هذا الموضوع مرتبط بـ XPERIA Neo

بدون عنوان

armada7

2011-09-26 (02:01:05PM)

النيو موبايل ممتاز خصوصا فى الجزء المتعلق بالمالتيميديا سواء من اداء الكاميرا او سماع الاغانى او حتى مساهدة الفيديوهات على الشاشة اللى اقل ما يقال عنها انها ممتازة
المميزات والعيوب باختصار
اداء عالى ومفيش تهنيج الا عند استخدام كذا تطبيق مفتوح فى نفس الوقت
الكاميرا ممتازة على قد السعر سواء فى تفاصيل الصورة ووضوح التباين وقلة التشويش فيها ولكن للاسف عند عرضها على اللاب الصورة مش بتطلع جميلة وتمت مقارنتها با آى فون طلعت الصور اقل فى جودة الصورة وده ناتج على ان الصورة بيحصلها عملية ضغط عشان تكون مساحتها صغيرة بس ده مجرد عيب بسيط مش هيفرق كتير مع الهواة
زرار الكاميرا حساس شوية او انا اللى يمكن ايدى كانت تقيلة حبتين بس برده عيب لا يذكر
البطارية اسوء العيوب على الاطلاق تقريبا بتكمل يوم كامل مع استخدام فوق المتوسط و18 ساعة مع استخدام المجهد وده بسبب الشاشة مع العلم انك لو قفلت خاصية البرافيا اللى بتسبب وضوح وسطوع الشاشة ممكن تضيف من 4 الى 6 ساعات الى عمر البطارية
التاتش ممتاز ويمكن من احسن اجهزة التاتش اللى شوفتها بالرغم ان فى بعض الاوقات بيكون حساس جدا بس تمام برده
نقطة تانية التصفح على النت سريع وكويس جدا على قد السعر لانى شوفت موبايلات التصفح اسرع بمراحل مع الاستجابة لاقل سرعات المصدر
خامة الجهاز للاسف مش مريجة شوية اولا بلاستيك بس مش ده العيب للاسف انه glossy
بمعنى انه مغنطيس للبصمات ونفس الكلام على الشاشة ودى حاجة منرفزة جدا الحقيقة خصوصا لو كان لون الموبايل الازرق الغامق
امكانيات مقابل السعر ادى الموبايل ده 8 من 10 وده تقييم ممتاز خصوصا انه فى الفئة المتوسطة بس برده كان ممكن يبقى اعلى من كده وانا اقصد هنا على خامة الموبايل فقط وليس التصميم الفاخر
بالنسبة للبدائل للناس اللى مش حابة سونى مع انها شركة محترمة جدا وليها سوق ومشتريين فى جميع الانحاء

فى موتورولا ديفى وده من امتن الموبايلات اللى شوفتها وكمان اداؤه عالى جدا ويكاد ميكونش فيه عيب الا جودة الكاميرا فقط والعيب الازلى فى جميع الاندرويد البطارية تقريبا يوم ونص لو الاستخدام عالى
واللى حابب يستنى ممكن النسخة المحدثة منه الديفى بلس هتكون احسن واعلى فى البروسيسور والبطارية على اخر السنة ان شاء الله
اعتقد مفيش غير الموبايلين دول لمنافسة النيو فى نفس الفئة السعرية وفى معادلة الاداء العالى مقابل السعر المناسب

armada7

2011-09-29 (09:07:16AM)

shahynaz
اكسبيريا ارك تقريبا نفس المواصفات بس شاشة اكبر موبايل جميل جدا بس فيه عيب وانا شفته بنفسى بيهنج عند التنقل ما بين القوائم والحقيقة جربت الحكاية دى فى كذا موبايل ارك ونفس النتيجة
يمكن يكون التهنيج مش ملحوظ اوى يعنى بس بالنسبة لى كان ممكن يبقى مقرف خاصة لو شغلك على الموبايل كتير زيى ولو فتحت اكت من حاجة فى وقت واحد غير ان الشاشة كبيرة نوعا ما وطبعا الحكاية دى اذواق فى ناس بتحب وتقدر تستحمل كبر حجمه وناس تانية لا حاجة تانية لاحظتها فيه الجاك بتاع السماعة من الجنب الشمال وطبعا الحكاية دى بالنسبة لى ممكن تضايقنى لو حاطط السماعة وجيت احطه فى جيبى مثلا
بغض النظر عن العيوب دى ف الجهاز ك امكانيات جميل وشكله اشيك بكتير ولو العيوب دى مش مهمة يبقى خلاص توكلى على الله بس على الله القرار يبقى بسرعة لانى للاسف لسه كنت فى موبايل شوب امبارح وقالى دفعة النيو خلصت من عندهم وميعرفش اذا هيجى منه تانى امتى

moriano
البصمات دى عادى على فكرة ويمكن الموبايل لما يبقى معاك تعاملك معاه يبقى مختلف عن تعاملى انا معاه ولو ده الحاجة الوحيدة اللى قلقان منها احب اقولك توكل على الله لو دخل دماغك والعيب ده ولا حاجة يعنى

moriano

2011-09-28 (05:40:57PM)

طيب هو أمر البصمات ده مزعج أوي يعني و لا عادي مش حيفرق يعني في إني اشتري الموبايل و لا لأ ؟؟؟؟؟؟؟؟؟؟؟؟؟؟

shahynaz

2011-09-27 (03:55:41PM)

طيب ايه رأي حضرتك في xperia arc بدأت افكر فيه مؤخرا لأنه بيجمع تقريبا بين مواصفات النيو و انه كمان ارفع و شكله اشيك و انا بصراحة بهتم بالشكل الخارجي جدا

armada7

2011-09-27 (11:29:02AM)

shahynaz
الحقيقة الاندرويد فى اكتر من برنامج رائع لتقليل من استهلاك البطارية بس المشكلة انى استخدامى للموبايل بيكون فى معظم الوقت ف مهما عملت برده البطارية مش هتكمل يوم او بتكمله بالعافية

moriano
بص موضوع البصمات يعنى بصمات ايدك بتطبع على الجهاز سواء الشاشة او الضهر بتاع الموبايل واحيانا بيبقى تنظيفه مقرف بتفضل تمسح فيها
اما من ناحية الالوان عندك 3 بس الفضى والازرق والاحمر او النبيتى الفاتح
الاحمر لسه منزلش على اخر السنة هينزل مصر او ممكن فى خلال الشهرين او ممكن تلاقى الاحمر بس فى محلات معينة زى ابليناس اللى فى سيتى ستارز لو انت من القاهرة بس ممكن يكون اغلى
واختيار اللون يرجع لذوقك انا مثلا بحب الغوامق ف اشترى الازرق انت ممكن تحب الفضى وعلى فكرة لون فخم جدا

moriano

2011-09-26 (09:41:33PM)

شكرا علي التقرير الرائع بس كنت عايز أعرف أيه موضوع البصمات ده ؟؟؟؟؟؟؟؟؟؟؟؟ و ثانيا أيه من ألوان النيو أحسن لأني كنت خلاص حجيب الأزرق فرأيك أيه مين الأفضل في الألوان علي الترتيب؟؟؟؟
و شكرا جزيلا ليك

shahynaz

2011-09-26 (06:57:05PM)

ميرسي جدا علي التقرير المفصل و الممتاز و متهيألي مشكلة البصمات دي هتتحل لو جبت اللون الفاتح منه و الكاميرا المفروض الاداء يكون اعلي و الصور انقي لأنها 8 ميجا بيكسل و مشكلة البطارية معظم الناس اشتكوا منها فعلا عموما في طريقة علي اليوتيوب للاقلال من استهلاك البطارية و دة اللينك

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Ericsson XPERIA Neo

مقارنة

480 x 854 pixels, 3.7 inches
3G

2G / 3G
8 MP, 32...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Ericsson XPERIA Neo

480 x 854 pixels, 3.7 inches

3G

8 MP, 32...