الصراحة انا مش معاك اوى فى كل النقط يا يوسف الجهاز فعلا ارفع و اخف بس مش بالشكل اللى هيفرق فى الاستخدام العادى خالص شوف هنا
و دوس على view layered علشان تشوف الموبايلين فوق بعض هتلاحظ ان فرق الـ0.9 mm مش هو الفرق اللى يفرق خالص.
بالنسبة لجمال التصميم ده مسالة اذواق فمثلا الزد 3 بقى بشكل دائرى من الجوانب بدل من الشكل المسطح للجوانب للزد 2 و اللى الصراحة ناس كتير جدا ممكن يعجبها التصميم المسطح للجوانب و ناس تانية يعجبهم الشكل الدائرى اكتر للزد 3 لكن اللى يفرق بجد فى الشكل و محدش بيختلف عليه هو شكل السماعات و مكانها للاسف فى الزد 3 بقت تقليدية اكتر و كمان الـnotification led بدل ما كانت تحت السماعات و عاملة شكل جميل جدا لما تنور تحتيهم السماعات بقت شريط صغير و مش مجوار للحواف و الnotification led بقت مجرد دايرة تقليدية فى الزد 3 على العموم فى انباء كتير جدا و تسريبات عن ان الزد 4 هيجى بشكل سماعات الزد 2.
الشاشة مش بالفرق المهول الاضاءة زادت طبعا بس الالوان متغيرتش بالمنظر ده و الاضاءة بتفرق فى الشمس طبعا لكن مش الالوان خالص شوف الريفيو ده و ركز على جزء الشاشة
.
الصوت فعلا اوافقك عليه جدا الصوت مع انه مش وحش فى الزد 2 لكن فى الزد 3 بينافس الـM8.
البطارية مش اقوى هى اصغر بفرق صغير لكن لصالح الزد 2 على GSMArena الزد 2 اخد 89 ساعة و الزد 3 اخد 85 ساعة.
الكاميرا فعلا مش فرق يذكر الـiso بقى فى اوبشن اعلى و فى اضافة face in و العدسة اوسع شوية لكن مش فرق كبير.
مفيش فرق غير 0.2 GHz يعنى 8% زيادة بس عن الزد 2 و نفس الرام و كرت الشاشة و نفس معمارية البروسيسور ففعليا هما متساويين فى الاداء.
فى النهاية الفروق ما بين الزد 2 و الزد 3 لا يذكر تقريبا الا فى بعد الاجزاء اللى عايزه مقارنة عالية جدا علشان تبان الفروق دى و اللى هيروح سواء للزد 2 او الزد 3 هيعجبو جدا و اعتقد ان الزد 4 هو اللى منتظر ان يكون بجد اضافة مهولة فى عالم التكنولوجيا و ينافس الاس 6 و الـG4.
Z2 و z3