بدون عنوان

للرجوع الي صفحة الكاتيل OT-997D الرئيسية اضغط هنا

s7s_tito

2013-04-09 (02:15:46AM)

يا جماعة انا كنت عايز اكتب المشاركة بتاعتى دى من فترة بس حبيت استنى لما اتاكد بنفسى علشان ماظلمش حد معايا المهم انا شارى الموبايل ده ot-997d بقالو معايا حوالى شهرين هو الموبايل فى شوية حاجات مش مظبوطه بس كل لما كانت بتحصل كنت بقول كل التليفونات الاندرويد كده يعنى ساعات تهنج من كتر البرامج وكده او تستهبل يعنى عادى الشىء الاهم بقى هو ان الموبايل من حوالى اكتر من اسبوعين مبقاش عايز يشحن خالص من الشاحن او بمعنى اصح بيشحن شحن وهمى + ان الشاحن يبقى راكب ويقعد يفصل كل شوية لوحده انا قلت اوديه للتوكيل وللعلم دى اول مرة اتعامل فيها مع توكيل رزق الله وصدقونى معامله زى الزفت ونصب على الناس علنى يعنى بجد انا كرهت الموبايل من معاملتهم الزباله وعدم المصداقيه يعنى مش بس طلعو بيستغلو الناس فى حكاية الاسعار بس لأ دول كمان بينصبو على الناس لما الفون بيحصلو اى حاجه انا لما وديتو ليهم قالولى ان الموبايل هايتصلح فى اسبوع انا قلتلهم بس ده كتير اسبوع ليه دى لو عربيه مش هاتاخد الوقت وكمان العيب مش خطير قوى كده المهم انا سيبت الفون ورجعت اخدتو بس بعد 8 ايام مش اسبوع عشان البهوات مش بيحترمو كلامهم والنصيبه ان بعد لما روحت بيه لقيت العيب زى ما هو ولا حصل اى حاجه فى الفون غير انهم عمالو اعادة ضبط مصنع ومسحولى كل اللى عليه والله انا ندمان اشد ندم دلوقتى انى ماسمعتش كلام صحابى اللى نصحونى بانى مجبش الكاتيل وانا كنت بقاوح معاهم ووالله كمان مرة فى توكيلات محترمه زى سكاى لسامسونج وغيرهم توكيلات بتحترم الناس وكلمتهم ومعاملتهم زى الفل والله يخرب بيت رزق الله النصبين الغير محترمين بالمرة ..( سامحونى انا طولت عليكو كتيييييييييييير بس حبيت اشرح اللى حصل معايا عشان غيرى يستفيد بجد وميقعش فى نفس غلطتى ويندم زى منا ندمت دلوقتى وشاكر ليكم جداااااااااا )

s7s_tito

2013-04-09 (02:23:05AM)

وعلى فكرة انا دخلت صفحة الفيس اللى الناس هنا عاملنها وكتبت المشاركة دى فيها برضو عشان الناس تعرف اد ايه ده توكيل مش بيستغلو الناس فى حكاية الاسعار بس لأ وكمان معاملتهم زى الزفت وناس اى كلام يعنى دول تمامهم يسرحو ببطاطا احسن مش يبقو توكيل لاى ماركة تليفونات محترمة او غير محترمة ( والله يخرب بيتهم كمان مرة وحسبى الله ونعم الوكيل فيهم )

kokomozz

2013-04-09 (02:57:57AM)

السلام عليكم
انته عندك حق انا واحد صاحبي جايب سوني اكسبريا ميرو وعنده مشكله انه بيسقط شبكة وهو جايبه من الحرامي رزق الله اللي ما يعرف ربنا خالص كل شوية يوديه عندهم عشان يصلحوه ينزلولوا سوفت وير جديد
صاحبي بقالو في القصة دي 9 شهور وداه فيها 6 مرات ومافيش فايدة يعني فاضل علي الضمان شهرين ويخلص ومافيش حلول
بجد دول شوية نصابين
حسبي الله ونعم الوكيل فيهم

AboulFotouh

2013-04-09 (10:36:01AM)

عشان تفهم حاجه .. تقريبا كل توكيلات مصر كده
انا كنت جايب سامسونج جلاكسي ايس ضمان يونيون جروب .. ومن اول يوم جبته كان في مشاكل بس انا كبرت دماغي لحد مالحوار كبر ووديته الضمان .. عايز ااقولك لو روحت والموبايل فيه ااايه .. لو بينزل دم .. مش هيعمل فيه حاجه غير ان يغير سوفت .. فانت روح كذا مره .. انا وديت موبايلي ده 7 مرات الضمان في مده 4 شهور ومكنش بيتعمل فيه حاجه وعملت شكوي في سامسونج نفسها وطلعو عين اهلي وكانو بيلطعوني بالشهر ونص وكل يوم خناقه في التليفون وكلمت مدير مبيعات سامسونج نفسها وبعد شهووور رضيو انهم يبدلو الموبايل .. والله استملته منهم وكان جديد محطتش فيه خط ولا فتحته اصلا وبيعته في خلال يومين وخسرت فيه 200 جنيه لمجرد ان العبله مفتوحه .. هو العيب مش في رزق الله ولا الكاتيل ولا سامسونج .. العيب ان هنا مش محترمين الناس ولا بيلتزمو باللي المفروض يعملوه عشان احنا هنا مصريين ومبيميش معاهم غير الخناق والسب والتهليل