عن حرارة الجهاز-2014-09-01 (12:10:21PM)

mohamed17

2015-07-19 (12:19:54PM)

يعنى يا استاذه يا كرام اشتري z2 ولا اشترى غيره

semsemSiR

2014-09-03 (06:40:39PM)

شوف انا مش مشكلتى تقتنع او ماتقتنعش , انا جايبلك سكرين شوت بيؤكد كلامى , والجهاز دخل التوكيل وقعد هناك 4 ايام تقريبا وقالوة مافيش حاجة والسخونية دية موجودة فى الجهاز دة ودة رد التوكيل , مش مصدق اتصل بيهم وقولهم معايا جهاز سونى بيسخن واسمع الرد بنفسك

- موضوع بقى الاس 4 ,اة ياباشا مدرك والله بقول اية كويس , بدليل انك سيبت كل الاجهزة ومسكت فى الاس 4 اللى اصلا مدخلش فى الموضوع ( على العموم براحتك , تجيب سيرتة ماتجيبش سيرتة دية حاجة ماتخصنيش , بس اللى انا بتكلم فية انك بتحول مسار الموضوع لشكل تانى )

- موضوع بقى انى جيبت سيرة الاس 4 فى الموضوع دة , ياريت تقرى كويس من اول كومنت لحد اخر كومنت , انا ماتكلمتش عن الاس 4 الا لما صاحب الموضوع طلب منى نوع التليفون اللى معايا ودرجة حرارتة كام ( ياريت تقرى كويس )

- لو بردة قريت فى الكومنت اللى فات , هتلاقينى قايل ( مش كل الاجهزة بتسخن , فية اجهزة متوسطة الحرارة وفية اجهزة حرارتها عالية ) يعنى عارف كويس اية اللى فى الموضوع

بس انت بتهاجم وخلاص من غير ماتقرى كويس

والله لو الاستاذ صاحب السؤال شاف اكتر من جهاز ماكنش سأل السؤال دة وعمل الموضوع دة

youssefshabana

2014-09-03 (03:34:08PM)

ايوا يا باشا بردو مش مقتنع ﻹن الواقع غير كدة وانتا اللي مش مصدق

يعني انا عاوز افهم انتا عاوز توصل ﻷيه بالظبط من اللي انتا جايبه ده ؟؟؟

عاوزني يعني بعد ما اشوف السكرين شوت اللي انتا جبتهالي اقول انتا عندك حق الزد 2 بيسخن مع كل الناس وانه جهاز مش كويس ومليان عيوب

ابقي انا كدة بضحك علي نفسي ﻹني انا بستخدم الجهاز ومش بيسخن معايا

الاس 4 عاملي مشكلة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ههههههههههههههههههههههههههههههههههههههههههههههههههه ليه ان شاء الله متخانق معاه ولا بيني وبينه مشاكل ههههههههه

انتا مدرك انتا بتقول ايه يا باشا ههههههه !

لو انتا ملاحظ يعني وركزت هتلاقيك انتا بتجيب سيرة الاس 4 في كل المواضيع في الصفحة دي بالذات

وانا جبت سيرة الاس 4 لسببين لانك انتا اللي دخلته في الموضوع الاول مش انا دي اول حاجة

وكمان عشان انتا بتقول انه مش بيسخن خالص والحقيقة ان في بعض الناس مش هقول كلهم بيقولوا انه بيعدي ال 42 أحياناً

وانا بقولك انا جهازي مش بيعدي ال 42 في جميع الاحوال زي الزد 2 بالظبط

فعشان كدة انا دخلته في الموضوع وبقولك ان عادي ان اي جهاز بيسخن انتا اللي مستغرب اوي من موضوع السخونية ده في الزد 2 وشايفها حاجة مش طبيعية

وبعدين عشان متفتكرش اني بهاجم الاس 4 والكلام الغريب اللي ملهوش معني ده في بعض اللي معاهم الجي 2 بيقولوا انه بيسخن جامد خاصاً بعد الكيت كات وناس بتشتكي من سخونية النوت 3 وانه بيعدي ال 40 بردو بعد الكيت كات وفي ناس بتشتكي من الزد 2 بردو انه بيعدي ال 40 درجة لكن مش بيعدي ال 50 والارقام الغرببة دي وكذلك الاس 4 وده انا شايفه اكتر الاجهزة اللي ناس بتشتكي منه مش في السخونية وبس واعتقد انتا عارف ده كويس اوي اكتر مني كمان وواضح اوي من كلام معظم اللي معاهم الجهاز في صفحة الاس 4

طيب وانا بردو بقولهالك تاني كل اللي معاهم الجهاز من اللي انا اعرفهم مش بيشتكوا من السخونية واللي بيشتكي بتكون الحرارة عندهم بتاع 40 ل 42 درجة زي تليفون الاستاذ mob4me1lover

واظن انه رد عليك وقالك مفيش حاجة اسمها انه بيوصل 50 بدون استخدام واخره 42 استخدام مكثف

وانتا بتقول ان كل الزد 2 بيسخن انا بقولك ان الكلام ده مش صحيح وانا مسكت الجهاز بنفسي ومش بيسخن الا مع كثرة الاستخدام والحرارة بتكون زي اي جهاز

وانا بقولك استخدام مكثف بدون توقف مش بيعدي ال 42 درجة وانا بتكلم علي الزد 2 الطبيعي اللي مفهوش عيوب مليش دعوة بأجهزة صحابك دلوقتي وانتا اللي مش عاوز تصدق بردو نعملك ايه

mob4me1lover

تقدر يا باشا تقولنا درجة حرارة جهازك بدون استخدام في مكان غير مكيف بتكون كام ولو بتستخدمه استخدام خفيف او متوسط بيوصل لكام ؟؟؟

عشان بس استاذ سمسم بيقول ان الجهاز بدون استخدام بيوصل 50 درجة واقل حاجة شافها 40 درجة ممكن تقولنا يا باشا عندك بتكون في حدود كام ؟؟؟

semsemSiR

2014-09-03 (01:06:04PM)

لا حول ولا قوة الا بالله

انا الصراحة مش عارف اقولك اية , يعنى الصور قدامك وبردة مش مقتنع , عادى عادى , وانا ماقولتلكش الموبايلات كلها كدة , ونفسى تخرج الاس 4 من دماغك , اللى عاملك مشكلة دة , وكل شوية تدخلة فى مقارنة وتجيبة فى وسط الكلام , انا دلوقتى بتكلم عن الزد 2 تحديدا عشان صاحب السؤال شايف ان التليفون درجة حرارتة عالية ,. اية اللى دخل الاس 4 فى الموضوع دلوقتى

شوف ياباشا , التليفون دة اتعملة اخر تحديث مانفعش , نزل لية نسخة اندرويد تانية تماما مانفعش
بردة

وهقولها وبقولهالك تانى , دة مش التليفون الوحيد اللى معانا وبيسخن , تقريبا كل اصدقائى واصدقاءة اللى معاهم التليفون بيسخن معاهم وفية اللى بيسخن جدا وفية اللى درجة حرارتة متوسطة , لكن مافيش حد فيهم مش بيشتكى من السخونية كلة بيشتكى بس بدرجات متفاوتة

واقل واحد فيهم درجة حرارة تليفونة 40 درجة والله ولسة جايبة من التوكيل من شهرين بالظبط وادى ياعم الاسكرين شوت بتاعة

وللعلم بردة , راح للتوكيل قالة كل السونى بيسخن دة شىء طبيعى وقالة باللفظ كدة حاول ماتنزلش تطبيقات كتير , وماتفتحش اكتر من تطبيق فى وقت واحد , راح قايلة يعنى انا جايب تليفون ب 5000 جنية وشوية عشان اشتغل علية كدة , قالة هو كدة ياباشا واحنا مش هنقدر نعملك حاجة , وجهازك زى الفل ومافيش اى عيب فية

تانى يوم راح نزل باعة , لعدة اسباب مش بسبب السخونية بس , لا داعى لذكرها

youssefshabana

2014-09-03 (11:20:44AM)

بصراحة الارقام الغريبة دي مشوفتهاش ولا في الزد 2 ولا اي سمارت فون غير في الاس 4 وده لما كان علي الجيلي بين وبردو في واحد اشتكي قبل كدة ان الاس 4 بيوصل ل 47 درجة وهو علي الكيت كات ودي كانت مشكلة خاصة بجهازه زي بالظبط ما دي مشكلة خاصة بجهاز صاحبك الزد 2

ههههههههههههه المشكلة انك مش عاوز تقتنع بكدة خالص

دي مشكلة خاصة بالجهاز بتاعه وانتا مصمم ان كل الزد 2 كدة و كمان انتا مش بتأخد برأي الاغلبية اللي معاهم الجهاز ومركز مع الجهازين اللي مع اصحابك ومصمم تطلع كل الزد 2 كدة او السوني عاما نعملك ايه بقي !

انا بقولك ان الزد مش بيعدي ال 42 خالص بأي حال من الاحوال والاستاذ mob4me1lover قال نفس الكلام والاستاذ الليثي بردو قال انه مش بيسخن للدرجة دي وبردو من فترة في استاذة فاضلة اشتريت الجهاز وقالت مليون مرة ان بطارية الجهاز ممتازة ومش بيسخن اصلا مع الشغل التقيل وانتا قلت انك مصدقها بس بردو مغيرتش رأيك ومصمم انه بيسخن وبطاريته ضعيفة ومش بتكمل اليوم وفي عيوب بالعبيط !!!!!!

يا تري يا باشا فين الشكاوي الكتيرة بتاعت الزد 2 دي مشوفتش حد من اللي معاه الجهاز هنا قال حاجة عنه يعني ؟؟؟!!!

semsemSiR

2014-09-03 (10:51:06AM)

الاخ يوسف

مانا قولتلك ياباشا قبل كدة , انا مش بتكلم من فراغ , ومش بقول اى كلام

دية صورة ودرجة حرارة التليفون 45.5

ودة صورة ودرجة حرارة التليفون 49.1 , وعلى فكرة عدد ال50 درجة بس هو اكتفى بالصورة دية

وعلى فكرة هو الحمد لله باع التليفون وخلص منة ومن مشاكلة

mob4me1lover

2014-09-02 (03:49:04PM)

وما فيش حاجة خالص اسمها 50 بدون استخدام واعلى حرارة حصلت فعلا مع استخدام نت كتير كانت 42 الا لو اشتغلت بالموبايل اثناء الشحن.وطبيعي البطارية بتسخن مع الشحن.

mob4me1lover

2014-09-02 (03:46:20PM)

انا كلمت سوني وقالوا لي ان السخونة طبيعية جدا لان البروسيسور عالي وبينصحوا بغلق التطبيقات الكتير اللي مش بتستخدمها.

youssefshabana

2014-09-02 (01:18:41PM)

50 درجة بدون استخدام !!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

ده علي كدة بقي مع الاستخدام المكثف ممكن يوصل 65 او 70 درجة قبل درجة الغليان بشوية يعني

ههههههههههههههههههه انا حاسس يا باشا انك بتتكلم عن سخان او فرن مش تليفون ايه الكلام الغريب ده

الزد 2 بدون استخدام مش بيزيد عن 31 او 32 درجة ومع الاستخدام المكثف العاب ونت وكل حاجة بدون توقف مش بيزيد عن 42 درجة مهما عملت الا في حالة واحدة ان يبقي فيه مشكلة في الجهاز او فيه عيب صناعة

وبعدين ما في ناس كتير جداااااا بيشتكوا من سخونية السامسونج وال LG وكل الماركات ايه المشكلة يعني

موضوع ان درجة الحرارة 50 درجة وده في معظم اجهزة سوني ده كلام مش مظبوط خالص انا مسكت اجهزة سوني كتير جدا زي الزد 2 والزد 1 والاكسبيريا s وغيرهم كتير مشوفتش الارقام العجيبة اللي انتا بتقول عليها دي ولا في سوني ولا حتي في سامسونج ولا في اي ماركة تانية ايا كان ايه هي

semsemSiR

2014-09-02 (12:06:21PM)

elithy

باشا , انا بتكلم عموما الراجل سأل سؤال وانا جاوبتة

ماليش بقى دعوة بسونى او سامسونج او حتى g-tide

ماشى ياباشا , فياريت مدخلناش فى قصة تانية

semsemSiR

2014-09-02 (12:01:43PM)

mob4me 1 lover

انا معايا s4 9500

والجهاز اعلى حاجة فى درجة حرارة جابها فى غرفة بدون تكييف كانت 36 درجة ودية لما بكون بلعب لعبة hd قوية ومحتاجة جرافيك عالى

ومع النت , اقصى حاجة ممكن يوصلها الجهاز عندى 31 درجة

وانا لما قولتلك رأى , انا كنت بتكلم فى العموم , يعنى مش بتكلم على جهاز معين , ماليش دعوة بقى بسونى او سامسونج

لكن المفروض ان اى درجة حرارة جهاز ماتعديش ال 41-42 درجة بأى حال من الاحوال والا هيأثر بالسلب على الجهاز

وانا زى ماقولتلك قبل كدة , انا صديقى معاة سونى z2 وحرارة جهازة وصلت ل 49.5 درجة بدون استخدام , عشان كدة قولتلك , قول الحمد لله ان درجة حرارة جهازك اتظبطت شوية مع التحديث

لان صاحبى قبل مايعمل التحديث كان الجهاز 45 درجة , وبعد التحديث والفورمات بقى بيوصل ل 50 درجة

فدة شىء عادى ياباشا فى السونى او فى اغلبية اجهزة السونى

mob4me1lover

2014-09-02 (08:14:11AM)

طاب انت يااستاذ ليثي متابع درجة حرارة جهازك بالتطبيق ده ولا لأ...وايه اخبار الحرارة عندك؟؟...وهل قمت بالتحديث الجديد ولا لأ؟؟

ellithy

2014-09-02 (04:28:40AM)

سمسم مش من انصارالسوني بس استاذ يوسف وضح ليك انك لو بتستخدم نت كتير ممكن درجة الحراره ترتفع ده متوقف على استخدامك

mob4me1lover

2014-09-01 (08:59:27PM)

ويا اخواننا أرجوكم لو معندكمش برنامج قياس حرارة الجهاز أصلا ومش بتستعملوه قولولي لأن بصراحة اصلا الجهاز لو حرارته 37 (زي درجة حرارة الجسم) مش ممكن حد هيحس بالسخونية أصلا...يعني لازم الجهاز حرارته تعدي 37 عشان تبدأ تحس بالسخونة من فضلكم عايز كلام تجربة شخصية مش نظري

mob4me1lover

2014-09-01 (08:54:42PM)

يا استاذ سمسم...حضرتك معاك z2 ولا جهاز آخر...وايه أعلى حرارة وصل ليها جهاز حضرتك؟؟ وده قبل ولا بعد التحديث من ساعة ما حضرتك جبته؟؟

mob4me1lover

2014-09-01 (08:47:26PM)

انا الجهاز بتوصل حرارته 42...عايز اجابة بسرعة يا جدعان...كدة عالي ولا ممكن يوصل للحرارة دي مع النت الكتير؟

mob4me1lover

2014-09-01 (08:45:40PM)

يعني انت يا أستاذ يوسف لما كنت بتقول ان الجهاز بيسخن السخونة الطبيعية مع الاستخدام كان بيوصل مع حضرتك كام يعني؟؟ وده قبل التحديث ولا بعده؟؟ وايه نوع الشغل اللي بيرفع حرارة الجهاز واعلى حاجة وصل معاك كام؟؟
وليه محدش بيتكلم أصلا عن التحديث وحل مشكلة السخونة دي؟؟

mob4me1lover

2014-09-01 (08:43:54PM)

يعني انت يا أستاذ يوسف لما كنت بتقول ان الجهاز بيسخن السخونة الطبيعية مع الاستخدام كان بيوصل مع حضرتك كام يعني؟؟ وده قبل التحديث ولا بعده؟؟ وايه نوع الشغل اللي بيرفع حرارة الجهاز واعلى حاجة وصل معاك كام؟؟
وليه محدش بيتكلم أصلا عن التحديث وحل مشكلة السخونة دي؟؟

youssefshabana

2014-09-01 (04:52:38PM)

بص يا باشا هو لو استخدامك نت تقيل طبيعي انه يسخن ويزيد عن 35 درجة وطالما الحرارة بتنزل ومش بتوصل للاربعينات يبقي كدة طبيعي ومش مؤثر علي الجهاز

وعلي فكرة اي جهاز استخدامك له تقيل هيزيد عن 35 درجة بس طالما موصلش للاربعينات يبقي اطمن :)

بس المفروض لو انتا مش بتستخدم الجهاز الحرارة تكون اقل من كدة طبعاً

ومتقلقش والله من حكاية السخونية دي مشكلة مش هتفضل في الجهاز علطول لسه في تحديثات كتير هتنزل للتليفون وهتحل المشكلة بإذن الله

semsemSiR

2014-09-01 (02:31:39PM)

لا طبعا كدة عالى جدااااااااااا

والمفروض يكون السمارت فون الطبيعى بالشغل على النت مابين 30-34 درجة بالكتير

الموبايلات

عن حرارة الجهاز

التسجيل بالموقع

دخول الاعضاء

معلومات سريعة عن Sony Xperia Z2

Android

1080 x 1920 pixels, 5.2 inches (~424 ppi pixel density)

3G

20.7 MP,...