بدور علي ايه؟ اكتب رقم موديل الموبايل الابدور عليه

سعر و مواصفات Sony Ericsson Xperia neo V

  • Android
    Android OS, v2.3.4 (Gingerbread), planned upgrade to v4.0
  • 480 x 854 pixels, 3.7 inches (~265 ppi pixel density)
  • 3G
    2G / 3G
  • 5 MP, 25...
  • GB RAM
    320 MB storage, 512 MB RAM
غير متاح
(956 تقيمات)

موصفات Sony Ericsson Xperia neo V

الموصفات الاساسية
الحجم 116 x 57 x 13 mm
الوزن 126 جرام
الألوان بالأسواق ابيض- ازرق- فضى
الشاشة
نوع الشاشة LED-backlit LCD, capacitive touchscreen, 16M colors
مساحة الشاشة 480 x 854 pixels, 3.7 inches (~265 ppi pixel density)
دعم اللمس المتعدد لا
الشبكة
دعم 2G نعم
دعم 3G نعم
دعم 4G-LTE لا
دعم 5G لا
دعم HSCSD لا
دعم EDGE نعم
دعم GPRS نعم
الاتصال
دعم WLAN Wi-Fi 802.11 b/g/n, DLNA, Wi-Fi hotspot
دعم بلوتوث Yes, v2.1 with A2DP
GPS دعم نعم
NFC دعم لا
دعم راديو Fm نعم
دعم USB نعم
معلومات عن الكاميرا
دعم الكاميرا 5 MP, 2592х1944 pixels, autofocus, LED flash
دعم فلاش نعم
كاميرا امامية نعم
مساحة الذاكرة
الذاكرة الخارجية microSD, up to 32GB
الذاكرة الداخلية 320 MB storage, 512 MB RAM
نظام التشغيل
نظام التشغيل Android OS, v2.3.4 (Gingerbread), planned upgrade to v4.0
نوع نظام التشغيل Android
CPU 1 GHz Scorpion
معلومات أخري
الرسائل SMS (threaded view), MMS, Email, IM, Push Email
المتصفح HTML, Adobe Flash
قدرة البطارية في التحدث حتى 6 ساعات
قردة البطارية في الوضع العادي حتى 430 ساعه
الخصائص
دعم شرحتين لا
الشريحة لا
نوع النغمات MP3
مخرج صوت 3.5mm jack نعم
الاهتزاز نعم
دعم انفراريد لا
حماية بالبصمة Fingerprint لا
ملحوظة : لا يمكننا ان نضمن ان تكون المعلومات في هذه الصفحه صحيحة 100%

مميزات و عيوب Sony Ericsson Xperia neo V

مميزات سوني اريكسون Xperia neo V

  • المميزات :
  • 1- الصوت نقى وعالى وممتاز
  • 2- شاشة ممتازة وحساسية التاتش فوق الممتازة
  • 3- امكانية تحديثه للايس كريم
  • 4- سعره قليل بالنسبة لامكانياته
  • 5- شكله انيق وشيك

عيوب سوني اريكسون Xperia neo V

  • العيوب :
  • 1- الوايرليس بيبقى اشارته ضعيفة وبيقطع كتير
  • 2- المساحة التخزينية الداخلية للموبايل قليلة اوى 320 ميجا بايت
  • 3- سخونية زائدة بالجهاز عند استخدام الالعاب او الانترنت وده اعتقد نتيجة كافر الموبايل المطلى بمادة النيكل وحله مع جراب بلاستيك او جلد
  • 4- الزراير الرئيسية للموبايل والصوت والكاميرا بيتغير شكلهم وبتتقشر نتيجة الاستخدام الكتير مع الوقت وده بالنسبالى اكبر عيب فى الموبايل ده
تلك الخدمة مخصصة لاعضاء الموقع

التسجيل بالموقع

حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا

انشاء حساب جديد

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

مواضيع مميزة عن موبايل Sony Ericsson Xperia neo V

بدون عنوان
2012-03-04 (09:15:41PM)
waelgam2005

مواضيع و اراء عن Sony Ericsson Xperia neo V

بواسطة: dana
ياشباب باركولى انا جبت الموبايل لسه دلوقت ولسه حتى متكلمتش منه العلبة كان فيها الموبايل وكارت 2جيجا ووصلة اليو اس بى والشاحن والسماعة الهاند فرى وموبايل شوب عامل عرض عليه هدية سماعة بلو توث نوع اسمه jabra ب 200 جنيه وكمان ادانى خط فودافون هدية وجربت السماعة البلو توث وكانت كويسة بس لسة متكلمتش منه بسم الله ما شاء الله الشكل تحفة واللون الفضى رائع وصوت الجرس بتاعه عالى بس عارفين الكفر بتاعه من ورا رقيق يعنى ضعيف شوية عايز طريقة معينة للاستخدام وده قلقنى بس قلت مش مشكله لازم احافظ عليه هروح اعيش معاه شوية ارجعلوكم ادعولى ربنا يحفظهولى ويكفينى شره
2012-02-11 (08:34:18PM) / ردود 5
jimmy83
2012-02-12 (02:05:17PM)
دانا..الصفحة دي بتاعة الدعم لجهازك..فيها شوية اساسيات تساعدك كبداية
اضغط هنا لزيارة الرابط
waelgam2005
2012-02-12 (12:08:13AM)
مبروووووووك يا دانا وربنا يحمهولك هوا الخامه بتاعة الموبايل حلوة والنيكل كمان اللى فيه بيخلى الخامه بتاعتة متقشرش ودى حاجه كويسة جدا ده غير ان شاشته ضد الخدش بس خالى بالك ميقعش منك والحقيه بجراب اى جراب وهوا لسه جديد كدا وكويس انك حليتى مشكلة الكارت ونصيحة منى ابقى اشترى كارت 8 جيجا او جيبى 16 هيريحك بعدين لان العاب الاندرويد بتبقى مساحتها كبيرة وجودة تصوير الفيد الاتش دى بتاخد مساحة كبيرة
dana
2012-02-11 (11:47:31PM)
مين اللى قال ان الطرق القديمة ماتنفعش انا فهمت ايه المشكلة وفتحت الموبايل وزقيت الsd شوية وكل حاجة اشتغلت تمام
dana
2012-02-11 (10:37:19PM)
شكرا ياعصام يا شباب فى مشكلة كل ماجى اجرب الكاميرا او الفيديو او الموسيقى يقولى لم يتم تركيب بطاقة sd او انها غير موجودة او يقولى الذاكرة غير متاحة يعنى ايه الكلام ده انا مش عارفة اخد اى صورة او فيديو والخط شغال عادى واتصلت من التليفون عادى جد ياريت تساعدونى
essamseven777
2012-02-11 (09:08:27PM)
مبروك عليكى الموبيل وتبقى تجبيلوا جراب عشان تحفظى علية واوعى تنسينا تبقى تحكلنا عن تجربتك معاة وربنا يحمية من الحسد
بواسطة: eslam14851
يا جماعه الزيكم جميعا انا اشتريت الموبيل ده من يومين لاكن في مشكله اكتشفتها بعد ما اشتريت بيوم ان السماعه الهاند فري مش الصليه ومتاخد من العلبه بتاعتها السماعه الاسلكيه اللي هيا البلوتوث حد يقلي اعمل ايه
2012-02-10 (08:12:24PM) / ردود 5
eslam14851
2012-02-14 (10:01:45PM)
الجهاز بجد تحفه بسي حكايه البطاريه مديقاني جدا الجهاز بشحنه كل يوم مع اني مبستعملوش ادكده ومدخلتش علي النت خالص كل شغلي عايه لسه بستكشفه امكانيات الجهاز بس انا قلقان اوي please حد ينصحني \اه نسيت- شكرا ليك يا وائل انتا وجيمي علي الرد
waelgam2005
2012-02-13 (03:17:23PM)
حضرتك انت بتتكلم على موبايل والموزعين هنا بيقلبوه طيب ماتشوف اى حاجه تانيه هتلاقى برضه بيحصل كدا زى ما بيحصل فى الموبايلات يعنى شوف العربيه بتيجى من بره عامله ازاى وهما بيعملو فيها ايه ده غير السعر اللى بيضرب لفوق
هقولك حاجه صغيرة بس
ابتسم انت فى جمهورية مصر العربية
eslam14851
2012-02-12 (10:25:27PM)
انا ابن عمتي جاب الجهاز ده من 10ايام بس جابه من النمسا وبصراحه عجبني وجبت الجهاز من الزقازيق لاكن الاكسسورات مختليفه تماما فرق كبير بين الهاند فري +سماعه بلوتوث+ساعه زكيه +كارت8جيج ده اللي جاي من النمسا \ده اللي خلاني اقول كده \بس هل الاكسسورات دي اللي في مصر هيا اللي بتيجي من الخارج ولا بتتغير في مصر ولو هيه بتيجي من الخارج كده فعلا زي منا اشتريته وحضرتك اشتريته ليه بتختلف الاكسسورات بالطريقه ديه وشكرا
jimmy83
2012-02-11 (04:28:53PM)
جربت ترجع وتقلو مفيش سماعة..
وفي حاجة مش فاهمها معلش..يعني هم وعدوك بسماعة بلوتوث وملقيتهاش..لان الجهاز مبيجيش معاه سماعة بلوتوث الا لو بعرض مثلا زي عروض موبايل شوب.
وعرفت ازاي ان الهاند فري مش اصلية(هي المهم عليها علامة سوني اريكسون و بتركب بالجهاز و الجهاز بيتعرف عليها) اما لو حسيت ان خامتها وحشة فدا طبيعي..بتحس انها حاجة رخيصة بس عادي كلهم كدا.
waelgam2005
2012-02-11 (07:56:24AM)
يبقى انت اكيد مش من مصر
حضرتك ومن امتى فى موبايل بتجيبه من مصر وتلاقى الاكسسورات اللى المفروض تيجى معاه بتلاقيها
على العموم انا شارى الموبايل بالسماعه الهاند فرى بس موضوع اصليه ومش اصلية دى معرفهاش
بواسطة: dana
شكرا يا وائل على اهتمامك الموبايل اصلا مش موجود فى موبايل شوب وهيجيلى بالشحن اعتقد انه اكيد هيكون مقفول ولا ايه رايك واصلا انا لما رحت الاسبوع اللى فات ماكنش فى غير 17 عدة وكلهم ابيض ولما رحت الاسبوع ده كانت مفاجأة بالنسبة للبياع انه لقى 8 ابيض بس و97 عدة فضى وطبعا ده من خلال الكمبيوتر بتاعهم فقالى ان دول لسه جايين جداد فمعتقدش ان هيكون يعنى اتفتحوا وانا عارفة حكاية الاضاءة وقفل التطبيقات وهعملهم بصراحة المنتدى انا اتعلمت منه حاجات كتيييير ربنا يباركلكم وشكرا لإدارة المنتدى وبالنسبة للجراب لو ملقتش عندىهسئلك جبته منين وهشتريه وشكرا ياجيمى على النصايح دى انا ناوية اعمل كدة
2012-02-10 (01:18:30PM) / ردود 2
NoOoR
2012-03-15 (02:06:05PM)
ايه حكاية الااضاءة وقفل التطبيقات.. انا مش فاهمة حاجة
ان شاء الله الموبايل هيجيلي بعد 3أيام
waelgam2005
2012-02-11 (07:58:10AM)
لا شكر على واجب يجيلك بالسلامة وربنا يباركلك فيه
بواسطة: dana
اخيييييييييييييييرا حجزت الموبايل وهيجيلى يوم السبت ادعولى يجى ويكون كويس هو كان فى الابيض والفضى وانا اخترت الفضى يارب يكون شكله حلو احسن انا ماشفتش الاتنين واخترت عميانى كدة على صور النت يارب يكون الفضى احلى انا مجبتش الازرق علشان موبايلى القديم لونه ازرق فقلت اجدد
2012-02-08 (08:11:43PM) / ردود 7
sobhnio
2012-08-15 (01:15:14AM)
اللون الفضى جميل جدا و انا معايا اللون الفضى شياكه موت
jimmy83
2012-02-09 (06:45:37PM)
صدقي او متسدقيش...شاشة جهازك القديم هي نفس شاشة الجالاكسي فيت و ميني وy بس طبعا على اصغر بنفس الوضوح و نفس الالوان تقريبا !!!!!!
المهم دانا اول كام يوم استعملي الجهاز واستكشفي من خلال الدليل الي بيجي معاه..واول كام مرة استني البطارية تنتهي للاخر و بعدين اشحنيها مرة واحدة و هكذا..
حاولي متستعمليش الجهاز وهو على الشاحن و استني عليه شوية لو كنتي بتستعملي وفضيت بطاريتو لحد ميبرد شوية بعدين اشبكي بالشاحن.
غير كدا انا فالخدمة فاي وقت حسيتي نفسك جاهزة للبرامج واي حاجة انتي عايزاها.
waelgam2005
2012-02-09 (05:21:24PM)
اه سورى معلش نسيت اقول حاجه اكدى على موبايل شوب انهم يجبولك العلبة بتاعة الموبايل متغلفة وانتى تكونى اول ايد تفتحيها ميكونش حاجه فى المحل و100 واحد قبلك مسكها هما كدا كدا الناس دى محترمه والعدة بتبقى نضيفة حتى لو مفتوحة بس اهو زيادة امان مش اكتر
waelgam2005
2012-02-09 (05:09:39PM)
بالنسبة للبطارية فا ده مش عيب فى الموبايل بس المشكلة ان نظام اندرويد بيستهلك البطارية اوى فا انتى اول ما يجيلك ان شاء الله ابقى قللى اضاءة الشاشة وحاولى تقفلى البرامج المفتوحة اول باول اما بالنسبة للجراب فيه جرابات جلد عامله زى الكافر كدا بتتباع وفيه لاصقة حماية ضد الخدش والحماية بتتباع بس الحقيقه انا هجيبو من واحد بيبيعو على منتدى لانى ملقتهوش عندى
dana
2012-02-09 (02:48:50PM)
شكرا يا جيمى تعبتك معايا كتير وهتعبك اكتر هههههههههههه انا بقى موبايلى القديم كان 3220 نوكيا فتخيل النقلة بالظبط زى القروى لما ينزل البندر هههههههه وطبعا هحتاجكم كتير جدا وفى حاجات عبيطة فاستحملونى وبجد يا وائل الموبايل حلو يعنى اللون الفضى كويس انابرده هجيبه من موبايل شوب بس انت قلقتنى من البطارية بس انا مليش فى اللعب خالص ممكن تقعد معايا اكتر وفى مشكلة تانية يا شباب انا مش لاقيله جراب وفى موبايل شوب قالولى مفيش الجراب الاصلى بتاعه اعمل ايه
jimmy83
2012-02-09 (02:13:06PM)
اخيييييييرا دانا ...والله فرحانلك كان الموبايل جاي ليا انا
مبرووك و انشاء الله لونو يعجبك.
waelgam2005
2012-02-08 (11:07:54PM)
الموبايل تحفة على فكرة وانا معايا اللون الفضى وكان نفسى فى البلو ملقتهوش فا جبت الفضى انا وتلاتة من اصحابى من موبايل شوب بس هوا عيبه الازلى البطارية بتتنسف المره الوحيدة اللى كملت معايا يوم ونص فضلت نايم فيه لكن غير كدا الموبايل تمام
بواسطة: rooney9
ههههههههههه معلش يا جيمي بس انا فعلا محتار جدااااااااااااااااااااااااااااااااااا وسألتهم ف سليكت قالولي ان الراي احسن ف الكاميرا والتاتش والسوفت وير أعلي يعني ده هيفرق ولا ايه
2012-02-06 (10:48:51PM) / ردود 2
Sanguinius
2012-02-15 (09:01:25AM)
فعلا كاميره الراى احسن و كلامى على اساس مقارنتى للعينات الفيديو و الثابته من الاتنين و صراحتا كاميره النيو فى مهياش حلوه اوى لكن طبيعى انه الراى يكون اعلى لانه فى فرق السعر و الفلوس هى الى بتحكم و طول ما هتقارد بموبايل اغلى -فى فئه الدرويدز المتوسطه- هتلاقى الفرق احسن لغايه ما تلاقى نفسك بتقول الموبايل ده تحفه بجد لكن تبص على السعر تلاقيه 4000 الاف فلازم موبايلات الوسط ديه نيجى على حاجه شويه و اصلا الراى انتا بتيجى على نفسك و بتضحى بمساحه شاشه -بالنسبه لى و لناس كتير مهمه - و برضه فى الراى المفروض يكون فى DivX/XviD فعلى حسب السعر اما اذا كتت تقدر و محتار فيبقى الراى افضل و عده جامده اذا مكنش صغر الشاشه مضايقك
essamseven777
2012-02-07 (05:41:03PM)
طبيعى يقولولك كدة لان دة كاميرتة 5 والتانى 8 يعنى هما بياخدوا بالارقام بس لكن ساعات كتير مش بتختلف فى الواقع اسال مجرب بيقول راية عن تجربة وليس ارقام
بواسطة: rooney9
طب يا جماعة انا حيران اجيب الراي ولا النيو في بصراحة انا بحب الاحجام الكبيرة بردو زي النيو في بس بردو عايز كاميرا 8 ميجا مش عارف ياريت تقولولي اعمل ايه
2012-02-05 (11:16:54PM) / ردود 5
waelgam2005
2012-02-08 (11:09:45PM)
مش هتفرق كتير صدقنى كاميرا 8 من 5 ده بالعكس هتوفر 400 جنيه انك تجيب النيو فى بدل ما تجيب النيو ب 2400 جنيه
essamseven777
2012-02-08 (08:47:11PM)
الصراحة يعنى مش مستاهلة تدفع500 جنية زيادة عشان 3 ميجا بيكسل كاميرا زيادة
dana
2012-02-08 (08:24:44PM)
طب ما انت عندك الاكسبيريا نيو الكاميرا بتاعته 8 ميجا بيكسل ونفس شكل ومواصفات النيو فى بس هو مش سهل تلاقيه موجود عند سيليكت فى الاسكندرية وعندنا فى الاسماعيلية موجود فى فودافون وسعره 2500
essamseven777
2012-02-07 (05:36:47PM)
بس لو بصيت على فيديوهات النيو فى فى اليوتيوب حتلاحظ ان فى حلقة سودا حولين الشاشة يعنى بتفصل بين الشاشة ووش الموبيل انا مش بكرهك فية ولا حاجة واللة بس انا بقولك عشان ممكن تكون ماخدش بالك منها
jimmy83
2012-02-06 (03:53:15PM)
احلفلك بايه عشان تسدقني ان الفرق بالكاميرا بسيط جدا..
اقسملك بالله معايا الراي و سامسونج ويف 3 ودا كاميرا 8 ودا كاميرا 5 و بالنظر كدا مش عارف اميز بينهم حاجة..بخش المواقع بقرأ تحليلات وارقام وكلام وبيطلعو في فرق جامد بينهم بس انا مش شايف فرق غير ان فالراي الصور العادية باينة اقرب من صورة الويف 3 و تقدر تعمل عليها zoom in زيادة على الكمبيوتر وبالفيديو هي هي بس حجم الفيديو بتاع الراي اكبر ب تقريبا 15% منو على الويف.
الفرق بيكون كبير مع الاجهزة الغالية زي الارك والارك اس وhtc desire و اخواتو..بس بين الاجهزة دي مش فرق مستاهل خالص.
بواسطة: dana
السلام عليكم يا شباب اولا عزائنا لاهالى الشباب اللى توفوا فى حادث بورسعيد ربنا يصبرهم وبالنسبة للموبايل انا دورت عليه عندنا فى الاسماعيلية ومالقتهوش الا عند موبايل شوب بس كل اللى عنده لونه ابيض وكمان هيجيبوا من السويس بس بصراحة انا مبحبش اللون الابيض بس يا شباب لقيت الاكسبيريا نيو اللى بكاميرا 8 ميجا بكسل عندنا فى فودافون قلت اقول للى يحب يشتريه اللى موجود عندهم اللون الازرق وبسعر 2500
2012-02-05 (01:35:56PM) / ردود 5
Sanguinius
2012-02-15 (09:22:41AM)
dana خشى على صفحه السونى اكسبيريا برو -برو بس مش مينى و لا حاجه- و شوفى المواصفات و متأكد انه هيعجبك لانه جهاز اسطورى فيه كل حاجه ممكن تخطر على بالك و كمان كيبورد كويرتى و مواصفاته خطيره, كاميرا 8 الصوره واضحه و الفيديو رهيب و مميزات مقولكيش و الاو اس Gingerbread و المعالج 1 ,المفروض يكون اعلى شويه لكن كل الى جربه بيقول سريع و الرام 512 ,فيه فلاش و الشاشه حجمها 3.7 انش و الكثافه 265 و ممكن اتكلم عنه لسنه فالخلاصه الجهاز اسطورى و ب2880 بس فصراحتا يستحق و كل مليم بتدفعيه فيه -و الامر راجع ليكى- و بسهوله يتفوق على اجهزه باغلى من كده لكن السونى مهواش ماشى اوى فى مصر و عندنا هطل الاى فون و هبل الجلاكسيات و تخلف النوكيا -الى مش لاقى عده سمارت فون ليه مفيش منافس احسن ليها و بسعر ارخص- و انا مبقولش الشركات ديه وحشه انا بقول احنا مش دقيقين فى الاختيار و فى العاده بنجيب على حسب الاسم و اما مقارنه المميزات و عينات الصوره و الفيديو و كده فصعب حد يعمل كده. فنصيحه اشترى البرو و الاول اسألى و قارنى و هتشوفى الفرق
dana
2012-02-06 (07:31:23PM)
اقولك يا جيمى جايبة كيفك من خالتى اصلها عاشت فى الكويت 20 سنةهههههههه عموما ربنا يسهل هحسم الامر بكرة لو ملقتش اى لون تانى هجيب الابيض ادعيلى بقى ما يكونش خلص من موبايل شوب كمان
jimmy83
2012-02-06 (03:43:02PM)
ههه جايبة كيفك منين..اخويا لم ايكلمني من الاردن بيقولي كيفك او كيف حالك او شلونك(بدل ازيك يعني)
المهم انتي مفيش غير تاخدي حبة شجاعة وتتوكلي على الله و تجيبي ابيض!! مش ينفع كدا دانا لانك بالشكل دا فعلا مش حتجيبي موبايل.
انا لاني متعود اشيل التلفون فجيبة البنطلون الجينز فمستمتع جدا بالراي ومش بحس بي معايا و طول عمري متعود على الاجهزة بلاحجام دي ولم كان معايا HTC TITAN كنت بموت منو ومش طايقو 4.7 زي الشبشب ومش عارف اروح في فين و دايما شايلو فايدي وماشي بي وبقعد ادعي واقول يا رب يستر و مصادفش شلة حرمية يغريهم حجمو وشكلو !!!
dana
2012-02-05 (10:30:09PM)
ازيك يا جيمى كيفك يارب يصلح الحال انا سألت عن الموبايل يوم الخميس وقالولى فى موبايل شوب ان اللى متبقى 18 قطعة بس وكلهم لون ابيض وفضلت واقفة فترة طويلة وكان بيحاول يشوف فى الوان تانية عندهم فى باقى الفروع وقاللى فى الاخر مافيش بس هو قاللى لو عايزاه هجبهولك من السويس بس لازم ادفع ولو حتى 20 جنيه لجدية الحجز وقعد يقولى لازم تقررى النهاردة او باكتير بكرة اللى هو الجمعة بس انا مبحبش اتسرع وخصوصا انى ممسكتوش فى ايدى ودورت عليه وهنزل اشوفه فى توكيل سونى اريكسون اللى عندنا بس انا شوفت النيو العادى الازرق وهو نفس النيو فى وبصراحة ماكنتش عارفة ان حجمه كبير بس انا بحب الموبايلات الكبيرة وعارف اللون الازرق برده مش حلو وحاول يقنعنى بالراى بس ده صغير اوى واول ممسكته اتزحلق من ايدى ههههههههه انت بتشيلوا ازاى يا جيمى ده عايز مكبر انا زهقت بجد وشكلى كده مش هجيب موبايل لانى كل اللى عاجبنى فوق 3000 وبصراحة كتير على الميزانية
jimmy83
2012-02-05 (06:52:43PM)
امين يا رب..تتذكر و متتعدش ونتعلم منها للمستقبل..ويا رب يلغو الكورة و الفيس بوك لابد الابدين ونرتاح من التعصب الغبي دا.
جربي كلميهم واكدبي كدبة بيضة وقوليلهم انك من القاهرة و اسالي عن الالوان الموجودة ولو لاقيتي اللون الي انتي عايزا ارجعي للفرع الي عندكو وقوليلو باصرار ان اللون كذا موجود بفرع كذا وانتي عايزا..وحيقولك بعد اسبوع مثلا.
بس الابيض مش وحش يعني.. الابيض يعني مفيش بصمات حتبان على الجهاز و بيغطي الخدوش السطحية وبالصيف مبيسحبش حرارة الجو و البلاستيك بتاعو قابل للتدوير اكتر من الالوان التانية..صديق للبيئة( مش عاملينو اعتباطا زي باقي الالوان)
بواسطة: kareemkimo
السلام عليكم .. يا جماعة انا ناوى اجيب تليفون فى الايام اللى جاية ان شاء الله واتمنى اعرف رايكم فى هاتفSamsung Galaxy W i8150 وهاتفSony Ericsson Xperia neo V وايهما افضل من حيث الترفيه والصوتيات والكاميرا
2012-01-31 (08:53:58PM) / ردود 5
waelgam2005
2012-02-09 (05:53:22PM)
Neo V من موبايل شوب ب 2030 ومن سليكت ب 1950
kareemkimo
2012-02-02 (07:43:13PM)
ربنا يخليك يا جيمى انت كلك ذوق والله شكرا على الافادة
jimmy83
2012-02-02 (02:42:41PM)
بص التنين اسعارهم ممتازة لمواصفاتهم
ولو انتا شغلك او استعمالك للجهاز جايز يكون في شوية خشونة هات النيو لان شاشتو عليها حماية و تستحمل اكتر
و عشان اسهلها عليك بص فجهازك دلوقت وشوف لو شاشتو حلوة و كويسة و منغير خدوش يبق الw حيعيش معاك كويس..ولو شفت خدوش كتير مدايقاك يبق النيو احسنلك.
كدا وباختصار الفرق الكبير بين الجهازين نوع الشاشة و الحماية الي عليها و باقي الحاجات مش شايفها مؤثرة(فروق الارقام حاجة و الفروق الي فالواقع حاجة تانية و مش حتحس بيها.
kareemkimo
2012-02-01 (08:19:44PM)
شكرا jimmy83 يعنى انت ترشحلى ايه افضل انا محتار ومعلش تعبك معايا
jimmy83
2012-02-01 (05:09:38PM)
الشاشة و الكاميرا و الخامات فالنيو افضل
سرعة المعالج و حجم الذاكرة و سرعة تناقل البيانات فالw افضل.
*الترفيه ...التنين واحد تقريبا...ننفس البرامج ونفس الالعاب
*الصوتيات... الصوتيات المرتبطة بالصورة كالفيديو النيو افضل بينما الصوت اعلى فالw .
*الكاميرا... دقة وتفاصيل و اضافات للنيو و الالوان للw
الw منغير حماية للشاشة(ميستحملش اي استهتار خالص)
الw بيشغل فيديوهات بصيغة DIVX/XVID بينما النيو عايز برنامج ليشغلهم
النيو v ب2050
الw ب 2100

بواسطة: ahmed.gh
ياريت اللى اشترى الموبايل يجرب ياخد صورة مع الفلاش فى ضوء ضعيف اوى و يقولى ظهر فى الصورة خيال لونه بنفسجى ولا لا لان المشكلة دى حصلت مع بعض الناس و ارجو ان يتم ذكر اى عيب يكتشف بالموبايل لانى بجد بفكر اشتريه لان امكانياته عاليه و سعره مش عالى اوى و ايه رايكم الموبايل ده ولا الجلاكسى w
2012-01-31 (03:02:21AM) / ردود 1
ainshtin
2012-01-31 (08:15:21PM)
انا صورت صور في الضوء الضعيف وفي اوضة ضالمة تماما والصور كانت واضحة وكانها متصورة في نور بالظبط لان الفلاش بينور مدة بشكل تلقائي ويظبط الاضاءة والاوتوفوكس وبعديها ياخد الصورة لكن ملاحظتي اني لما اصور فيديو في الاضاءة الضعيفة بيكون فين نوع من الدغوشة في الالوان الفاقعة زي الاحمر والاخضر والاصفر وكانها نقط بس بشكل عام مقبولة ..... ومفيش خيال بنفسجي ظهر سواء في الصور الثابتة او الفيديو....
بواسطة: simo
طيب انا لو معايا فى حدود ال 1700 و 2000 و بقارن ما بين Sony Ericsson Xperia neo V و Samsung S5830 Galaxy Ace و Samsung Galaxy W i8150 هترشحولى اى جهاز فيهم و ليه و كمان ليه استبعاد الجهازين التانيين؟
2012-01-29 (09:03:49PM) / ردود 4
ainshtin
2012-01-31 (08:16:51PM)
(اضغط هنا لزيارة الرابط)
ainshtin
2012-01-31 (08:05:56PM)
من واقع استعمالي للنيو في فبطاريته ممتازة جدا جدا جدا وانا شغلت البارح عليه فيلم مدته ساعة و40 دقيقة والبطارية نقصت 15% فقط يعني عنده قدرة انه يشغل فيديو متواصل لمدة تزيد عن 10 ساعات وسيبته من غير ما استعمله ابدا لمدة 12 ساعة ونقص شحن البطارية 6% فقط ....
وانا بشتريه البياع نصحني اني اول مرة استعمله حتى البطارية تفصل شحن تماما وبعديها اشحنه متواصل لمدة 8ساعات بس انا شحنته 12 ^_* وممكن ده سبب ان البطارية كويسة ويفضل انك مش تشحني الموبيل وانت شغالة عليه لانه بيقلل عمر البطارية يعني استعمالك للموبيل هو الي بيحدد قدرته على الشغل ...وبالنسبة لل Samsung Galaxy W i8150 فانا مستعملتوش بس قريت على النت ان الشاشة غير مقاومة للخدش وان الذاكرة الداخلية 2 جيجا مش 4 زي مامكتوب ونصيحة اخيرة السوني اريكسون بيكون ادائه اعلى من الي مكتوب في التقارير والسامسونج بيكون اقل ومن واقع استعمالي فالسوني اريكسون افضل بمراحل من النوكيا والسامسونج وانت ليكي حرية الاختيار وده مقارنة تفصيلية بينهم :
اضغط هنا لزيارة الرابط
simo
2012-01-30 (09:42:00PM)
وبالنسبه للكلام عن بطارية ال Sony Ericsson Xperia neo V سمعت انها بتخلص بسرعه جدا غير التانيين؟ ايه صحة الكلام ده و فى ناس قالتلى ابعدى تمام عن السونى لانهم لاقو فيه عيوب كتبر و قالولى خليكى فى Samsung Galaxy W i8150 ده احسن من الSamsung S5830 Galaxy Ace لو امكانياتى لغاية 2000 لكن لو امكانياتى لغاية ال1800 يبقى احسن الSamsung S5830 Galaxy Ace ايه رأيكو فى الكلام ده

ainshtin
2012-01-30 (07:34:32PM)
اكيد افضلهم Sony Ericsson Xperia neo V وانا مش هتكلم عن مميزاته لاني ذكرتها لكن هتكلم عن الاثنين التانيين
Samsung S5830 Galaxy Ace الشاشة 3.5 بوصة اصغر من النيو في و دقة العرض 480X320 لكن النيو في480X854 بخاصية البرافيا وده يخلي فيه فرق كبير جدا جدا في العرض ووضوح الالوان وبالتالي كثافة الاوان في النيو في 265 بيكسل لكل بوصة مقابل 165 في الايس ( ده مفيش مجال للمقارنة بينهم) والمعالج في النيو في 1000 ميجا هرتز بالمقابل 800 ميجا في الايس فهيكون اداءه احسن والرامات في النيو 512 لكن في الايس 278 والصوت في النيو افضل بكتييييييييييييييير وبالنسبة للتصوير فعدسة السوني اريكسون لا كلام عليها وبتصور HD 720X1280 30 فريم مقابل الايس 320X240 و 15فريم والفروق بينهم كتير لصالح النيو ممكن تعمل بينهم مقارنة وانت تعرف