هذا الموضوع مرتبط بـ Xperia Z2

أرجوكم رد سريع

mob4me1lover

2014-08-30 (11:44:14PM)

انا جبت z2 انهاردة وكان ساخن جدا جدا وقفلت الكاميرا بسبب السخونة فلاحظت وجود تحديث عملته والسخونة فعلا قلت جدا جدا... لكني لسه قلقان خالص...السؤال... ليه محدش بيتكلم عن التحديث كتير كحل لمشكلة السخونة وهل المشكلة دي حصلت معايا انا بس ولا في ناس تاني لاحظوا السخونة دي... احد الاعضاء ذكر ان سوني اعترفت بالعيب وقالت هتصلحه بالتحديث ممكن حد يقول لي فين ذكرت سوني الكلام ده... ارجوكم رد سريع لاني قلقان جدا رغم ان السخونة بعد التحديث قلت جدا لكن لو الموضوع مشكلة انا ممكن ارجع الجهاز خلال 3 ايام فارجو الرد بسرعة.

mob4me1lover

2014-08-31 (06:34:46PM)

شكرا للناس الحلوة المتفاعلة دي...الجهاز يا جماعة بعد ما نزلت التحديث وفضيت البطارية وشحنتها تاني بقى مش سخن اطلاقا حرارة بسيطة جدا جدا زي اي سمارت فون فعلا...شكرا على تعاونكم وتشجيعكم... انتوا جميعا ناس محترمة جدا

youssefshabana

2014-08-31 (01:04:47PM)

فعلا بعض الناس بتشتكي من حكاية السخونية دي بس دي هينزلها تحديث هيحل المشكلة دي واعتقد انه نزل بالفعل

وطالما التحديث حل المشكلة عندك خلاص مفيش داعي ترجع الجهاز ومبروك عليك :)

وصدقوني موضوع السخونية ده مش مشكلة خالص الجهاز لسه يعتبر جديد وطبيعي في الاول يكون في مشاكل زي اي جهاز

انا متفق جدا مع استاذ abdo20112 انا علي فكرة معايا الاس 4 بقاله اكتر من سنة وشهرين واول ما جبته كانت السخونية فيه لا تطاق وكان بيوصل عند بعض الناس ل 50 درجة واكتر وكان في مشاكل في البطارية وكانت بتتنفخ وغيرها كتير من المشاكل لكن بعد كام شهر سامسونج نزلت تحديث حل مشكلة السخونية بنسبة كبيرة

والبطارية بقت احسن

ونفس النظام هيحصل للزد 2 ان شاء الله

وانا عن نفسي الزد 2 معايا يوميا وما شاء الله عليه زي الفل وبيسخن زي اي سمارت فون ده سخونية طبيعية

والبطارية بجد مشوفتش زيها وبتقعد 3 او 4 ايام بدون شحن

والكاميرا رهيبة وانا عملت مقارنة بينها وبين كاميرا الاس 4 ورفعت الصور هنا في الموقع واعتقد انكم شوفتوها وتقدروا تحكموا مين الافضل

وصوته قوي ونقي جدااااااااا

هو مفيش غير عيبين اتنين في الجهاز ده مفيش غيرهم ومش كل الناس عندها العيبين دول كمان وهما السخونية وده ترتب عليه قفل الكاميرا مرة واحدة ودي حاجة بسيطة وهتتحل بتحديث

ellithy

2014-08-31 (12:57:41PM)

انا برضه بقول كده ومن اسلوبه الاضاره وقفت عضويته رجعلنا تاني باسم تاني

abdo20112

2014-08-31 (12:37:41PM)

مش استاذ الاهلي ده الي كان اسمه cccccccccccccc و اتعمله حظر من الموقع
انا بس هرد علي واحد من الفتي الكتير الي انت قلته
البطاريه الغير قابله للنزع مش عيب عندك iphone و htc و البطااريه لقدر الله لو حصلها حاجه بتوديها التوكيل بيغيروها عادي و نصيحه مني للاستاذ الي كاتب المشكله متسمعش اي فتي وخلاص و بالذات ccccccccccc ده هو معروف من زمان :D كل التليقونات بتسخن و عندك اس 4 اول ما نزل كان بيسخن و البطاريه بتاعته كانت بتتنفخ و معروف اي جهاز لما يسخن يسحب من البطاريه زياده مش اعجاز يعني

Alansary

2014-08-31 (12:06:56PM)

انا عن نفسي معايا التليفون والسخونه قلت جدا وبالنسبه للبطاريه انا من غير من سامسونج نوت 2 وكان زباله ف عمر البطاريه وكل تليفونات سامونج عشان كدا غيرت لسوني والاستاذ الي بيقول ان عمر البطاريه وحش وسوني وحشه احب اقله عن تجربه سامسونج هى شركه دعايه فقط وبتعرف تسوق لمنتجاتها كويس

semsemSiR

2014-08-31 (11:05:10AM)

شوف ياباشا انا هقولك حاجة قول الحمد لله ان تليفونك حرارتة قلت مع التحديث

عشان انا واحد صاحبى كان درجة حرارة التليفون بتوصل معاة ل 45 من النت بس بدون تصوير او اى حاجة

عمل التحديث درجة حرارة الموبايل وصلت ل 50 درجة , ومش لاقى اى عيب يخلى التليفون يعمل كدة و لدرجة ان شال كل البرامج وبردة نفس العيب

والبطارية بتخلص معاة بسرعة جداااااااااااا بسبب موضوع السخونية المرتفعة دة

فانت طالما التليفون هدى معاك فى السخونية عن الاول , يبقى كويس , واستنى شوية لحد ماينزل تحديث الاندرويد 5 يمكن يظبط الموضوع دة بشكل كلى مش جزئى

لان فعلا فية ناس بتشتكى من حرارة عالية جداااااااااا , وناس بتشتكى من حرارة متوسطة

mostaaaa1

2014-08-31 (04:24:12AM)

بص لو بيسخن لما بتشغل الكاميرا وتصور فديوهات فده طبيبعى لانه بيصور بتقنيه 4k ولازم البطارية تسخن مع التقنية العالية دى لكن لو فى الطبيبعى يبقى فى مشكله

alahly

2014-08-31 (04:00:35AM)

ﻻيا فندم
والله العظيم منتاجات سونى كلها بعد انفصال سونى عن سونى اريكسون اصبحت سيئه جدا
وخصوصا موضوع البطارية المدمجة
لوالجهاز علق معاك مثﻻ ازاى حتفك البطارية
وكمان السخونة مبالغ فيها جدا
والتصوير سيئ
انا ﻻ انصحك بمنتج معين او موبايل محدد ﻻ والله
لكن نصيحة منى عن تجارب مع سونى(بﻻش )

alahly

2014-08-31 (04:00:33AM)

ellithy

2014-08-31 (03:28:53AM)

سيبك من الكلام اللى هوا بيقوله موضوع السخونه دي اتعالج بالتحديث اما الاستاذ التاني هوا بيكره السوني لانها بدات تسحب السوق من السامسونج بس انا بلغت الاداره عن اسلوبه ده

mob4me1lover

2014-08-31 (01:56:22AM)

يعني يا استاذ elahly حضرتك لا تنصح بمنتجات سوني أصلا ولا باني اغير الجهاز اللي معايا تحديدا

alahly

2014-08-31 (12:13:23AM)

حضرتك سمعت عن موضوع السخونة دة و برضك جبتة
جبتة عن اقتناع وﻻ صدفة
نصيحة خﻻل فترة السماح رجع العدة بسرعة
السخونة قمر طبيعى فى كل موبايﻻت سونى
ومش موضوع بروسيسور عالى والسلام
وبكرة تأثر على التصوير بخﻻف الصوت الواطى والشحن المتكرر لقصر عمر البطارية
دى نصيحتى ليك لوجه الله تعالى

ellithy

2014-08-31 (12:07:19AM)

متقلقش وخالى بالك السخونه دي مصدرها البروسيسور علشان هوا عالى

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia Z2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
20.7 MP,...

مزيد من المعلومات

الموبايلات

أرجوكم رد سريع

التسجيل بالموقع

دخول الاعضاء

معلومات سريعة عن Sony Xperia Z2

Android

1080 x 1920 pixels, 5.2 inches (~424 ppi pixel density)

3G

20.7 MP,...