بدون عنوان

للرجوع الي صفحة سوني اريكسون Xperia mini pro الرئيسية اضغط هنا

MWeWe

2012-08-09 (09:04:10PM)

السلام عليكم يا جماعه الموبايل ده اتوقف تصنيعه
وانا مش لاقيه فى اى محل بالسعر الى مكتوب على
الموقع اقل سعر ليه فى كارفور الصحراوى وباقي
منه حتتين بـ1450
ياريت اى حد يعرف بيتباع فين بأرخص من كدة
يكتب المكان ويا ريت رقم المحل

أحمد محمد

2012-08-09 (10:04:55PM)

روح السراج مول و غالبا هتلاقيه جديد و أكيد هتلاقيه مستعمل إن شاء الله
بس السراج مول 3 مولات في بعض و كلهم موبايلات جديد و مستعمل و حاول تسأل في كل محل منهم لأن اللي بيدخل هناك بيتوه و الله و صدقني مش هتلاقي الباب اللي دخلت منه

eslam3bdo

2012-08-10 (08:07:10AM)

طب روحت شارع عبد العزيز ؟ ... أصل أنا موصى واحد هيجبهولى من هناك .. وهيرد عليا يوم الأحد إلى جاى

أحمد محمد

2012-08-10 (11:03:05AM)

أنا عمري ما روحت شارع عبد العزيز خالص ................... لأن سمعتهم سيئة من حيث سرقة الإكسسوارات من العلب و بيعها منفردة
أنصحك متاخدش الجهاز إلا لو كانت العلبة متبرشمة و تتأكد إنها البرشامة الأصلية و متفكتش قبل كدة و لازم تعرف الإكسسوارات اللي هتاخدها قبل ما تروح
و أنا كنت كاتبهم قبل كدة :
1- شاحن من غير سلك
2- كابل usb و هو اللي بيركب في الشاحن و في الكومبيوتر كمان
3- السماعة و معاها 2 جلدة الأذن بتاعتها في كيس أبيض صغير منفصل
4- سكرين بروتيكتور بس مش بتكون راكبة في الموبايل
5- و cover زيادة للضهر بس و لونة بينك فاتح ..... بس اللون الأسود بييجي معاه cover تركواز
6- كارت ميموري 2 جيجا بيكون راكب في الجهاز

لو ملقيتش الجهاز جديد و قررت تجيب مستعمل لازم أول ما تخرج من المحل تروح تكشف عليه في محل تاني و تتأكد إن الكلام اللي إتقالك صح
لأنه ممكن يبيعلك جهاز مفتوح علي إنه مش مفتوح

تلك الخدمة مخصصة للأعضاء فقط