مشاكل ال Z2 فى الحرارة

هو حد قال انة وحش , انا ماقولتش الزد 2 وحش ابدا

انا بتكلم فى مشاكل معينة

ومبروك عليك ياباشا بس استنى الزد 3 عشان هينزل قريب , وسعر الزد 2 والزد 1 هينزل شوية

انا مش عارف ايه كرهك الجامد فى السوني ده وبعدين انا كنت مع صحابي انبارح وفيهم واحد لسه جايب التلفون جديدوانا كنت مسكه طول الوقت واكتشفت كمان انه لما تجيلك مكلمه وتحط التلفون على ودنك يرد لوحده وانا استخدمت التلفون فى العاب كبير وشغلت الواي فاي ونزلتله برامج كتير وبعدين معانا واحد صحبنا تاني عجبه اوي التلفون وقال انه هيشتري ال z1 لان 2 غالى وانا كمان هشتري ال 1 ان شاء الله التلفون ماشاء الله زي الفل

معلش يايوسف باشا , ربنا يبارك فيك ياباشا

ياباشا التكنولوجيا زى ماهية , مافيش تغييير الا فى حاجات طفيفة جدااا

يعنى الكاميرا : الاس 4 حتى الان من اقوى الكاميرات الموجودة على الساحة

الشاشة : من افضل الشاشات الموجودة حاليا

الصوت : نقى جدا وعالى

الاوبشن والامكانيات: فية حاجات مش موجودة فى المنافسين وتقريبا فية كل حاجة

البطارية : من اقوى البطاريات اللى شوفتها فى حياتى ( بتكلم عن تجربتى مع تليفونى ) - وبتشحن فى زمن قياسى ( ساعتين بالظبط ) ودة شىء مهم جدااا بالنسبة لاى مستخدم

التصميم : شيك وانيق جداااا

السرعة : بيؤدى كل احتياجات المستخدم بمنتهى السلاسة والسهولة

العاب : بيشغل جميع الالعاب بدون اى تهنيج , انا جربت العاب كتير علية ولا فية ولا لعبة علقت الحمد لله وجرافيك وصوت الالعاب والتحكم لم اجد اى فرق تماما مابين اى جهاز من موديلات 2014

يعنى الجهاز , ماشاء الله لسة بدرى على ماتقول قدم او فية تغير جذرى حصل للتكنولوجيا عموما عشان تغير الجهاز

يعنى بص مثلا لل S3 والاس 4 هتلاقى تغير جذرى فى كل حاجة

لكن بص للاس 4 والاس5 , هتلاقى نسبة التغيرات 10% حاجات بسيطة وغير مهمة للمستخدمين

دة اللى انا عايز اوصلهولك

وانا بقولك والله انا لو شايف ان الجهاز قدم والله هكون مغيرة فورا , وهجيب الجهاز اللى يكون افضل

بس انا مستنى الاس 6 او النوت 4 هشوف اية اخبارة

انا مش مستقل بالاس4 ولا حاجة وإلا مكنتش جبته من اساسه

بس انا بدي كل تليفون حقه . الاس 4 جهاز كويس جدا محدش قال حاجة

لكن في اجهزة احدث و اقوي منه ده رأيي الشخصي

زي مثلا ( LG G2 - LG G3 - S5 - NOTE 3 - Z1 - Z2 - IPHONE 5S - HTC ONE M8 ) وغيرهم كتير

والأس 4 اول ما نزل كان فعلا احسن تليفون موجود وعشان كده انا اشتريته رغم المشاكل اللي كانت فيه في البداية

وكان قدامي اجهزة كتير زي ( HTC ONE M7 - SONY XPERIA Z - IPHONE 5 - NOTE 2 )

وكنت محتار جدا بينهم وبين الاس 4 وبعد ما جربتهم لقيت ان الأس 4 هو افضلهم وتوكلت علي الله واشتريته

لكن الكلام ده من اكتر من سنة دلوقتي الدنيا اتغيرت والتكنولوجيا اتطورت و نزل تليفونات كتير احسن من الأس 4 بكتير

وده اللي انا بحاول اقنعك بيه دلوقتي

لكن زي ما انتا قلت كل واحد متمسك برأيه والكلام مش هيجيب نتيجة

ماهو ياباشا اللى مش مخلية يروح التوكيل , انة سأل اصدقاءة كمان وقالولة , ان السونى z2 كلة كدة

ولما سأل فى التوكيل قالة عادى , وصاحبنا قالة عادى بيسخن معايا بردة , وبطارية على قدها

ولو وريتك التعليقات , اللى تحت هتلاقى , ناس بتحذرة من سونى عموما , وناس بتقولة ماهو معايا وبيولع منى وبضطر محملش علية كتير ( يعنى كل الناس بتقول كدة ) مش انا لوحدى والله

مش عارف لية انت مستقل الاس 4 , والله العظيم جهاز فظيع وكفاية ان اصحابى اللى فى محلات التليفونات , بيقولولى خليك فى الاس 4 وماتغيرش للاس 5 . والتوكيل نفسة ناس من جواة بيقولوا خليك فى الاس 4

اكيد يأباشا , ان شاء الله فى تقرير بس انا مستنى لما يكمل اول اسبوع عشان اختبار البطارية وكل حاجة تبقى تمام

عندك حق يا باشا والله

كل واحد متمسك برأيه

بس هقولك حاجة بخصوص تليفون صاحبك

طبعا اولا ربنا يعوضه بأحسن منه بإذن الله :)

شوف المفروض كان يروح بالجهاز التوكيل عشان يشوف فيه ايه وللعلم درجة الحرارة دي اللي هي 45 دي متخليش الجهاز بطاريته تبوظ وتخلص بالسرعة دي لان الجهاز مكملش معاه اسبوع فميلحقش يحصله حاجة خلال المدة القليلة دي

مانا معايا الاس 4 وكان قاعد فترة طويلة وهو علي اندرويد 4.2.2 وكان بيوصل للحرارة ودي ومكنش بيأثر علي البطارية للدرجة دي

انا مقلتش ان انتا بتجيب كلام من عندك بس مش عشان في جهاز او اتنين مش مظبوطين يبقي تقول ان الزد 2 كله كده طيب مانا عندك اهو والاستاذ شريف كمان مش بنشتكي من الكلام ده وبرده مش مصدقني ومصر علي الجهازين دول بس مش عارف ليه

طيب امال الاستاذ شريف اللي معاه الجهاز جاب الكلام ده منين البطارية بخصوص مهو معاه الجهاز وبردو ومع اصحابه وبردو مع اخويا ومع اصحابي ومحدش بيشتكي منه إلا نادرا

ماشي تمام بس في فرق بين لما تقارن الاس 5 مع الزد 2 و تقارن الاس 4 مع الزد 2

الاس 5 ماشي بيهنج مع انه اقواهم علي الورق عشان الواجهة والحركات والحساسات اللي فيه لكن مثلا لو الجهاز اندرويد خام كان طبعا يبقي اسرع من كل الأجهزة دي العيب مش امكانياته اطلاقا صدقني

ههههههههههههه بردو ؟؟؟

مهو عشان الحاجات دي الحمد لله مش بنعاني منها في اجهزتنا يبقي طبيعي نقول ان دول فيهم مشاكل

ربنا يكرمك يا باشا ومبروك علي الاس 4 الجديد وربنا يحفظهولك

مستنين رأيك فيه بقي وتبقي تقلنا هو افضل ولا I9500 في نظرك

ومستنيين تقريرك له يا باشا :)

شوف انا مش عايز افتح الموضوع تانى فى مناقشات ومقارنات مالهاش فايدة ومش هتجيب نتيجة

لانك متمسك برأيك وبتجاربك , وانا متمسك برأى وبتجاربى وبتجارب اصدقائى

فالكلام مش هيجيب نتيجة

بس حاجة واحدة تعرفها دية كدة سكرين شوت من الكلام اللى صاحبى قايلة على الفيس بوك



عشان ماتقولش انى بألف الكلام دة من عندى

وياريت ماتجيبليش سيرة بطارية ال z2 تانى عشان اصحابى بيقوليلى مابيقعدش اكتر من يوم شغل متوسط ( والاتنين بيقولوا كدة ) مش معقولة يعنى الاتنين اجهزتهم بايظة ) وعندك اسكرين شوت من تليفوناتهم

وصدقنى الموضوع مش موضوع الاس 4 والاس 5 , ماانت الاس 5 المفروض انة اسرع على الورق وطلعتة بيهنج واضغف واحد فيهم عادى يعنى

مش انا قولتلك اى رد هتقولى ان الجهازين فيهم مشاكل هههههههههههه

فعادى بقى خلاص ياباشا

ربنا ياجماعة يباركلكوا فى تليفوناتكوا ويارب ماتشوفوا فيها مشاكل ابدا

هههههههههههههه

وايه الحاجات الغريبة اللي انا كتبتها علي الاس 4 !!!!

هو عشان انا قلت ان الزد 2 احسن وده مش كلامي لوحدي والله ده كلام كل الناس اللي انا اعرفها وده الطبيعي اصلا انه يبقي احسن منه في كل حاجة عشان احدث
وامكانياته اعلي منه وده سواء علي او علي الورق او علي ارض الواقع لان استحالة فرق اﻹمكانيات دي كلها ومفيش بالنسبالك فرق 1% علي ارض الواقع

ﻷ وكمان بتقول اﻷس 4 اسرع اللي هو اقل منه في كل حاجة طيب الواحد يصدق الكلام ده ازاي وانا طبعا مش مصدق ومش مقتنع نهائي

انك بتقول الاس 4 افضل

وهو مش افضل ولا في البطارية ولا في السرعة ولا في اي حاجة خاااااااالص

والجهازين كانوا معايا وقارنتهم ببعض والزد 2 متفوق في كل حاجة تقريبا

انتا بقي بتقول انه بيهنج في لعبة traffic racer وبيفتح ابطأ لعبة اسفلت 8 من الاس 4 ههههههههه مع انه بيفتحها اسرع من الاس 5 و النوت 3 اللي هما اقوي من الاس 4

امال فرق السعر والمواصفات ده ايه عاوز افهم ؟؟؟؟؟؟؟؟

يعني الزد 2 هيتفوق علي اقوي تليفونين من سامسونج ومش هيتفوق علي اﻷس 4 !!!!!!!!!!!!!! جديدة دي :D

ولما بقول اللي انتا جاربته مش مظبوط تقولي يبقي ايه المظبوط في التليفونات دي هههههههه

طيب التليفون مع اخويا وشغال تمام ومع اصحابي وشغال تمام والاستاذ شريف اللي معاه التليفون علطول وعارف كل صغيرة وكبيرة فيه بيقول عكس اللي انتا بتقوله تماماً وكمان التليفون عنده مش بيسخن ومش بيقفل كاميرا وكمان بيقول انه مع صحابه ومحدش بيشتكي وانا قلتلك ده قبل كده وانتا مش مصدقني

وسيبت كل ده وجبت التليفونين دول وعاوزني اقتنع بيهم !!!!!

يبقي انتا جبت الكلام ده منين يا باشا !!!!!

وبردو في موضوع الكاميرا قلتلي اثبتلي ان الزد 2 افضل رفعتلك بتاع 7 صور لكل جهاز والاس 4 كان علي اعلي دقة والزد 2 كان علي 8 ميجا بس

والناس كلها اقتنعت وقالت رأيها ان الزد 2 افضل واقرب للواقع

ولما رديت قلت الفلاش بتاع تليفوني ضعيف ﻷ وبرغم كده بتقول بردو ان الاس 4 افضل هههههههههههههههههههههههههه

ولما رفعتلك 7 صور تانيين بتأكد ان الجهاز مش فلاشه ضعيف قولتلي الصور دي تمام ومفهاش مشاكل

يبقي كده المفروض الفلاش بتاعي مش ضعيف

لكن بردو انتا سيبت كل الصور وجيت علي صورة السيراميك وقلت بردو الفلاش ضعيف ههههههههههههههههه

يعني هو تمام في الصور اللي بفلاش اللي انا رفعتهملك اخر مرة وجه علي الصور اللي فيها المقارنة مع الزد 2 وبقي ضعيف مثلا !!!!!!

يا ريت افهمها دي يا باشا ؟

وبعدين سيبك خالص من المقارنة اللي انا عاملها الفيديو اللي انا جبتهولك ده يطلع ايه مهو مبين اوي ان الزد 2 احسن من الاس 4

وكان ايه ردك بقي يا باشا ؟

انه مفيش فرق واضح !!!!!!! دي اول حاجة

وكمان الفيديو للاس 4 النسخة I9505 !!!!!!!!!! جبتها منين دي يا باشا والنبي عاوز اعرف ؟

الراجل اللي في الفيديو مقلقش كده خالص ولا هو قال وانا مش واخد بالي يا ريت تقولي يا باشا

وبعدين حتي لو للنسخة I9505 احنا عارفين كويس ان الفرق مش كبير ومش واضح ومش بيبان غير في التصوير الليلي والراجل مصور اغلب الصور بالنهار كمان


وبعدين انتا اللي بتقول كلام غريب جداً عن الزد 2 كفاية ان انتا بتقول انه بيهنج في traffic racer طيب ما طالما بيهنج في لعبة زي دي يبقي طبيعي يهنج في اسفلت 8 ويفتح ابطأ من الاس 4 وده اكبر دليل انه مش مظبوط

يعني انتا عاوز تجيب تليفوني سوني بايظ وتقارنه مع اس 4 مفهوش مشاكل وتقولي ان الاس 4 اسرع هههههههههههه

طيب ما طبيعي جدااا يكون اسرع عشان الجهاز اللي انتا جربته مش مظبوط وبيهنج ايه المشكلة في كده

لكن مش عشان اللي انتا جربته فيه مشاكل

يبقي تقول ان الاس 4 افضل . مش كل الزد 2 زي التليفون اللي انتا جربته ده اكيد طبعاً ﻷنه مش بيهنج نهائي في اي لعبة وعندك الفيديوهات اللي علي اليوتيوب عمري ما شوفته بيعلق غير في spiderman 2 ودي قلنا مشكلة لعبة مش مشكلة الجهاز وبتعلق في الاس 5 و الاس 4 اكتر ما بتعلق في الزد 2 كمان

يا جدعان ملهوش لازمه الجهازين كويسين و لكل واحد عيوبه مميزاته مش لازم نفضل نصغر او نكبر في تليفون او عيب و بعدين تاموقع اساسا بقه نايم :D مش لازم لما الواحد يلاقي حد بيتفاعل يبقي بيتخانق بس بالنسبه لموضع المواقع انا شايف بصراحه ان كلامهم نفسه بيختلف كتير من موقع لموقع و من ماركه لماركه و من تليفون لتليفون فمش لازم تعمتد علي كلامهم يعني مثلا في البطاريه انا لما بعوز اشوف بطاريه جهاز هما بيتكلموا عليه بشوفها في اول الفيدو كام و في اخره كام الصوت مثلا مبيبانش لان انت بتسمعه علي جهاز و ممكن صوت جهازك الي بتسمع عليه يكون افضل او احسن من الجهاز المختبر اما سرعه االاجهزه اغلبهم بيقيسوا بالبنش مارك ده حتي الشركات بيقيسو بيه و شكرات كتير بتتلاعب بيه ففالاخر الاداء بيظهرفي الاستخدام العملي و كتر حاجه مبتخلينش اقتنع بكلام المواقع ان اجهزه كتير بيظهر فيها عيوب بعد فترات او مع الاستخدام الطويل غهما مبيشوفوش الكلام ده

sherief2090

لأ ياباشا , وانا بينى وبين سونى اية عشان اشوها يعنى

وعموما ربنا يباركلك فى تليفونك ويارب ماتلاقى فية اى مشاكل

هو اصلا والله الموضوع بدأ لما لقيت الاخ يوسف عمل مقارنة ال Z2 مع الاس 4 , ولقيتة كاتب حاجات غريبة عن الاس 4 وغير اللى انا شوفتها , وعارفها عن الجهازين , فكان لازم اقولها

ادى كل الموضوع

وعموما ربنا يباركلكوا فية ياجماعة

يوسف باشا , انت طلبت منى سكرين شوت للجهاز السونى , تؤكد كلامى , جيبتلك سكرين شوت من جهازين مختلفين , بتوع اصحابى , بدرجة الحرارة وبأستهلاك البطارية

عشان انت كنت بتقول ان تليفون اخوك مش بيسخن , ودة ثالث جهاز اطلع فية نفس العيوب

- موضوع بقى المبالغة :

انا بقولها تانى وثالث ورابع , الادفانس افضل من الاس 2 وانا كنت قايل فى اية لو عايز ترجع للمشاركات ( السخونية - البطارية - الشاشة - الكاميرا مافيش فرق بينهم - وصوت الادفانس كان اعلى شوية ) انا عارف انا بقول اية كويس والله

حتى فية عضو معانا باع الادفانس واشترى S2 وجية اشتكى ان كاميرا الادفانس افضل من كاميرا الاس 2 - وافضل من الاس 3 مينى والدليل والله واضح جداا , مش محتاج يعرفة , انا عملت مقارنات كتييييييييييييييييير على الموضوع دة وعملية

بالنسبة لل l9 ياريت بس مادخلوش فى الموضوع عشان هو فية عيوب كتير كدة مش لازم نفتحها تانى

( يبقى انا مش ببالغ ) لما بقول كدة

- ودية حقيقة انا الاس 4 اول لما نزل معجبنيش بسبب موضوع السخونية - عيب البطارية , وكانت ناس مطلعة اشاعة انة صوتة واطى وان صوت التحدث واطى جداا وفية صدى صوت , فلما مسكت التليفون , طبعا لقيت حاجة تانية تماما غير اللى الناس بتقولة

ومش عارف انت تقصد بأية ان ال 4.1.2 افضل من ال 4.2.2 الاتنين واحد بس ال 4.2 متقسم , اكيد انت فهمت غلط

- شوف ياباشا انا ليا بالتليفونات اللى بمسكها , انا تقريبا كل يومين كدة بيكون معايا تليفون شكل

- لية ياباشا هو الاس 4 دة هيفضل اقوى تليفون فى العالم , بس كل اللى فى الموضوع ان لسة ماجاش الوقت اللى اقول فية ان فية حاجة احسن من الاس 4 كليا

ودة اللى انا قولتلك علية , يعنى مثلا لما قارنتة بال z2 قولتلك ال z2 يتفوق فى ( ضد المياة - حجم الشاشة - الرامات - الخامات ) يعنى قايلك يتفوق اهوة , بس فى مقابل بقى الحاجات اللى انا جربتها لقيت الاس 4 يتفوق فى ( الكاميرا - الصوت - البطارية - السخونية - الوان الشاشة - سرعة فتح لعبة الاسفلت ودية اللى انا جربتها ) طيب انت بتقول ان ال Z2 بطاريتة اقوى وانا اصحابى الاتنين وحط تحت اتنين دية 100 خط , بيقولوا عكس كلامك ورفعتلك سكرين شوت يؤكد كلامى فى البطارية والسخونية , يبقى كلام مين فينا اللى واقعى ؟؟؟

انت بتقارن الاس 4 اللى معاك بالاجهزة , طيب ياباشا انا معايا حاليا جهازين s4 مش جهاز واحد ومافيش اى تهنيج يذكر ولله الحمد , اصدق مين طيب , اصدق كلامك ولا جهازى

رفعتلك استهلاك بطارية ورفعتلك رامات وسخونية لو عايز 26 درجة الحمد لله ومع الالعاب وفى جراب جلد والحرارة الحمد لله 32 واخرها 35 درجة , وفى المكالمات حرارة ثابتة 26 درجة

انهاردة والله متكلم 38 دقيقة متواصل نزل من 79% ل 77% وكان اصلا بقالة ساعة على ال 79%

يعنى انا متكلم ساعة الا 20 دقيقة هنقول ب 2% فقط من البطارية

عرفت لية انا بقول على الاس 4 كدة ؟؟؟؟؟؟؟؟ وعرفت لية السبب اللى يخلينى اشترى تانى جهاز S4 , والله انا فى امكانى الحمد لله كنت اجيب اى تليفون موجود

بس لما الاقى تليفون بسعر الاس 4 وفية كل حاجة من اللى موجودة فى التليفونات اللى تمنها ازيد ب 1500 جنية يبقى انا حرام عليا ادفع الفرق دة وتليفون يطلع فية العيوب دية

ياباشا انا صاحبى بيوصل معاة لدرجة انة بيقفل التليفون لحد مايبرد , ومش عايز اقولك شغلة مهم قد اية , دة هو كان معاة النوت 2 بيقول برقبة السونى فى الاستخدام

مواقع اية , انا لما بيجيبلك مواقع , بتجيبلى واحد تانى وتقولى طيب ماتشوف دة , ومش هنخلص

ماانا جيبتلك مواقع كتير بتؤكد كلامى وانت بردة مش بتصدق غير اللى انت بتجيبة

وفية حاجة تبقى عارفها ياباشا ماتقارنش تحديث السامسونج بالسونى , لان الاس 4 عيب السخونية بتاعتة كانت فى الاندرويد نفسة مش فى الكيرنل , ولما اتغير خالص اتحلت بنسبة 85% ولما نزل الكيتكات اتحلت بنسبة 95% ,لكن الدور والباقى على السونى اللى نازل بالكيتكات وبيسخن بردة

مبدئيا انا مش عارف اية سر اصررك على تشوية الجهاز وشركة سونى كلها

اولا الجهاز معايا بقالة 3 اسابيع واى فاى 24 ساعة فى اليوم مبقفلهوش الا لو خرجت من البيت ولما بخرج بشتغل داتا ,
استخدمى علية نت فيس وتويتر و تانجو و واتس اب
كاميرا فديوا و تصوير ثابت فى عز الحر وقت الظهر فى الشمس بدون تكييف خارج البيت
موسيقا وراديوا اف ام
العاب كلاش اوف كلان كاندى كراش و اوقات ساب واى

الجهاز فى الاستخدام بدون العاب شبة مفيش حرارة اصلا ,,, ولما بيكون فية بتبقا خفيفة جدااااااااا
ثانيا مع الالعاب الجهاز بيسخن حبة ولكن مش جامد اوى
مع استخدام الكام فى عز الشمس والحر الجهاز بيخسن ولكن مبيقفلش معايا ولا مرة حصلت سواء فى تصوير الفديوا فل اتش دى او التصوير الثابت.

الجهاز والله الحمد مفيش اى مشكلة معايا ومع ناس اصحابى معاهم الجهاز .

اما درجة حرارة اية اللى تخلى الجهاز سخن ويوصل لدرجة 42 فا درجة حرارة الجو لوحدة اصلا بتوصل ل اكتر من كدة ما بالك بقا با جهاز شغال وكمان فى الجو دة مش الجهاز دة بس اللى كدة لو معاك 3310 هتوصل درجة الحرارة بردك كدة واكتر ولينا عبر فى اجهزة تنية كتير

طيب شوف يا اخ سمسم عشان اﻷمور كلها تكون واضحة

اولا انا ملقتش ان الجهاز مبيسخنش انا قلت انه بيسخن لكن مش مع كل الناس اللي معاها التليفون ومنهم اخويا عمره ما اشتكي من سخونية

الجهاز بيسخن طبيعي جداً زي اي سمارت فون موجود وده بيبقي نتيجة الشغل التقيل وحرارة الجو

وقلت ان السخونية دي مشكلة سوفت وهتتحل زي الاس 4 تمام


وكمان قلت انه عادي يسخن في الجو الحر انا الاس 4 عندي لما بيكون الجو حر وفي شمس جاية عليه بفتحه بلاقيه وصل 45 درجة بدون اي استخدام نهائياً ولا نت ولا غيره وهو علي الكيت كات كمان وده طبيعي جداً ممكن هبقي ارفعلك سكرين شوت يأكد كلامي

وكمان قلتلك اللي انتا استخدمته مش مظبوط وطبعاً هو مش مظبوط عشان بتقول انه بيعلق في لعبة traffic racer !!!!!

اللي بتشتغل علي اضعف اﻷجهزة وانا جربتها علي كذا تليفون امكانياته ضعيفة وعمره ما هنج يبقي هيهنج في تليفون البروسيسور بتاعه 2.3 snapdragon 801 و 3 جيجا رام و adreno 330 اللي بيشغل اقوي اﻷلعاب بدون اي مشاكل او تهنيج هههههههههههههه دي نكتة الصراحة xD

ومتزعلش مني انا مقصدش حاجة طبعاً والله

لكن انتا يا باشا اكتر واحد بتبالغ في تقييمك للسامسونج خاصاً الاس 4 اللي انتا بتقول عليه افضل تليفون ومفهوش غلطة وافضل من الزد 2 و ال M8 وكمان اسرع منه !!!!


وايام ما كان يا باشا معاك الادفانس كنت بتقول انه احسن من الاس 2 و الاس 3 ميني وال lg l9

ولما كان الاس 4 نزل وقتها انا فاكر انك كنت بتقول مفيش فرق كبير بين الاتنين وان الاندرويد 4.2.2 مش عاجبك وال 4.1.2 احسن منه وانا فاكر الكلام ده كويس اوي حضرتك كنت بتقوله في صفحة الادفانس

وبعد ما جبت الاس 4 بتقول انه احسن تليفون بردو زي الادفانس

وعلي فكرة انا عمري ما شوفتك يا باشا بتقول ان تليفون احسن من الاس 4 بعد ما حضرتك جبته

يعني بتقارنه مع الزد 1 وتقول اقوي منه وبتقارنه مع الجي 2 وبتقول اقوي منه و مع النيكسيس 5 بردو نفس الكلام والنوت 3 نفس الكلام وكمان الاس 5 بتقول انه اضعف في الشاشة والبطارية والصوت وكمان الكاميرا ازاي معرفش !!!!!


يبقي كده يا باشا بقي مين اللي بيبالغ في كلامه ؟؟؟؟؟؟؟؟؟

هاتلي دليل واحد بس مقنع يثبت ان الاس 4 افضل في اي حاجة من اساسه هاتلي موقع يقول ان اسرع وافضل من اي جهاز من اللي انا قلتلك عليهم

هاتلي حد هنا في الموقع بيقول زيك انه احسن تليفون ومفهوش غلطة من ملاك الجهاز او غيره

وقولي علي حد من اللي شاركوا معانا الفترة اللي فاتت اقتنعوا ان الاس 4 افضل من اي تليفون من دول

والله ياباشا زى مانت شايف , كدة الحرارة عاملة ازاى

وعلى فكرة هو جو اية اللى حر , اللى يوصل التليفون للحرارة دية ؟ 45 درجة بدون العاب نت فقط لية ياباشا

وكمان التليفون انت شايف استهلاكة قد اية 17 ساعة من 93%

عايز اقولك صاحبى مخنوف جداااااااااا , من التليفون لانة لسة جايبة وهو اصلا كان خايف بس ماكانش عاجبة الاس 5 فراح قال اجرب سونى لاول مرة , وعايز اقولك كرهة المرة اللى فكر فيها يشترى سونى وغالبا هيبيعة

موضوع بقى التحديث هو فعلا نزل تحديث للسونى بس محلش المشكلة

وانا جيبت جهازين عشان بس كان الاخ يوسف ماكنش مصدقنى وبيقولى الجهاز اللى انت كنت بتجربة اكيد بايظ , فانا جيبتلة جهازين واحد ضمان دولى والتانى ضمان محلى والاتنين نفس العيوب الحرف ( بطارية مش بتكمل اليوم - سخونية عالية جداا - صوت واطى ومش عالى )

ياريت بس محدش يبالغ فى حاجة عشان زى ماقولت قبل كدة فية ناس بتشترى على كلامنا دة

الاول انا معرفش المواضيع القديمه و ثانيا انا ممسكتش Z2 بس بما ان فيه نفس cpu / gpu فديه مش مشكله هاردوير ديه مشكله سوفت و طالما سوفت تبقي سهله و اكيد سوني هتالجها فابديت و برده متنساش ان الجو اصلا حر و انا شوفت في سفحه النوت 3 ان في الفتره الاخير ناس كانت بتشتكي ان الاجهزه بتسخن بسرعه عشان الحر