفض للماركت و اعتمد علي مواقع تحميل ال APK فكنت عايز اعرف هل البرامج و الجيمز اللي بفلوس لو نزلتها apk هتبقي تشتغل عندي بدون مشاكل زي نظام الكراكات في الموبايل العادي؟ ونفس الامر بالنسبة للسوفتوير اللي مش بييرضي يستطب عندي من الماركت بسبب مشكلة عدم التوافق مع البلد دي؟ وهل ممكن يبقي فيه ملفات منهم تعمل مشكلة للموبايل Hardware ؟
  
  3 - عايز اعرف ازاي اعمل فورمات للموبايل بحيث ارجعه زي ما اشتريته بدون اي سوفتوير عشان لو حبيت اسطب البرامج علي نضافة
  واسف علي الاسئلة الكتير دي

---

• 2012-02-23 (07:30:00PM) Sony Ericsson Xperia Arc S

  انا فعلا بعمل كدة ولحد دلوقتي ماحطيتش فيه الخط ولا حطيت عليه اي حاجة :)
  عمال اجرب بس ونزلت ال Manual بتاعه من الموقع وحاسس اني بذاكر كورس هههه
  بالنسبة للبطارية فانا سمعت ان افضل حل عشان احافظ عليها اني استني لحد ما تفضي خالص واشحن الموبايل وهو مقفول لمدة 4 مرات تقريبا بس مش متأكد من صحة المعلومة
  وانا دخلت علي الموقع وهتابعه ان شاء الله عشان الم بكل حاجة وبعدين ابتدي اشتغل بيه
  سؤال اخير .. ايه افضل وأهم برامج انزلها للجهاز ده؟
  والف شكر لحضرتك يا استاذي و ان شاء الله لو فيه اي استفسار تاني هسأله لحضرتك

---

• 2012-02-22 (05:24:03PM) Sony Ericsson Xperia Arc S

  @jimmy83
  السلام عليكم
  دايما يا باشا حضرتك بتظبطنا في المعلومات ..الف شكر ليك يا استاذي :)
  كنت قارفك انا من كام يوم بال S plus و Galaxy W وفي الاخر اشتريت ده :)
  بس لقيته سعره في نفس سعر w تقريبا وافضل في الامكانيات
  والحمد لله الموبايل وصل امبارح بالسلامة و انا لايص فيه لوصة التنين :D
  بس اهو عمال الطش لحد ما افهمه :)
  الموبايل جاء بسكرين بورتيكيتور بتاع الشركة نفسها .. اللي كنت اقصده هو البروتيتكتور بتاع ظهر الجهاز وجاء بدون وصلة HDMI بس الحمد لله سعر الموبايل كويس فهقدر اجيب الحاجات دي علي حسابي
  بفكر لسه اشتري Invisible Shield و لقيت واحد بيبيعه في مصر بـ 170 جنيه شامل مصاريف الشحن
  بس كنت عايز اعرف هو الشيلد بيحمي بس من الخدوش ولا من المية ولا الخبطات؟
  معلش سؤال ساذج بس انا ماعرفش كتير عنه
  وعايز نصايح عامة من حضرتك عشان البطارية لانها تعتبر ضعيفة و نصايح للجهاز ككل
  ومعلش بتعبك معايا يا غالي

---

• 2012-02-19 (06:24:22PM) Sony Ericsson Xperia Arc S

  يا شباب انا ليا صديق اشترالي الموبايل ده من الخارج وعندي 3 اسئلة
  1- التليفون جاء بالشاحن والسماعات بس فكنت عايز اعرف اهمية الكافر الخارجي اللي احيانا بييجي مع الجهاز وهل هو مهم ولا لأ وسعره كام في مصر
  2-عايز اعرف ايه اهم حاجات المفروض يجربها قبل ماييجيلي مصر بحيث لو فيه مشكلة نلحق نبدله من هناك
  3-عايز اعرف سعر ال Invivisble Shield الخاص بالجهاز ده كام
  

---

• 2012-01-20 (04:49:16PM) Samsung Galaxy W I8150

  هههههه
  حاضر يا باشا انا ناوي فعلا باذن الله انزل و اشوف عالطبيعة لان فعلا الاراء مختلفة و لازم اشوف الموبايلات بنفسي عشان يكون الحكم اسهل
  و انا لاحظت الفرق في الصور فعلا و الغريب ان w اعلي من الاتنين في وضوح الصور بعيدا عن التفاصيل !
  و بجد مش عارف اشكرك ازاي يا باشا علي تعبك معايا و علي المعلومات المحترمة و ربنا يكرم ان شاء الله و استقر علي واحد فيهم لان اكتر فترة بكرهها هي فترة ما قبل الشراء دي بسبب الحيرة
  الف شكر ليك مرة تانية

---

• 2012-01-20 (07:27:19AM) Samsung Galaxy W I8150

  ومعلش سؤال
  بالسبة لنقطة الكاميرا الافضل دي هل تقصدوا بيها حجم ابعاد الصورة اعلي و لا مقصود بيها ايه؟
  اقصد يعني لو فيه موبايلين الاتنين 5 ميجا بكسل و الاتنين مثلا بيصوروا 2592х1944
  هايبقي ايه الفروق بينهم؟

---

• 2012-01-20 (07:23:25AM) Samsung Galaxy W I8150

  @kemo31
  @jimmy83
  الف الف شكر ليكم يا شباب علي التوضيح
  بالنسبة لاستخدامي او طلباتي في الجهاز فانا عايزه يكون صوته محترم في الموسيقي و يكون اداءه سريع بشكل عام سواءا في تصفح الموبايل نفسه او النت و يكون الريزوليوشن بتاع الشاشة محترم خاصة في مشاهدة الفيديوهات و الجيمز
  و التصوير مش بستخدمه كتير بس يهمني طبعا تكون الصور نقية .. مش بيفرق معايا حجم الصورة لاني اقصي ريزولوشن بحتاجها 1080*1920
  و يكون بيصور فيديو تصوير محترم
  و يكون بيستحمل
  حاسس ان فيه حد هايقوللي مش عايز ديفيدي هههه
  بس هي دي فعلا اولوياتي .. و انا بحب اجيب حاجة تعيش معايا فترة لاني مش دائم التغيير
  بالنسبة لنقطة امسك الموبايل في ايدي دي فباذن الله بفكر اعمل كدة خاصة ان الموبايل مش هجيبه من هنا انما صديق ليا هيجيبهولي من السعودية .. يعني في كل الاحوال هاييجي عمياني
  بس هحاول برضه انزل كذا محل و اشوف الموبايلات قبل ما اخد قرار
  بس ياريت اتعبكوا معايا شوية و تكتبولي حسب الاوليات دي ايهم افضل بالترتيب بعيد عن السعر

---

• 2012-01-19 (06:30:23AM) Samsung Galaxy W I8150

  @kemo31
  الف الف شكر يا استاذ كيمو علي التوضيح
  و انا فعلا كنت شاكك في موضوع جودة الشاشة TFT و واحد من شوية نصحني ابعد عن الموبايل ده لانه كان هايشتريه و لما شافه معاجبوش نهائي الشاشة و قال انها سيئة فعلا
  و انا بفكر باذن الله اني اشتري S Plus من السعودية لو لقيت سعره كويس هناك و لو مكنش يبقي SL
  ياريت لو حضرتك تقوللي رأيك في i9001 s plus لو لقيته بسعر كويس فهل هو موبايل محترم ؟ و هل فيه موبايل افضل منه في نفس الفئة السعرية بس مايكونش اغلي ؟
  

---