هذا الموضوع مرتبط بـ XPERIA Neo

بدون عنوان

semooo

2012-03-17 (08:12:29PM)

ياجماعه انا ادامى الموبايل ده مسعمل فى الضمان من موبايل شوب استعمال 3 شهور معاه كل حاجته ومش فيه خدش عايز اعرف اخده بكام وهل الموبايل كويس والبطاريه بتعد اد ايه والصوت والاستعمال ياريت فى اسرع وقت

semooo

2012-03-19 (05:43:45PM)

والله انت رجوله ياجيمى ربنا يكرمك يارب على اد مبتساعد الناس
وموضوع الجراب انا وانا بفاصل معاه كنت بقله انا لسه هجبله جراب وكده قالى انا دورت وملقتش قلتله موجود عند السراج فهو باليل لقيته بيكلمنى وبيقولى انا هناك اجبهولك قلتله هاته ويبقى هديه منك بدل مأخده على 1650 فجابه وقولت اهو وفر عليا المشوار
وشكرا اوى والله على نصيحك ورايك ياجيمى
وشكرا ليك ياعايش انا جبت رقم تليفنهم وهكلمهم ان شاء الله

jimmy83

2012-03-19 (04:52:06PM)

معرفش ايه الفروع القريبة بس افضل حاجة كلمهم وقلهم انك ساكن فالحلمية و معاك جهاز نيو عايز تبدلو من عندهم باي جهاز و عايز تعرف حيحسبهولك بكام..وهم حيقولولك تروح اني فرع عشان يفحصو ويدولك سعر.
--------
بخصوص 1700 لو فعلا مفيهوش ولا خدش و انتا معاه خلي ايصورلك فيديو و شوف الصورة و الصوت و جرب تعمل اتصال بيه وشوف الصوت واسال الي كلمتو الصوت ازاي و خلي بالك على مؤشر الارسال و البطارية ولو بيلعبو.
بعدين في مكان زحمة جرب الwifi (عادي كدا فشوارع القاهرة بتلاقي كتير شبكات) مش ضروري يشبك المهم انو بيلاقي حاجات.
وهو كجهاز بشكل عام كويس جدا بس انا مستغرب ..واحد عايز يبيع الجهاز و بيشتريلو جراب !!
غير كدا مش عارف اقلك ايه غير انشاء الله انو تمام.

semooo

2012-03-19 (03:40:57PM)

شكرا اوى والله ياجيمى انت والله فدتنى كتير اوى واتعلمت منك كتييير ومش عارف اودى جميلك دى كلها فين ربنا يكرمك
طيب انا نازل حلميه الزيتون بكره ان شاء الله على شان اجيب الموبايل فلو ممكن تقولى عنوان موبايل شوب اللى مكن اعمل عنده فحص فين وهو بعيد ولا قري
وهل الموبايل يستاهل انى ادفع فيه 1700 وهو نزل اشتراله جراب من عند السراج اول امبارح كمان والجهاز حلو ولا لا ربنا يكرمك لانى مش من الناس اللى بيغيرو مبيلاتهم بسهوله فارجو الافاده الموبايل فيه اى عيوب او حاجا تنصحنى انى ابعد عنه

3aysh

2012-03-19 (03:39:58PM)

لو من المنصورة، ممكن تروح راديو شاك اللي عند الجامعة، في هناك ستاند لشركة دلتا اللي هي وكيل سوني إريكسون

jimmy83

2012-03-19 (02:51:13PM)

مزبوط هو خارج القاهرة..البياعين معندهمش خبرة ليفحصلك الجهاز (جايز مش بيعرف يستعملو اصلا) + ان السيستم عندهم مفيش فيه اسعار المستعمل..بس كان المفروض يوجهوك لواحد من فروعهم الي بيتعاملو فالمستعمل.
فروع مدينة نصر عندهم بيفحصو الاجهزة وبيدوك اسعار لان عندهم ممكن تبدل جهازك القديم بواحد جديد من عندهم وتدفع فرق.
بس بما انك من خارج القاهرة فاقتراحي ملوش فايدة ومش فمكانو وبعتذر منك.
-----------
لو مفيش طريقة تعمل الي قالولك عليه لتتأكد ان الجهاز مفيهوش عيوب ولو مش عارف صاحب الجهاز و متأكد منو فيبق انت وحظك..ممكن يكون جديد و ممكن يكون فيه عيب او متصلح.
اصل الايام دي بحط نسبة ان الواحد الي معرفوش نصاب اكتر منو بيخاف ربنا و صادق.

semooo

2012-03-18 (05:20:52PM)

انا روحت موبايل شوب اللى عندنا فى المنصوره قالولى ان احنا مبيعات بس واول 14 يوم من تاريخ الشراء وبعد كده انت مع الضمان منك له وقلولى ان سونى بضمان شركه دلتا فى القاهره فى مدينه نصر وقالولى انى اروح ليهم لو عايزهم يعملولى فحص على الجهاز ولا حاجا بس قلولى اتحججلهم باى حجه ان الجهاز بطئ معاك او اى حاجا على شان يفحصهولك
فهل المفروض انى اوديه لموبايل شوب وهما اللى يعملولى فحص عليه ولا ايه؟؟؟؟؟؟؟

jimmy83

2012-03-18 (04:24:12PM)

انتا ممكن دلوقت تجيب نيو v ب 1800 و حاجة جديد.
فدا متدفعش في اكتر من 1600 او 1700 بالكتير...الفرق بينهم الكاميرة بس ومش الفرق الرهيب الي يستاهل اكتر من كدا.
دا مجرد رايي وانتا لو شايفو حالتو حلوة وسعرو عاجبك روح عند موبايل شوب يبصو عليه و تتأكد من الضمان و حالتو..وبرضو ممكن تسألهم بيسوا كام على وضعو وهم حيقولولك(خد فبالك ان سعرهم طبيعي يكون اقل من السعر الي انتا حتشتري ..يعني عشان متقلش الراجل عايز ينصب عليك)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Ericsson XPERIA Neo

مقارنة

480 x 854 pixels, 3.7 inches
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Ericsson XPERIA Neo

480 x 854 pixels, 3.7 inches

3G

8 MP, 32...