هذا الموضوع مرتبط بـ Xperia Z2

للرجوع الي صفحة الرئيسية اضغط هنا

علبة z2

AccNoDy

2014-08-12 (03:58:22AM)

يا جماعه انا جبت الموبيال و مكتوب ع العلبه lte enabled يعني ايه

ahmed5553

2014-08-16 (01:41:21AM)

هو حضرتك جبتيه منين في بنها

ellithy

2014-08-16 (01:01:27AM)

كان فى اكتر من واحد معاه التلفون وقلك انه كويس ولا انسه نودي قربتك علشان تصدقها على طول

semsemSiR

2014-08-15 (05:26:55PM)

هقولك حاجة , والله العظيم عندى تقرير صاحبى بعد تجربة الزد 2 لمدة شهر

وعندى اسكرين شوت تانية , لنفس الجهاز بدرجة حرارة عالية جداا

ومش عايز انزلة عشان محدش يقول انى بكرهة الناس فى التليفون

semsemSiR

2014-08-15 (02:28:36PM)

ياعم ellithy هههههههه

نفسى مرة تقرى مشاركة ليا لاخر المشاركة وتركز فيها

عشان انا ماقولتش ان ال Z2 وحش , بالعكس تليفون كويس , ومافيش تليفون فى الدنيا خالى من العيوب

وانا قولت تجارب اتنين اصحابى عن موضوع ( السخونية ) ولما الاستاذة Accnody قالت ان التليفون ماسخنش معاها , فانا قولتلها طيب تماما هخليهم بقى يروحوا التوكيل طالما انتى بتقولى ان التليفون مابيسخنش ( يعنى مصدق اهوة ) مش ماسك فى رأى وخلاص ( فين بقى مش مصدق )

وانا بقولك اهوة , والله لو اقتنعت فعلا ان ال Z2 بقى فعلا افضل من سامسونج , هتلاقينى تانى يوم نازل جايب ال Z2 وبقولك انا جيبت التليفون اهوة

لانى انا مستخدم ماليش مصلحة غير حاجة واحدة الفلوس اللى بدفعها الاقى قدامها المقابل فلازم اكون جايب افضل حاجة فى السوق مقابل السعر اللى هدفعة

نفسى تفهم المقولة دية ( ولا ليا مصلحة انى اشتم فى سونى او اى شركة ) لان ببساطة

كلنا مستخدمين

ellithy

2014-08-15 (07:36:16AM)

لا تمام اوي بالنسبه للصوت واضح جدا ونقي
ربنا يبركلك فيه
بالنسبه للاسم اسف واللهى انا بشوف السوال على طول ومش بركز على اللى بيتكلم ده ولد ولا بنت اسف بجد عمالين نحلف من الصبح والحج سمسم مش عاوز يصدق ان التلفون كويس وعامل صحابه مقياس فى حاجه اسمها ضمان ضدعيوب الصناعه يا سمسم

muhammed100

2014-08-14 (09:35:44PM)

حضرتك السماعة التانية دي بتبقي اضافية وهي من اهم مميزاتها انها بتعزلك تماما عن العالم الخارجي يعني عن كل حاجة بتعمل ضوضاء جنبك بس انا سمعت ان فيه علب بتيجي فيها السماعة من غير ما تشتريها انتي ...

AccNoDy

2014-08-14 (01:57:37AM)

Youssefshabana اتفق معاك في كل كلمه بس ال 4k لسه مش مجربتوش

AccNoDy

2014-08-14 (01:56:19AM)

Modyz82 لا انا سمعاتي عاديه بس ايه الفرق بقى؟؟

AccNoDy

2014-08-14 (01:55:24AM)

Semsem انا مجربتش ال 4k بس التصوير العادي واضح جداااااا انا صورت صوره ف اوضه ضلمه كحل و كأنها منوره ميت لمبه :D النت اكتر من 12 ساعه نت 18 ساعه بالظبط و وصل ل 9% و كنت هرياه نت ازاي مش قويه ومش بيسخن خالص والله.. الله يبارك فيك يا رب

youssefshabana

2014-08-13 (04:45:55PM)

AccNody

الجهاز ده فعلا ممتاز جدا وهو بردو مع اخويا وعمره ما اشتكي من سخونية او بطارية او قفل الكاميرا او اي حاجة وعيوبه قليلة جداااااا ده اذا كان فيه عيوب اصلا

البطارية بتاعته من اقوي البطاريات اللي انا شوفتها ممكن تقعد بال 3 او 4 ايام استخدام متوسط

والكاميرا بردو افضل كاميرا جربتها في حياتي بأمانة يعني :D وحضرتك شوفتي بنفسك المقارنة بين كاميرا الزد 2 والاس 4 وشوفتي بنفسك مدي جمال كاميرا الزد 2 من حيث الاضاءة والواقعية والتفاصيل :) والكاميرا مش بتقفل مرة واحدة حتي مع تصوير ال 4K

والصوت قوي واهم حاجة انه واضح ونقي في اجهزة صوتها بيبقي عالي جدااا بس مش بيبقي واضح فالنقاء والوضوح اهم من قوة الصوت وانا شايف الصراحة ان صوته ممتاز جداااااااا من حيث الارتفاع والنقاء والوضوح

والشاشة بتاعته ممتازة جداااااااااااااا والوانها واقعية ومريحة للعين

وبالنسبة للسخونية الجهاز مش بيسخن وكمان حضرتك بتقولي انه مش بيسخن معاكي

عشان بس في ناس مكنتش مصدقة الكلام ده والحمد لله مش انا لوحدي اللي بقول انه مش بيسخن :D

وبصراحة محدش من اللي معاهم الجهاز معانا في الموقع بيشتكي من السخونية الحمد لله

modyz82

2014-08-13 (04:43:54PM)

الف مبروك عليكي التليفون ...
بس عاوزين نعرف اخبار السماعة ايه هل هي سماعة عادية ولا noise cansle

semsemSiR

2014-08-13 (03:30:59PM)

تمام .. شكرا ليكى جدااا

انا بس كنت عايز الاعضاء يعرفوا تقييم الجهاز مش اكتر , انا مجربة وعارف , وتقريبا انا متفق معاكى فى حاجات كتير , لكن المشاكل اللى واجهت اصدقائى

1- السخونية وانا رفعت بيها سكرين شوت , بس طالما حضرتك قولتى مافيش سخونية , يبقى هخلية ينزل سوفت جديد فى التوكيل عشان يحل المشكلة دية

2- مشكلة الكاميرا مع تصوير ال 4k فقط مش فى الوضع العادى بتكون واضحة اوى

3- الصوت فعلا متوسط مش عالى ومش واطى

4- البطارية كانت بتقعد معاهم يوم بالعافية استخدام نت متوسط

بس هي دية ملاحظاتى عن الهاتف , لكن كمجمل الهاتف سريع وخاماتة كويسة جدااا , وبيشغل اى حاجة

مبروك عليكى , وربنا يباركلك فية

AccNoDy

2014-08-13 (02:55:57PM)

العيب اللي مضايقني ان ال gallery مش متقسم folders زي سامسونج :-D

AccNoDy

2014-08-13 (02:52:42PM)

ما اللي انت عايزه جاوبته اصلا :D مش بيسخن خااالص البطاريه بقولك اكتر من 12 ساعه والله ما سبته من ايدي و بحمل برامج و نت مفتوح اللي اكتر حاجه بتسحب منها الكاميرا الحمد لله مقفلتش خااااالص و كاميرته تحفه و صوته عالي بس مش اووي يعني بس يتقال عليه عالي.. بس مش هاقدر افيد ف الميه لاني مش هجازف بصراحه :D.. في ايه تاني حابب تعرفه... و دي تاني مره لسوني كان معايا arc s و ده اهو :)

semsemSiR

2014-08-13 (02:30:57PM)

ههههههههههه

لا ماينفعش التقرير دة

احنا عايزين تقرير شامل على كل حاجة , عشان الناس تستفيد لان شكاوى اصحابى من التليفون دة كان فى نقطتين هية السخونة وان الكاميرا بتقفل لوحدها والبطارية مش قوية, ومستوى الصوت مش عالى اوى

لكن غير كدة انا عارف انة جهاز محترم ماشاء الله , وجهاز ممتاز مافيش فية كلام

فعايزين تقرير شامل عن التليفون واى مميزاتة اللى فعلا اول مرة تشوفيها لانك تقريبا مستخدمة جديدة فى سونى , واية العيوب اللى ظهرت او اللى مش عجباكى فى الجهاز

لان انا كونت انطباع عن الجهاز من تجربة جهازين واحد دولى والتانى ضمان محلى

وان شاء الله يكون الجهاز زى الفل ومافيش اى مشكلة تقابلك فية ان شاء الله

hashim597

2014-08-13 (12:28:56PM)

الجهاز ده قوى فعلا زى ما استاذ يوسف قال وبعدين المستخدمين بيشكروا فيه اوى

AccNoDy

2014-08-13 (11:48:25AM)

ولا يهمك اكيد مش بيبان اني بنت عشان انا بكتب عايزه استفسر عن ايه والاسم مش بيبان الله يبارك فيك هو اللي اقدر اقوله دلوقتي ان البطاريه قويه و بتقعد وقت طويل جدا انا فتحته امبارح من 9.30 الصبح ل 3 بالليل بنزل برامج و هرياه نت و مكنش لسه فصل ومش بيسخن خالص ولا الكاميرا بتقفل و اي حاجه عايز حضرتك تسأل عليها تحت امرك :)

semsemSiR

2014-08-13 (11:37:26AM)

Accnody

معلش انا اسف والله مخدتش بالى ان حضرتك بنت

عموما ربنا يباركلك فية , وان شاء الله تستمتعى بالتليفون

ومستنين منك تقرير محترم بس فى تجربة كل حاجة

AccNoDy

2014-08-13 (11:35:16AM)

الله يبارك فيك بس و ربنا انا بنت حتى مكتوب نودي اهو ليه مش مثدقني يا جماعه :-D

ellithy

2014-08-13 (10:20:24AM)

الف مبروك يا باشا وربنا يبركلك فيه وياريت الناس اللىعماله تحبط الراجل بلاش الراجل بيقول التلفون زي الفل ربنا يكفيك شره ويعطيك خيره

AccNoDy

2014-08-13 (02:36:31AM)

مش يوز ده جديد بعلبته.. الله يبارك فيك يا استاذ يوسف ربنا يخليك

youssefshabana

2014-08-12 (11:29:29PM)

الف مبروك يا استاذة AccNoDy وربنا يحفظهولك يا رب :)

mob0me

2014-08-12 (06:03:27PM)

مبروك مقدما بس انتى جايبه يوزت وبسعر دا غالى جدا دنها بايع موبيلى زد2 وف ضمان 11 شهر ونص ب 4200 بلعفيه

AccNoDy

2014-08-12 (05:59:03PM)

اهاا فهمت الله يبارك فيك يا رب :)

hashim597

2014-08-12 (02:20:35PM)

مبروك يا افندم معناها زى ما قال الاستاذ سمسم دعم شبكات الجيل الرابع اللى هى لسه منزلتش مصر و شركات المحمول قالت ان 4g هينزل بداية 2015 يا مسهل الحال لان 4g ضعف سرعة 3g ياعنى النت هيبقى سريع اوى

AccNoDy

2014-08-12 (02:19:50PM)

الله يبارك فيك.. انا بنت علي فكره :-D.،، هههههههههه يعني ايه برده 4g جبته ب 4700 ضمان 3شهور من بنها مش من توكيل يعني محل عادي والحراره مش بيسخن خااالص بس انا معملتش حاجه غير اني نزلت برامج بس و قعدت ع الفيس بس في دول مسخنش خالص

aldaba7

2014-08-12 (02:05:48PM)

جبتة بكام ومنين و اخبار الحرارة اية

semsemSiR

2014-08-12 (11:31:44AM)

ربنا يباركلك فية ياباشا ويحفظهولك

دية معناة دعمة لشبكات ال 4g

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia Z2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
20.7 MP,...

مزيد من المعلومات

الموبايلات

علبة z2

التسجيل بالموقع

دخول الاعضاء

معلومات سريعة عن Sony Xperia Z2

Android

1080 x 1920 pixels, 5.2 inches (~424 ppi pixel density)

3G

20.7 MP,...