هذا الموضوع مرتبط بـ Xperia mini pro

بدون عنوان

أحمد محمد

2012-09-05 (06:10:03PM)

طريقة تشغيل اللعب الكبيرة :

مثلا : اللي عايز يشغل لعبة Need For Speed Shift

هي إشتغلت عندي الحمد لله
بص هتعمل إيه :
هتدخل هنا

هتلاقي صفحة تحميل اللعبة من 4shared و هتحملها هتلاقي مساحتها 1.2 ميجا و بعدين هتنقلها علي الجهاز و تسطبها و لما هتفتح هيجيلك كلمة download لما تضغط عليها هيبدأ في تحميل اللعبة و مساحتها كانت 96 ميجا عندي في ال xperia mini pro و ممكن المساحة تختلف شوية من جهاز لآخر

و بنفس الطريقة دي ممكن تشغل لعب كتير زي gta 3 و real racing 2 مثلا
بتنزل النسخة الصغيرة للعبة و بتكون هي دي نسخة التحميل الأصلية
لكن النسخ الكبيرة بتبقي مش أصلية غالبا يعني shift ليها نسخ كتير مساحتها 38 و 97 ميجا و أنا جربت الإتنين و مش شغالين

اللي عايز لعبة كبيرة يبحث عنها في 4shared و يعمل كده لو النسخ الكبيرة طلعت بايظة

zezo20

2012-09-09 (08:17:28AM)

ههههههههههههههههههههههههههههههههههههههههههههه

حبيبي يابو حميد :)

أحمد محمد

2012-09-08 (11:06:01PM)

ياريت متاخدش كلامي علي سبيل السخرية ................. خده علي سبيل المزاح
أنا مصدقك و بهزر معاك طبعا

حبيبي يا عم zezo

أحمد محمد

2012-09-08 (11:01:19PM)

مين قال إني مش بصدقك ؟؟!!!
ليه متقولش إنك إنت اللي مبتصدقنيش !!
بس أنا جبت الرابط من الماركت
هاتلنا صاحبك يحلف هنا

ماشي حتي لو فرضنا إنها كانت مجانية يوما ما
علي الأقل في الوقت اللي أنا جبتها فيه كانت غالية جدااااااا

شكرا علي الروابط

و لما ترفع برامج علي جوجل بلاي إبقا قولنا ............ عشان نديلك 5 نجوم

بس يارب أعيش و أشوف اليوم ده ههه

كنت عايز widget لما أضغط عليها تعمل ريستارت للجهاز لوحدها
إبقا إعملهالي و النبي

zezo20

2012-09-08 (10:23:12AM)

قبل ما اجيب الموبايل ده شفت NFS Shift علي موبايل صاحبي وقالي انه نزلها فري وكان في منها نسخة Trail كمان ... خلينا نقول حسب كلامك انها مش فري وانك جبتها بالطريقة دي وصاحبي كان بيحور عليا ,

بس اقولك صدقني ليها قاعدة وانا عارف ومتأكد من الي بقوله 1000000000% عشان جربت كتيييييييييير جدا وانت لو جربت هتصدقني

واضح ان برنامج DX ToolBox اتشال من المتجر لسبب ما .. انا نزلته من فترة لما كان موجود

وعشان مش بتصدق كلامي دي صورة للبرنامج من جهازي

دي من افضل الألعاب الي عندي
1- 9mm (Notice : Root Required )

2-GTA3

3-Asphalt The Heat

4-The Dark Knight Rises(Root Required)

5-The Amazing Spider-Man (Root Required)

سوري الوقت مسمحليش اني احط باقي الالعاب .. فيه غيرهم كتيييييير هتلاقيهم في المدونة دي وانا منزلهم منها , المدونة دي بتاعة واحد صاحبي من اندونيسيا ... الألعاب الي فوق دي كلها شغالة علي الايس كريم ساندويتش وكلها 3D In High Definition ولو مش مصدق وحابب تشوف قبل ما تنزل خش علي اليوتيوب وشوف تريالات ليهم ..

أحمد محمد

2012-09-08 (08:23:43AM)

و كمان هاتلنا أسماء اللعب الحلوة اللي عندك و الروابط بتاعتها

أحمد محمد

2012-09-08 (08:11:07AM)

عمرها ما كانت مجانية !!

أصلا قبل ما أحملها و أثناء بحثي عنها حاولت أجيبها من موقع الشركة و إكتشفت السعر ده و بعدين جبتها من 4shared

الطريقة دي ممكن متنفعش مع لعب أقل من 100 ميجا بكتير
و ممكن تنفع مع لعب أكبر من 100 بكتير

صدقني هي ملهاش قاعده

هي حسب شركتها منزلاها إزاي و في أي شكل

بالمناسبة
إنت جبت برنامج DX ToolBox منين ؟؟!!!
أنا دورت في جوجل بلاي و ملقيتش حاجة إسمها كده ............. لقيت برامج toolbox تانية ملهاش دعوة بالبطارية

zezo20

2012-09-08 (06:04:14AM)

اوك هي دلوقتي مش مجانية بس لحد وقت قريب اوي فري ممكن تكون نزلتها عندك في الوقت ده

طريقتك تنفع في الالعاب الخفيفة زي ما قلتلك ( الي متعديش 100 ميجا )

لكن مع الالعاب الكبيرة متنفعش ولو مش مصدقني جرب بنفسك

علي فكرة انا مش بقول كلام وخلاص عشان الحاجات دي انا مجربها واي حاجة تتخيلها ممكن تتعمل في سوفتوير الموبايل ده عملتها D: والحمد لله بقي عندي خبرة كبيرة في الاندرويد ..... انا حاطط في الموبايل كارت ميموري 32 جيجا ولو وريتك كمية الالعاب الي عليه هتتخض P: قريب ان شاء الله هدخل دبلومة ال Android Developer بعد ما اخلص دبلومة ++C و #C و Java Script وان شاء الله قريب هتشوفني رافع تطبيقات علي جوجل بلاي :)

أحمد محمد

2012-09-07 (05:30:21PM)

و أنا هتضايق ليه ؟؟!!!

إحنا بنتناقش و كل واحد بيقول فكرته ووجهه نظره ............ و المهم في الآخر نفيد بعض و نفيد الناس و نديهم أكتر من فكرة للمشاكل دي

ملحوظة بسيطة : لعبة NFS shift مش مجانية و موجودة علي جوجل بلاي و تمنها أكتر 30 جنيه
بص كده

و ده موقع ال EA GAMES نفسه بيحملهالك من جوجل بلآي بنفس السعر

و كتير من الألعاب نفس الحال ده
بتكون غالية جدااااااا لكن بمجرد ما تنزل نسخة التحميل الصغيرة بتوصل لل data بتاعتها ببلاش غالبا

بس عموما كلامك ده أحيان كتير بيبقي صح برضو و أسهل إلي حد ما

zezo20

2012-09-07 (06:41:45AM)

مهو انتا اكيد هتدور علي اللعبة بملفات الداتا بتاعتها لموبايلك !! يعني تدور عليها لنوع موبايلك مش تنزلها من مكان وتكون مرفوعة لموبايل غير موبايلك وتقول بعد كدة مشتغلتش عندي ليه !! واحب اقولك ان 100% من الالعاب الي جبتها بالطريقة دي شغالة والي مش بيشتغل يتبقي مشكلة عدم توافق مع اخر نسخة اندرويد ICS وبعرف قبل ما بنزلها وبتجنبها

حضرتك الكلام ده لما تجيب نسخة صغيرة للعبة فري ساعتها هتعرف بعد ما تسطبها تحمل الداتا انما لعبة زي جاتا و 9MM وغيرهم , الالعاب دي سعرها يعدي ال 7 دولار في المتجر ده غير انها مش متاحة للشرق الأوسط وبعض البلدان في المتجر !! Need For Speed Shift اشتغلت عندك عشان في منها نسخة Trail لكن جرب كدة تجيب لعبة جاتا بنفس الطريقة بتاعتك .... هتلاقيها بعد حوالي 150 ميجا داونلود قفلت !! طبعا مش معقول شركة منزلة لعبة بفلوس في المتجر بطريقتك هتديك الداتا بتاعة اللعبة ببلاش !! مكنش حد اشتراها ! ... طبعا بالسياسة بتاعة المتجر ناس كتير مش هتعرف تنزل الألعاب دي عندهم فكان الحل ان بعض المبرمجين جابو الألعاب دي وعملولها Crack ونشروها علي المدونات والمنتديات والي عاوز اللعبة يدور علي نسخة متوافقة مع موبايله وينزلها بالداتا بتاعتها ويحطها علي موبايله ويسطبها وتشتغل علي طول ... وعلي فكرة انا موبايلي Mini Pro وحطيت عندي لعبة 9mm الي متوافقة مع Xperia Ray وشغالة وبلعبها لحد دلوقتي !! الفكرة ان طالما كرت الشاشة واحد في كذا موبايل والمعالج واحد يبقي اللعبة تشتغل عليهم كلهم . واكيد طبعا ال Xperia مختلف عن الجالاكسي

مع احترامي ليك طريقتك تنفع مع الألعاب ال HD الخفيفة زي Need For Speed Shift وشرط اساسي ان تكون الشركة منزلاها فري وتاحة في بلدك عشان يبقي مسموح ليك تنزلها Direct من الشركة بطريقتك! ولنفرض ان لعبة زي 9mm فري وممكن تنزلها تخيل ممكن تفضل قد ايه تحمل؟ مع العلم ان مساحتها 1300 ميجا !! وفيه العاب مساحتها بتوصل ل 2 جيجا .. اكيد كدة بقي واضح انهي طريقة الأسهل .. اتمني اني مكونش ضايقتك بكلامي انا بس حبيت اوضح .. واسف اني طولت .

أحمد محمد

2012-09-06 (03:28:20PM)

بس أظن إن الطريقة دي مش بتنفع دايما ................ بس بصراحة أنا مجربتهاش

اللعبة بتنزل من الشركة بتاعتها بنسخة صغيرة عشان لما تحطها علي جهازك هي تحملك ال data اللي تتوافق أكتر مع جهازك و بدون مشاكل
لأنها ممكن أحيانا تبقي صورتها بايظة أو فيها حاجات مش شغالة أو أي مشاكل تانية !!

و الدليل إنك لو حطيت file ال need for speed اللي مساحته 1.2 ميجا في موبايلك هيقولك بيانات اللعبة المطلوب تحميلها 96 ميجا و لو حطيتها في الجلاكسي ميني هيقولك 102 ميجا ............ مع إنها نفس اللعبة و مفيش أي فرق خالص لكن مواصفات الجهاز تختلف

ممكن تكون مقابلتكش مشكلة زي دي قبل كده لأن الصفحة اللي إنت بتحمل منها للميني برو أصلا و جميع ألعبها متوافقة معاه بس أنا قابلتني المشاكل دي كتيييييييير لما بحمل لعب كاملة في file واحد و من كل 5 لعب 2 بايظين
أحسن حل هو تحميل اللعبة من الموبايل
بس في لعب كبيرة بغباوة زي GTA3 مساحتها 450 ميجا و real racing مساحتها 600 ميجا و في لعب أكبر كمان
و بتبقي مشكلة للناس اللي معندهومش wireless و من الصعب جدا الحصول علي 600 ميجا من ال 3g لأن تكلفتها هتكون عالية و سرعتها بطيئة و ممكن تحمل اللعبة في يوم كامل

zezo20

2012-09-06 (02:29:16PM)

اولا شكرا ليك يا أحمد علي المعلومات دي ... واحب اضيف ( ده بعد ازنك طبعا) الطريقة الي بجيب بيها العاب كبيرة زي Need For Speed Shift , 9mm , Modern Combat ,Dead trigger , Dead Space , Gta 3 وغيرهم كتير ... كل دول شغلتهم عندي بطريقة سهلة جدا وهي انك تدور في اي سيرفر داونلود مشهور او حتي في جوجل علي اسم اللعبة + ملفات الداتا يعني مثلا لو انت عاوز تنزل لعبة 9mm تكتب في السيرش Download 9mm APK +Data ولما تلاقيها تنزلها وهتحط ملفات الداتا في مكان معين حسب اللعبة وبعد كدة تسطبها من ال APK File بتاعها , مع العلم ان فيه العاب لازملها روت عشان تشتغل زي 9mm .. كدة احسن واسهل من انك تسطبها وتحمل الداتا بتاعتها الي ممكن تعدي الواحد جيجا .... انا بقي هعمل معاكم واجب حلو D:

دي مدونة نزلت من عليها كل الالعاب الي ذكرتها فوق واكتر كمان وكلهم الحمد لله شغالين D:
عييييييييييييييييييييييييييييييييييييييييييشو :)

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Ericsson Xperia mini pro

مقارنة

Android
320 x 480 pixels, 3.0 inches (~192 ppi pixel density)
3G

2G / 3G
5 MP, 25...

مزيد من المعلومات

الموبايلات

بدون عنوان

التسجيل بالموقع

دخول الاعضاء

معلومات سريعة عن Sony Ericsson Xperia mini pro

Android

320 x 480 pixels, 3.0 inches (~192 ppi pixel density)

3G

5 MP, 25...