هذا الموضوع مرتبط بـ Xperia Z2

عاوزه اشتري و محتاره

ضحى من مصر

2014-08-04 (01:32:45PM)

السلام عليكم
انا حاليا معايا نوت 2 سامسونج
و عاوزه احدث و محتاره بين z2 و htc احدث شيء مش فاكره اسمه ايه
و انا استخدم الموبايل في جيمز كتير عن طريق الانترنت و الفيس بوك و السكايب داءما لاني بره مصر
و تصفح المواقع . وسماع الاغاني تكون سماعاته قويه و صوتها قوي و صوت رنته عالي و نقي و مشاهدة الافلام
مين الموبايل الافضل في دول يتحمل معايا اشغال شاقه و ما يعلقش و ياخد الاوردر على طول و يتحمل ساعات سكايب و افلام و العاب
انا مش عارفه مين الأفضل و يتحمل اكتر ارجوكو دلوني و قولولي اسم ال htc الاحدث حاليا لعام 2014 . عشان لما ادور عليه في محرك بحث اليوتيوب . و اخيرا مين الاسهل في الاستخدام بمأني معايا سامسونج نوت 2. وجزاكم الله خيراااا

hashim597

2014-08-11 (01:15:52PM)

ما انا قولت من الاول مش شرط الموبايل يكون الكاميرا بتاعتها البيكسل عالى ياعنى بالنسبة للاس 5 الكاميرا 16 ميجا بيكسل وقوية وكذلك ال جى جى 3 مع ان الكاميرا 13 ميجا

semsemSiR

2014-08-10 (11:51:43PM)

معاك ياباشا فى كل كلمة قولتها

وعموما ياباشا فية حوادث كتير للهواتف وهية محترقة ( سامسونج - htc - sony - iphone - nexus - lg ) بس اية ظروف الحريق واية السبب الله اعلم

طيب اديك اهوة جيبت اللينك وشوفت النتائج بنفسك الاس 5 متفوق بجدارة

عموما ياباشا الاجهزة بقت كلها زى بعض وكلة محصل بعضة

hashim597

2014-08-10 (11:05:04PM)

الصراحة المنافس الشرس لs5 فى الكاميرا هو lg g3 وشوف بنفسك

hashim597

2014-08-10 (10:31:20PM)

ياريت تخش على الرابط ده موقع فون ارينا مقارنة شاملة وفى الاخر بيعمل تقيم من 10 هتلاقى التقيمات على التفاصيل والالوان وتصوير الفيديو وهكذا وهتعرف الفرق

hashim597

2014-08-10 (10:26:57PM)

وده لينك فيه صور موبايلات s4 منها اللى اتحرق ومنها ال

انفجر ومش كدب والله صور حقيقة

hashim597

2014-08-10 (10:24:31PM)

وبعدين يا استاذ سمسم هى قالت معاها نوت2 وعايزة تغير اما تقولها انت هاتى نوت 3 فى حاجات اقوى من النوت3 ياعنى z2 اقوى و one m8 بس راماته 2 مش مشكلة وانا مش مختلف معاك بس الفرق ما بين كاميرا s5 , z2 بسيط مش كبير جدا معروف ان عدسات السامسونج ممتاز انا كان معاى s4 وبعته والكاميرا ممتازة انا قولت فى كومنت فوق ان سامسونج رقم واحد فى العالم يبقى لازم تنزل حاجات ممتازة عشان محدش يتكلم عليها مش تنزل موبايلات مبيعاتها ضعيفة ومش بتلبى متطلبات المستخدم ياعنى ياريت يحسنوا الجودة وفعلا سامسونج بدات تنزل جلاكسى الفا موبيل من المعدن زى one m8 والمشكلة التانية السوفت التقيل والرام اللى بتتملى بسرعة عايزنهم يظبطوا الحتة ديه وانا دخلت على صفحة سامسونج الرئيسة على الفيس وكتبت شكوة وقولت فيها نفس الكلام وهما فعلا كانوا قالوا انهم هينزلوا موبايلات بجودة عالية انا فعلا كنت بعشق حاجة اسمها سامسونج بس بدات اتخنق من نسخ الموبايلات وانها بتنزل موبايلات كتير فى السنة الواحدة ابقى لسه جايب الموبايل مفيش يومين وينزل واحد تانى بس فغلا فى ماركات محترمة بتنافس سامسونج بجدارة

hashim597

2014-08-10 (10:09:01PM)

مفيش موبايل كامل وكل المقارنات قالت كدا ومقارنة ما بين z2 و s5 بتوضح الفروقات

semsemSiR

2014-08-10 (08:30:15PM)

باشا , انا عمرى ماكدبت حد , وماقولتش كدة , احنا اى عضو هنا بيتكلم كلنا بنفرض حسن النية وصدق مايقول لان ولا انا ولا انت لينا مصلحة فى اننا نضيع وقتنا ومجهودنا عشان نحل مشاكل اعضاء او نفيد اعضاء

وكل اللى فى الموضوع ان دية بتكون اختلاف وجهات نظر مش اكتر , وكل واحد بيحاول يشرح وجهة نظرة ليس اكتر

- بالنسب للموضوع بتاع انفجار S4 اللى ادى لاحتراق منزل كامل ,هل انت تصدق دة , ان تليفون ينفجر ويفجر بيت بحالة , لية ياباشا قنبلة نووية ؟؟؟

انا فية ناس كتير بتسيب الاس 4 فى الشاحن لتانى يوم الصبح وبيصحوا مافيش اى مشكلة تماما فى الهاتف

وممكن تشوف اللى بتقول ان هاتف اس 3 انفجر فى جيبها , على كدة دية بقى المفروض بقت اشلاء هية والناس اللى حواليها

شوف ياباشا دية كلها اشاعات وكانت بردة طلعت على الايفون 5 لو تفتكر

- شوف ياباشا النوت 3 كويس وكل حاجة وانا عن نفسى بقول لاى حد عايز يشترى , معاك تليفون اس 3 او اقل وعايز تغير التليفون تروح على الاس 5 على طول , معاك نوت 3 او اس 4 خليك علية لحد ماينزل الاس 6 , لان الاس 5 جية على غير المتوقع من التحديث وكل الناس عارفة كدة , واديك شايف مبيعاتة قليلة مش كتير

- والله مابتحيز , انا للمرة العشرين انا مش بتحيز لتليفون معين , انا بقول كل حاجة بلاقيها على الواقع غير كدة لأ , ولو اى تليفون تانى اى شركة منزلاة افضل من سامسونج هقول انا مش مستفيد حاجة ( انا بدفع زى زيكوا فى الموبايل اللى بشترية يعنى لازم اكون واخد افضل تليفون فى الفئة السعرية اللى هدفعها )

انا عشان اجيب الاس 4 عملت اختبارات لكل الهواتف المنافسة , وفى الاخر استقريت على الاس 4 بعد عمل مقارنات عملية واقعية ,وكل واحد شايف التليفون من وجهة نظرة ) اللى يعجبنى ممكن مايعجبش غيرى والحمد لله 7 شهور والتليفون زى اول يوم اشتريتة فية , والله والله والله ماشوفت فية اللى انتوا بتقولوا علية خالص ولا تهنيج ولا تقل ولا بطارية تعبانة ولا سخونية ل45 درجة زى مالناس بتقول والتليفون انا ولا حاطط سكرين ولا اى حاجة والتليفون زى ماهو الحمد لله ول اتقشر ولا اتجرح
يعنى بسم الله ماشاء الله تشوفة كأنة جديد

- لتانى مرة بفكرك انا ولا شتمت فى ال htc m8 ولا شتمت فى ال z2 انا بقول العيوب اللى بشوفها فيهم او اللى بيتغلب عليهم موبايلات تانية فى الجزء دة ,غير كدة مابقولش

- ولتانى مرة عشان تبقى عارف ( انا مش بكدبك ) انا بتناقش معاك وبوضح حاجات ممكن تكون انت مش واخد بالك منها انت لية فهمتها كدة ؟؟

هو انا قولتلك ان كاميرا الزد 2 وحشة , انا بقول ان الاس 5 افضل ودة كلنا عارفينة من واقع الاختبارات العملية , وعلى النت كمان

انا معاك ان صور السامسونج عموما بتبقى نورها خافت شوية فى الصور اللى بتتاخد فى ال indoor

لكن الصورة بتتطلع تفاصيل واضحة , الوان ممتازة

المهم انت اللى طلبت مقارنات بالمواقع , واديك شوفت ترتيب ال Z2 كام فى المنافسة

عموما ياباشا انا شرحتلك وجهة نظرى , وعمرك ماهتلاقى جهاز كامل مهما تطورت التكنولوجيا

وبردة انا لما بقول ان الاس 5 تفوق على الزد 2 , دة مش معناة ان كاميرا الزد2 هتلاقيها تعبانة , لأ بس حلوة بس فية افضل منها

hashim597

2014-08-10 (07:02:10PM)

والمقارنة التانية بيتكلم فيها عن مميزات كاميرا سمارت فون ياعنى وصف s5 انها اقوى المنافسين ولكن الكاتب اندهش ان تصوير الفيديو مش 4k وجودته ممتاز وبيعيب فى تصوير اكتر من لقطة لان احيانا الصور بتبقى مضلمة هو اللى قال كدا وانا مش هجيب حاجة من عندى واكيد يا استاذ سمسم انت بتعرف تقرأ انجليش كويس بس شكرا على اخلاقك

hashim597

2014-08-10 (06:55:22PM)

وبعدين انا دخلت على مقارنة z2 , s5 وطبعا حضرتك بتعرف تقرأ انجليش كويس الفرق ما بين الكاميرا ديه وديه فى نسخة MHL - 3.0 مقابل 2.1 سوني وسامسونج بتنافس في سوق الكاميرات و من نقطة اطلاق النار من خلال المرايا إلى DSLR هو ده اللى قراته وفيه مقارنة اما باقى الكلام بيقول ان الشركتين بينافسوا بعض من زمان فى الكاميرات الرقمية والعدسات الخ الخ وان الشركتين بيحولوا يبذلوا اقوى جهد فى عالم السمارت فون فى بقى التفوق الجبار ده

hashim597

2014-08-10 (06:47:44PM)

انا عارف ان مش هنخلص من الجدال زى ما قعدت تجادل مع استاذ يوسف شبانة ان كاميرا S4 13mp احسن من z2 20.7 يا استاذ سمسم اى جهاز في عيوب وانت استاذ محترم وانا مقدرش اشكك فى معلوماتك بس انا شايف ان s5 مش زى ما المستخدم كان مستنيه ياعنى انا مثلا لو معاى نوت 3 ايه اللى يخلنى اشتري s5 الناس كانت مستنيه رامات 3 جيجا ويكون السوفت خفيف عشان ميهنجش قدام ويكون خاماته كويسة زى السونى و اتش تى سى و انا عارف ان اى موبيل فى الدنيا مش هيبقى كامل لازم عيوب ومميزات لكن لما تبقى عيوبه اكتر من مميزاته ديه حاجة رخمة اظن ولما تبقى كل الماركات المنافسة بتغير للاحسن وانا بغير للاسوء انا عارف انك مش شركة سامسونج بس انت بدافع عنها بتحيز ركز فى كلامى انت عارف ليه انا بعيب عليها عشان هى رقم واحد فى العالم يبقى لازم رقم واحد يكون مميز مش رقم 2 او 3 او شركات صينى تنزل موبايلات جودة فى التصنيع وسوفت خفيف اكيد سمعت عن one plus one واللى اغلبية المستخدمين حول العالم شفه انه موبيل ممتاز ورخيص وامكانياته قوية عن s5 طيب وبالنسبة لشمت وهى نايمة الصراحة انت كدا بتكدبنى لانك مقرتش كلامى كويس بقول فى ناس بتشم ريحة شايط من الموبيل وبيتفجوا انه انفجر انا بقى مقولتش كدا خالص وبعدين اقوى صوت htc one m8 نقى وعالى جدا وانت عارف boom sound تقنية محترمة جدا بطارية htc انا قولت اقوى من s5 عشان عملوا اختبار ولقوا ان الشاشة والسينس مش بياخد من البطارية كتير عكس s5 بسب السينس اللى فيها حركات والسوفت التقيل اقولك على حاجة تفوق s5 على one m8 فى الكاميرا و حتى سرعة المعالج مش فارقة لان htc مش هتنج بسب السينس وجه مش ممتعة بس بتوفر فى الطاقة وسوفت بيخلى الموبايل مينهنجش وجرب كدا تفتح اكتر من ابلكيشن وبعدين فى مقارنة مثلا فى سرعة فتح التطبيقات لموبيل s5 و one m8 وكسب one m8 وعشان حضرتك بتكدب اللى قدامك وده اسلوب انا شايفه مش كويس وعشان كدا مش هخش فى جدال معاك تانى لما حضرتك تحترم اللى قدامك الرابط اهو وفيه الخبر

وعلى نفس المناول ده كتير عشان تعرف انى مش بكدب وده الخبر اللى انا قولته وانت كدبتنى فيه البنت صحيت تانى يوم لاقيت الموبايل انفجر بس عيب على ابوها لانه اشترى بطارية مش اصلية واقرأ الخبر واتاكد بردك

semsemSiR

2014-08-10 (03:34:43PM)

شوف ياباشا , حضرتك بتقول على سامونج s5 زفت الزفت , مافيش اى مشكلة , انا مش صاحب شركة سامسونج ولا انا هاخد فلوس من اللى هيشترى الاس 5 او جهاز من سامسونج

عموما عيوب الاس 5 انا متفق معاك فيها ( ان راماتة بتتملى بسرعة ودة بيسبب - والسوفت بتاعة اتقل شوية من المنافسين - خامات بلاستيك ) دية عيوب الاس 5

لكن الجهاز ( بيشغل اى حاجة - صوتة كويس جدااا ونقى - بطارية كويسة - اوبشن وحساسات - ضد المياة - افضل كاميرا فى المنافسين ) هل دة كلة يجعل التليفون زفت الزفت زى مانت بتقول ؟؟؟

عرفت بقى الفرق بينى وبينكوا , انكوا بتشتموا التليفون ومحدش فيكوا بيقول مميزاتة , فى حين انا بقول مشكلة او مشكلتين فى الجهاز عشان المستخدم ياخد بالة منها ومايشتريش ويقول محدش قالى

وانا مش بكدبك بخصوص ال htc m8 مامكن يكون مفكوك لية شفرة اية المشكلة , انت ممكن تتأكد من اى مواقع هتلاقى بس ان النسخة ال 2.5 مخصصة للسوق الاسيوى والصينى زى الحال بالظبط فى الاس 5 النسخة ذات المواصفات الاعلى مخصصة للسوق دة , ودة حقهم عشان دية صناعتهم يعملوا اللى هما عايزينة

- بطارية ال htc m8 واخد اقل تقييم فى البطارية ممكن تشوف وتجرب - كاميرا ال m8 اقل واحدة فى المنافسين , ودة مش معناة انها وحشة بس اقل واحدة

- صدقنى lg g3 اكبر مقلب نزل وبكرة تقول كلامى صح

- مافيش حاجة اسمها S4 بينفجر ياباشا لو انت بتتكلم عن حادثة البت اللى كانت حاطاة تحت المخدة , يبقى حضرتك لازم تعرف ان الخبر دة اشاعة والدليل

1- انها بتقول شمت وهية نايمة , وحضرتك حاسة الشم بتكون متوقفة والانسان نايم

2- البطارية بتاعة الجهاز كانت بطارية صينى مش الاصلية وكان نوعها ردىء كمان

3- هو فية حد بيحط تليفون تحت مخدة وهو نايم ؟؟؟؟؟؟؟؟؟؟

فعشان بس تبقى عارف

- شوف حضرتك ممكن تدخل على صفحة الاس 4 هتلاقينى عامل تقارير كلها مصورة بسكرين شوت يعنى مش كلام وخلاص , وساعاتها تقدر تقييم الاس 4

- على فكرة انا عمرى ماقولت التليفون دة احسن من دة الا بالاسباب وعرض مميزات دة ومميزات دة وعيوب دة وعيوب دة , انا دة شايفة افضل تقييم للصاحب السؤال عشان يعرف هو داخل يشترى اية

- ياباشا والله ماتعصب , هو انا هتعصب لية ؟؟؟؟

- وهاتلى كدة فوق انا قولت ال htc one m8 وحش , مش هتلاقى انا كل اللى قولتة سعرة مغالى على امكانياتة ودة شىء صحيج وواقعى

انا اللى يهمنى التليفون واخر حاجة الخامات لان فى الاخر الجهاز بيدخل جوة cover وبيدارى

لو انت عايز مقارنات على gsm arena اتفضل كل المقارنات فى صالح ......

1-

3- ودة تقرير الكاميرا وشوف الفرق بنفسك وشوف الاس 5 فين وال z2 فين ومين اللى متفوق على ال z2

صدقنى ياباشا , لو سامسونج بتخرج خارج المنافسة فبيكون بسبب خامات الجهاز

غير كدة بيتفوق فى 70% من المقارنة على اى جهاز

وللحديث بقية

hashim597

2014-08-10 (02:42:53PM)

حضرتك s5 جهاز فاشل ومبيعاته زفت الزفت ثانيا انا قريبى فى لندن ومعاه موبيل htc one m8 بروسيسور 2.5 مش هكدب ياعنى هستفاد ايه اصل انت بتقول مفيش بروسيسور 2.5 واللى موجود بس 2.3 يبقى مين اللى بيقول معلومات غلط ثانيا الكاميرا 4 الالترا بيكسل والكاميرا اضعف الموجودين لكن مش سيئة البطارية اداءها ممتاز وفى موقع gsmarena عملوا تقيم للبطارية رامات s5 بسب السوفت الزبالة بتتملى بسرعة ياعنى مثلا انا شغال فى محل موبايلات وناس بتيجى تقول الموبايل لما يخش على ابلكيشن ولا اتنين بيبقى 80 % و70% الرامات بتتملى بسرعة وبيعمله كلين مستر سوفته زفت وبعدين لو هتقعد تقول على الورق على الورق مفيش اقوى من lg g 3 انا بقى لى بالاداء الواقعى امسك موبيل فى ايدى ميهنجش ميطلعش عينى مينفجرش زى حوادث s4 كدا جبوه على موقع عربى والله بفتح بالصدفة لاقيت الخبر موبايلات الناس بتسبها تشحن تشم ريحة شياط او انفجار سامسونج الصراحة بقت فى تندى انا كنت من اكتر محبى سامسونج بس لما لاقيتها بتهلفط وبتنزل بدل الموبيل الف نسخة ومفيش جودة طيب انا ليه اشترى موبيل يهنج منى ليه ادفع كذا الف فى موبيل سوفته تقيل وامكانيات ورق مبيعات s5 محدش يذكرها خالص حتى الشركة بتحاول تعوض بالنوت 4 وهى ديه الفئة الوحيدة اللى بتصنعها بجودة وبتعيش وبعدين z2 افضل من s5 مش انت بتقول مقارنات يبقى z2 احسن كاميرا رامات شوفت بقى انك منحاز لفئة عن فئة والله انت متعصب لسامسونج ياعنى لو سامسونج نزلت موبيل وكل الناس قالت وحش انت هدافع عنه وهتقول انه حلو بلاش تعصب لماركة معينة انا الموبيل اللى بشوفه وحش والناس مش بتشكر فيه اكيد مش هنصح بيه ياعنى لو htc one m8 سئ هقول ليه انه كويسة وهل كل الناس اللى اشترته بتضيع فلوسها مثلا لا موبيل ممتاز ومتفوق على s5 فى الاداء وخش وشوف اراء الناس على phone arena و gsmarena ومراهنة يا استاذ سمسم ان s5 مش هيكون على الخريطة لاحسن سمارت فون 2014 وخد كلامى ثقة

semsemSiR

2014-08-10 (12:12:23AM)

وعلى فكرة لو انت بقى هتقارن السوق الاسيوى والصينى فاحب اوضح ليك

ان الاس5 اللى بينزل هناك مواصفاتة كالتالى :

بروسيسر : snap dragon 2.5 giga krait 450

كارت الشاشة : Adreno 420

رامات : 3 جيجا

الشاشة : super amoled 5.2 Qhd 1440×2560 576ppi

الذاكرة الداخلية : 32 جيجا

يعنى ال htc one m8 اللى انت فرحان بية او ال z2 مايجيش جنبة حاجة

بس عشان هو نفس الحال مش هينفع يخرج برة الصين او دول اسيا , محدش بيجيب سيرتة

semsemSiR

2014-08-09 (10:56:25PM)

ونفسى كدة تخليكوا واقعين ومحدش يتكلم بالارقام

يعنى جهاز راماتة 2 جيجا وشاشة 5 بوصة . وكاميرا 4 ميجا ومساحة 16 جيجا وبطارية 2600 امبير غير قابلة للازالة , وفى الاخر سعرة 5500 جنية , ليييييييييييييييييييييييييية

دة كل دة كمان ولسة مادخلناش فى العيوب

ماتخلينا واقعيين شوية ونفكر صح

اة هو جهاز كويس وزى الفل , بس معلش مايستاهلش سعرة دة ابدااااااااااا

وهو دة اللى بتكلم فية

semsemSiR

2014-08-09 (09:32:56PM)

hashim 597

معلش بس ياباشا , بالراحة شوية عشان شكلك متنرفز على الفاضى

ال htc one m8 اللى موجود فى الشرق الاوسط كلة النسخة ال 2.3 جيجا

وانت قولتها بنفسك النسخة ال 2.5 موجودة فى اسيا والصين , ودول استحالة يخرجوا برة البلد , لان ببساطة هيكون معاك تليفون من غير شبكة

والتليفون مافيش منة نسخة اوروبى 2.5 جيجا , هية بس النسخة دية مخصصة للسوق الصينى والاسيوى

- انت بقى اللى بتجادل فى الخطأ , وهقولك لية , عشان ماقولتش كلمة وحشة فى حق ال htc m8 ولا شتمت فية , كل اللى قولتة انة تليفون مبالغ فى سعرة

( اية ياعم هتحكمى فى رأيى ولا اية ) انا اقول اللى انا عازية طالما مش بغلط فى حد

وبعدين مانت عمال تشتم فى اجهزة سامسونج حد كان كلمك ولا قالك حاجة , هو مش دة برضة رأيك وانت حر فية ولا اية

ياريت بلاش تعصب انت لاى شركات وانت اللى تقول خيرا او لتصمت , طالما مش عارف تتقبل اراء الاخرين

انا ولا شتمت فى سونى ولا شتمت فى htc ولا بشتم اصلا فى اى تليفون , انا بقول مساوئ ومميزات كل جهاز , لكن انتوا ماشاء الله عليكوا معندكوش غير 3 كلمات ( بيهنج - خامات زبالة - سخونية ) لكن تقارنوا مقارنة صاحب السؤال يستفاد بيها مافيش

hashim597

2014-08-09 (06:44:10PM)

وبالله عليك يا استاذ سسم بلاش تعصب للسامسسونج يتقول خير يا تصمت عشان كل ما اخش اشوف مقارنة ولا استفسار واحد بيسئل على جهاز سونى او اتش تى سى تقول ده سئ وجهاز سامسونج معين احسن منه ياعنى الماركات كلها وحشة ومش بتنزل موبايلات والسامسونج هو اللى خارق ومفهوش عيوب على فكرة سامسونج شركة زبالة هى نوت وبس ياعنى s5 بتنزل منه الف نسخة نسخة سبورت ونسخة مينى ونسخة زوم ونسخة 3g ونسخة 4g ونسخ كتير حاجة بقت رخمة علطول خامات بلاستيك زبالة مش بلاستيك نضيف سوفت زى الزفت تقيل واغلبية الاجهزة متوسطة السعر زبالة تهنيج وسخونة انا جربت اغلبية الاجهزة وطلع عينى وكل شوية ابيع جهاز واجرب التانى لحد ما جربت الماركات التانية ولاقيت ان سامسونج اجهزة نوت وبس

hashim597

2014-08-09 (06:37:33PM)

استاذ سمسم والله انت بتجادل عشان تجادل ياعنى htc one m8 عملوه ليه مراجعة عيبه الوحيد الكاميرا مش اقوى من منافسيه وبعدين فى نسخة يا استاذ سمسم بتنزل اسيا و الصين وبعض دول اوروبا 2.5 جيجا هرتز واضح ان حضرتك بتحب الجدال والنسخة اللى موجودة فى مصر 2.3 اللى هى موجه عموما للشرق الاوسط ياعنى هى بره تقدر تجيب نسخة ضمان دولى بروسيسور 2.5 وعلى فكرة حضرتك مكتوب جنب البروسيسور ان فيه نسخة 2.5 ابقى اقرأ كويس قبل تحكم على التعليقات وحضرتك اتؤكلى على الله واشترى one m8 الموبيل احسن من s5 ومن z2 واحسن من النوت 3 ومواقع عالمية كانت عاملة مراجعات وتقيم للموبيل جهاز جبار كفاية صوته نقى وعالى اوى البوم ساوند عاملة شغل الصراحة

RockMax

2014-08-07 (04:17:21AM)

من رأيي هاتي الام8 احسن.
انا جبت الزد 2 جهاز جبااار بس انا بستريح مع htc

abdo20112

2014-08-06 (10:32:37AM)

روحي محل او مول كبير و بصي علي الاتنين هما في الامكانيات يعتبروا واحد بس انتي روحي وشوفي انهي اكتر واحد شكله احسن ومريح ليكي اكتر و خدي نظره عن ال LG G3 :]

semsemSiR

2014-08-05 (10:49:13AM)

تصدقوا بالله مش لاقى كلام اقولة!!!!!

على فكرة بس ال htc one m8 بروسيسر 2.3 جيجا

ياريت تعرفوا مواصفات الاجهزة الاول وبعدين تقارنوا

ellithy

2014-08-04 (11:38:39PM)

نوت 3 ايه يا عم بلاش فضايح
بصي يا انسه ضحي فى هندك 2 من الاجهزه الافضل فى التلفونات حتى الان
وهوا كان الزد 2 لكن دلوقتى نزل ام 8 من اتش تي سي
اسمع انه الافضل فى كل شي معادا الكاميرا وانه ليس ضد المايه
البروسيسو بتاع M8 2.5 وده هينزل بيه ال z3 لكن بروسيسور ال Z2 الان 2.3
الرام فى الHTC 2جيجا لكن فى Z2 3 جيجا
تقريبا الشاشه واحده الZ2 اكبر بحاجه بسيطه بس تقريبا زي بعض فى باقى الحاجات بفرق السوني ضد المايه والكام 20 ميجا
وبلاش تجيبى سامسونج هتندمي بجد وزي ما قال الاستاذ يوسف النوت 2 افضل هواتف سامسونج واقلها مشاكل انا وجهتك على تلفونين اتش تى سي وسوني ولم افضلك وحد على الاخر متروك لك الاختيار لان حضرتك اللى هتشتري وتقدري تختاري ايهما الانسب لكي

youssefshabana

2014-08-04 (11:15:42PM)

استاذة ضحي

النوت 3 جهاز كويس جدا طبعا لكنه مش افضل من ال m8 اطلاقا ولا يرقي ليه اما ال m8 افضل منه تقريبا في كل حاجة معادا حجم الشاشة والرامات اما ال m8 افضل في باقي التفاصيل

ونصيحة طالما انتي معاكي النوت 2 وعاوزة تغيري يبيقي متجبيش النوت 3 لأنك مش هتحسي بفرق رهيب بينهم وكأنك مغيرتيش تليفونك

لكن لو عاوزة حاجة مختلفة يبقي هاتي الزد 2 او ال m8 او الجي 3 وسيبك من سامسونج خالص لانك مش هتحسي بفرق كبير حتي لو جبتي احدث واقوي تليفون من سامسونج لأن النوت 2 اللي معاكي من افضل اجهزة سامسونج واقلهم عيوبا الحقيقة فنصيحة بلاش سامسونج

وانا شايف ان انسب تليفون لحضرتك هو ال HTC ONE M8

لأنك بتقولي عاوزة تليفون صوته قوي وده فيه اقوي وانقي سماعات بين المنافسين

وبتقولي عاوزة تليفون يستحمل الشغل التقيل وميهنجش وده يعتبر اقل التليفونات في التهنيج بين المنافسين بردو واسرعهم

semsemSiR

2014-08-04 (03:31:13PM)

ال htc one m8 جهاز كويس

بس حرام ادفع فية 5500 جنية . يعنى من الاخر فلوسة كتير علية اوى

هو لو سعرة 4200 كان يبقى تمام , لكن بالسعر دة والاوبشن دة معلش فية اختيارات كتير افضل واحسن

semsemSiR

2014-08-04 (03:23:21PM)

ال htc one m8 هو دة احدث تليفون من الشركة

وطالما بتحبى تصفح النت كتير والالعاب , فخليكى فى النوت 3 , او استنى شهرين هيكون النوت 4 متوافر

youssefshabana

2014-08-04 (03:13:29PM)

هاتي ال HTC ONE M8 ده احدث جهاز من HTC هو الجهاز المناسب ليكي لو انتي يهمك سماعات قوية جدا وجهاز سريع جداااااااااااااااااا مش بيهنج وبيشغل الألعاب بكل سلاسة وبدون تهنيج

وهو يعتبر في نظري افضل جهاز لعام 2014 يليه الزد 2 طبعا

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia Z2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
20.7 MP,...

مزيد من المعلومات

الموبايلات

عاوزه اشتري و محتاره

التسجيل بالموقع

دخول الاعضاء

معلومات سريعة عن Sony Xperia Z2

Android

1080 x 1920 pixels, 5.2 inches (~424 ppi pixel density)

3G

20.7 MP,...