مقارنة

beeroo

2014-08-18 (10:41:20PM)

عايزة اعرف الاحسن سونى z2 ولا سامسونج s5 من حيث كل حاجة

وكمان عايزة اعرف تمن الموبايلين فى السوق كام ؟

youssefshabana

2014-08-21 (05:19:16PM)

ﻷ بتتشال طبعا مفيش بطارية مش بتتشال بس لازم توديه التوكيل عشان هما اللي بيعرفوا يفكوا الجهاز ويغيروا البطارية ويركبوه تاني من غير ما تحصل مشاكل

اما القابلة للازالة فهي عادي اي حد يقدر يغيرها بمجرد ان انتي تفتحي الظهر خلاص الموضوع انتهي تشيلي البطارية وتركبيها عادي خالص

وعموماً سواء قابلة للازالة او غير قابلة للازالة لو انتي بتحافظي علي الجهاز ومش بتسبيه علي الشحن مدة طويلة البطارية عمرها ما يحصلها حاجة وتعيش معاكي لغاية ما تفكري تغيري الجهاز نفسه

فمتقلقيش من الموضوع ده خالص :)

beeroo

2014-08-21 (03:11:13AM)

يعنى ايه بطارية قابلة للإزالة يعنى سونى بطاريته مش بتتشال ؟

youssefshabana

2014-08-19 (12:13:07PM)

شوفي حضرتك المقارنة دي اتقالت كتير اوي وكان في اختلاف عليها جامد

لكن هقولك نقاط التفوق في كل تليفون عشان اقدر ابسطلك اﻷمور قدر المستطاع

نبتدي بالزد 2

الزد 2 بيتفوق في الاتي

1- حجم الشاشة

2- واقعية الوان الشاشة

3- البطارية افضل بفرق مش قليل

4- الصوت انقي واوضح من الاس 5 لكن الاتنين ممتازين جداً في الصوت

5- اسرع واخف من الاس 5 وده بسبب انه مفهوش حركات كتير وحساسات زي الاس 5 اللي بتخلي الجهاز يتقل ويهنج مع الاستخدام التقيل وبردو الزد 2 نقدر نقول عليه اندرويد خام ودي ميزة فيه مش عيب علي فكرة

6- خاماته افضل بكتير من الاس 5 وده معناه انه بيستحمل البهدلة اكتر وبردو يستحمل المياة اكتر من الاس 5

7- شكله اشيك وافخم بكتير بس دي اذواق طبعاً

8- يدعم راديو اما الاس 5 ﻷ

9- الكاميرا عشان اكون صريح فيها الزد 2 بيتفوق في بعض الاوضاع والاس 5 بردو بيتفوق في اوضاع اخري لكن الاتنين ممتازين جدااااا وفيهم اقوي كاميرا سمارت فون

10- الرامات اكبر 3 جيجا مقابل 2 جيجا

نيجي بقي لنقاط التفوق للإس 5

1- بطارية قابلة للإزالة

2- شاشة SUPER AMOLED ودي بالنسبة لناس كتير افضل والوانها افضل

3- في حساسات وحركات اكتر من الزد 2 وفيه خاصية البصمة

4- الكاميرا بردو زي ما قلت ده بيتفوق في اوضاع معينة والتاني بيتفوق في اوضاع تانية والاتنين ممتازين جدااااااااااااااا

6- توافر اﻹكسسوارت بكثرة

7- سهولة البيع والشراء

8- الواجهة بالنسبة لناس كتير افضل وفيها حركات مش موجودة ف دي تليفونات تانية لكن اتقل والتهنيج فيها اكتر من الزد 2 ومن تليفونات تانية منافسة للإس 5

9- البروسيسور افضل 2.5 GHZ مقابل 2.3 GHZ لكن علي ارض الواقع الزد 2 اسرع واخف للاسباب اللي انا قلتها

دي نقاط التفوق في كبل جهاز من وجهة نظري ورأيي ان الجهازين ممتازين جدا بس الافضل ( بالنسبالي انا ) الزد 2 للأسباب اللي انا قلتها

فشوفي حضرتك ايه اﻷنسب بالنسبالك واشتريه وان شاء الله مش هتندمي في الحالتين :)

بالنسبة للاسعار بقي تقدري تخشي علي صفحة شراء جديد في صفحة الزد 2 والاس 5 وهتعرفي الاسعار بالتفصيل بالضمان وبدون ضمان

ومبروك مقدما :)

abdo20112

2014-08-19 (03:45:11AM)

في المحلات الكبيره سعرهم يعتبر حاولي 5200 في المحلات العاديه s5 ارخص من z2

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia Z2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
20.7 MP,...

مزيد من المعلومات

الموبايلات

مقارنة

التسجيل بالموقع

دخول الاعضاء

معلومات سريعة عن Sony Xperia Z2

Android

1080 x 1920 pixels, 5.2 inches (~424 ppi pixel density)

3G

20.7 MP,...