هذا الموضوع مرتبط بـ Xperia Z2

شاحن الموبايل

keroles

2014-09-01 (03:55:08AM)

يا جماعه زي ما ذكرت أن الموبايل بيقعد معايا 4 ساعات للشحن والناس قالت عادي، انا ممكن استخدم أي شاحن سريع ولا ده مش حلو للجهاز

semsemSiR

2014-09-03 (01:13:36PM)

طيب تمام ياباشا , انت قولت تجربتك مع البطارية تمام

وانا قولت تجربتى مع تليفونين s4 ومدعمهم بسكرين شوت عشان لو اى حد بيشكك فى الكلام او كل واحد يبقى فعلا مصدق اللى قدامة

عادى يعنى كل واحد بيقول تجربتة للتليفون اللى معاة

youssefshabana

2014-09-03 (11:50:04AM)

طيب انا بقي بكلمك بصفة اني معايا الاس 4 بقالي حوالي سنة وشهرين وبقولك ان بطارية الاس 4 متوسطة القوة مش ضعيفة اوي ولا جبارة علي الاقل مش زي بطارية الزد 2

طبعا هتقولي ان كان في مشاكل في البطارية بتاعتك عشان من النسخ القديمة هقولك اني جربت 3 بطاريات اصليين كلهم ومفيش فرق بينهم و بردو نزلتله سوفت وعاملتله فورمات بتاع 5 او 6 مرات وماسح كل حاجة علي الجهاز تقريباً والجهاز بيقعد عالشحن ساعتين وكل حاجة تمام وبردو البطارية اداءها متوسط

ولو استخدامي له تقيل نت ومكالمات وفيس بوك وكل حاجة لكن بدون جيمز خالص البطارية تقعد من 8 ل 10 ساعات بالكتير ده لو بستخدمه علطول

ولو استخدام متوسط اخرها يوم وكام ساعة ولو استخدام خفيف تقعد من يوم ونص ليومين

وانا علي فكرة مش مضايق من جهازي خالص لاني عارف ان بطارية الاس 4 بصفة عامة مش قوية لكنها معقولة

لكن طبعاً لا يوجد اي وجه للمقارنة بين بطارية الاس 4 والزد 2 ده حاجة وده حاجة تانية خالص

وده بردو مش بيقلل ابدا من الاس 4

semsemSiR

2014-09-03 (10:58:07AM)

عادى ياباشا اية المشكلة , كلنا عارفين ان كان فية مشاكل فى بطارية الاس 4 اول لما نزل

انا الحمد لله معايا اتنين اس 4

واحد فيهم بقالة 8 شهور , والتانى شهر ونص , والاتنين بطاريتهم ماشاء الله وحوش حتى الان كانهم لسة جداد

يعنى التليفون الجديد , 24 ساعة شغل نت whats app - وفيس بوك , ومكالمات والله بيقعد يوم ونص وبيكون فية كمان 20% لسة فاضلين

والتانى مكالمات والعاب ونت بردة وبيكمل ال 3 ايام مستريح

ellithy

2014-09-02 (08:14:10PM)

استاذ semsemSiR بصراحه وعن تجربه اسوء بطاريه انا شفتها فى حياتي بتاعت السامسونج
وبالاخص ال اس 4 لانه كان معايا والبطاريه نفخت ومش بتكمل ساعه وبعد كده مبقتش بتقوم الجهاز ممكن تكون دي مشكله فرديه بس لما كان التلفون جديد كنت بستخدم اغاني باستمرار وفيس وواتساب وساعات الكاميرا وكنت بحتاج اشحنه مرتين فى اليوم

semsemSiR

2014-09-02 (04:01:00PM)

ماشى ياباشا , اصل انت بتقول اية المشكلة لما جهاز يقعد 3 ايام ويتشحن 3 ساعات ونص

فانا بقولك لو واحد استخدمة قوى , هيبقى بالنسبالة مشكلة انة يسيب الجهاز على الشاحن كل يوم 3 ساعات ونص , بدون استخدام , خصوصا ان فية ناس اعتمادها كليا على التليفون

ياريت تكون فهمت وجهة نظرى

ومافيش ابدا موضوع ال 4 ساعات فى السامسونج

دة فين الكلام دة ياباشا

انا اللى اعرفة ان اكتر بطارية فى سامسونج فى اجهزة الاندرويد بتاخد وقت ساعتين و 50 دقيقة بالظبط , ماشوفتش اكتر من كدة

الا بقى لو بتتكلم عن Tap دة موضوع تانى

لكن احنا كلامنا على سمارت فون

youssefshabana

2014-09-02 (03:08:50PM)

اوكي رأيك يحترم يا باشا

بس احب وضح حاجة هو فعلا بيقعد 3 ايام استخدام متوسط لكن بدون العاب يعني مكالمات ونت واتس اب وفيس بوك يستحمل 3 ايام علي حسب استخدام كل واحد للتليفون

واي جهاز في الدنيا يا استاذ سمسم لو استخدامك له تقيل اوي مش هيكمل اليوم ابدا حتي الزد 2 بس الجهاز ده بيوصل من 15 الي 17 ساعة استخدام تقيل علي عكس اجهزة تانية كتير مش بتكمل ال 6 ساعات واقصي حاجة 10 ساعات ده اللي انا شوفته تقريباً في معظم الاجهزة اللي انا مسكتها

هو ايه اللي رد المستخدمين كله كدة !!!!!!

شوف يا باشا كل الناس اللي معاهم الجهاز هنا بيشكروا في البطارية وبيقولوا انه بيطول علي الشحن صحيح وانا وانتا عارفين ده كويس بس بيقعد بعدها فترة طويلة من غير ما يتشحن مشوفتش حد قال غير كدة الصراحة

عموما ده مش عيب خاص بالزد 2 في اجهزة كتير بتشحن في مدة اكتر من 4 ساعات من سامسونج وسوني وhtc واجهزة تانية كتير وانا بصراحة بالنسبالي مش مشكلة في الزد 2 بالذات ﻷن البطارية بتاعت الجهاز محترمة جدا وبستحمل

لكن لو الجهاز بطاريته بتخلص بسرعة طبعاً ده هيكون عيب كبير لكن الحقيقة ان بطارية الجهاز ده مش كده خالص

ده علي حسب تجربتي له

semsemSiR

2014-09-02 (02:30:01PM)

ماشى ياباشا بس دة فى حالة انة بيقعد 3 ايام , لكن الواقع غيركدة ياباشا التليفون دة اخرة استخدام فوق المتوسط يوم وبالكتير يوم وكام ساعة

واستخدام قوى جداا مش هيكمل اليوم بأى حال من الاحوال

واعتقد دة رد المستخدمين

يبقى فين بقى 3 ايام , ال 3 ايام دول ياباشا لو استخدام خفيف جدااا للتليفون مش شغل قوى

youssefshabana

2014-09-01 (03:44:44PM)

معلش كتير بالنسبالك انتا لكن بالنسبالي عادي طالما البطارية قوية ولو ركزت هتلاقيها احسن

يعني انا عندي اشحن التليفون مرة 3 ساعات ونص كل 3 ايام احسن من جهاز تاني بيتشحن كل يوم ساعتين :)

semsemSiR

2014-09-01 (03:23:07PM)

على فكرة النوت 3 نفس الامبير 3200 وبيشحن فى ساعتين و 15 دقيقة تقرييا

هية مالهاش علاقة بالامبير

هية ليها علاقة بدائرة الشحن

ellithy

2014-09-01 (03:20:05PM)

لا مش مشكله ده امر طبيعى لما يكون بطاريه الامبير بتعها عالى

semsemSiR

2014-09-01 (03:05:54PM)

لا طبعا مشكلة جامدة جدا انى اقعد مستنى تليفون 3 ساعات ونص عشان يشحن

وفية ناس استخدامها فوق المتوسط مش هقولك قوى , والتليفون بيقعد معاها يوم شغل

يبقى ساعاتها 3:30 ساعات كتير جداااا

youssefshabana

2014-09-01 (01:08:24PM)

هو المفروض الزد 2 بيقعد عالشحن 212 دقيقة بالظبط يعني حوالي 3 ساعات ونص ده الطبيعي بتاعه بس دي مش شايفها مشكلة طالما بيقعد ايام بعدها من غير شحن ولا ايه رأيكم ؟؟؟

semsemSiR

2014-09-01 (11:57:20AM)

دة مش عيب شاحن , هو التليفون تصميم دائرة الشحن بتاعتة كدة

لو تم استخدام اى شاحن اخر غير الاصلى , هيعود على البطارية بالسلب

ellithy

2014-09-01 (04:34:58AM)

لو يصلح ليه شاحن اسرع من كده كانو عملو شاحن سريع

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia Z2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
20.7 MP,...

مزيد من المعلومات

الموبايلات

شاحن الموبايل

التسجيل بالموقع

دخول الاعضاء

معلومات سريعة عن Sony Xperia Z2

Android

1080 x 1920 pixels, 5.2 inches (~424 ppi pixel density)

3G

20.7 MP,...