بدور علي ايه؟ اكتب رقم موديل الموبايل الابدور عليه
mnreet_2005
احدث المشاراكات
-
2012-01-26 (11:03:36AM) Samsung S8530 Wave II
ممكن اعرف ازاى انزل البادا 2 عندى على الويف 2 وايه هى خطواته ؟؟؟؟؟؟؟؟؟؟؟؟؟
-
2012-01-26 (10:58:46AM) Samsung Galaxy Fit S5670
انا عندى اغانى كتير على الجهاز فى ملف الموسيقى ولما بدخل على ملفاتى مش بلاقى غير عدد صغير منها ... فكنت عايز اعرف ليه باقى الاغانى مش موجوده فى ملفاتى مع العلم انى ببقى عايز ابعت اغانى عندى بلوتوث ومش بلاقيها فى ملفاتى ... ارجو الرد للأهمية وشكرا
-
2012-01-05 (03:25:12AM) Samsung S8530 Wave II
انا وصلت الموبايل بالكمبيوتر علشان اخد نسخه من الاسماء عن طريق الكيز .. قبل ما اعمل استعادة ضبط المصنع للجهاز أو تفليش للبادا2 لأن الموبايل بيعمل حاجات غريبه جدا ... بس للأسف الكمبيوتر مش بيقرا الموبايل نهائى ... عملت تصحيح الاخطاء عن طريق الكيز ... لقيت التليفون بدأ يتعرف وبعدين يقف والكيز برضه مش بيقراه ... قولت ممكن تكون من نسخة الكيز ... المهم نزلتها على جهاز تانى خالص وبرضه مفيش فايدة طلع العيب من الموبايل ... انا بصراحه دلوقتى مش عارف اعمل ايه لانى كنت عايز اخد نسخة من الاسماء اللى على الموبايل قبل ما اعمل اى حاجه . أرجوكم حد يفيدنى لان الموبايل شبه متوقف
-
2011-12-18 (11:41:02AM) Samsung S8530 Wave II
صباح الخير عليكم ... انا الويف 2 عندى بقى كله مشاكل مره واحده ... زرار الكاميرا مش بيفتح الكاميرا ... البلوتوث مش بيرسل وبيقول امسح كل الاجهزه المقترنه ... الجهاز ساعات بيعمل ريستارت لوحده ... ياريت حد يدلنى اعمل ايه للأهمية
-
2011-10-24 (12:35:40PM) Samsung S8530 Wave II
foxy_moody وكل الناس المحترمة اللى اهتمت بالرد .. متشكر جدا ليكم وشكر خاص لفوكسى اللى ادانى المعلومه التمام .. تسلموا
-
2011-10-23 (12:06:46PM) Samsung S8530 Wave II
صباح الفل على احلى منتدى
انا عندى استفسار ..
اولا : انا عايز اشغل 5.1ch اللى فى برنامج الموسيقى علشان بيقولوا انها بتبظط صوت الموسيقى جدا وبصراحة عملت كل حاجه وبرضه معرفتش اشغلها .
ثانيا : الوايرلس عندى فى الجهاز حاسس انه ضعيف .. لأنى كنت شغال عليه وكان بيدوخنى علشان يلقط اشارة مع العلم انه كان جنبى جهاز لاب توب وكان شغال كويس جدا على نفس الراوتر فياريت تفيدونى -
2011-07-17 Samsung S8530 Wave II
الجهاز ده هو احسن جهاز فى فئة 2500 جنيه بلا منازع والفئة الأعلى كمان
-
2011-07-17 Samsung S8530 Wave II
انا عامل البوست ده للناس اللى بتسأل على الجهاز من واقع شغلى عليه لمدة شهر ونص ,,,,,,,
البطارية بتقعد معايا فى المتوسط "يومين" مع الاتصال وبعض الشغل عليه ... الجهاز البروسيسور بتاعه 1 جيجا سريع جدا .. مفيش مره لغاية دلوقتى هنج معايا .. وده هيبان اكتر فى استعراض الصور وتشغيل الفيديو والالعاب بجد "طلقه" مفيش تأخير أبدا ... كارت الشاشه بتاعه عالى وبيشغل العاب 3D وباداء عالى جدا ... الرامات الحقيقه مش عارف وياريت حد يسأل فى الموضوع ده ؟ ... التصوير فى الويف2 تحفه والفيديو ملوش حل .... الهاند فرى جباره ... التاتش بتاعه سحرى بمعنى الكلمة ... النت عليه كويس قوى وبيشغل فيديوهات اليوتيوب زى الفل ... شاشته كبيره 3.7 بوصه والوانها مذهله .. الصوت عالى ومناسب جدا ... نيجى بقى للمشكلة الكبيرة وهى البرامج . لأنها فعلا قليلة جدا وكمان الالعاب نفس الحكاية ... والبرامج والالعاب الكويسه فى المتجر بتكون بفلوس ... والموضوع ده الناس مش لاقيه له حل بسبب ان البادا خاص بسامسونج فقط ... وعلى العموم موضوع البرامج والالعاب مش فارق قوى معايا... بس يمكن يفرق مع ناس تانيه حسب استخدام كل شخص ... خلاصة تجربة الجهاز ممتع جدا فى شغله بجد وشيك وفخم وانا والله بقول كده عن اقتناع ... وعلى فكره انا مسكت n8 كتير ... بس الشغل على الويف2 متعه تانيه خالص ...
وأخيرا أى حد تانى عنده استفسار احنا والاخوه الموجودين تحت أمركم -
2011-07-16 Samsung S8530 Wave II
lomy .. بالنسبة لتخصيص النغمات ... افتحى قائمة الاسماء .. وادخلى على الاسم اللى عايزه تخصصيله نغمه ... هتلاقى تحت على الشمال كلمة " تعديل " اضغطى عليها هتلاقى مكتوب نغمة الرنين تحت خالص ... اضعطى عليها هتلاقى الاغانى ولما تختارى نغمه لازم تضغطى على الجانب الايمن من النغمه علشان تظهر علامة الصح وبعدين انزلى تحت على الشمال واضعطى على كلمة "اضافه" .. ومبروك عليكى
-
2011-07-16 Samsung S8530 Wave II
lomy ... بالنسبة لتوصيل الجهاز على الكمبيوتر ... والنقل منه الى الموبايل ... penoleno88 نزلك تحت لينك برنامج اسمه الكبز ... نزليه من على النت وسطبيه ووصلى الموبايل على الكمبيوتر هيظهر عندك شكل رسمة تليفون ادخلى عليه وادخلى على كلمة "الهاتف" هتلاقى جوه ايقونات للصور والاغانى والفيديو ... نزلى بقى اللى انتى عايزاه من على الكمبيوتر ... وبالنسبة لنسح الاسماء من الكمبيوتر للموبايل انا عملته بطريقه يمكن صعبه شوية بس اشتعلت تمام معايا ... نزلى الاسماء من الكمبيوتر للموبايل عن طريق الكايل فى مكان اسمه "ملفات أخرى" وبعدين شيلى الموبايل وادخلى على ملفاتى وبعدين ملفات اخرى وبعدين ادحلى على اسم اسم هتلاقى ايقوته تحت على الشمال مكتوب علبها " التسجيل للاسماء" اضغطى عليها هتلاقيها نزلت اوتوماتيك فى قائمة الاسماء وهكذا ... يحب تجربة هذه الخطوة فى كل اسم ... ولو فيه اى استفسارات تانيه هحاول افيدك لأنى برضه لسه جايبه من شهر ونص
-
2011-07-03 Nokia N900
تمام تمام ... متشكر جدا يا جماعه على النصيحة ... وانا فعلا جبت الويف2 ... جهاز قوى وسريع جدا ... شكرا ليكم مرة تانيه ويفضل الموقع ده موسوعه لكل واحد عايز موبايل جديد
-
2011-06-22 Samsung S8530 Wave II
lomy
الجهاز متوفر باللون الاسود فقط مطعم بجراى غامق ... وعلى فكرة اللون ده مع تصميم الجهاز مديلة شكل شيك جدا -
2011-06-22 Samsung S8530 Wave II
el3andalip
تمام يا باشا تشكر على الرد ... انا اول مره أعرف ان ال 3g بيسحب من البطارية قوى كده ... وفعلا البطارية كانت بتقعد معايا يومين بس ... وياريت تقول على طريقة قفله يكون أفضل ... وبالنسبة للكاميرا الامامية لو عايز تشغلها انا منزل برنامج من على الكيز اسمه SMIRROR وهو بالمناسبة مجانى ... بس البرنامج مش بياخد لقطة للصورة انت بقى ممكن تضغط على زر القائمة مع القفل والجهاز ياخد لقطة من الشاشة ... وبالنسبة كمان للجراب الجهاز فعلا بييجى معاه جراب جميل قوى ... بس تأكدوا ان علبة الموبايل تكون مقفولة علشان فيه محلات موبايل بتاخد الجراب -
2011-06-22 Samsung S8530 Wave II
el3andalip ... معلش يا باشا نسيت أسألك ... انت جبت ميمورى قد ايه ؟ وكلاس كام ؟ وسعره كام ؟ ... ولو تعرف سعر ال 8 جيجا ياريت تقولى علشان عايز اشتريه للموبايل ... وشكرا ليك
-
2011-06-22 Samsung S8530 Wave II
el3andalip ... ازيك يا باشا ... انا معاك فى كل كلامك ... انا برضه لسه جايب الويف2 من اسبوعين ... الموبايل شاشته الوانها رهيبه وكمان كبيره 3.7 بوصه وشيك جدا جدا ... التصوير العادى كويس جدا ... والاحسن كمان التصوير الفيديو حكايه لأنه h.d ومش بيقطع نهائى ... استخدامه سهل جدا ... سريع ... مهنجش معايا ولا مره لغاية دلوقتى رغم ان استخدامى عليه كتير ... البطارية تقريبا بتقعد يومين ... دخلت نت من عليه وكان معقول جدا وشغلت عليه فيديو من youtube واشتغل تمام ... صوته بالنسبه لى معقول جدا ... سماعته الهاند فرى جباره ... بالنسبه لبرامجه والعابة فعلا قليله جدا ... وفيه العاب وبرامج حلوه بس بفلوس ... ودى الحاجه اللى زعلتنى شوية ... وانا على فكره وانا بجيبه كنت بقارن بينه وبين ال c7 برضه لأنهم نفس الفئة تقريبا ... واللى عايز يشوف الجهازين على الطبيعة من غير الصور الى على النت يروح محل موبايلات ويمسك الجهازين فى ايده ... بجد الويف 2 فخم جدا