بدون عنوان

للرجوع الي صفحة سوني اريكسون Xperia mini pro الرئيسية اضغط هنا

أحمد محمد

2012-07-29 (06:13:12AM)

أنا جبت الموبايل ده النهاردة
التاتش بتاعة جامد جدااااااااا
الجهاز صوته عالي جدااا جداااا
الكاميرة جامدة طحن و فلاش جباااار
شاشته ممتازة و صافية
و الكتابة علي الكيبورد ممتعة جدااا بتخليك مش عايز تسيب الموبايل

أكبر عيب فيه البطارية ضعيفة جداا

فيتوو

2012-07-30 (09:16:55AM)

الف مبروك الموبايل بس هو مش صغير اوي ..يعني مش بيضايق فالنت
بي انا فحيره بينه وبين السونيLIVE WITH WALKMAN
تنصحوني بأيه

أحمد محمد

2012-07-31 (03:27:55PM)

أولا الله يبارك فيك
.
.
ثانيا : أنا مجربتش LIVE WITH WALKMAN بس الجهاز ده تحفة و بالذات في النت
و هو أكيد أحسن في النت من LIVE WITH WALKMAN بكتييييييييير عشان الكيبورد مع العلم إن الفرق في مساحة الشاشة مش كبير و ده شاشته كويسة جداا جداا و صوته ممتاز كمان لأن في ناس بتشتري LIVE WITH WALKMAN عشان صوته و مقتنعين إن ده صوته ضعيف جدا و الكلام ده غلط طبعا
كمان إنت لو بتحب الفيس و الشات يبقي ده أحسن موبايل ممكن تجيبه عشان الكيبورد لأن الكتابة عليها ممتعة جداا و سريعة جدا جدا و بتخليك مش عايز تسيب الموبايل
.
.
و الكاميرة تحفة و الفلاش قوي جداااااااا جدااااااااا و فيه كاميرة أمامية
.
.
كل عيوب الجهاز في نظري عشان أكون صريح معاك بطاريته ضعيفة جداااا و بيسخن شوية

أحمد محمد

2012-07-31 (03:37:10PM)

و علي فكرة الجهاز حجمه مناسب و فيه sensor يعني بيشغل الألعاب اللي بتعتمد علي حركة الموبايل و معظمها ألعاب سباقو LIVE WITH WALKMAN فيه sensor كمان
.
.
.
و بالمناسبة أنا بكتب كل تعليقاتي من عليه

ahmedekaa

2012-08-01 (03:30:15AM)

live with walkman معدش بينزل خلاص للاسف

Afn5

2012-08-01 (11:19:00PM)

استاذ احمد انا ان شاء الله هنزل اشتريه قريب ممكن تقولي البطارية بتعد معك اد ايه؟

أحمد محمد

2012-08-02 (10:37:02AM)

البطارية ضعيفة و أنا بشحنها حوالي مرتين في اليوم و أحيانا أكتر
بس بصراحة أنا طول الوقت شغال عليه نت و فيس و ألعاب و أغاني و شات
حتي لما ببقي مش بستخدمه بكون سايبه بيحمل حاجات من علي النت
.
.
و دي مشكلة كل هواتف الأندرويد ................... بس هنا بزيادة شوية
بس البطارية مش بتاخد وقت في الشحن و الموبايل بيسخن أثناء الشحن و خصوصا لما بكون بستخدمه
و أنا سألت في موضوع السخونة دي و عرفت إنها مش بتأثر خالص علي الجهاز .............. هي بس بتضايق شوية

Afn5

2012-08-02 (11:14:00AM)

طيب هو ممكن من كتير الاستخدام للموبايل
على العموم انا هتوكل على الله واحتمال اجيبه النهاردا
هو انت جبته منين وبكام ولون ايه؟

Afn5

2012-08-02 (11:50:25AM)

جرب تقرأ دا ممكن يفيدك

أحمد محمد

2012-08-02 (07:38:44PM)

مبروك مقدما
أنا جبته من مدينة نصر ............... أسعاره من 1300 إلي 1400 يس أهم حاجة يكون في علبته و العلبة متبرشمة لأن ده معناه إن محدش مسك الجهاز قبل كده
و العلبة لو مش مقفولة و الجهاز محطوط عليها من بره يبقي أكيد البياع لعب فيه كتير جدا و سبعين زبون مسكوه و مش فهمين حاجة و ممكن يكونوا مسحوا حاجة من غير قصد
كمان ده بيضمن إن الإكسسوارات كاملة و محدش خد منها حاجة
جهازي لونه أبيض و أعتقد إن اللون ملوش علاقة بالسعر ............... بس في بعض المحلات بتخلي اللون الأبيض أغلي
عشان الناس بتتطلبه كتير لأن في أي موبايل بيكون اللون الأبيض أجمل و مميز

Afn5

2012-08-03 (03:53:46AM)

طيب ايه الحاجات اللي موجودة في العلبة معه؟

أحمد محمد

2012-08-03 (10:52:33PM)

العلبة فيها :
1- شاحن من غير سلك
2- كابل usb و هو اللي بيركب في الشاحن و في الكومبيوتر كمان
3- السماعة و معاها 2 جلدة الأذن بتاعتها في كيس أبيض صغير منفصل
4- سكرين بروتيكتور بس مش بتكون راكبة في الموبايل
5- و cover زيادة للضهر بس و لونة بينك فاتح ..... بس اللون الأسود بييجي معاه cover تركواز
6- كارت ميموري 2 جيجا بيكون راكب في الجهاز

Afn5

2012-08-04 (03:51:33AM)

انا لما روحت اشوفه في المحل مكنش معه كل الكلام دا :SSS
هو الشاحن وكابل ال usb والسماعات والميموري بس

أحمد محمد

2012-08-05 (06:03:56AM)

ناقص ال cover الزيادة و السكرين بروتيكتور
العلبة دي مسروق منها حاجات أكيد
علي العموم إدخلي علي اليوتيوب و إكتبي sony ericsson xperia mini pro unboxing و هيطلع فيديوهات كتير فيها العلبة و مكوناتها
دة غير إن العضوة برنسس إشترته و كتبت مكونات العلبة
في الصفحة رقم 8 من التعليقات بتاريخ 13-2-2012
و كمان إضغطي علي الصورة اللي فوق هيطلع صورة كبيرة فيها جهازين للون الأبيض و لو لاحظتي هتلاقي واحد الضهر بتاعه أبيض وواحد بينك فاتح

Afn5

2012-08-05 (06:08:28AM)

خلاص ماشي
متشكرة اوي
انا مش هرضى اخد الموبايل غير لما تكون العلبة لسة ببرشمتها

m7moduwk

2012-08-05 (04:58:50PM)

حدثته لايس كريم ساندويتش ولا لا ؟؟؟
ولو حدثته ايه اخباره معاك في التحديث ؟؟؟

أحمد محمد

2012-08-05 (10:59:08PM)

حدثته طبعا بس بصراحة مفيش فرق خالص بس بيشغل لعب أكتر و برامج أكتر مبتشتغلش علي إصدارات ٌأقل ............. زي متصفح جوجل كروم

Afn5

2012-08-05 (11:01:26PM)

طيب التحديث فيه مشاكل؟

أحمد محمد

2012-08-06 (04:38:28AM)

حتي الأن لا

Afn5

2012-08-06 (07:06:26AM)

طيب والله تمام
ما شاء الله
اصل انا قرأت الناس كلها بتشتكي من التحديث الجديد دا

m7moduwk

2012-08-06 (08:22:15AM)

طب تمام بس هي الشاشة صغيرة اوي فعلا و الموبيل مش بيشغل الا العاب بحجم معين ولا ايه ؟؟؟؟؟

أحمد محمد

2012-08-06 (09:02:57AM)

أولا أنا نسيت أقولكم إن التحديث الجديد عندي مفيهوش لغة عربية للقوائم ......... بس الكتابة فيها عربي و بعض البرامج فيها عربي
ثانيا الشاشة مش صغيرة خالص
و الألعاب و البرامج ملهاش دعوة خالص بالشاشة و مساحتها
و أساسا ده شاشته أكبر من شاشات موبايلات أندرويد تانيه كتير ......... زي :
Alcatel OT-908
و Alcatel OT-890D
و LG P350 Optimus Me
و LG C660 Optimus Pro
و Motorola FIRE XT311
و Samsung Galaxy Pocket
و Samsung Galaxy Y Pro
و Samsung Galaxy Pro
و Sony Ericsson XPERIA X10 mini pro
و Sony Ericsson XPERIA X10 mini
و hTc ChaCha
و Acer beTouch E120
و Acer beTouch E110
و Acer beTouch E1t MB511
و Samsung Galaxy 5 Corby Smartphone
و Motorola FlipOut MB511
كل دول موبايلات أندرويد شاشتها أقل من 3 بوصة و عايشين و زي الفل و مفيش مشاكل

اللي بيتحكم في تشغيل الألعاب و البرامج
ال resolution بتاع الشاشة و ده 320×480 يعني يعتبر عالي و نادرا لما بلاقي لعبة الحد الأدني لتشغيلها أعلي من كدة
كمان إصدار الأندرويد بيتحكم بشكل أساسي في التطبيقات بس التحديث الجديد بيشغل كل حاجة
و كمان الرامات و أحيانا البروسيسور ......... و دول أحسن حاجة فيه لأن الرامات 512 و البروسيسور جيجا هيرتز

تلك الخدمة مخصصة للأعضاء فقط