بدور علي ايه؟ اكتب رقم موديل الموبايل الابدور عليه
احدث المشاراكات
-
2012-03-20 (03:06:26AM) Sony Ericsson Xperia neo V
لو مالقتش البروتيكتور بتاع الجهاز، ممكن من راديو شاك تجيب سكرين بروتيكتور بتكون حجمها أكبر وتقص منها على مساحة الشاشة وهيفضل عندك جزء زيادة كمان، أنا بصراحة ماجربتش النوع دا بس بيقولوا حمايته عالية لكن ممكن يكون له تأثير بسيط على التاتش
-
2012-03-19 (04:00:14PM) Sony Ericsson Xperia neo V
أنا ماعرفش نظام رزق الله، بس موبايل شوب في العادي بيكون سعره أغلى من الأسعار التانية لأنه بيديلك ضمان من عنده غير ضمان الوكيل
مش كل الموبايلات بتكون موجودة في فروع موبايل شوب، اللي بيحصل إنك لو الموبايل مش موجود عندهم بتسيب بياناتك وبتدفع تقريباً 100 أو 200 جنيه وتحجز الموبايل وبيجيبهولك بعد يوم أو يومين وبتدفع باقي التمن وقت الاستلام
كمان موبايل شوب عندهم خدمة توصيل بس مش متوفرة في كل الأماكن -
2012-03-19 (03:47:08PM) Sony Ericsson Xperia pro
أنا تقريباً شبه استقريت على الموبايل دا، لأني بكتب على الموبايل كتير في النت وفي الشغل وكدا ووجود الكيبورد مريح جداً، بس عندي استفسار، هل فعلاً موبايلات سوني إريكسون لو السوفت وير بتاعها وقع أو خد فايرس مش هعرف أرجعه تاني لوحدي؟
ومعلش سؤال تاني، هل قطع الغيار أو الصيانة بتاعته هتبقى متوفرة ولا بتكون عند الوكيل بس؟ -
2012-03-19 (03:39:58PM) Sony Ericsson XPERIA Neo
لو من المنصورة، ممكن تروح راديو شاك اللي عند الجامعة، في هناك ستاند لشركة دلتا اللي هي وكيل سوني إريكسون