s7s_tito

احدث المشاراكات

• 2014-04-14 (12:58:25AM) Samsung Galaxy Grand 2

  يا استاذ وليد بعد اذنك لو ليك اتصال مع ادارة الموقع توصلهم ان ناس كتير وانا واحد منهم اتخنقنا من التطوير الجديد ده بجد ويا ريت يرجعو الموقع ذى ما كان احسن لحسن الواحد بقى يدخل الموقع ويشوف شكل الصفحات بيجيلو اكتئاب ويخرج تانى وانا بجد مش عارف اتابع زى الاول بجد حرام عليهم اللى عملوه فينا وفى الموقع ده.:-(

---

• 2013-05-04 (03:54:17AM) Alcatel OT-997D

  اه وكمان نسيت اقول انى كنت عايز اركب اسكرين بتاعة s3 بس كانت هاتتقص والراجل فى المحل نصحنى وقالى بلاش لان السكرين لما بتتقص بتدخل هوا وبتبوظ بسرعه وهو اللى وفقلى السكرين اللى انا مركبها وبصراحه انا شايفها حلوة قوى على الموبيل وكمان عملية.
  

---

• 2013-05-04 (03:50:15AM) Alcatel OT-997D

  بالنسبة للاسكرين اللى انا مركبها هى مغطيه الشاشه كلها ما عدا كلمة الاكتيل والكاميرة ومن تحت واخده لحد اللمبة اللى تحت الشاشه يعنى يعنى تقدر تقول تحتها ب 1 مم او 2 مم بس هى صراحه تحس ان الاسكرين مرسومه على شاشة الموبيل وهى على اعتقد سكرين بتاعة موبايل h T C بس مش فاكر الموديل ايه صراحه.

---

• 2013-05-03 (06:14:32AM) Alcatel OT-997D

  فى محل اسمو الافوكاتو جنب محطة مترو محمد نجيب انا موفق اللزقه بتاعة الموب بتاعى عندو انتى بس روحيلو وهو هايوفقلك واحده كويسه وبصراحه اللزقه معايا تمام خالص وضد البصمه.

---

• 2013-04-09 (02:23:05AM) Alcatel OT-997D

  وعلى فكرة انا دخلت صفحة الفيس اللى الناس هنا عاملنها وكتبت المشاركة دى فيها برضو عشان الناس تعرف اد ايه ده توكيل مش بيستغلو الناس فى حكاية الاسعار بس لأ وكمان معاملتهم زى الزفت وناس اى كلام يعنى دول تمامهم يسرحو ببطاطا احسن مش يبقو توكيل لاى ماركة تليفونات محترمة او غير محترمة ( والله يخرب بيتهم كمان مرة وحسبى الله ونعم الوكيل فيهم )

---

• 2013-04-09 (02:15:46AM) Alcatel OT-997D

  يا جماعة انا كنت عايز اكتب المشاركة بتاعتى دى من فترة بس حبيت استنى لما اتاكد بنفسى علشان ماظلمش حد معايا المهم انا شارى الموبايل ده ot-997d بقالو معايا حوالى شهرين هو الموبايل فى شوية حاجات مش مظبوطه بس كل لما كانت بتحصل كنت بقول كل التليفونات الاندرويد كده يعنى ساعات تهنج من كتر البرامج وكده او تستهبل يعنى عادى الشىء الاهم بقى هو ان الموبايل من حوالى اكتر من اسبوعين مبقاش عايز يشحن خالص من الشاحن او بمعنى اصح بيشحن شحن وهمى + ان الشاحن يبقى راكب ويقعد يفصل كل شوية لوحده انا قلت اوديه للتوكيل وللعلم دى اول مرة اتعامل فيها مع توكيل رزق الله وصدقونى معامله زى الزفت ونصب على الناس علنى يعنى بجد انا كرهت الموبايل من معاملتهم الزباله وعدم المصداقيه يعنى مش بس طلعو بيستغلو الناس فى حكاية الاسعار بس لأ دول كمان بينصبو على الناس لما الفون بيحصلو اى حاجه انا لما وديتو ليهم قالولى ان الموبايل هايتصلح فى اسبوع انا قلتلهم بس ده كتير اسبوع ليه دى لو عربيه مش هاتاخد الوقت وكمان العيب مش خطير قوى كده المهم انا سيبت الفون ورجعت اخدتو بس بعد 8 ايام مش اسبوع عشان البهوات مش بيحترمو كلامهم والنصيبه ان بعد لما روحت بيه لقيت العيب زى ما هو ولا حصل اى حاجه فى الفون غير انهم عمالو اعادة ضبط مصنع ومسحولى كل اللى عليه والله انا ندمان اشد ندم دلوقتى انى ماسمعتش كلام صحابى اللى نصحونى بانى مجبش الكاتيل وانا كنت بقاوح معاهم ووالله كمان مرة فى توكيلات محترمه زى سكاى لسامسونج وغيرهم توكيلات بتحترم الناس وكلمتهم ومعاملتهم زى الفل والله يخرب بيت رزق الله النصبين الغير محترمين بالمرة ..( سامحونى انا طولت عليكو كتيييييييييييير بس حبيت اشرح اللى حصل معايا عشان غيرى يستفيد بجد وميقعش فى نفس غلطتى ويندم زى منا ندمت دلوقتى وشاكر ليكم جداااااااااا )

---

• 2013-02-18 (11:04:43PM) Alcatel OT-997D

  على فكرة انا سطبت البرنامج وفتحته ووصلت الجهاز ومش راضى يقراه والجهاز شايف الموبايل عادى مش عارف المشكله فين يا ريت الرد والخطوات واكون شاكر ليك جدا .

---

• 2013-02-18 (10:35:53PM) Alcatel OT-993

  الف شكر يا باشا لردك الكريم بس هو البرنامج ده انزلو منين بالظبط يعنى لو حضرتك معاك اللينك بتاعو يبقى جزاك الله خير وشكرا مرة تانيه على المعلومه.

---

• 2013-02-18 (10:18:07PM) Sony Xperia E

  معلش بس انته بتقارن ايه بايه مفيش مقارنه اصلا الفرق بينهم كبير قوى فى كل حاجه وعلى فكرة مش فارقه خالص الاسم يعنى سونى فى السوق المصرى برضو مش منتشرة ولا ليها اكسسوارات زيها فى الموضوع ده زى الكاتيل بالظبط يعنى انته تقارن الامكانيات وعموما الشركتين كبار وكويسين بس هى المشكله ان السوق هنا فى مصر مش مستوعب غير ماركتين فقط وهما سامسونج ونوكيا ومش مهتمين بباقى الماركات اللى تعتبر برضو ماركات محترمه واسماء كبيرة فى عالم الهواتف بس تقول ايه بقى هى دى مصر .

---

• 2013-02-17 (08:35:08PM) Alcatel OT-993

  الف شكر يا ابو حميد على الرد بس انا كان قصدى لو منزل حاجه من على اى موقع غير ال play store من على جهاز الكمبيوتر وبعدين نقلتها على التليفون بلاقيها فين واثبتها ازاى عشان تشتغل وجزاك الله الف خير على الرد .

---

• 2013-02-17 (08:24:52PM) Alcatel OT-997D

  الف شكر يا باشا على الرد وشكرا ليك على الموقع الجميل بس انا كنت اقصد لو انا منزل اى برامج او العاب من اى موقع تحميل تانى زى مواقع الاندرويد التانيه وبعدين نقلتهم على التليفون عايز اعرف اسطبهم ازاى وشاكر ليك مرة تانيه على الاهتمام والرد جزاك الله الف خير.

---

• 2013-02-16 (11:10:47PM) Alcatel OT-993

  يا جماعة لو سمحتو عايز حد يقولى ازاى اقدر انقل واثبت اى برنامج او ثيمز انا منزلو من على الكمبيوتر على الموبايل يا ريت حد يفدنى ويقولى الطريقه وجزاكم الله خير على المعلومه مقدما.

---

• 2013-02-16 (10:40:43PM) Alcatel OT-997D

  يا جماعة لو سمحتو عايز حد يقولى ازاى اقدر انقل واثبت اى برنامج او ثيمز انا منزلو من على الكمبيوتر على الموبايل يا ريت حد يفدنى ويقولى الطريقه وجزاكم الله خير على المعلومه مقدما.
  

---

• 2013-01-18 (10:55:30PM) Alcatel OT-993

  طب حد عرف اذا كان الموبايل نزل ولا لسه يا ريت حد يرد لو سمحتو..

---

• 2011-11-19 (10:26:59PM) Nokia 500

  طب انا قرائت على موقع gsm arena ان symbian anna هايتعملو تحديث ل symbian bill اخر السنه دى طب التحديث ده هايبقى من على الموبايل زى الابدايت ولا هانزلو من على موقع نوكيا عايز اعرف هايتعمل ازاى وشكرا مسبقا للمعلومة
  

---