هذا الموضوع مرتبط بـ Xperia mini pro

بدون عنوان

برنسس

2012-10-31 (04:26:30AM)

يا جماعة ياريت اللى نزل الايس كريم ساندويتش يقولى ايه الاخبار معاه لانى مترددة انزلة وخايفة يكون فيه بجز او مشاكل فياريت اللى نزلة يجاوبنى

هل بيفرق عن الجنجر بريد؟؟
هل عمل اى مشاكل فى السوفت وير؟؟
هل اثر على المساحة الداخلية للجهاز؟؟
هل هل اثر على سرعة الجهاز ؟

وشكرا مقدما

أحمد محمد

2012-11-04 (05:42:49PM)

أنا مش عايز أبيعه عشان هو مقصر معايا
هو بس عشان البرو شاشته أكبر بكتير و كاميرته أعلي ......... و كمان ال HDMi

بس عموما مستحيل أجيب آيفون !!
انا بكرهه كره إسرائيل

بس مش عارف أبيع موبايلي فين ؟
المحلات أسعارهم وحشة جدااا و هيقولي تمن قليل أوي عليه و هيبيعه بضعفه
و سوق المستعمل هنا ليه معايا تجربة مريرة

كان معايا نوكيا X3-02 touch و عملت إعلان عنه
و إتصل واحد عايز يبدل ب n97 32GB ............. و قابلته عند سيتي سنتر و بدلت الموبايل
و والله العظيم ال97 ما كمل معايا 24 ساعه !
جهاز سئ جدا جدا جدا جدا ......
و بيعته في السراج تاني يوم لأعلي سعر إتعرض عليا هناك
.
.
ب 325 جنيه -___- ............ ههههه
و بعدين جبت الميني برو
بس عشان عجبتني الكيبورد في ال97 و كنت بدور علي موبايل بكيبورد

zezo20

2012-11-04 (06:00:57AM)

الشكر لله يا صديقي :)

هتبيعه ليه ؟ ... انا برضه كنت بفكر ابيعه بس قلت مش دلوقتي بقي بعدين لما ازهق منه خالص ابقي ابيعه واجرب الاي فون ان شاء الله ... وهوا بصراحة موبايل ممتاز ومقصرش معايا في حاجة

تحديث السوفتوير مش بيمسح حاجة بس بعد التحديث هتلاقي العاب كتير مش شغالة عشان مش متوافقة مع الايس كريم ساندويتش

سوري علي التأخير في الرد امتحان الميد تيرم بتاعي الأسبوع الي جاي ف مش بفتح كتير ... ادعيلي بقي :)

أحمد محمد

2012-11-02 (08:50:37AM)

شكرااااااااااااااا يا صديقي

أنا فتحت الرابط ..................... حسيت إن الموضوع كبير و هياخد وقت !

هعملها بعدين بقا .......... عشان مش فاضي خالص حاليا !
و كمان في إحتمال أبيع الجهاز قريب و أجيب حاجة أحدث
بدور علي xperia pro و ملقيتش منه جديد خالص و كلهم قالو مفيش منه جديد من زمان
و بدور عليه مستعمل و لسة ملقيتش برضو

بس عايز أسئلك هو أنت لما حدثت السوفت كل حاجة إتمسحت صح ؟؟!!!
أصل أنا لما حدثته عندي مكنتش لسة نزلت أي حاجة

zezo20

2012-11-01 (06:53:12PM)

انا عرفت الطريقة من هنا , وهتلاقي اي حاجة عاوز تعملها في ال forum ده

أحمد محمد

2012-11-01 (04:46:26PM)

طب قولي إزاي بتغير السوفت كل شوية كده !!!
بس بالتفصيل الممل عشان فعلا أنا هرجع الجينجربريد تاني و أشوف الفرق كده
أصل أنا نسيته خالص
لو حسيت بفرق كبير هسيبه ......و لو الفرق مش كبير هرجع الآيس كريم ساندوش

zezo20

2012-11-01 (04:20:45PM)

علي فكرة يا جماعة انا متفق معاكم ان اي ابديت لازم يكون فيه جانب سلبي او عيوب , الكلام ده مش بس في السوفت ويير ده كمان في اي تطبيق او لعبة

بعض السلبيات دي ممكن تكون بسيطة وملهاش تأثير حيوي ونقدر نتغاضي عنها , وبعضها بيكون ليه تأثير سلبي كبير علي اداء الجهاز

بس انا شايف ان السلبيات الي موجودة في الجهاز ده بعد ما عملتله ابديت بسيطة وليها حلول كمان ! والجهاز شغال معايا زي الفل واحسن من الجينجر بريد بكتيييييييير بس بقي ابطئ بحاجات بسيطة من الجينجر بريد بس بشكل مقبول يعني , والبنسبة لمشكلة الذاكرة الداخلية فيه برنامج اسمه Link2SD بيحل المشكلة دي بس محتاج رووت

وعلي فكرة ممكن ترجعو الجينجر بريد تاني بنفسكم لو مرتاحتوش مع الايس كريم عن طريق تفليش الجهاز ببرنامج اسمه Flash Tool وانا ممكن ارفعلكم البرنامج ومعاه ال firmware الخاص بالشرق الاوسط والي بيدعم العربية واقولكم علي الطريقة كمان لو عاوزين :) , انا رجعته مرة عشان لعبة كنت بحبها اوي وكانت بتشتغل علي الجينجر بريد بس ولما لقيت ليها نسخة بتشتغل علي الايس كريم رجعت الايس كريم ساندويتش تاني وشغال عليه لحد دلوقتي .
علي فكرة قريب ان شاء الله هبقي Android developer وهتشوفو تطبيقاتي علي المتجر :)

برنسس

2012-11-01 (04:55:31AM)

ههههههه خلاص نخليها كنافة بالكريمة
حضرتك فعلا عندك حق على ما اتذكر قبل ما اجيب المينى برو من سنه تقريبا قريت عن ناس كتير بتشتكى بعد الابديت الى الجنجر بريد من الفرويو وعلشان كدة انا كنت خايفة اعمل الابديت

أحمد محمد

2012-10-31 (04:39:42PM)

أو حتي آيس كريم ساندوش !!!!!!!!!

المشاكل دي بتظهر لما التحديث ده ينزل علي الجهاز ده !........ فاهماني
لكن لو نزل علي موبايل تاني ممكن ميبقاش فيه مشاكل كتير

و الأفضل إن الواحد يشتري جهاز السوفت بتاعه أصلا آيس كريم ساندوش
مش هيبقي فيه أي مشاكل خالص
لأن عموما أي تحديث لأي موبايل لازم يبقى فيه جانب سلبي

مفيش أفضل من السوفت الأصلي ........... لأنه بيبقى خالي من المشاكل
يعني في عضو إسمه ICEMAN07 معاه جلاكسي s3 و نزله تحديث الجيلي بين
و الجهاز بقى بيهنج معاه و الكاميرة باظت !

عموما بلاش الكافة بالمكسرات لأن مشاكلها كتير
و غالبا بتبقي ناشفة

برنسس

2012-10-31 (03:01:24PM)

انا بردة بقول كدة ههههه اللى نعرفة احسن من اللى منعرفوش
وعلى العموم انا راضية تماما عن الموبايل فى حالتة دى فبلاش طمع بقى احسن
اهو لما ابقى احب اجدد الموبايل كمان سنه ولا اتنين ابقى اجيب على طول الاندرويد الفيرجن الجديد جيلى بين ولا فطيرة الليمون او حتى كنافة بالمكسرات زى ما يكون

شكرا مرة تانية يا استاذ احمد تعبتك معايا جزاك الله خيرا

أحمد محمد

2012-10-31 (01:35:47PM)

ههههههه
عادي ممكن ترجعي الجينجربريد
بس من التوكيل ......... أو أي محل سوفتوير.
بيعملوها ب 50 جنيه غالبا
و أنا شخصيا عايز أرجعه
بس مكسل لأن الجهاز هيتفرمط خالص و كل التطبيقات هتتمسح !

و بصراحة عندي كام لعبة مقفلها ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه
و صعبان عليا أبدأهم من الأول ههههه
كده مش هنزلهم تاني و خلاص

عموما لو خلاص إتعودتي علي الجينجربريد و مفيش مشاكل
يبقي بلاش أحسن

برنسس

2012-10-31 (01:03:17PM)

سورى يا استاذ احمد العتب على النظر معلش

يعنى راىك انى اعمل الابديت انا فعلا خلاص اخذت على الجنجر بريد وبالنسبة لى مش صعب بالنسبة لى خالص
انا فعلا خايفة من موضوع التهنيج دة زائد الحكاية مش ناقصة الذاكرة الداخلية او الرامات تقل انا اصلا كل شوية ااشغل التاسك مانجر علشان يقفل البرامج المفتوحة اللى واخدة من الميمورى

طيب لو الحكاية مانفعتش معايا فى خط رجعة ولا لأ يعنى ينفع اطلع عيلة وارجع الجنجر بريد ولا خلاص كدة تدبيسة

أحمد محمد

2012-10-31 (11:25:21AM)

العفو يا أستاذه برنسس .............. بس أنا إسمي أحمد
محمد ده والدي ههههه

عموما الآيس كريم ساندوش مختلف كتير عن الجينجربريد
و إستخدامه أسهل و إمكانياته أكبر و تطبيقاته أكتر

لو قرأتي كلامي تاني هتلاقي إن كل سلبياته بتظهر مع زيادة البرامج و الألعاب اللي علي الموبايل
هو هيبقي كويس لو تطبيقاتك أقل من 50. ( غير اللي جايين مع السوفت )
و بلاش خلفيات متحركة

كمان نسيت أقولك إن الشبكة بقت أضعف شوية و إستهلاك البطارية زاد

برنسس

2012-10-31 (10:33:34AM)

شكرا للاهتمام يا استاذ محمد
معلش سؤال تانى يعنى حضرتك شايف الايس كريم افضل من الجنجر فى ايه ويا ترى الافضلية دى تستاهل المخاطرة بالعيوب اللى حضرتك ذكرتها خصوصا انها مشاكل حيوية واساسية

أحمد محمد

2012-10-31 (09:32:09AM)

الآيس كريم ساندوش مختلف كتير عن الجينجربريد ............ للأفضل طبعا

لكن مشاكله أكتر ....... و تهنيج أكتر............ و أحيانا الجهاز بيقف خالص و لازم أشيل البطارية عشان يشتغل

المساحة الداخلية قلت كتيييير لأن بقى عليها تطبيقات كتير خاصة بالسوفت و مبتتمسحش طبعا

سرعة الجهاز قلت بنسبة 40٪ تقريبا

و الجهاز بقى بيشيل برامج و ألعاب أقل بكتييييييييير
و لو زادو عن حد معين بيهنج تهنيج الدنيا و الآخرة

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Ericsson Xperia mini pro

مقارنة

Android
320 x 480 pixels, 3.0 inches (~192 ppi pixel density)
3G

2G / 3G
5 MP, 25...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Ericsson Xperia mini pro

Android

320 x 480 pixels, 3.0 inches (~192 ppi pixel density)

3G

5 MP, 25...