هذا الموضوع مرتبط بـ Galaxy W I8150

بدون عنوان

forzaredz

2012-01-18 (03:04:53PM)

السلام عليكم
معلش يا شباب سؤال بسيط
شاشة الموبايل ده TFT و انا حسب ما اعرف منكم ان افضل انواع الشاشات هي Super Amoled و SC و Amoled
فهل ده يعني ان الشاشة دي مش كويسة و الريزوليوشن و الوضوح بيكون قليل؟
و هل صوت الموبايل ده في الموسيقي و بطاريته بشكل عام جيدة ؟
لاني نويت اشتريه بس بفاضل بينه و بين neo و SL و لسه ما استقريتش
فمحتاج مساعدتكم

jimmy83

2012-01-20 (05:16:00PM)

فالخدمة فاي وقت.
انا كمان استغربت و مكنتش متوقع تكون كدا..جامعة احلى مافي الكاميرتين وبالتوفيق مهما كان اختيارك كلها اجهزة ممتازة.

forzaredz

2012-01-20 (04:49:16PM)

هههههه
حاضر يا باشا انا ناوي فعلا باذن الله انزل و اشوف عالطبيعة لان فعلا الاراء مختلفة و لازم اشوف الموبايلات بنفسي عشان يكون الحكم اسهل
و انا لاحظت الفرق في الصور فعلا و الغريب ان w اعلي من الاتنين في وضوح الصور بعيدا عن التفاصيل !
و بجد مش عارف اشكرك ازاي يا باشا علي تعبك معايا و علي المعلومات المحترمة و ربنا يكرم ان شاء الله و استقر علي واحد فيهم لان اكتر فترة بكرهها هي فترة ما قبل الشراء دي بسبب الحيرة
الف شكر ليك مرة تانية

jimmy83

2012-01-20 (01:49:54PM)

و النبي لم تنزل السوق تمسك الw و تقارنو باي سامسونج تاني من نفس حجمو و تقلي رأيك ايه فوزنو و خامتو..لاني قريت التعليق الي على الصفحة التانية و انا شفت الجهاز..دا وزنو وزن الجالاكسي اس 2 و مع حساب فارق الحجم بينهم حتلاقي الw اتقل و اجمد و الكفر الخلفي نفس خامة الكفر الخلفي للجالاكسي اس 2 ..و اغلب السامسونج الحديث خاماتهم كدا و عالميا تعتبر ميزة لسامسونج..بس احنا منحبها فالجالاكسي اس 2 و منكرها فالw و دا اسمو ازدواجية و دليل على ان الكلام ممكن يتغير حسب مزاج الشخص.

jimmy83

2012-01-20 (01:33:09PM)

انا ميال لل اس بلس لان هو الاعلى بشكل عام و سعرو بالسعودية اقل عن سعرو هنا ب 500 او 600 جنيه بينما النيو و الw تقريبا مفيش فرق.
في الصور العادية 99.9 بيكونو نفس الحاجة بس حتلاحظ كالعادة فتصوير كل سامسونج ان الالوان اعلى (ملوك اللعب بالالوان) بينما حتلاحظ بالسوني تفاصيل اعلى.
للتوضيح خش هنا

اكيد حتلاحظ ان التنين السامسونج الوانهم اعلى بس لو خدت بالماوس المربع الصغير الي على الصورة الي على الشمال ناحية الفراولة حتشوف انك بالسوني شايف تفاصيل اعلى و قادر تجيب الحبيبات الي على الفراولاية بالعدد . و نفس الكلام للفيديو
دا الي انا بقصدو برضو ناحية شاشاتهم..الوانهم جميلة بس لان البكسل قليل التفاصيل الدقيقة اقل.
و بالصور كدا مش باينة كويس زي محتبان عالواقع..
هي مسألة زوء ناس بتفضل الوان على حساب تفاصيل و ناس بالعكس و دي بتعتك انتا مينفعش انا احكملك وانا معرفش انتا بتحب ايه و حتفضل ايه.

forzaredz

2012-01-20 (07:27:19AM)

ومعلش سؤال
بالسبة لنقطة الكاميرا الافضل دي هل تقصدوا بيها حجم ابعاد الصورة اعلي و لا مقصود بيها ايه؟
اقصد يعني لو فيه موبايلين الاتنين 5 ميجا بكسل و الاتنين مثلا بيصوروا 2592х1944
هايبقي ايه الفروق بينهم؟

forzaredz

2012-01-20 (07:23:25AM)

@kemo31
@jimmy83
الف الف شكر ليكم يا شباب علي التوضيح
بالنسبة لاستخدامي او طلباتي في الجهاز فانا عايزه يكون صوته محترم في الموسيقي و يكون اداءه سريع بشكل عام سواءا في تصفح الموبايل نفسه او النت و يكون الريزوليوشن بتاع الشاشة محترم خاصة في مشاهدة الفيديوهات و الجيمز
و التصوير مش بستخدمه كتير بس يهمني طبعا تكون الصور نقية .. مش بيفرق معايا حجم الصورة لاني اقصي ريزولوشن بحتاجها 1080*1920
و يكون بيصور فيديو تصوير محترم
و يكون بيستحمل
حاسس ان فيه حد هايقوللي مش عايز ديفيدي هههه
بس هي دي فعلا اولوياتي .. و انا بحب اجيب حاجة تعيش معايا فترة لاني مش دائم التغيير
بالنسبة لنقطة امسك الموبايل في ايدي دي فباذن الله بفكر اعمل كدة خاصة ان الموبايل مش هجيبه من هنا انما صديق ليا هيجيبهولي من السعودية .. يعني في كل الاحوال هاييجي عمياني
بس هحاول برضه انزل كذا محل و اشوف الموبايلات قبل ما اخد قرار
بس ياريت اتعبكوا معايا شوية و تكتبولي حسب الاوليات دي ايهم افضل بالترتيب بعيد عن السعر

kemo31

2012-01-19 (09:48:08PM)

كاميرا النيو افضل مش محتاجه كلام سوني اريكسون متفوقه في المجال ده واكيد احسن من كاميرا البلس ثانيا كشاشه شاشه البلس افضل وبتقدم تباين ودقه عاليين لان دي طبيعه الشاشه السوبر اموليد يعني انتا لما هتتعامل معاها هتحس ان الرزيليوشن بتاعها عالي طبيعي واعلي من الشاشات الLCD وده مش كلامي انا ده كلام الخبراء والمصنعين انما حكايه انهي فيهم الاسرع اعتقد ان الاتنين نفس المعالج بس دي عايزه ريفيو او مقارنه بينهم عشان نقدر نحكم بس انا حكايه الخط دي مش فاهمها بصراحه انا كنت بتصفح النت كل يوم بالاس2 وعمري محسيت ان الكتابه مفهاش وضوح بالعكس كانت اوضح من الايفون4 وده اللي عيني كانت شايفاه وده ميمنعش ان الشاشات الLED BACKLIT شاشات رائعه وفيها ميزه معالجه الضوضاء تلقئيا وبتعالج الالوان وبتظبطها ....باختصار حضرتك زي ماجمال قالك كده انزل وامسك الجالاكسي اس في ايدك وبالمقابل اي موبايل سوني ايريكسون مقرب من اللي انتا عايز تشتريه وقرر ولو ان انا شايف ان ممكن المقارنات والريفيوهت اللي بنشوفها عاليوتيوب مثلا تخلينا ناخد قرار انهي الاحسن

jimmy83

2012-01-19 (03:15:33PM)

لا مش بالظبط زي ما فهمت كدا
مفيش فيهم جهاز اقلك عنو الافضل و السبب هو اني مش حعرف نوع استخدامك و دي بتعتك بس لتسهيل الموضوع.
لو مجهز نفسك تجيب جهاز للعب يبق حتختار مابين الجالكسيw او الاس بلس
الاس بلس هو اسرع جهاز فيهم و اسبب سرعة المعالج 1.4 +ذاكرة داخلية كبيرة بتخلي الجهاز مرتاح(وهي مش مليانة)+ كثافة بكسل اقل من الw (عشان كدا اسرع) + زي مقال كيمو توفير طاقة اكبر+فروق الالوان بتبان بالالعاب.(مش بالفيديو او النت)
لو مجهز نفسك للفيديو و تصفح نت يبق حتختار مبين النيو و الw
النيو الافضل لانو صاحب اعلى كثافة بكسل(تصفح نت مريح جدا بخطوط واضحة جدا يعني تقدر تقرأ اكبر مقدار من الكتابة منغير متعمل زوم + سوني برافيا انجن و ميزتها صورة حقيقية بتفاصيل متفوقة عن السوبر اموليد+عمر بطارية اعلى من الشاشات التانية (اثناء الفيديو بس)نقطة ضعفها بتستهلك طاقة كتير في تصفح النت(عشان الخلفية البيضاء بتاعة اغلب المواقع بتستنزفها)
الكاميرات كلهم الفروق بيناتهم بسيطة و متعتبرهاش سبب لتفضيل جهاز على التاني.
مفيش فيهم جهاز خلطتو كاملة و الموضوع بيرجع ليك اتشوف ايه الي بناسب استعمالك.
و نصيحة لو تقدر تنزل السوق و تبص على الاجهزة و تاخد فكرة..لاني حاسس انك حتختار بناءا على المعلومات الي بتقرأها و كدا مش صح
الفرق بين مقارنات الارقام و الصور هنا و على النت عموما حاجة..و على الواقع حاجة تانية..و انصحك بجد تنزل تاخد فكرة و تمسك الاجهزة(مش حتلاقي الاس بلس بس اي جالاكسي اس حيديك فكرة عنو)
وبالتوفيق بالاختيار.

kemo31

2012-01-19 (12:48:07PM)

عندك السوني اريكسون xperia arc s وده افضل منه في الكاميرا بس ونفس السعر تقريبا وامكانياتهم متقاربه تقريبا بس البلس شاشته افضل اكيد لو انتا التصوير عندك رقم1 هاته
انما انا عن نفسي بنصح بالبلس وهو موبايل رائع

forzaredz

2012-01-19 (06:30:23AM)

@kemo31
الف الف شكر يا استاذ كيمو علي التوضيح
و انا فعلا كنت شاكك في موضوع جودة الشاشة TFT و واحد من شوية نصحني ابعد عن الموبايل ده لانه كان هايشتريه و لما شافه معاجبوش نهائي الشاشة و قال انها سيئة فعلا
و انا بفكر باذن الله اني اشتري S Plus من السعودية لو لقيت سعره كويس هناك و لو مكنش يبقي SL
ياريت لو حضرتك تقوللي رأيك في i9001 s plus لو لقيته بسعر كويس فهل هو موبايل محترم ؟ و هل فيه موبايل افضل منه في نفس الفئة السعرية بس مايكونش اغلي ؟

kemo31

2012-01-19 (12:25:54AM)

انا هقول لحضرتك حاجه شاشت الTFT ليها عيوب وهيا ان استهلاك الطاقه بتاعها عالي ده غير ان الوانها بتفتقد للحيويه نوعا ما اذا قارناها بالاموليد او السوبر اموليد اما النوعين دول فهما بيقدمو استهلاك اقل للطاقه ودقه اعلي في العرض ودقه عاليه في ضوء النهار...
وبتمتاز بوضوح فائق في الزوايا واحسنها الHD SUPER AMOLED والSUPER AMOLED PLUS وحضرتك لو ربنا قدر واشتريت موبايل الشاشه بتاعته سوبر اموليد مثلا هتحس بالاختلاف ودقه العرض وحيويه الالوان
وشركه ال جي نزلت شاشه جديده في الموبايل الجديد بتاعها LG PRADA 3.0 وهيا NOVA DISPLAY ودي دقتها عاليه جدا في ضوء النهار وبتستهلك نص الطاقه اللي بتستهلكها شاشات الTFT واقل مرتين من الاموليد بس لسه محدش قال رايه فيها او جربها لانها لسه معلن عنها
وطبعا كلام جمال صح ان البكسل كل ما ارتفع ارتفعت دقه العرض والكلام ده بينطبق علي كل الشاشات بس انا جربت الاموليد والسوبر اموليد وحسيت ان دقه عرضهم اعلي من الTFT ده غير الوانهم الرائعه والاداء الافضل بتاعهم

forzaredz

2012-01-18 (08:41:11PM)

@jimmy83
الف شكر لحضرتك علي الرد المفصل
يعني حسب ما فهمت الكلام ان حضرتك بتفضل ال neo v عن الاتنين
طب لو حطيت معاهم في المقارنة I9001 S Plus بغض النظر عن فرق السعر يبقي في الحالة دي الترتيب من حيث الافضلية يكون ايه ؟
و اسف بتعبك معايا بس الموضوع فعلا محيرني خاصة اني هشتري بعد اسبوع باذن الله و الشراء هايكون من الخارج فعشان كدة عايز قرار نهائي قبل ما احدد
و انا حطيت ال s plus معاهم بس مايمنعش لو فيه حاجة من نفس الفئة دي غيره ياريت حضرتك تقوللي عليه برضه كخيار احطه في الحسبان لاني لسه ماعرفش اسعارهم برة ايه
فاتمني حضرتك تقوللي الترتيب من حيث الافضلية

jimmy83

2012-01-18 (04:16:26PM)

كلو بالالون..مسالة زوء
الريزوليوشن و الوضوح دا بتاع كثافة بكسل..كل ما ارتفع ارتفعت
يعني بنظري الAH-IPS LCD و IPS LCD انا بعتبرهم الافضل..بغض النظر ارقام و نسب و مش عارف ايه
و سيبك من الصور و لو تقدر تقارن الشاشات عالواقع حاجة تانية خالص..بالصور كدا البكسلز بتوع الشاشة مش ظاهرين فبالنسبالك طبيعي حتميل للشاشة من ام الوان اكتر بس لم تيجي تقارن على الواقع و تشوف الفرق بين البكسلز حتقول يغورو الالوان.
حسب الاداء...الw بعدي الsl بعدي بشكل غير ملحوظ الneo
حسب الشاشة neo بعدي w بعدي sl
منغير منحسب الذاكرة الداخلية و حجم الشاشة.
البطارية محدش يقدر يقلك الحقيقة غير الي جرب التلاتة و دي بترجع لنوع الشخص و استعمالو و لتوضيح بقصد ايه خش هنا

فروق الصوت مفيش فروق كبيرة باغلب الاجهزة (قاريين عند شيخ واحد)الا فحالات اجهزة من ابو سماعتين و تلاتة زي live with walkman وغيرو و اجهزة النوكيا الفئةe بتكون اقل من المتوسط عادة.

forzaredz

2012-01-18 (03:14:02PM)

بالمناسبة سؤال دي لاني شفت صور للفروق بين الشاشات ال Super Amoled و Amoled و لقيت فرق كبير فعلا و واضح فما بالي بقي بالـ TFT و هو اقل منهم حسب ما اعرف
و سؤال اخير .. بعيد عن فرق السعر بينه و بين I9001 Galaxy S Plus فهل فيه فرق كبير بينهم بوجه عام؟

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Samsung Galaxy W I8150

مقارنة

Android
3.7″

3.7 بوصة
3G

2G / 3G
5 MP, 25...
1500mAh

Li-Po 1500 mAh, قابلة للازالة

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Samsung Galaxy W I8150

Android

3.7″

3G

5 MP, 25...

1500mAh