سعر و مواصفات Sony Ericsson Xperia mini pro
-
Android
Android OS, v2.3 (Gingerbread), planned upgrade to v4.0 -
320 x 480 pixels, 3.0 inches (~192 ppi pixel density)
-
3G
2G / 3G -
5 MP, 25...
-
GB RAM
512 MB RAM, 400MB storage
غير متاح
تقييم المنتج
(993 تقييم)
مواصفات Sony Ericsson Xperia mini pro
| المواصفات الاساسية | |
|---|---|
| الحجم | 92 x 53 x 18 mm |
| الوزن | 136 جرام |
| الألوان بالأسواق | اسود,ابيض,بمبة |
| الشاشة | |
|---|---|
| نوع الشاشة | LED-backlit LCD, capacitive touchscreen, 16M colors |
| مساحة الشاشة | 320 x 480 pixels, 3.0 inches (~192 ppi pixel density) |
| دعم اللمس المتعدد | لا |
| الشبكة | |
|---|---|
| دعم 2G | نعم |
| دعم 3G | نعم |
| دعم 4G-LTE | لا |
| دعم 5G | لا |
| دعم HSCSD | لا |
| دعم EDGE | نعم |
| دعم GPRS | Up to 86 kbps |
| الاتصال | |
|---|---|
| دعم WLAN | Wi-Fi 802.11 b/g/n, DLNA, Wi-Fi hotspot |
| دعم بلوتوث | Yes, v2.1 with A2DP |
| GPS دعم | نعم |
| NFC دعم | لا |
| دعم راديو Fm | نعم |
| دعم USB | نعم |
| معلومات عن الكاميرا | |
|---|---|
| دعم الكاميرا | 5 MP, 2592x1944 pixels, autofocus, LED flash, |
| دعم فلاش | نعم |
| كاميرا امامية | نعم |
| مساحة الذاكرة | |
|---|---|
| الذاكرة الخارجية | حتي 32GB / microSD |
| الذاكرة الداخلية | 512 MB RAM, 400MB storage |
| نظام التشغيل | |
|---|---|
| نظام التشغيل | Android OS, v2.3 (Gingerbread), planned upgrade to v4.0 |
| نوع نظام التشغيل | Android |
| CPU | 1GHz Scorpion processor, Adreno 205 GPU, Qualcomm MSM8255 Snapdragon |
| معلومات أخري | |
|---|---|
| الرسائل | SMS (threaded view), MMS, Email, Push email, IM |
| المتصفح | HTML |
| قدرة البطارية في التحدث | حتي 5:25 ساعات |
| قردة البطارية في الوضع العادي | حتي 340 ساعة |
| الخصائص | |
|---|---|
| دعم شرحتين | لا |
| الشريحة | لا |
| نوع النغمات | MP3 |
| مخرج صوت 3.5mm jack | نعم |
| الاهتزاز | نعم |
| دعم انفراريد | لا |
| حماية بالبصمة Fingerprint | لا |
ملحوظة : لا يمكننا ان نضمن ان تكون المعلومات
في هذه الصفحه صحيحة 100%
مميزات و عيوب Sony Ericsson Xperia mini pro
مميزات سوني اريكسون Xperia mini pro
- - الشاشة نقية و صافية و ألوانها جميلة فوق الوصف
- - ال Wi-Fi بتقبل سرعات عالية جداا جدااا
- - البلوتوث سريع جداااااااا و أسرع من أي بلوتوث v2.1 آخر
- - الكاميرا إمكانياتها كبيرة و جودتها عالية جداا و قادرة علي منافسة أي كاميرة 12 ميجا بيكسل إن كان التصوير في ضوء الشمس ........... و في التصوير اليلي جودتها جيدة كأي كاميرة 5 ميجا بيكسل HD أو أفضل بقليل بسبب الفلاش الجبار
- و جودة الفيديو عالية جدا كالتصوير الثابت تماما و قد لا تلاحظ الفرق إثناء التنقل بين النظام الثابت و الفيديو
- - السينسور ليس خفيف أو ثقيل بل مناسب جدا و دقيق و ممتع في الألعاب
- و الجهاز قادر علي الإلتفاف في جميع الإتجاهات ما عدا الجهة الرأسية المعكوسة
- - إشارة الراديو ممتازة و جودته عالية
- ملحوظة : الجهاز (كمعظم الأجهزة الأخري) لا يحتوي علي هوائي داخلي و يجب توصيل سماعة لتشغيل الراديو
- - الكيبورد مشابهة لكيبورد الكومبيوتر إلي حد كبير و الأزرار متباعدة و الكتابة عليها ممتعة و سريعة جدااا
- - الصوت عالي بنسبة 90% تقريبا
عيوب سوني اريكسون Xperia mini pro
- - سمكه كبير 18mm
- - ال 3.5mm jack مش بيشغل بعض السماعات اللي مقاسها 3.5mm برضو زي سماعة السامسونج بتشتغل سماعة واحدة بس من الإتنين
- - الكاميرة الأمامية VGA متوسطة الجودة
- - البروسيسور قوي لكن أحيانا بيهنج كباقي الأجهزة
- - ال GPS و ال maps ممتازة ولكن أحيانا توجد بعض الأخطاء البسيطة (كمعظم أجهزة الأندرويد) في دقة تحديد الموقع لبضع ثواني أو قد تطول عند التواجد في الأماكن المغلقة و الفارق يكون من 100 إلي 250 متر علي أرض الواقع غالبا
- -لا يوجد تسجيل بالراديو و يجب تنزيل برامج لهذه الخاصية
- - البطارية ضعيفة جدا و عند الإستخدام المتوسط يتم شحنها مرتين يوميا و عند الإستخدام في المكالمات فقط (مع غلق أنواع الإتصال الأخري ) و بدون ألعاب أو أي إستخدام آخر قد تطول لثلاثة أيام
- - الذاكرة الداخلية 420 ميجا و تعتبر قليلة لمحبي التطبيقات الكثيرة
- لكن حاليا يوجد حل ببرامج تنقل التطبيقات علي كارت الذاكرة و لكن تحتاج إلي صلاحيات الروت
أحدث موبايلات من سوني اريكسون
Info
تلك الخدمة مخصصة للأعضاء فقط
التسجيل بالموقع
حتي تسطيع الاستفادة و المشاركة في الموقع يجب ان يكون لديك حساب علي موقعنا. خطوات بسيطة يمكننا من خلالها انشاء حساب علي موقعنا.
انشاء حساب جديددخول الاعضاء
اذا كان يتوفر لديك حساب علي موقعنا يمكنك تسجيل الدخول بحسابك مباشرة.
دخول الاعضاء
أو الدخول السريع عبر
مواضيع و اراء عن Sony Ericsson Xperia mini pro
BrainCrack
2012-02-22 (03:30:32AM)
لو سمحتوا عاوز أعرف البطارية بتفضل معاكوا فى حدود وقت اد ايه مع الاستخدام الثقيل؟
برنسس
2012-02-24 (09:54:01PM)
مع الاستخدام الثقيل اخرها 12 ساعة يعنى من الصبح لبليل
بس هى فى احسن حالتها مع الاستخدام البسيط قعدت يومين
بس هى فى احسن حالتها مع الاستخدام البسيط قعدت يومين
برنسس
2012-02-20 (05:09:37PM)
سؤال يا جماعة
انا لما بفتح اى برنامج واخرج منه بيفضل فى الباك جراوند ويسحب من رامات الجهاز ازاى اقفله خالص عشان ميسحبش من رامات الموبايل لو انا مش محتاجاه
انا لما بفتح اى برنامج واخرج منه بيفضل فى الباك جراوند ويسحب من رامات الجهاز ازاى اقفله خالص عشان ميسحبش من رامات الموبايل لو انا مش محتاجاه
jimmy83
2012-02-21 (11:16:09AM)
بصي اندرويد كلو عبارة عن نواقص وكل حاجة لتشتغل طبيعي زي كل الشركات التانية لازمها برنامج فانتي يا نزلي برنامج اسمو mobile manager من شركة nq mobile
او نزلي اي task killer بتلاقي بس تكون شعبيتو كويسة(عدد الي نزلو كتير)
وانا بنصح قوي ب mobile manager لانو فيو حاجات كتير .
---------
الطريقة العادية منغير برنامج
menu..settings...applications...manage applications...running...force stop
او نزلي اي task killer بتلاقي بس تكون شعبيتو كويسة(عدد الي نزلو كتير)
وانا بنصح قوي ب mobile manager لانو فيو حاجات كتير .
---------
الطريقة العادية منغير برنامج
menu..settings...applications...manage applications...running...force stop
برنسس
2012-02-24 (10:15:16PM)
طيب دى حاجة غريبة جدا يعنى بلاقى مضاف للموبايل برامج غير هامة زى الواتس اب او الجيمز والاقى نفسى مضطرة انزل ضروريات زى موبايل مانجر برامج للرسايل
صحيح الحلو مايكملش يا اندرويد
شكرا على اهتمامك يا استاذ جيمى معلش تعباك معايا على طول ربنا يجعلة فى ميزان حسناتك
صحيح الحلو مايكملش يا اندرويد
شكرا على اهتمامك يا استاذ جيمى معلش تعباك معايا على طول ربنا يجعلة فى ميزان حسناتك
mesh06
2012-02-19 (04:01:57PM)
الجهاز رائع بصراحه
بس الله يخليكم الناس اللي معاها الجهاز عايز اسأل كام سؤال
- هل الجهاز متوافر به كاميرا أمامية لأن انا قريت لا يقبل مكالمات فيديو كول !!
- وزن خفيف أم ثقيل !!
- ما هي محتويات العلبة ( ملحقات الجهاز ) بالزبط
- سعره الأن - اليوم 10-02-2012
و أخر سؤال . ممكن أشتريه من هنا من الموقع !! ولو لأ أقدر ألاقيه فين في محلات القاهره !!
أنا أسف جدا على الإطاله بس ياريت اللي اشترى الجهاز يجاوبني على الاسئلة دي
لأن هو الوحيد اللي هيقدر يفيدني بالمعلومات دي .
Thanks in advance
بس الله يخليكم الناس اللي معاها الجهاز عايز اسأل كام سؤال
- هل الجهاز متوافر به كاميرا أمامية لأن انا قريت لا يقبل مكالمات فيديو كول !!
- وزن خفيف أم ثقيل !!
- ما هي محتويات العلبة ( ملحقات الجهاز ) بالزبط
- سعره الأن - اليوم 10-02-2012
و أخر سؤال . ممكن أشتريه من هنا من الموقع !! ولو لأ أقدر ألاقيه فين في محلات القاهره !!
أنا أسف جدا على الإطاله بس ياريت اللي اشترى الجهاز يجاوبني على الاسئلة دي
لأن هو الوحيد اللي هيقدر يفيدني بالمعلومات دي .
Thanks in advance
برنسس
2012-02-19 (09:25:34PM)
- هل الجهاز متوافر به كاميرا أمامية لأن انا قريت لا يقبل مكالمات فيديو كول !!
الجهاز به كاميرا امامية بس انا ماحاولتش اعمل بيه مكالمات ومش عارفة موضوع انه مابيقبلش مكالمات فديو دة لكن فيه خاصية انك تحول التصوير من امام يعنى تبص فى الشاشة وتصور نفسك وانت شايف صورتك
- وزن خفيف أم ثقيل !!
وزنه عادى ودى مسألة نسبية بالنسبه لى مش شايفاه تقيل يمكن الاكسبيريا مينى يكون اخف لانه مفيهوش كى بورد بس المينى مفيهوشكمان كاميرا امامية
- ما هي محتويات العلبة ( ملحقات الجهاز ) بالزبط
العلبة المقفولة بداخلها الحهاز (ابيض او اسود) + شاحن + كابل usb + اكسترا باك ( بينك للابيض وتركواز للاسود) + سكرين بروتكتور + السماعة + 2 جلدة اذن للسماعة مقاسات + كارت ميمورى 2جيجا
- سعره الأن - اليوم 10-02-2012
اشتريته من حوالى اسبوع بـ 1600 من محلات دريم 2000 فى مصر الجديدة موجود عن رزق الله
وموبايل شوب بـ 1800
و أخر سؤال . ممكن أشتريه من هنا من الموقع !! ولو لأ أقدر ألاقيه فين في محلات القاهره !!
بالنسبة انك تشترية من الموقع معنديش فكرة بس هو موجود فى المحلات الكبيرة انا اشتريته من محلات دريم2000 زى ماقولتلك
mesh06
2012-02-20 (12:14:18AM)
الأخت برنسس :
أشكر حضرتك على الاهتمام والرد على الاسئلة
أنا حبيت الجهاز جدا علشان حجمه الصغير
وأحب أوضح ان انا طلبته من موقع لقطة وكلمتهم قالولي سعره 1700 + خدمه التوصيل يبقى بـ 1775 جنيه
هل السعر كويس !!
وكمان سؤال أسف لو تقلت في الاسئلة
تعرفي حضرتك ايه الفرق بينه وبين Xperia mini pro sk17i هل يختلف ! ولا هو نفس الجهاز !!
وبما إن حضرتك شارياه من اسبوع هل ظهرت فيه عيوب أو مشاكل ولا الجهاز كويس ؟!!
أشكر حضرتك جدا
أشكر حضرتك على الاهتمام والرد على الاسئلة
أنا حبيت الجهاز جدا علشان حجمه الصغير
وأحب أوضح ان انا طلبته من موقع لقطة وكلمتهم قالولي سعره 1700 + خدمه التوصيل يبقى بـ 1775 جنيه
هل السعر كويس !!
وكمان سؤال أسف لو تقلت في الاسئلة
تعرفي حضرتك ايه الفرق بينه وبين Xperia mini pro sk17i هل يختلف ! ولا هو نفس الجهاز !!
وبما إن حضرتك شارياه من اسبوع هل ظهرت فيه عيوب أو مشاكل ولا الجهاز كويس ؟!!
أشكر حضرتك جدا
mesh06
2012-02-20 (12:17:54AM)
أسف جدا ..
سؤال أخير علشان اشتريه وانا متطمن
الكيبورد متعرب ولا انجلش بس
تحياتي ..
سؤال أخير علشان اشتريه وانا متطمن
الكيبورد متعرب ولا انجلش بس
تحياتي ..
برنسس
2012-02-20 (04:44:59PM)
بالنسبة للسعر كويس ولا لأ دى حاجة ترجع لك اذا كنت راضى بيه وشايف انه مناسب
انا عن نفسى مش ممكن اشترى حاجة بـ 1601 اذا كان ممكن اشتريها بـ 1600 الا اذا كان هناك ما يساوى الفارق دى اتجاهات شخصية
مفيش فرق بينه وبين Xperia mini pro sk17i هو نفس الجهاز دة بس الكود بتاعة
لغاية دلوقتى مفيش مشاكل الحمد لله
ربنا يوفقك و يعجبك لما تجيبة ان شاء الله
بالنسبة للكى بورد هى متعربة وكاملة وبتنقل بين العربى والانجلش بسهولة
انا عن نفسى مش ممكن اشترى حاجة بـ 1601 اذا كان ممكن اشتريها بـ 1600 الا اذا كان هناك ما يساوى الفارق دى اتجاهات شخصية
مفيش فرق بينه وبين Xperia mini pro sk17i هو نفس الجهاز دة بس الكود بتاعة
لغاية دلوقتى مفيش مشاكل الحمد لله
ربنا يوفقك و يعجبك لما تجيبة ان شاء الله
بالنسبة للكى بورد هى متعربة وكاملة وبتنقل بين العربى والانجلش بسهولة
يوجد المزيد من الردود, شاهد
جميع الردود
snake_3027
2012-02-17 (10:42:24AM)
هل بينزل عليه ice cream sandwitch و لو الاجابه نعم يا ريت حد يقولي ازاي و لو لا يا ريت حد يقولي اعمل ابجريد ازاي ؟؟
jimmy83
2012-02-18 (09:32:05AM)
صحيح الشركة اعلنت انهم حينزلولو تحديث بس خد فبالك
*مش حيكون متوفر قريبا يعني ممكن جدا لاخر السنة(النسخة العربية) وممكن بعديها كمان
*الجهاز صحيح مواصفاتو احسن من كل الاجهزة الي بتمنو بس بتفضل قليلة على انها تشغل ics زي ما بتشغل جينجربريد..يعني ممكن سرعة الجهاز تقل وسحب البطارية يزيد.(افتراضات مش اكتر)
بص على كل الاجهزة الي الشركات التانية اعلنت انها حتحدثها حتلاقيها كلها بمواصفات تقيلة.
فمتخليش سبب شرائك الجهاز النقطة دي بس..لان ممكن تحدث مشاكل و التحديث ميزبطش ويرجعو بكلامهم..و بكل تأكيد الics الي حينزل للاجهزة دي مش حيكون زي الي حينزل لdual core و حيكون في نواقص..زي مافي اجهزة خدت تحديث للجينجربريد لكنها متقدرش تشغل كل حاجة ومنغير فلاش..والسبب الرئيسي دايما هو قدرة المعالج و كمية الرام
*مش حيكون متوفر قريبا يعني ممكن جدا لاخر السنة(النسخة العربية) وممكن بعديها كمان
*الجهاز صحيح مواصفاتو احسن من كل الاجهزة الي بتمنو بس بتفضل قليلة على انها تشغل ics زي ما بتشغل جينجربريد..يعني ممكن سرعة الجهاز تقل وسحب البطارية يزيد.(افتراضات مش اكتر)
بص على كل الاجهزة الي الشركات التانية اعلنت انها حتحدثها حتلاقيها كلها بمواصفات تقيلة.
فمتخليش سبب شرائك الجهاز النقطة دي بس..لان ممكن تحدث مشاكل و التحديث ميزبطش ويرجعو بكلامهم..و بكل تأكيد الics الي حينزل للاجهزة دي مش حيكون زي الي حينزل لdual core و حيكون في نواقص..زي مافي اجهزة خدت تحديث للجينجربريد لكنها متقدرش تشغل كل حاجة ومنغير فلاش..والسبب الرئيسي دايما هو قدرة المعالج و كمية الرام
jimmy83
2012-02-18 (09:46:11AM)
الابجريد من خلال
لمتابعة اخبار التحديثات
لمتابعة اخبار التحديثات
jimmy83
2012-02-18 (09:47:58AM)
اسف
لمتابعة اخبار التحديثات
لمتابعة اخبار التحديثات
برنسس
2012-02-19 (09:28:18PM)
الابديت جالى اول ما شغلت الواى فاى بس انا معملتوش
يوجد المزيد من الردود, شاهد
جميع الردود
برنسس
2012-02-14 (03:37:06PM)
استا ذ ميدو
الموبايل عند رزق الله بـ 1800 انا متأكدة سألت بالتليفون وكمان فى المحل لما روحت شوفته
انا عارفة انه على الموقع بتاعهم كانوا كاتبين 1600 لكنه كان سعر خاطئ وصلحوه دلوقتى وى صفحة المينى برو على الموقع
وطبعا عند دريم 2000 الفرق واضح هو كان 1625 بس هم عاملين عروض دلوقتى فأصبح 1600 والعلبة مقفولة ونفس المحتويات زى من عند رزق الله بالظبط
الموبايل عند رزق الله بـ 1800 انا متأكدة سألت بالتليفون وكمان فى المحل لما روحت شوفته
انا عارفة انه على الموقع بتاعهم كانوا كاتبين 1600 لكنه كان سعر خاطئ وصلحوه دلوقتى وى صفحة المينى برو على الموقع
وطبعا عند دريم 2000 الفرق واضح هو كان 1625 بس هم عاملين عروض دلوقتى فأصبح 1600 والعلبة مقفولة ونفس المحتويات زى من عند رزق الله بالظبط
mido4all
2012-02-14 (07:19:58PM)
اه فعلا كان 1599 ودلوقتى بقى 1799 بس بردو مواصفات الموبايل غلط زى الكاميرا بتاعته 5 ميجا مش 8
بس هو فى دريم بضمان رزق الله بردو يعنى لو حصلت اى مشكله اوديه الوكيل كأنى جايبه من هناك بالظبط ؟؟
بس هو فى دريم بضمان رزق الله بردو يعنى لو حصلت اى مشكله اوديه الوكيل كأنى جايبه من هناك بالظبط ؟؟
برنسس
2012-02-15 (12:36:08PM)
ايوة عادى المحل موزع لرزق الله والعلبة متبرشمة باسمه و الضمان مطبوع علية رزق الله
زى ما فى نوكيا لما بتشترى بضمان راية او I2 من اى محل تانى
زى ما فى نوكيا لما بتشترى بضمان راية او I2 من اى محل تانى
mido4all
2012-02-15 (09:27:17PM)
ماشى يا برنسس . ان شاء الله هجيبه من دريم الشهر الجاى ده على طول لانه موبايل عاجبنى جامد قووى يا ريت لو لاحظتى فيه اى حاجة او عيب بعد كده تقوليلنا عليها هنا عشان نستفاد منها ومبروك عليكى مرة تانيه
mido4all
2012-02-15 (11:39:15PM)
ويا ريت لو نصايح وانا بشترى الموبايل يعنى حاجات اخد بالى منها او اجربها فيه لاهميتها يعنى هههه معلش انا عارف انى تقلت عليكى بس اصل ده اول موبايل سونى اريكسون اجيبه واول موبايل اندرويد كمان ومتشكر جدا مقدما
يوجد المزيد من الردود, شاهد
جميع الردود
برنسس
2012-02-14 (03:28:59PM)
شكرا على البرامج المفيدة يا استاذ جيمى
ان شاء الله هجيب كارت ميمورى اكبر
سؤال جديد
المسدجات على الـ sim card مش ظاهرة خالص وحتى مفيش اوبشن Import علشان انقلها على الجهاز اعمل ايه
ان شاء الله هجيب كارت ميمورى اكبر
سؤال جديد
المسدجات على الـ sim card مش ظاهرة خالص وحتى مفيش اوبشن Import علشان انقلها على الجهاز اعمل ايه
jimmy83
2012-02-15 (01:37:04PM)
على ما اعلم مفيش طريقة(ممكن في برامج بس بما ان برنامج Handcent SMS معرفش يقراهم متوقعش في برنامج تاني ممكن يعملها)
ممكن تحطي الكرت باي جهاز نوكيا وتنقلي كل المحتويات من نوكياpc suite او تجيبي sim card reader لو الرسايل مهمة.
لم تجيبي كارت ميموري تاني لازم تنقلي كل محتويات الكرت القديم على الجديد لان في حاجات بتلزم ومهمة لتشغيل الجهاز وكمان المفروض بيكون في نسخة من الروم الاصلي على الكرت + دليل الاستخدام للجهاز.(في اقرب فرصة اعملي نسخة للحاجات الي على الكرت و حطيهم على الكمبيوتر)
وللمستقبل: دايما خلي عندك باك اب للجهاز واعمليلو تحديث كل فترة وفترة عشان لو عزتي تغيري الجهاز او لاسمح الله حاجة باظت .
ممكن تحطي الكرت باي جهاز نوكيا وتنقلي كل المحتويات من نوكياpc suite او تجيبي sim card reader لو الرسايل مهمة.
لم تجيبي كارت ميموري تاني لازم تنقلي كل محتويات الكرت القديم على الجديد لان في حاجات بتلزم ومهمة لتشغيل الجهاز وكمان المفروض بيكون في نسخة من الروم الاصلي على الكرت + دليل الاستخدام للجهاز.(في اقرب فرصة اعملي نسخة للحاجات الي على الكرت و حطيهم على الكمبيوتر)
وللمستقبل: دايما خلي عندك باك اب للجهاز واعمليلو تحديث كل فترة وفترة عشان لو عزتي تغيري الجهاز او لاسمح الله حاجة باظت .
برنسس
2012-02-13 (03:41:12PM)
السلام عليكم
باركولى اخيرا جبت المينى برو وهو تحفة فعلا ومبسوطة منه جدا
انا جبته من دريم 2000 بس روحت شوفته الاول فى رزق الله لان دريم ماعندهمش علب مفتوحة وماكنش ينفع يفتح لى العلبة
المهم شوفته فى رزق الله وعجبنى جدا وفعلا اشتريته من دريم وهم موزع لـ رزق الله السعر 1600
بدايه العلبة المقفولة بداخلها الحهاز (ابيض او اسود) + شاحن + كابل usb + اكسترا باك ( بينك للابيض وتركواز للاسود) + سكرين بروتكتور + السماعة + 2 جلدة اذن للسماعة مقاسات
انا اخترت الابيض عجبنى اكتر من الاسود
الجهاز جاى عليه برامج (voice search+ mcafee virus scan+What's app + talk+ neo reader)
التاتش بتاعة اكتر من ممتاز والكاميرا حلوة جدا
الحهاز لسه تحت التجربة لكن لغاية دلوقتى هو رائع جدا
ملاحظة اول ما شغلت الواى فاى جالى على طول تحديث الاصدار 4 ولسه ما عملتش التحديث علشان عايزة اشوف الجنجر بريد الاول لمعرفة الفرق
اخيرا دى اول تجربة لى مع اجهزة السونى اريكسون و اول تجربة مع الاندرويد بصفة عامة علشان كدة اكيد هحتاج خبراتكم معايا وتقولولى اهم البرامج اللى محتجاها فى الاول
ان شاء الله هيكون فى تقيم تانى بعد فترة من تجربة الموبايل
باركولى اخيرا جبت المينى برو وهو تحفة فعلا ومبسوطة منه جدا
انا جبته من دريم 2000 بس روحت شوفته الاول فى رزق الله لان دريم ماعندهمش علب مفتوحة وماكنش ينفع يفتح لى العلبة
المهم شوفته فى رزق الله وعجبنى جدا وفعلا اشتريته من دريم وهم موزع لـ رزق الله السعر 1600
بدايه العلبة المقفولة بداخلها الحهاز (ابيض او اسود) + شاحن + كابل usb + اكسترا باك ( بينك للابيض وتركواز للاسود) + سكرين بروتكتور + السماعة + 2 جلدة اذن للسماعة مقاسات
انا اخترت الابيض عجبنى اكتر من الاسود
الجهاز جاى عليه برامج (voice search+ mcafee virus scan+What's app + talk+ neo reader)
التاتش بتاعة اكتر من ممتاز والكاميرا حلوة جدا
الحهاز لسه تحت التجربة لكن لغاية دلوقتى هو رائع جدا
ملاحظة اول ما شغلت الواى فاى جالى على طول تحديث الاصدار 4 ولسه ما عملتش التحديث علشان عايزة اشوف الجنجر بريد الاول لمعرفة الفرق
اخيرا دى اول تجربة لى مع اجهزة السونى اريكسون و اول تجربة مع الاندرويد بصفة عامة علشان كدة اكيد هحتاج خبراتكم معايا وتقولولى اهم البرامج اللى محتجاها فى الاول
ان شاء الله هيكون فى تقيم تانى بعد فترة من تجربة الموبايل
jimmy83
2012-02-13 (05:28:28PM)
اولا مبروووك
تاني حاجة وهي رجاء..متعمليش ابديت لل4.0 و استني شوية عشان ناس تانية تجربو وتشوفي ردة فعلهم على التحديث ولو في مشاكل واخطاء ولا لأ.
تحت امرك فاي حاجة بس حاليا متعمليش الجهاز حقل تجارب و تعلمي تستعملي واحفظي النظام ودا لينك لصفحة دعم الموبايل وفيها شوية اساسيات بتساعدك في اول الاستعمال
طبعا زي اي جهاز لازم رسايل الضبط بتاعة النترنت من الشركة ولو تقدري تشتركي فوحدة من العروض يكون احسن.
بعدين طوالي دخلي معلومات حساب الجوجل بتاعك فالجهاز(موجودة الخطوات في الينك في (بدء العمل) ولو معندكيش Gmail لازم تعملي واحد) عشان تقدري تستعملي برامج جوجل الي على الجهاز والاندرويد ماركت.
دي اهم حاجة كبداية.
مبرووك تاني و اختيار موفق.
تاني حاجة وهي رجاء..متعمليش ابديت لل4.0 و استني شوية عشان ناس تانية تجربو وتشوفي ردة فعلهم على التحديث ولو في مشاكل واخطاء ولا لأ.
تحت امرك فاي حاجة بس حاليا متعمليش الجهاز حقل تجارب و تعلمي تستعملي واحفظي النظام ودا لينك لصفحة دعم الموبايل وفيها شوية اساسيات بتساعدك في اول الاستعمال
طبعا زي اي جهاز لازم رسايل الضبط بتاعة النترنت من الشركة ولو تقدري تشتركي فوحدة من العروض يكون احسن.
بعدين طوالي دخلي معلومات حساب الجوجل بتاعك فالجهاز(موجودة الخطوات في الينك في (بدء العمل) ولو معندكيش Gmail لازم تعملي واحد) عشان تقدري تستعملي برامج جوجل الي على الجهاز والاندرويد ماركت.
دي اهم حاجة كبداية.
مبرووك تاني و اختيار موفق.
jimmy83
2012-02-13 (05:30:12PM)
بس سؤال نسيتي تقوليلنا حجم كرت الذاكرة الي ادوهولك كام.
برنسس
2012-02-13 (06:29:19PM)
الله يبارك فيك يا استاذ جيمى
كارت الميمورى 2 جيجا وكان راكب فعلا فى الموبايل بس الغريب انى لقيت available space حوالى 750 ميجا فقط على الرغم انى لسه ماستعملتهوش مش عارفة كدة ليه
انا فعلا مش هنزل الفيرجن الجديد دلوقتى لانى اصلا ماتعملتش بالجنجر برد قبل كدة ومعرفش عنه حاجة فهتعرف علية الاول قبل ما انزل اللى بعدة بالاضافة ان بردة وجهة نظرك صحيحة ممكن يكون فيه بجز او مشاكل مش ظاهرة
انا فعلا عندى gmail وظبطة وظبط الواى فاى بس لغيت الظبط بتاع الشركة علشان معظم الوقت هشتغل على الواى فاى بالاضافة انى خوفت يعمل ابديت لاى برنامج ويسحب من الرصيد وانا مش عايزة
لغاية دلوقتى بحاول فعلا افهم الجهاز كويس علشان مش واخدة علية بس نزلت من على الماركت fail manager و handset sms علشان كنت حاسة ان الدنيا ملخبطة وكل حاجة سايحة على بعضها
حاجة كمان هو رفض يقرا الاسماء و الارقام من على ال sim card واصر انى انقلها على الجهاز يا ترى دة طبيعى ولا ايه
كارت الميمورى 2 جيجا وكان راكب فعلا فى الموبايل بس الغريب انى لقيت available space حوالى 750 ميجا فقط على الرغم انى لسه ماستعملتهوش مش عارفة كدة ليه
انا فعلا مش هنزل الفيرجن الجديد دلوقتى لانى اصلا ماتعملتش بالجنجر برد قبل كدة ومعرفش عنه حاجة فهتعرف علية الاول قبل ما انزل اللى بعدة بالاضافة ان بردة وجهة نظرك صحيحة ممكن يكون فيه بجز او مشاكل مش ظاهرة
انا فعلا عندى gmail وظبطة وظبط الواى فاى بس لغيت الظبط بتاع الشركة علشان معظم الوقت هشتغل على الواى فاى بالاضافة انى خوفت يعمل ابديت لاى برنامج ويسحب من الرصيد وانا مش عايزة
لغاية دلوقتى بحاول فعلا افهم الجهاز كويس علشان مش واخدة علية بس نزلت من على الماركت fail manager و handset sms علشان كنت حاسة ان الدنيا ملخبطة وكل حاجة سايحة على بعضها
حاجة كمان هو رفض يقرا الاسماء و الارقام من على ال sim card واصر انى انقلها على الجهاز يا ترى دة طبيعى ولا ايه
jimmy83
2012-02-13 (07:06:38PM)
تمام شكلك عندك فكرة ومش من النوع المتهور!!!
الميموري مش متاكد والله بس بما ان عندك برامج نازلة فشكلو عادي كدا.وابقي هاتيلك فاقرب وقت كرت 8 او 16 بالكتير.
في شوية برامج ضرورية + مسلية دوري عليهم فاملركت
Ant Smasher the Best Free Game دي لعبة و حاجة100% بالنسبالي!!
Opera Mini web browser و دي ضرورية جدا لم اتعوزي تستخدمي نت من ال3g
History Eraser ودي لو استخدامك تقيل للنت بتفيد بعد كل استخدام
Free Advanced Task Manager و دي لادارة شوية حاجات جوة الجهاز و بطارية وشطب برامج و غيرو
Camera360 مش حاجة مهمة بس بتديكي خيارات حلة للكاميرا
Talking Ben the Dog Free ودي لعبة لو لغتك الانجليزية ماشي حالها...اول مرة تشغليها حتنزل 10 ميجا ودا عشان تحويل اللعبة لتتناسب مع جهازك.
Apps Installer ودي اهم برنامج عشان مستقبلا لم اتعوزي تنزلي برامج من خارج الماركت(تنزليهم من الكمبيوتر بعدين تنقليهم للجهاز) والي هو مختص بتنزيل البرامج بصيغةAPK
هم دول الmust have بالنسبالي و غير كدا تي و اهتماماتك.
وتحت امرك فاي حاجة تحتاجيها.
الميموري مش متاكد والله بس بما ان عندك برامج نازلة فشكلو عادي كدا.وابقي هاتيلك فاقرب وقت كرت 8 او 16 بالكتير.
في شوية برامج ضرورية + مسلية دوري عليهم فاملركت
Ant Smasher the Best Free Game دي لعبة و حاجة100% بالنسبالي!!
Opera Mini web browser و دي ضرورية جدا لم اتعوزي تستخدمي نت من ال3g
History Eraser ودي لو استخدامك تقيل للنت بتفيد بعد كل استخدام
Free Advanced Task Manager و دي لادارة شوية حاجات جوة الجهاز و بطارية وشطب برامج و غيرو
Camera360 مش حاجة مهمة بس بتديكي خيارات حلة للكاميرا
Talking Ben the Dog Free ودي لعبة لو لغتك الانجليزية ماشي حالها...اول مرة تشغليها حتنزل 10 ميجا ودا عشان تحويل اللعبة لتتناسب مع جهازك.
Apps Installer ودي اهم برنامج عشان مستقبلا لم اتعوزي تنزلي برامج من خارج الماركت(تنزليهم من الكمبيوتر بعدين تنقليهم للجهاز) والي هو مختص بتنزيل البرامج بصيغةAPK
هم دول الmust have بالنسبالي و غير كدا تي و اهتماماتك.
وتحت امرك فاي حاجة تحتاجيها.
يوجد المزيد من الردود, شاهد
جميع الردود
mido4all
2012-02-01 (02:46:34PM)
انا عاوز اجيب الموبايل ده بس كنت عاوز اعرف هل التاتش بتاعه كويس وبيستحمل ولا هيبوظ بسرعه زى الموبايلات الصينى كده . وكمان عاوز افضل سعر فى افضل مكان فى مصر عشان معرفش غير موبايل شوب ب1800 جنيه . واخيرا لو فيه اى نصيحه عند الشراء يعنى الحاجات اللى اجربها فيه لما اجى اشتريه وكده ومتشكر جدا جدا ليكوا
jimmy83
2012-02-02 (03:03:01PM)
التتش كويس طبعا و ملوش علاقة بالصيني...بس هو طبعا اسمو تتش والاستعمال لازم يكون حنين و الشاشات دي مجهزة للتعامل باللمس مش بالدوس.
السعر كويس فحالة ملقيتوش عند دريم
135 ج ش مصروالسودان حدائق القبه
او سيليكت فاسكندرية
كان معروض عند التنين دول بسعر 1700
(سيليكت تقدر تكلمهم و تسالهم عن تكلفة توصيلو لمكان سكنك قد ايه)
و حكاية تفحص ايه دي فحالة حتاخد جهاز منغير ضمان..بس بما انو بضمان لو طلع في حاجة فاول كام يوم تقدر تروح تبدلو(فاول 14 يوم) بعد اول 14 يوم بضمان او منغير ضمان يبق عوضك على الله لانك حتدفع يعني حتدفع.
السعر كويس فحالة ملقيتوش عند دريم
135 ج ش مصروالسودان حدائق القبه
او سيليكت فاسكندرية
كان معروض عند التنين دول بسعر 1700
(سيليكت تقدر تكلمهم و تسالهم عن تكلفة توصيلو لمكان سكنك قد ايه)
و حكاية تفحص ايه دي فحالة حتاخد جهاز منغير ضمان..بس بما انو بضمان لو طلع في حاجة فاول كام يوم تقدر تروح تبدلو(فاول 14 يوم) بعد اول 14 يوم بضمان او منغير ضمان يبق عوضك على الله لانك حتدفع يعني حتدفع.
mido4all
2012-02-02 (08:02:25PM)
متشكر جدا جدا على رد حضرتك .
طب الموبايل ده بيسمح ان اقدر استخدم بالكيبورد الاوبشنز بتاع الموبايل لو التاتش باظ مثلا ولا لازم التاتش عشان اكيد التاتش لو عطل هيكلف جامد قوى تصليحه
طب الموبايل ده بيسمح ان اقدر استخدم بالكيبورد الاوبشنز بتاع الموبايل لو التاتش باظ مثلا ولا لازم التاتش عشان اكيد التاتش لو عطل هيكلف جامد قوى تصليحه
jimmy83
2012-02-03 (02:41:51PM)
لا لو باظ التتش بتاع الشاشة مش حتقدر تتحكم باي حاجة..ودا ينطبق على كل الاجهزة الي كلها شاشة و ليها كيبورد..الكلام بتاعك ينفع مع الاجهزة الي نصها شاشة و نصها كيبورد(دول لو باظت التاتش بتاع الشاشة ممكن تتحكم بحاجات كتير من الزراير)
و تكلفة التصليح معنديش علم حتكلف كام بس هو الشاشات دي موجودة بقالها فترة و شغالة بكفائة عالية بس طبعا الاستعمال لي دور.
و تكلفة التصليح معنديش علم حتكلف كام بس هو الشاشات دي موجودة بقالها فترة و شغالة بكفائة عالية بس طبعا الاستعمال لي دور.
hogogalal
2012-01-30 (08:47:37AM)
شاهد كل الفيديوهات على
hogogalal
2012-01-30 (08:41:14AM)
ايهما افضل sony ericsson mini pro او samsung galaxy ace بعيداً عن الكيبورد انهى واحد احسن في الامكانيات