دليل اسعار الموبايلات

Sony Ericsson Live with Walkman 2012-02-27 (06:04:09PM)

انا اشتريت الموبيل دا امبارح من دريم فى مصر الجديدة بالضمان ب 1545
الموبيل جميل جدا و سريع و الاداء بتاعو زى الفل بس فى حاجتين
هو الموبيل بيطفى لوحده ساعات؟ أنا شفت ناس بتشتكى من الحكاية دى و مكنتش مصدق بس انا اما جبته معملش كدا وانا بستخدمه و نمت و سبته و صحيت لقيته فعلا مطفى فيا ترى بيحصل كدا معاكوا ولا ايه كمان الشاشة بتلزق بطريقة غريبة وبتلم التراب بسرعة اوى

عرض المزيد

Sony Ericsson Xperia mini pro 2012-02-22 (03:30:32AM)

لو سمحتوا عاوز أعرف البطارية بتفضل معاكوا فى حدود وقت اد ايه مع الاستخدام الثقيل؟

عرض المزيد

Samsung S8530 Wave II 2012-02-09 (10:03:33PM)

بسم الله الرحمن الرحيم
دى طريقة تحديث قيرجن السوفت وير بتاعة الموبيل او تغييرها من اى فيرجن لفيرجن تانى
بنسمى عملية تغيير السوفت وير دى التفليش flashing و نسخة السوفت وير اللى عاوز تنزلها على الموبيل بنسميها فيرموير firmware
أولا : للناس اللى عاوزة تحدث لبادا 2 لازم تنزل الفيرموير الخاصة ببادا 2 الأول من اللينك دا

ثانيا : الناس اللى عاوزة ترجع لبادا 1.2 الأصلى .. لازم بردو تنزل الفيرموير الخاصة بالبادا 1.2 من اللينكات دى (ملحوظة:الفيرموير دى حلوة جدا وفيها بعض التعديلات والبرامج و الألعاب نازلة معاها جاهزة و كمان السوشيل هاب مفعل و شات ياهو و جوجل و ام اس ان)
part 1:-

part 2:-

part 3:-

1- اعمل backup لكل حاجة عندك لأن كل حاجة على الموبيل هتضيع الصور و النغمات وكل حاجة و حتى الأسماء والأرقام فاياريت تعمل باك اب للأرقام الأول عن طريق samsung kies
2-اشحن الموبيل على الاخر
3-نزل برنامج التفليش اسمه Multiloader و ده اللينك بتاعه

4-شيل شريحة الشبكة و كارت الذاكرة
5-شغل وضع الدونلود فى الموبيل بالطريقة دى (اضغط على الزراير اللى هقولك عليها فى نفس الوقت : زرار خفض الصوت + زرار قفل الشاشة + زرار انهاء المكالمة الأحمر يعنى لفترة طويلة مع بعض لحد اما الموبيل يفتح على شاشة سودا فى كلمة download باللون الأحمر
6-وصل الموبيل بالكمبيوتر بكابل اليو اس بى
7- سيب الموبيل بقى وافتح برنامج المالتى لودر على الكمبيوتر و اضغط على كلمة port search
8- علم على LSI
9-علم على full download بس متعلمش على اى حاجة من اللى جمبها
10- سيب المالتيلودر مفتوح و روح بقى على الفيرموير بتاعة اللى نزلتها من على النت وفك الضغط واعرف مكانها فين على الهارد
11- ارجع تانى للمالتيلودر وابدأ حط ملفات الفيرموير اللى انت فكتها فى كل خانة من خانات المالتيلودر ..... يعنى مثلا دوس على كلمة boot فى المالتيلودر هيفتح نافذة ويندوز روح منها للفيرموير و اختار ملفات البوت هتلاقيها واضحة و مش هيقرى غيرها
12- كرر الخطوة دى مع كل الإختيارات لحد Fota لو بتنزل فيرموير بادا 2 أو لحد shp app لو بتنزل فيرموير بادا 1.2 العادية
ملحوظة : هتلاقى كل ملف بتحطه فى المكان المناسب ليه شبه الاسم بتاع المكان بالظبط يعنى مش هتحتار
14-اضغط على download وسيب الموبيل لفترة تتراوح بين عشر دقايق لحد 20 دقيقة روح اعملك سندوتش ولا حاجة :D
15-اما يخلص الموبيل هيعمل ريسترت لوحده و هيطول شوية وهو بيفتح فاصبر عليه و متقلقش
16-بس كدا اقفله وحط الشريحة وكارت الذاكرة بتاعك و شغل الموبيل عادى خالص
ملحوظات:
انا عن نفسى جربت عملية التفليش دى اكتر من 5 مرات ومفيهاش اى مشاكل فمتقلقش على الموبيل طول مانت بتعمل الخطوات اللى بقولك عليها
فى فيديو للشرح دا بالإنجليزى فى كل حاجة واضحة ياريت تتفرج عليه برضو واللينك بتاعه اهو

عرض المزيد

Samsung S8530 Wave II 2012-01-12 (02:42:24PM)

طريقة تحميل الألعاب والبرامج على الويف 1 و ويف 2
1- هتحتاج تنزل برنامج applist من اللينك دا

2-نزل برنامج الكيز اخر اصدار 2.1.1.11124_17 من اللينك دا
org.downloadcenter.samsung.com/downloadfile/ContentsFile.aspx?CDSite=APPS_EGY&CDCttType=SW&ModelType=N&ModelName=APPS_UPDATE&idyn=N&VPath=SW/201105/20110512115717796/Kies_2.1.1.11124_17_6.exe
3- قم بتسطيب برنامج الكيز فاذا لم يظهر المتجر بعد التثبيت برجاء عمل الاتى
اقفل الكيز الأول و اعمل الخطوات دى
افتح start ثم run و اكتب regedit ثم اضغط انتر
هتفتح نافذة اتبع فيها المسار الاتى
HKEY_CURRENT_USER/Software/SAMSUNG>>software>>samsung>>kies 2.0
بص على النافذة فى القسم الأيمن واضغط كليك يمين على كلمة region و اختار modify وغير US الى uk
بس و اضغط اوك واقفل النافذة وافتح الكيز هتلاقى المتجر على الشمال samsung apps
4-قم بتحميل أحد الألعاب اللى عاوز تنزلها (لازم يكون unmodified app) من اللينك دا هتلاقى ألعاب كتير

5-بعد ما تنزل اللعبة وصل الموبيل بالكمبيوتر عن طريق كابل ال usb
6-اعمل كوبى للعبة اللى نزلتها زى ما هى مضغوطة متفكش الضغط و اعملها باست على ذاكرة الموبيل فى المسار دا
waveII>>card>>others
7-افتح برنامج ال applist اللى نزلته فى الخطوة رقم 1
8-اعمل browse هيفتح نافذة اذهب الى مسار ذاكرة الموبيل اللى عملت فيها باست للبرنامج و اختار البرنامج
9-سيب برنامج ال applist مفتوح زى ما هو و روح افتح برنامج الكيز
10-افتح المتجر و سيبه يحمل واختار اى ثيم واعمله داونلود
11-هيبدأ البرنامج يتعمله داونلود خد بالك انت سايب ال applist مفتوح اوعى تقفله
12-لما الكيز يقولك download complete هتفتح الموبيل هتلاقى البرنامج نزل تمام و جمبه برنامج تانى بيحمل
13عشان تمسح البرنامج اللى بيحمل دا غير لغة العرض من ال settings لاى لغة تانية و روح امسح البرنامج اللى عليه علامة تحميل و بعد كدا رجع لغة العرض بتاعتك تانى
و شكرا
ملحوظة: هذه الطريقة لا تصلح للبادا 2.0

عرض المزيد

Samsung S8530 Wave II 2011-09-21 (10:53:58AM)

لو سمحتوا يا جماعة أنا نويت أشترى الموبيل من غير ضمان ان شاء الله بس أنا فى القاهرة و بصراحة مش مرتاح لحكاية ان سيليكت تبعتهولى .. يعنى برتاح أكتر أما أشوف الموبيل ادامى كدا واتفرج عليه الأول و اتأكد ان مفيهوش حاجة قبل مشتريه .... حد يعرف الاقيه بيتباع فين فى القاهرة من غير ضمان؟

عرض المزيد

الموبايلات

BrainCrack

أحدث المشاركات