هذا الموضوع مرتبط بـ Xperia Z2

اختيار بين m8 و z2

AccNoDy

2014-08-02 (12:32:26PM)

السلام عليكم لو سمحتوا انا عايزه اجيب موبايل ومحتاره جدا بين m8 و z2 فا يا ريت حد يفيدني و يقولي ايه الاحسن انا اهم حاجه عندي في الموبايل الكاميرا بتاعته التعليقات ان ال z2 بيسخن و يفصل الكاميرا خوفتني يا ريت اللي عارف حاجه بجد يفيدني و شكرا

semsemSiR

2014-08-06 (05:17:59AM)

اية دة يعنى , اية علاقة دة باختيار الاستاذة صاحبة الموضوع

هو انا قولتلها اشترى الاس 5 ؟؟؟؟ انت شوفتنى قولت كدة فى المشاركة

دة كان رد على كلام . فى موضوع الكاميرا

لكن ولا قولت اشترى الاس 5 ولا اى حاجة

ياريت ياباشا تقرى الموضوع من الاول عشان تبقى عارف الكلام رايح فين وجاى منين

ellithy

2014-08-06 (12:54:08AM)

semsemSiR

2014-08-05 (08:01:20PM)

بقولك اية , انا ولا بألف كلام ولا بجيب كلام من عندى

انا كلامى كلة مدعم بأدلة وتجارب اصدقائى او تجاربى انا شخصيا , مش كلام وخلاص وشكرا

عموما دية كدة مشاكل من جهازين z2 لاصدقائى

ودة واحد صاحبى والله شارح مشكلتة مع ال z2 وخلى بالك جهازيييييييييييين

- موضوع بقى التوكيل لأ ياباشا اكيد الراجل ضحك عليك , عشان هية سعرها 180 جنية , وصاحبى مغيرها فى توكيل سامسونج فرع مصدق , مجانا والكلام دة من شهرين

- معلش بقى عشان اوريك انك بتقول كلام ليس لة اساس من الصحة , وبتقول كلام انا ماقلتوش اصلا

الاخت اللى كانت بتسأل عن ال htc او السونى , انا قولتلها هاتى نوت 3 , ماقولتش هاتى اس 5 لانها قالت عايزة تليفون للنت والالعاب والافلام والعاب النت , وافضل حاجة فى للمتطلبات دية بيكون فئة النوت عشان الشاشة الكبيرة ومواصفات القلم او مايوازيها من شركات اخرى وبما ان النوت 3 هو اللى مسيطر على الفئة دية يبقى هو افضل اختيار

انت بقى قولت اية , لما لاقيتى بقول نوت 3

روحت انت قايل نوت 3 اية بلاش فضائح , يعنى انت اهوة بتفرض رأيك على جهاز اصلا ممتاز جداا

ورأيك ليس لة اى اساس من الصحة ( واضح فعلا انى انا اللى بفرض رأى وبكرهة الناس فى السونى )

عرفتوا مين بقى اللى بيفرض رأية ؟؟؟

ellithy

2014-08-05 (03:07:15PM)

برده انت تاني اسمع انا حوليا كتير معاهم سوني واكيد لما بعد معاهم بستخدم موبيلاتهم لاني عاوز اشوف ايه ظروفها وبسالهم عنها ومفيش ولا واحد فيهم اشتكي من السوني وفرحنين بيه جدا وفين منهم اللى غير اكتر من تلفون سوني والتوكيل اللى قالى ان البطاريه ب400 ده فى شارع الهرم وواللهى يا عم انا بجد ارفت من اللى شفته من الاس 4 والتوكيل مش عارف يصلحه حاجه تقرف وبعدين انت بتفرض رئيك
لما وحده كان معاها تلفون سامسونج وبتقول عاوزه تشتري تلفون من الاتنيم اتش تي سي وسوني تقوم انت تقلها سيبك من دول ومفيش احسن من الاس 5 طيب ما هيا لو عاوزه سامسونج مكنتش سالتنا اصلا وعلى فكره ده يبقى اسمه فرض الرئي وده غلط

semsemSiR

2014-08-05 (10:40:52AM)

انا مابفرضش رأى , بس انتوا بتشتتوا الناس برأيكوا دة

يعنى واحد كان معاة التليفون وبردة بتهاجموة وبتكذبوة

انا اتنين اصحابى معاهم التليفون ورفعتلكوا سكرين شوت من تليفوناتهم بدرجة حرارة الجهاز والمتبقى من البطارية , وبردة مش مصدقين , ومصممين على اللى انتوا فية

عمالين بتشتموا فى سامسونج , واية المشكلة , رايكوا وبتقولوة , انا ناس اصحابى بتلعن فى سونى عادى جدااا كل واحد وراحتة

انا ماجيبتلكش سيرة ال 4k عشان عارف انها مالهاش لزمة معانا

معلش ياباشا الاس 4 معايا الحمد لله بقالة 7 شهور وبطاريتة كأنها جديدة الحمد لله

وعلى فكرة بطارية الاس 4 فى التوكيل ب 180 جنية انت جيبت منين الرقم دة ؟؟؟؟؟؟؟ ولا هو كلام وخلاص , وعلى فكرة دة سعر البطارية من شهرين فاتوا وحتى الان نفس السعر ..

توكيلات مصر كلها تعبانة , بس معلش التوكيل دة غير لواحد صاحبى بطارية الاس 4 مجانا بعد استعمال 8 شهور للجهاز

انت شايف انة من اسوء التليفونات , براحتك

انا عن نفسى ليا رأى تانى تماما , بعد تجربة جهازين مش جهاز واحد

- معلش انزل جربة فى اى ستور وانت تعرف فرق الصوت

- مسكت عيب على سونى ؟؟؟؟؟؟؟؟ ههههههههههههه عيب واحد بس !!!1

انا هقولكوا كلمة عشان تريحكوا

شوفوا ياجماعة انا قولت تجاربى مع الزد 2 مدعمة بالادلة , وياريت اى حد قبل مايشترى الجهاز دة , يقرى كويس عنة , لو رضى بالعيوب دية يتوكل على الله

بس الناس اللى بتقول معلومات غلط , هية بقى اللى مسئولة امامكوا

ellithy

2014-08-04 (11:58:55PM)

احب اقلك اني لا اهاجم السامسونج لكن انت لم تقول رئيك انت بتفرض رئيك
وبعدين سبق وقلى معظم اصدقائي غيرو من سامسونج اللى سوني وفى منهم اللى معاه z2
وانا جربته كلامك علىالكاميرا غير صحيح بالمره عن تجربه لان تلفونات سوني دي فى ايدي على طول
وبعدين بخصوص تصوير ال 4k اامجربتوش بس احب اقلك ان تصوير من النوع ده يحتاج شاشه تعرض النوع ده والا لم تشعر بفرق الجوده والشاشات دي غاليه الثمن نيجي بق للبطاريه بشكل عامل كلو زي بعضو فى الاستهلاك وزيها زي اى بطاريه يمكن السوني الاطول عمر لان برده مجرب فى الاس 4 وكان جديد ومكملش سنه والبطاريه باظت والتوكيل قالى تغير البطاريه سوء استخدام وثمتها 400 حنيه ده اللى انا شفته من الاس 4 من اسواء التلفونات اللى انا شلتها بصراحه ده غير التهنيج وتوكيل زباله وكلامك عن الصوت غير صحيح تقريبا هوا السامسونج واحد فى مستوي الصوت يمكن السوني له نبره انقى
وبعدين نيجي بقى لموضوع السخونه اللى انت فرحان بيه ده انك مسكت عيب على سوني
اولا وبامانه لما مسكت التلفون واستخدمته لفتره مسخنش معايا
لكن احب اقلك على شيء كون ان التلفون يسخن ده شيء طبيعى جدا التلفون اللى معاايا دلوقتى بيسخن مع الاستخدام لوقت طويل اس 3 بيسحن جامد برده وده برده كان معايا

اسف لان عاوز اقلك ياريت انت تكون فهمت :)

semsemSiR

2014-08-04 (10:45:20AM)

elithy

طيب مانت بردة لو شايف ان سامسونج فيها اللى انت بتقول علية , يبقى بردة تحتفظ برأيك لنفسك

عشان مايبقاش مصيرك زى اى حد

* معلش ياباشا , طالما بقول رأى بكل احترام وبدون غلط فى حد , يبقى لازم كل واحد يحترم الرأى دة

وعندك الاستاذ moobome كان معاة الزد 2 , وشتم فى التليفون , فى كل حاجة , يبقى مستغرب لية من انى اقول الكلام البسيط دة ؟؟؟؟

وبعدين هو انت مش شايف الصور ولا اية !!!! الصورة تفاصيلها رايحة خالص , وياريت تشوف اى حاجة فيها text هتلاقيها غير واضحة , واعتقد كل الاعضاء اللى علقوا , قالوا نفس النقطة

انتوا اللى مش عايزين تقتنعوا , وانا مش بجيب حاجة من عندى , انا بجيب واقع وتجارب

يارب تكون شايف سامسونج اسوء شركة , انا ماليش دعوة , كلامك ولا هيأخر ولا هيقدم ,

وهية مش شركتى عشان ادافع عنها , ماتولع ولا تروح فى داهية حتى مش هيخسرنى حاجة انا مستخدم ليس اكتر , يعنى ليا حق ادفع الفلوس فى الجهاز اللى يرضينى واكون شايفة افضل حاجة على الساحة فى القيمة مقابل السعر

ومافيش بينى وبين سونى عداوة عشان اطلعها وحشة , او اشتم فيها , ومش هتستفاد حاجة بردة لما اخلى الناس تحول قرار شرائها لسامسونج

ياريت بس تفكروا فى النقط دية , عشان الصراحة كلامكوا غريب فى موضوع انى عايز اطلع السونى وحشة

للمرة المليون

انا مش بشتم فى جهاز سونى , انا بقول عيوبة فقط لاغير , بناء على تجاربى وتجارب اصحابى

هو فية حاجة فى الدنيا مالهاش عيوب ؟؟؟؟؟؟؟؟؟؟؟؟؟؟؟

زى كدة بالظبط مابقول عيوب السامسونج , وعادى

اصل انا اللى هستفادة حاجة واحدة لما واحد يروح يشترى جهاز ويلاقى فية اللى انا قولتلة علية , ساعتها هيعرف انى مش بخدعة

لكن لما يروح يشترى تليفون ويلاقى كلام غير اللى بقولة علية , يبقى انا بخدعة

احنا موجودين هنا ياباشا عشان حاجتين : نحل مشاكل المستخدمين بقدر الاستطاعة - نقل التجارب عشان كل واحد يعرف مين افضل ومين اقل

وانا والله لو شايف ان فعلا سونى بقت افضل من سامسونج صدقنى هنقل لسونى من غير تفكير

لان انا بردة مستخدم ويهمتى ادفع الفلوس فى مكانها الصح

لكن ماتقوليش ادفع 5500 جنية فى تليفون ( كاميرا 20.7 ميجا بالاسم فقط وهية اقل من كدة - بيسخن جدااااااا - بطارية اخرها يوم ونص شغل متوسط - واجهة مملة - صوت متوسط - كاميرا بتقفل لوحدها وانت بتصور )

يبقى حرام ادفع فية تليفون بالمشاكل دية 5500 جنية , يبقى لازم كمان انصح الناس , وهما قبلوا على العيب دة خلاص كل واحد حر فى فلوسة

زى بردة السامسونج اى واحد بقولة عيوبة واقف بيها خلاص مش موافق دور على حاجة تانية

ياريت تكونوا فهمتوا

ellithy

2014-08-04 (06:45:29AM)

فى الاداء وعن تجربه سامسونج ممل وفاشل ويخنق فى التهنيج
يكفى ان يكون معاك سامسونج ويكون انت مرضي بيه من حقك تقول رئيك لكن ليس من حقك ان تفرض رئيك على الاخرين لان اصبح واقع لازم تقتنع بيه ان سوني اصبحت افضل من السامسونج فى حاجات كتير ومش السوني بس اللى افضل ال جي كمان واتش تي سي

ellithy

2014-08-04 (06:42:31AM)

لو سمحت يا استاذ سم سم لا تفرض رئيك على حد احتفظ برئيك لنفسك ما دام غيرك لم يتقبله
كان فى عضو هنا زيك برده كان اسمه cccccccccc هوا فين دلوقتي ؟ فياريت لا تفرض رئيك على حد
حتى لا يصبح مصيرك مثل مصير CCCCCCCC

لولا اني استخدمت السامسونج بنفسى كنت قلت انت معاك حق وانهم يحقدون عليك لكن للاسف انا استخدمت السامسونج بس انا عاوز اضيف شئ سوني افضل بكتييييير جدا من السامسونج فى

youssefshabana

2014-08-04 (02:23:34AM)

والله يا باشا مصدقك ومعاك في كل كلمة انتا قلتها والتليفون مع اخويا بردو بقاله شهرين تقريبا ومش بيشتكي منه وشغال معاه زي الفل الحمد لله

انا مش عارف الصراحة ايه الكلام الغريب اللي بيتقال ده ان كاميرا الزد 2 وحشة هههههههههه

دي تعتبر افضل كاميرا سمارت فون حتي الأن

marcelomedo

2014-08-04 (01:05:05AM)

استاذ youssefshabana انا اتفق معاك فى كل شئ والموبايل والله مافيه اى عيب وانا متابع تعليقات semsemSiR من زمان وملاحظ انه عايز يطلع الز2 وحش باى طريقه فكل كلامه مش مظبوط

youssefshabana

2014-08-03 (12:42:11PM)

ههههههههههههههههههههههههههه بردو مصمم تطلع الزد 2 وحش بأي طريقة ممكنة xD

AccNoDy

متقلقيش حضرتك من موضوع الكاميرا ده خالص حضرتك شوفتي بنفسك المقارنة بين الزد 2 والاس 4 وشوفتي مدي جمال كاميرا الزد 2 وكمان الاستاذ marcelomedo رد والتليفون معاه بقاله شهرين زي ما بيقول والتليفون زي الفل الحمد لله ولو حضرتك عاوزة تتأكدي اكتر ممكن حضرتك تسألي الاستاذ sheref2090 عضو معانا هنا في الموقع وهو معاه الجهاز بردو اسأليه لو حضرتك لسه مترددة وفي الاخر القرار قرارك وصدقيني سواء اشتريتي الزد 2 او ال M8 مش هتندمي في الحالتين ان شاء الله

semsemSiR

2014-08-03 (12:01:54PM)

ياجماعة كاميرا الزد 2 مش حلوة فى التفاصيل والله ماحلوة فى التفاصيل

يمكن كويسة فى الالوان وكويسة فى نور الاضاءة لكن الاضاءة المبهرة اوى للصورة , بتضيع التفاصيل

وبتظهر اى حاجة فيها text وحش اوى

وعشان تصور full hd لازم يكون على 8 ميجا

لكن بال 20.7 ميجا الصورة هتكون عادية والوانها ضعيفة

اشد كاميرا 2014 هية كاميرا الاس 5 فى الاندرويد

وكل واحد حر انا قولت رأى وخلاص , وانا كلامى دة مش تجربة عابرة و لأ دة تجارب اتنين اصحابى لسة جايبين الزد 2 , وان شاء الله بيفكروا يبيعوة وهما لسة جايبينة من مدة لم تتعدى الشهر

marcelomedo

2014-08-03 (11:59:45AM)

انا معايا الجهاز بقاله شهرين والله بجد الموبايل تحفه وماشوفتش فيه اى عيب ومش بيهنج خالص والكاميرا عمرها ماقفلت وانا بصور وصوته ممتاز جدا هو صحيح مش بدرجه الام8 بس صوته كويس جدا
ومبروك مقدما

youssefshabana

2014-08-03 (02:29:00AM)

والله الكاميرا فيه رائعة ومشوفتش زيها

حالا هنزل تقرير الكاميرا بتاع الزد 2 و الاس 4 وحضرتك هتشوفي بنفسك

AccNoDy

2014-08-03 (02:17:18AM)

youssefshabana

يعني ال z2 مع اخوك الكاميرا حلوه فعلا انا عايزه موبايل اهم ما فيه الكاميرا و مدام ده اعلى من m8 في الكاميرا هايبقى احسن بالنسبالي بس فعلا كاميرته حلوه اوي ؟؟

youssefshabana

2014-08-03 (12:28:18AM)

شوفي حضرتك الجهازين دول افضل جهازين موجودين حاليا ومش هتندمي لو جبتي اي تليفون فيهم

بس شوفي انتي عاوزة ايه من الجهاز يعني مثلا انتي عاوزة كاميرا ممتازة وشاشة كبيرة وجهاز ضد المياة والتراب يبقي هاتي من غير تفكير الزد 2

اما لو عاوزة جهاز حجمه ممتاز تقدري تشيليه بسهولة وجهاز سريع جداااااا مش بيهنج اطلاقا وصوت رهيييييب بمعني الكلمة هاتي ال HTC ONE M8 مع العلم ان السوني مش بيهنج بردو خالص بس ال HTC يعتبر اسرع منه وكاميرا ال HTC ONE M8 مع احترامي للاستاذ ellithy هي ممتازة جدا صحيح هي مش اقوي كاميرا وتعتبر اقل من كاميرا الزد 2 طبعا مفيش كلام لكنها ممتازة فعلا وبتنافس كاميرات كتير

استاذ mob0me

شوف يا باشا انا رايي من رأيك ان ال HTC one m8 افضل من الزد 2 بالنسبالي انا لكن مش بفرق كبير ولا حاجة كلها فروقات عبيطة جدا علي ارض الواقع حقيقي

لكن انا مش متفق معاك تماما بأن الزد 2 جهاز سيء للدرجة دي الزد 2 مع اخويا والحمد لله مش بيشتكي منه وانا عن نفسي بمسكه كتير وشايفه جهاز جبار بمعني الكلمة

صوت الجهاز من اقوي وانقي الاصوات اللي انا سمعتها بشهادة كل اللي معاهم الجهاز مش عارف انتا ليه بتقول ان صوته وطي جدا !!!!!

والكاميرا بتاعته تعتبر افضل كاميرا سمارت فون علي الساحة دلوقتي وانا عملت مقارنة بين كاميرا الزد 2 والاس 4 والزد 2 كان متفوق بجدارة علي الاس 4 هنزلها تاني عشان الناس اللي مشفتهاش

بالنسبة للسخونية ماشي معاك ان الجهاز بيسخن بزيادة شوية عن الطبيعي وده بيخلي الكاميرا تقفل لوحدها لكن سوني هتحل المشكلة دي وغالبا هتتحل مع نزول اندرويد 4.4.4 للجهاز يعني دي مش مشكلة ابدية هتفضل موجودة علطول ان شاء الله قريب جدا هتتحل

ellithy

2014-08-02 (10:08:18PM)

انا انصحك بال z2 لان htc كامرا سيئ جدا فى ناس اشتكت منه
وال z2 فى ناس بتشكر فيه وانا شخصيا بفكر اشتريه

mob0me

2014-08-02 (09:11:09PM)

والله والله والله ويمين اتحسب عليها ادم ربنها انى الاتش تى سى افضل بكتير الزد2 والله موبيل زفت زفت زفت بيسخن جدا وصوتو واطى جدا وكميره زفت اول اخدت كام صوره وراء بعض الجهاز بيسخن جدا ويقفلك الكميرلاه وهتندم اشد الندم لو جبتو الاتش تى سى روعه ومبروك مقدما ع الفون الجديد

تلك الخدمة مخصصة لاعضاء الموقع

دخول الاعضاء

اذا كان يتوفر لديك حساب علي موقعنا يمكنك تسجيل الدخول بحسابك

دخول الاعضاء

قم بتسجيل الدخول من خلال حسابات التواصل الاجتماعي

الدخول بحساب الفيسبوك الدخول بحساب جوجل

معلومات سريعة عن Sony Xperia Z2

مقارنة

Android
1080 x 1920 pixels, 5.2 inches (~424 ppi pixel density)
3G

2G / 3G
20.7 MP,...

مزيد من المعلومات

الموبايلات

اختيار بين m8 و z2

التسجيل بالموقع

دخول الاعضاء

معلومات سريعة عن Sony Xperia Z2

Android

1080 x 1920 pixels, 5.2 inches (~424 ppi pixel density)

3G

20.7 MP,...