بدور علي ايه؟ اكتب رقم موديل الموبايل الابدور عليه
warning
احدث المشاراكات
-
2014-04-04 (09:32:56PM) Huawei G610s
لو سمحت الموبايل دا أفضل ولا موبايل جي تايد e90 ؟؟؟؟؟؟؟؟؟؟؟
جي تايد اعلى عالورق في كل شئ .لكن انا بتكلم عن الدعم وتوافر الاكسسوارات وجودة الخامات
ياريت حد يكون جرب الاتنين ويفيدنا لاني في حيرة شديدة من امري -
2011-06-22 Samsung Galaxy Fit S5670
تليفون ابوالنجا -المنصورة
0502221021 - 0165055555 - 0107141111 -
2011-06-21 Samsung Galaxy Fit S5670
الموبايل حلو اوي ياجماعة بالنسبة للفئة السعرية اللي بيقع فيها
موبايل من الجيل التالت وكاميرا 5 ميجا وتصفح نت وتاتش وكله بسعر 1320 يعني هايرضي كل اللي شاريه عشان السعر
اما طبعا لو بكلم عن موبايل خارق وتحفة وشيك وجودة ممكن طبعا اتكلم عن n8 او جالاكسي s2 لكن دول للي مستعد يدفع فوق ال2500 جنيه للموبايل
لكن الفيت راضي طموحاتي الآن لغاية ماييسرها ربنا ونجيب حاجة عالية كده -
2011-06-21 Samsung Galaxy Fit S5670
بالنسبة لعرض اتصالات فممكن الرجوع لقسم موبايلات هاواي بالموقع وكل الكلام عن عرض اتصالات موجود به
او الرجوع لهذا الموضوع فهو وافي
وخلاصة الكلام في العرض دا ان كل واحد من بتوع اتصالات بكلمة ناس اشترت الموبايل بتمنه 600 جنيه فقط ومشت من غير تفعيل الخط الجديد وناس اشترطوا عليها تفعيل الخط ودفع الاشتراك لو كلوب او العمل بنظام الفاتورة لو جرين لاين
في النهاية اتصالات هي الكسبانة برضه -
2011-06-21 Samsung Galaxy Fit S5670
بالنسبة للكاميرا فهي جودتها كويسة لكن طبيعي إنها تتأثر باضاءة المكان وقد يكون دا شئ طبيعي لو الموبايل من غير فلاش لكنه مش فرق كبير يعني عشان اسيب الموبايل الصورة بس بتبقى غامقة شوية
انا مسألتش عن الجيو فمقدرش افيدكم في النقطة دي
وعند الشراء انا طلبت من المحل يختم لي الضمان بس عشان لو حصل شئ يبقى تحت مسئوليته لكن مش تفعيل تفعيل بالمعنى المقصود -
2011-06-21 Samsung Galaxy Fit S5670
نسيت أقول مش متوافر في السوق غير الميتاليك بلاك وسألت على الأبيض وقالوا مش بينزل عندهم
-
2011-06-21 Samsung Galaxy Fit S5670
بالنسبة لتجربتي في الفيت فأنا هاقول على عيوبه الأول اللي شفتها
صوته مش عالي اوي خاصة لو الموبايل موضوع على شئ لأن السماعة من الخلف
بيسحب من البطارية جامد انا بفتح بس الواي فاي وكل الحاجات التانية مقفوله
خامات تصنيعه متواضعة لحد ما يعني انا موبايلي النوكيا كله ميتال وتحس بجودته عنه
جودة التصوير بتبقى مش اوي لو في مكان إضاءته مش كويسة
أما باقي الإمكانيات فكويسة النت كويس وسريع لحد ما وبيفتح يوتيوب وايميلات
جودة الصورة حلوة اوي في الإضاءة القوية ونظام الخرائط جميل برضه والبرامج والتطبيقات كتير وبحملها مباشرة من الماركت
عامة هو ممكن اديله 8من 10 بمقارنة سعره بامكانياته واللي هايجيبه عشان السعر هايحس انه راضي طموحاته ومناسب جدا
لكن طبعا هتقل نسبته جدا لو قارناه بجلاكسي s وباقي الموبايلات الفوق ال 2000 جنيه -
2011-06-21 Samsung Galaxy Fit S5670
عنوان ابو النجا ممكن تنزل العباسي من بره على شارع البحر ستجد جامع كبير على الناصية ادخل الشارع بتاعه وبص على إيدك اليمين هتلاقي محل كبير لونه احمر من بره ,هو دا ابو النجا ,وعامة هو معروف جدا في العباسي ,بس أطلب منه الفاتورة ويفعلك الضمان ,أنا أشتريت من عنده لغاية دلوقتي موبايلاتي نوكيا 6303اي كلاسيك وسامسونج الفيت وماشاء الله ,والعلبة متبرشمة وإستحالة يفتحها لحد إلا لما يتأكد أنه هياخد الموبايل
-
2011-06-21 Samsung Galaxy Fit S5670
بالنسبة لعرض هاواي من اتصالات فأنا سألت في إتصالات المنصورة قال لازم تاخد الخط سواء جرين لاين او كلوب وهافعلهولك وانت واقف قبل ما تطلع من المحل يعني كده كده إدبست في الخط ولما قلت له خدمة العملاء قالت اني ممكن اخده من غير تفعيل قال لا خطأ لازم التفعيل
-
2011-06-21 Samsung Galaxy Fit S5670
انا جبت الفيت أخيرا
وجت قدرا انا اصلا كنت هاشتري عرض موبايل هاواي من اتصالات ولما لقيتني هادفع كده كده ال 1000 جنيه ودا كلام بتوع اتصالات نفسهم,فقلت ازود شوية واجيب الفيت وفي الاول والآخر سامسونج معروفة عن هاواي
وجبته ب 1320 من محل ابو النجا من المنصورة ودا تقريبا ارخص واحد لأني سئلت عليه كتير في العباسي لاقيته ب1360 وعلى المشاية ب1440